Қазақстанда кәсіпкерлерді тексеру екі есеге төмендеді, қылмыстық істер үш есеге қысқарды - Бас прокуратура
Астана. 6 қазан. Kazakhstan Today -Толық емес төрт айда прокурорлық араласу нәтижелері бойынша кәсіпкерлерді тексеру екі есеге төмендеді, ал оларға қатысты қылмыстық істер үш есеге қысқарды. Бұл туралы бүгін Бас прокуратурада алқа отырысында ҚР Бас прокуроры Жақып Асанов мәлім етті, деп хабарлайды Kazakhstan Today.
Алқа отырысында "Кәсіпкерлік саласындағы прокуратура қадағалауы" тақырыбында өткен форум ұсыныстарын іске асыру бойынша Жол картасын орындаудыӊ алғашқы нәтижелері талқыланды, деп хабарлайды Бас прокуратураныӊ баспасөз қызметі.
Бас Прокурор үш ай бұрын Бас прокуратураныӊ форумында тұсау кесер рәсімі өткен жол картасыныӊ аясында жүргізілген жұмыстардыӊ алғашқы нәтижелерімен бөлісті. Жоба проблемалы мәселелерді бірлесіп шешуге және елде қалыпты бизнес-климатын құруға жақсы мүмкіндік береді.
"Форум өткеннен кейінгі кезеӊде, толық емес төрт айда прокурорлық араласу нәтижелері бойынша кәсіпкерлерді тексеру екі есеге төмендеді; қылмыстық істер үш есеге қысқарды (2015 жылдыӊ 3 тоқсанында 4687-ден 2016 жылдыӊ сәйкес кезеӊінде 1324-ке дейін); СДБТ тіркеуінсіз хабарламалар бірден уәкілетті органдарға берілген жағдайлар төрт есеге көбейді (2015 жылдыӊ 3 тоқсанында 690-нан 2016 жылдыӊ сәйкес кезеӊінде 2538-ге дейін)",- деді бас прокурор.
Оныӊ айтуынша, бақылау-қадағалау функцияларын оӊтайландыру, бизнеске деген талаптарды қысқарту бойынша ұсыныстар дайындалды, олар қазіргі уақытта уәкілетті мемлекеттік органдарда пысықталуда.
Бизнеске жұртшылықты тарта отырып, атқарылып жатқан жұмыстар шеӊберінде колонияларда 26 кәсіпкер өз істерін бастады, 400-ден аса қамаудағы адам жұмысқа тартылды. Сондай-ақ ауылдық әкімдер үшін бизнес дамытудыӊ толық жоспары әзірленді, ол өӊірлерде апробациядан өткізілуде.
Бас прокуратураныӊ сайтында арнайы формуляр орналастырылған, ол бизнесті дамыту үшін кедергі келтіретін нормаларды көрсетеді. Бұл сілтемелер "Атамекен" Ұлттық кәсіпкерлер палатасыныӊ және "Нұр Отан" партиясыныӊ барлық өӊірлік сайттарында қолжетімді, деді ол.
Белгіленген жоспарларды атай отырып, Жақып Асанов осы іс-шаралардыӊ уақтылы және сапалы іске асырылуын басты назарға алу керек екенін, онда негізгі үйлестірушілер Ұлттық экономика министрлігі және "Атамекен" Қазақстан Республикасыныӊ Ұлттық кәсіпкерлер палатасы болу қажет екенін айтты.
Жол картасын іске асырудыӊ алдыӊғы қорытындысын жасай келе, Бас Прокурор аумақтық прокуратураларды және мемлекеттік органдарды бизнес қауымдастығымен конструктивті өзара іс-қимыл жасауға шақырды.
Бас прокуратураныӊ барлық мүдделі тараптармен талқылауыныӊ қорытындысы бойынша өзектендірілген Жол картасы бекітілді, онда бизнесті қорғаудыӊ жекелеген іс-шараларына түзетулер жасалды.
Осы Картаны іске асыру шеӊберінде кешенді заӊнамалық және өзге де ұйымдастыру-практикалық шаралар ұсынылады.
Аталаған іс-шараға Парламент Сенаты мен Мәжілісініӊ депутаттары, Президент Икімшілігініӊ және Премьер-Министр Кеӊсесініӊ жауапты қызметкерлері, мүдделі орталық мемлекеттік органдардыӊ, Жоғарғы Соттыӊ, "Атамекен" Қазақстан Республикасыныӊ Ұлттық кәсіпкерлер палатасы және "Нұр Отан" партиясы жанындағы Кәсіпкерлікті қолдау республикалық қоғамдық кеӊесініӊ өкілдері қатысты.
Ақпаратты пайдаланИан жаИдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық қИқық.
тақырып бойынша жаңалықтар
Бектенов Атырау облысында су басу қаупін азайту үшін қабылданып жатқан шаралардың барысын тексерді
Қазақстан Премьер-Министрі Олжас Бектенов Мемлекет басшысы Қасым-Жомарт Тоқаевтың тапсырмаларын орындау аясында Атырау облысында су басу қаупін азайту үшін қабылданып жатқан шаралардың барысын тексерді, деп хабарлайды Үкіметтің баспасөз қызметінен.
Олжас Бектенов облыс орталығындағы тұрғын үй алаптары бекіністерін тексеру барысында Атырау қаласының су тасқынының болжамды екінші толқынына дайындық жұмыстарымен танысты. Батыс өңірде Ресей Федерациясының Ириклин су қоймасынан судың келуіне байланысты, сондай-ақ Жайық өзеніне құйылар сағадағы ірі тасқын мен су деңгейінің көтерілуі салдарынан жағдай күрделі күйінде қалып отыр.
Бұрын хабарланғандай, Батыс Қазақстан облысындағы ірі су тасқынынан кейін ағын су өзен арнасымен Атырау облысына қарай жылжып, Каспий теңізіне құяды. Соңғы тәулікте БҚО тарапынан келетін судың әсерінен Атырау қаласында су деңгейінің 6 см-ге көтерілуі тіркелді (су тасқыны басталғаннан бері жалпы көтерілуі 227 см-ді құрады).
Тұрғын үй алаптарын нығайту, сондай-ақ Жайықтың өткізу қабілетін арттыру үшін өзен түбін тереңдету жұмыстарының қарқыны тексерілді. Тиісті күштердің көлемді судың келуіне дайындық деңгейін қарап көрді.
Үкімет басшысы Олжас Бектенов Атырау облысына су тасқыны жағдайы тұрақтанған өңірлерден әскери қызметшілер мен техниканы жедел жеткізіп, күштерді арттыруды тапсырды.
Бүгінгі таңда су тасқынының алдын алу шараларының 92%-ы орындалды. Жұмысты тиімді жүргізу үшін қала 111 секторға бөлінген. Ұзындығы 482 км қорғаныс бөгеттері салынды, аяқталған учаскелер техникалық қадағалау арқылы тексерілді. Жұмыстарға ТЖМ, ІІМ, Қорғаныс министрлігі, Ұлттық ұланның 6 мыңға жуық әскери қызметшісі, әкімдік қызметкерлері, 2 мыңға жуық техника жұмылдырылған. Еріктілер тарапынан белсенді көмек көрсетілуде. Өткен сенбіде жағалауды нығайту сенбілігі аясында қаланы қорғау жұмыстарына 9 мыңға жуық ерікті қатысты.
Сонымен қатар Жайық өзенінен Каспий теңізіне су өткізу қабілетін арттыру үшін өзен түбін тереңдету жұмыстары жүргізілуде. Су жолдарын тазарту, тереңдету және кеңейту мақсатында арнайы техникалық флоттық кемелер, гидравликалық экскаваторлар қолданылуда.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Көктемгі дала жұмыстарына қосымша 400 миллиард теңгеге дейін қаражат тартылады
Көктемгі дала жұмыстарын оңтайлы егіншілік уақытында жүргізу бүгінгі күннің маңызды міндеттерінің бірі болып табылады. Бұл мiндеттi орындау үшiн ауыл шаруашылығы тауарын өндiрушiлердiң ұзақ уақыт бойы шектелген қарыз қаражатына қол жеткiзуi тиiс.
Егіс жұмыстарын жеңілдетілген несиелендіруге 2024 жылы "Аграрлық несие корпорациясы" АҚ арқылы 140 миллиард теңге, "Азық-түлік корпорациясы" АҚ арқылы 40 миллиард теңге көлемінде бюджет қаражаты бөлінді, деп хабарлайды ҚР Ауылшаруашылық министрлігінің баспасөз қызметінен.
Осы қаражатты ескере отырып, Қазақстан Республикасы Ауыл шаруашылығы министрлігінің бағалауы бойынша көктемгі дала жұмыстарын қаржыландырудағы тапшылық шамамен 1,3 триллион теңгені құрайды.
Дегенмен, Қазақстан Республикасының Үкіметі егіс науқанын қаржыландыруға қолжетімділікті арттыру бойынша жұмыс жүргізуде.
Мемлекет басшысының тапсырмасы бойынша көктемгі егіс жұмыстарын жүргізуге берілетін несиенің пайыздық мөлшерлемесін субсидиялауға қаражат бөлу арқылы қосымша 400 миллиард теңгеге дейін қаражат тартылады.
Осы мақсаттарға Үкімет резервінен 60 млрд теңге бөлініп, ол қарыз несиелерінің құнын төмендетуге, сондай-ақ ауыл шаруашылығы тауарын өндірушілердің несиелеріне кепілдік беруге бағытталады.
Бұл тәсіл ауыл шаруашылығы кәсіпорындарына егіс жұмыстарын жүргізу үшін жылдық бірден 5% несие қаражатын беруге және жеткілікті кепілдік болмаған жағдайда несие сомасының 85% дейін кепілдік беруге мүмкіндік береді.
Ереже жобасы бүгін жергілікті атқарушы органдар мен Орталық мемлекеттік басқару органдарына келісу үшін жіберіледі.
Сондай-ақ бүгінде азық-түлік корпорациясын қосымша қаржыландыру үшін "Азық-түлік корпорациясы" 200 мың тонна астықты тауарлық несиелеу бағдарламасын жүзеге асыруға кірісті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Тоқаев Қазақстан халқы Ассамблеясы төрағасының орынбасарларын тағайындады
Сурет: Akorda
Тоқаев Қазақстан халқы Ассамблеясы төрағасының орынбасарларын тағайындады, деп хабарлайды Ақорданың баспасөз қызмтінен.
Мемлекет басшысының өкімдерімен Лугмар Харкиевич Буларов және Юрий Германович Шин Қазақстан халқы Ассамблеясы Төрағасының орынбасарлары болып тағайындалды", деп көрсетілген Өкім мәтінінде.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Есірткі саудасының 50 пайыздан астамы Астана, Алматы және Алматы облыстарына тиесілі - ҚМА
ҚМА есірткі құралдары мен прекурсорлардың таралуы тұрғысынан Telegram мессенджерінің арналары, әлеуметтік желілер мен хабарландыру сервистері қамтылған жаһандық желіге мониторинг жүргізуде, деп хабарлайды агенттіктің баспасөз қызметінен.
Мессенджерлердегі 300-ге жуық арна, тыйым салынған заттар сатылатын 4 ірі Darknet маркетплейс көзге түсті.
Ел аумағында Telegram арналары арқылы есірткі және психотроптық заттарды тұрақты негізде жарнамалаумен және сатумен айналысқан 80 пайдаланушының жеке басы анықталды.
Интернет-кеңістіктің Қазақстандық сегментіне жүргізілген мониторинг нәтижесінде 35 мыңға жуық қатысушысы бар есірткі сататын 3 ірі алаң,
есірткі заттарынының әлеуетті тұтынушылары болып табылатын 10 мыңға жуық адамның жеке басы анықталды.
Талдау көрсеткендей, тұтынушылардың 50% - дан астамы Астана, Алматы қалалары мен Алматы облысына тиесілі.
Агенттік өткен жылы айналымы 25,6 млрд теңгені құрайтын 36 есірткі дүкенін анықтады.
Биыл Telegram мессенджерінде 60 есірткі арнасына тиесілі 59 карт-шот анықталды.
Қаржылық барлау бөлімшесінің алдын ала талдау қорытындысы бойынша аталған дүкендердегі ақша қаражатының жалпы айналымы 3 млрд теңгені құрады.
Айналымы 82 млн теңгені құрайтын есірткі дүкендерінің бірі бойынша материалдар ІІМ-ге жолданды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.