Қазақстанда жаңартылмалы электр энергиясы көздері белгіленген тарифтер бойынша сатып алынады
"Жаңартылған энергия көздерін қолдау туралы қазіргі заңға өзгертулер енгізіледі, ол осы электр энергиясын сатып алуға белгіленген тарифтерін қамтамасыз етеді. Жаңартылған энергия көздері жобасынан электр энергиясы жүйелік оператор жанында ұйымдастырылған бірыңғай есептік орталықпен сатып алынатын деңгейді белгіленген тарифтер анықтайды", - деді Г.Дорошин.
Астана. 28-мамыр. Kazakhstan Today - Жаңартылатын көздердің электр энергиясы белгіленген тарифтер бойынша бірыңғай есептік орталықпен сатып алынады, деп хабарлайды Kazakhstan Today агенттігінің тілшісі.
Бұл туралы ҚР-да БҰҰ дамыту бағдарламасының энергия тиімділігі мен энергетиканың жаңартылатын көздері бойынша кеңесшісі Геннадий Дорошин мәлім етті.
"Жаңартылған энергия көздерін қолдау туралы қазіргі заңға өзгертулер енгізіледі, ол осы электр энергиясын сатып алуға белгіленген тарифтерін қамтамасыз етеді. Жаңартылған энергия көздері жобасынан электр энергиясы жүйелік оператор жанында ұйымдастырылған бірыңғай есептік орталықпен сатып алынатын деңгейді белгіленген тарифтер анықтайды", - деді Г.Дорошин.
Сарапшының айтуынша, мұндай механизм белгілі бір дәрежеде бюрократиялық тосқауылдарды азайтып, ЖЭК саласындаға инвестициялық жобаларды қарау тұрғысынан инвестордың ашықтығы мен ыңғайлылығын қамтамасыз етеді.
Бұдан өзге, БҰҰДБ өкілі ЖЭК бойынша инвестициялық жобаларды келісу кезінде туындаған қиындықтарды жоюға мүмкіндік беріп, баламалы энергетиканы дамытуға серпін болатынын атап өтті.
ЖЭК энергиясының қымбат тұратынына қатысты БҰҰДБ сарапшысы уақыт өте келе баламалы көздерден алынатын энергия арзандап, алғашқы инвестицияларды қайтару мерзімімен қамтамасыз етеді деп есептейді.
"Инвестор банкпен есептескен соң электр энергиясының құны сәйкесінше төмен болады", - деп толықтырды Г.Дорошин.
Осылайша, оның айтуынша, өтемділік мерзімінен өткен жел электр станцияларынан алынатын электр энергиясының құны шамамен 5 цент деңгейінде, яғни бұл қазіргі электр энергиясы рыногіндегі құн.
Айта кету керек, жаңартылатын көздерімен өндірілетін энергия үшін белгіленген тарифтер сызбасы инвестициялық және пайдалану шығынынан, сонымен қатар желіге қосу шығындарынан тұрады.
Осылайша, ЖЭК-нің әр түріне республика бойынша бірыңғай тариф бекітіледі. Тарифтердің жарамдылық мерзімі де белгіленеді, осы мерзімде жаңартылатын энергия көздерін түгел сатып алу кепілденеді.
Белгіленген тарифтер келесі кезеңдерді қайта қарауға жатады.
Бүгінгі таңда республикада ЖЭК-нің 25 жобасы жүбзеге асырылған, оның ішінде Рождественский кордонында Болотовты орнату, Гумилев атындағы ЕҰУ шатырындағы күн құрылғылары, Алматы облысының тау өзендерінде пайдалануға жалпы бекітілген қуаттылығы шамамен 20 МВт болатын 5 кіші ГЭС енгізілген.
Сонымен қатар, 2013 жылы бірқатар жобаларды жүзеге асыруға кірісу жоспарланған, оның ішінде қуаттылығы 45 МВт болатын Ерейментау жел паркі құрылысының бірінші кезеңі. Жел паркінің жалпы қуатттылығы 300 МВт-ты құрайды. Аталған жоба ЭКСПО-2017 нысандарын қамтамасыз ететін энергия көзі ретінде жұмыс жасауы тиіс.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Тоқаев су тасқыны кезінде имидждік және басқа да ірі іс шараларды өткізуден бас тартуды тапсырды
Сурет: akorda
Мемлекет басшысы еліміздің бірқатар өңіріндегі су тасқынына байланысты қалыптасқан күрделі жағдайды ескере отырып, сондай-ақ бюджет қаржысын үнемдеу мақсатында Үкіметке, орталық мемлекеттік және жергілікті атқарушы органдарға имидждік және басқа да ірі іс-шараларды өткізбеу жөнінде тапсырма берді, деп хабарлайды Ақорданың баспасөз қызметінен.
Мен бюджет қаржысын үнемдеу мақсатында ірі халықаралық форумды өткізуден бас тарттым. Сонымен қатар Дүниежүзілік көшпенділер ойындарына жұмсалатын шығынды қысқартамыз. Әрине, қазір бұл шарадан түпкілікті бас тарту мүмкін емес. Бірақ оған жұмсалатын қаржы көлемі айтарлықтай азаяды. Бұдан бөлек, еліміздің Токиода өтетін Дүниежүзілік көрмеге қатысуына бөлінген бюджет те қысқарады", – деді Президент.
Қасым-Жомарт Тоқаев барлық мемлекеттік органға су тасқыны салдарынан сабақ алуы керек екенін айтты.
Бізде мұндай апаттарды алдын ала ескерту жүйесі жетіспейді. Қажетті мамандар да тапшы. Қазір гидротехник кадрларды даярлау туралы шұғыл шешім қабылданды", – деді Мемлекет басшысы.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Оралда су тасқынының келесі толқынына дайындық қызу жүргізілуде
Қазақстан Премьер-Министрі Олжас Бектенов су тасқынына қарсы іс-шараларды үйлестіру үшін Орал қаласында жүр. Үкімет басшысы өңірге келісімен Жайық өзенінің жағалауын нығайту және бөгет құрылыстарын салу жұмыстарының барысын тексерді, деп хабарлайды Үкіметтің баспасөз қызметінен.
Сонымен қатар Олжас Бектенов жағдайды бақылау үшін өңір аумағында орналасқан су қоймаларының өзен арнасын тікұшақпен аралайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
БҚО үлкен суға дайындық үстінде
Батыс Қазақстан облысында ауқымды су тасқынының алдын алу шаралары қабылдануда. Су тасқынына қарсы жұмыстарды жүргізу үшін өңірде шоғырланған күштер тобы 6,3 мың адамнан асты, деп хабарлайды ҚР ПРемьер-министрінің баспасөз қызметінен.
Үкіметтің тапсырмасы бойынша елді мекендерден үлкен суды бұрып әкету және су тасқынынан келетін шығынды азайту үшін барлық күштер мен құралдар жұмылдырылды.
Облыста ТЖМ-ның 1 мыңнан астам қызметкері, Ұлттық ұланның 700-ден астам, Қорғаныс министрлігінің 600 әскери қызметшісі жұмылдырылды. Жұмысқа волонтерлік ұйымдардың қатысушылары тартылды. 1,5 мың арнайы техника жұмылдырылды, оның 790-ы БҚО-ға еліміздің басқа өңірлерінен келген.
Негізгі міндет - елді мекендердің тұрғындары мен олардың үйлерін су тасқынынан қорғау. Жайық, Шаған, Деркөл өзендерінің бойындағы жағалауды нығайту жұмыстары жүргізілуде. Атап айтқанда, 700 мың құм толтырылған қапшық және 3 710 мың тонна инертті материал төселді. Қорғаныс үйінділері 4-5 метр биіктікке дейін көтерілді.
Қазіргі уақытта Оралда жедел-эвакуациялау пункттері ашылды, өңірде "Жедел желі" жұмыс істейді - оған 512 қоңырау келіп түсті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Әскери билеттер цифрлық форматқа ауыстырылды
Әскери билеттер цифрлық форматқа ауыстырылды, деп хабарлайды ҚР Қорғаныс министрлігінің баспасөз қызметінен.
Жұмысқа орналасу немесе оқу орнына қабылдау кезінде құжатты түпнұсқада ұсыну туралы талап алынып тасталды.
Енді жұмыс беруші азаматтың әскери қызметке қатынасы туралы мәліметтерді egov.kz электрондық үкімет ресурсын пайдалана отырып, автоматты түрде алады.
Заңнама бойынша заңды тұлғалар азаматтардың әскери қызметіне қатынасы туралы деректерді тіркеуге міндетті. Сондықтан кадр қызметтері бұрын әскери есепке алу құжаттарын (әскери билеттер, тіркеу туралы куәлік, әскери қызмет өткергенін растау туралы анықтама және т.б.) талап еткен.
Қорғаныс министрлігі Еңбек және халықты әлеуметтік қорғау, Цифрлық даму, инновациялар және аэроғарыш өнеркәсібі министрліктерімен, ҚР Мемлекеттік қызмет істері агенттігімен бірлесіп жұмыс берушінің сұрауына автоматты түрде жауап алуға мүмкіндік беретін интеграциялық жұмыстар жүргізді.
- Өткен жылдан бастап біз осы процестерді цифрландыру жөнінде жұмыс жүргіздік. Атап айтқанда, ақпараттық жүйені әзірлеп, оны іргелес мемлекеттік органдардың мәліметтер базасымен біріктірдік. Инновация кадрлық қызметтердің жұмысын жеңілдетіп, азаматтарды анықтама алу үшін уақыт жұмсаудан босатады. Егер бұрын бұл процестер бірнеше аптаға созылса, бүгінде бұл бір күнде жасалады, - деді Қорғаныс министрінің орынбасары Дархан Ахмедиев.
Жеке ұйымдар "Е-Еңбек" ақпараттық жүйесінде, мемлекеттік мекемелерде "Е-Қызмет" ресурсын пайдалана отырып, қызметкерлердің есебін жүргізетін болады.
Сонымен қоса әскери билет Қарулы күштер қатарында, басқа да әскерлер мен әскери құралымдарда әскери қызмет өткергендерге ғана берілетінін атап өткен жөн.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Алматыда арнайы сейсмологиялық зерттеу жүргізіледі
Алматыда Қазақстан президенті Қасым-Жомарт Тоқаевтың тапсырмасы бойынша арнайы сейсмологиялық зерттеу жүргізіледі, деп хабарлайды Ақорданың баспасөз қызметінен.
Тараздағы гидромелиоративтік-құрылыс институтын қайта қалпына келтіру жөнінде шешім қабылдадық. Оқу орнын материалдық-техникалық тұрғыдан толық жабдықтау керек. Сейсмология институтының жағдайы да мәз емес. Үкіметке осы институттың ғылыми әлеуетін арттыруға қатысты нақты ұсыныстар дайындауды тапсырдым. Сондай-ақ сейсмологияны және сейсмикалық режимді бақылау құралдарын дамыту бойынша пайдалы ұсыныстар әзірленуге тиіс.
Менің тапсырмаммен Алматы аумағына арнайы сейсмологиялық зерттеу жүргізіледі. Әкімдік үш жылдық зерттеу жұмыстарына қаржы бөледі. Энергетикалық апатты, эпидемияны, қуаңшылықты болжау және оның алдын алу мәселесі аса маңызды. Жауапты министрліктер тиісті саланы, ал әкімдіктер аймақтарды дамыту бағдарламаларын қайта қарауы керек. Әсіресе, төтенше жағдай туындау қаупі бар-жоғын мұқият зерттеу қажет. Бұл жұмысқа ғылыми қауымдастықты жұмылдырған жөн. Яғни гидрология, климатология, география, инженерия және өзге де сала мамандарын тарту қажет.
Тағы да қайталап айтқым келеді, мемлекеттік органдар барлық істе, ең алдымен, сапалы ғылыми қорытындыға сүйенуі керек. Бұл - өте маңызды міндет. Шешімдер әбден пысықталып, нақты негізделіп барып, қабылдануға тиіс. Талдау жүргізіп, ахуалды болжау үшін ғалымдардың қолында, зерттеу орталықтарында қажетті құрал-жабдықтар болуға тиіс"
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.