АСТАНА. 14-ақпан. Kazakhstan Today. Конституциялық кеңес 2006-жылдың 30-қарашасында парламент қабылдап, 2006-жылдың 7-желтоқсанында президенттің қол қоюына ұсынылған "ҚР кейбір заңнамалық актілеріне адвокатура мәселелері бойынша өзгерістер мен толықтырулар енгізу туралы" заңын Ата заңға сай келмейді деп таныды. Конституциялық кеңестің осы жөніндегі қаулысын бүгін кеңес төрағасы Игорь Рогов мәжілістің жалпы отырысында оқып берді, деп хабарлайды Kazakhstan Today тілшісі.
"Парламентте қабылданған "ҚР кейбір заңнамалық актілеріне адвокатура мәселелері бойынша өзгерістер мен толықтырулар енгізу туралы" заңы Ата заңға сай келмейді деп тануды Конституциялық кеңес қаулы етеді. Бұл заңға президент қол қоюға және ол күшіне енуге тиіс емес. Конституциялық кеңестің қаулысы қол қойылған сәттен бастап күшіне енеді және ел аумағында жаппай орындалуға тиіс, бұл қаулыға қарсы шағымдануға болмайды", деп мәлімдеді И.Рогов.
Оның айтуынша, Конституциялық кеңес ел үкімет басшысының өткен жылғы 29-желтоқсандағы өтініші бойынша аталмыш заңның Конституцияға сәйкестігін қарауға кіріскен.
"Үкімет басшысы депутаттар енгізген түзету бойынша Қазақстанда коммерциялық емес ұйым ретінде адвокаттар одағын құру, оған адвокаттар коллегияларын міндетті түрде мүшелікке қабылдау, сонымен біруақытта осындай функциясы бар басқа да құрылымдарды құруға тыйым салу туралы ережелердің Конституцияға сәйкестігі туралы сауал тастады", деді И.Рогов Конституциялық кеңестің отырысынан кейін өткен брифингте үкімет басшысының сұрағы туралы берген түсініктемесінде.
Конституциялық кеңес төрағасының түсініктемесіне сәйкес, қазір республикамызда "адвокаттарды ерікті түрде мүшелікке қабылдайтын қоғамдық бірлестік түрінде адвокаттар одағы жұмыс істейді". "Ал енді тағы да осы атаумен мүлдем басқаша құрылым құру ұсынылып отыр", деді ол.
"Конституциялық кеңестің пайымдауынша, бір атаумен қоғамдық бірлестік бар кезде осындай атаумен мүлдем басқаша субьект құрып, оған адвокаттар коллегияларын міндетті түрде мүшелікке қабылдау және осындай бірлестіктер құруға тыйым салу шын мәнінде азаматтардың конституциялық құқығына қайшы, бұл жағдайда адвокаттардың құқығы бұзылады", деді кеңес төрағасы.
Заңды толық тексеріп шыққан Конституциялық кеңес Ата заңды бұзуға қатысты тағы да бірқатар жайттарды анықтады. Роговтың бағалауынша, мұндай нормаға лицензиясы бар адвокат "адвокаттар коллегиясына тек салық төлеуші ретінде тіркелген жерінде ғана мүшелікке қабылданады" деген норма да жатады.
"Салық кодексіне сәйкес, салық тіркеуі тұрғылықты жеріне байланысты болғандықтан, кеңес бұл жерден адамның тұрғылықты жерін еркін таңдау және еркін еңбек ету құқығын бұзу оқиғасын көріп отыр", деді кеңес төрағасы.
Сонымен бірге, Конституциялық кеңестің мүшесі Николай Белоруковтың айтуынша, заңда орыс және қазақ тіліндегі редакциялардың айырмашылығы анықталған. Мәселен, 27-ші бапта жаңадан құрылатын адвокаттардың өзін-өзі басқару органының мәртебесі әр түрлі айқындалған. "Егер орыс тіліндегі нұсқада Адвокаттар одағы - үкіметтік емес және коммерциялық емес ұйым деп көрсетіліп, бұл одаққа заңды тұлғалар ретінде адвокаттар коллегиялары міндетті түрде мүшелікке өту принципіне негізделеді, олардың бәрі де адвокаттар одағына міндетті түрде мүше болуға тиіс делінсе, қазақ тілінде былай деп жазылған: "Адвокаттар одағы адвокаттар коллегиясына міндетті түрде мүше болуға негізделген" деп жазылған", деді Н.Белоруков.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Конституциялық кеңес адвокатура мәселері бойынша заңнамалық актілерге енгізілетін түзетулерді Ата заңға сай келмейді деп таныды (толықтырылған нұсқа)
тақырып бойынша жаңалықтар
Бектенов Атырау облысында су басу қаупін азайту үшін қабылданып жатқан шаралардың барысын тексерді
Қазақстан Премьер-Министрі Олжас Бектенов Мемлекет басшысы Қасым-Жомарт Тоқаевтың тапсырмаларын орындау аясында Атырау облысында су басу қаупін азайту үшін қабылданып жатқан шаралардың барысын тексерді, деп хабарлайды Үкіметтің баспасөз қызметінен.
Олжас Бектенов облыс орталығындағы тұрғын үй алаптары бекіністерін тексеру барысында Атырау қаласының су тасқынының болжамды екінші толқынына дайындық жұмыстарымен танысты. Батыс өңірде Ресей Федерациясының Ириклин су қоймасынан судың келуіне байланысты, сондай-ақ Жайық өзеніне құйылар сағадағы ірі тасқын мен су деңгейінің көтерілуі салдарынан жағдай күрделі күйінде қалып отыр.
Бұрын хабарланғандай, Батыс Қазақстан облысындағы ірі су тасқынынан кейін ағын су өзен арнасымен Атырау облысына қарай жылжып, Каспий теңізіне құяды. Соңғы тәулікте БҚО тарапынан келетін судың әсерінен Атырау қаласында су деңгейінің 6 см-ге көтерілуі тіркелді (су тасқыны басталғаннан бері жалпы көтерілуі 227 см-ді құрады).
Тұрғын үй алаптарын нығайту, сондай-ақ Жайықтың өткізу қабілетін арттыру үшін өзен түбін тереңдету жұмыстарының қарқыны тексерілді. Тиісті күштердің көлемді судың келуіне дайындық деңгейін қарап көрді.
Үкімет басшысы Олжас Бектенов Атырау облысына су тасқыны жағдайы тұрақтанған өңірлерден әскери қызметшілер мен техниканы жедел жеткізіп, күштерді арттыруды тапсырды.
Бүгінгі таңда су тасқынының алдын алу шараларының 92%-ы орындалды. Жұмысты тиімді жүргізу үшін қала 111 секторға бөлінген. Ұзындығы 482 км қорғаныс бөгеттері салынды, аяқталған учаскелер техникалық қадағалау арқылы тексерілді. Жұмыстарға ТЖМ, ІІМ, Қорғаныс министрлігі, Ұлттық ұланның 6 мыңға жуық әскери қызметшісі, әкімдік қызметкерлері, 2 мыңға жуық техника жұмылдырылған. Еріктілер тарапынан белсенді көмек көрсетілуде. Өткен сенбіде жағалауды нығайту сенбілігі аясында қаланы қорғау жұмыстарына 9 мыңға жуық ерікті қатысты.
Сонымен қатар Жайық өзенінен Каспий теңізіне су өткізу қабілетін арттыру үшін өзен түбін тереңдету жұмыстары жүргізілуде. Су жолдарын тазарту, тереңдету және кеңейту мақсатында арнайы техникалық флоттық кемелер, гидравликалық экскаваторлар қолданылуда.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Көктемгі дала жұмыстарына қосымша 400 миллиард теңгеге дейін қаражат тартылады
Көктемгі дала жұмыстарын оңтайлы егіншілік уақытында жүргізу бүгінгі күннің маңызды міндеттерінің бірі болып табылады. Бұл мiндеттi орындау үшiн ауыл шаруашылығы тауарын өндiрушiлердiң ұзақ уақыт бойы шектелген қарыз қаражатына қол жеткiзуi тиiс.
Егіс жұмыстарын жеңілдетілген несиелендіруге 2024 жылы "Аграрлық несие корпорациясы" АҚ арқылы 140 миллиард теңге, "Азық-түлік корпорациясы" АҚ арқылы 40 миллиард теңге көлемінде бюджет қаражаты бөлінді, деп хабарлайды ҚР Ауылшаруашылық министрлігінің баспасөз қызметінен.
Осы қаражатты ескере отырып, Қазақстан Республикасы Ауыл шаруашылығы министрлігінің бағалауы бойынша көктемгі дала жұмыстарын қаржыландырудағы тапшылық шамамен 1,3 триллион теңгені құрайды.
Дегенмен, Қазақстан Республикасының Үкіметі егіс науқанын қаржыландыруға қолжетімділікті арттыру бойынша жұмыс жүргізуде.
Мемлекет басшысының тапсырмасы бойынша көктемгі егіс жұмыстарын жүргізуге берілетін несиенің пайыздық мөлшерлемесін субсидиялауға қаражат бөлу арқылы қосымша 400 миллиард теңгеге дейін қаражат тартылады.
Осы мақсаттарға Үкімет резервінен 60 млрд теңге бөлініп, ол қарыз несиелерінің құнын төмендетуге, сондай-ақ ауыл шаруашылығы тауарын өндірушілердің несиелеріне кепілдік беруге бағытталады.
Бұл тәсіл ауыл шаруашылығы кәсіпорындарына егіс жұмыстарын жүргізу үшін жылдық бірден 5% несие қаражатын беруге және жеткілікті кепілдік болмаған жағдайда несие сомасының 85% дейін кепілдік беруге мүмкіндік береді.
Ереже жобасы бүгін жергілікті атқарушы органдар мен Орталық мемлекеттік басқару органдарына келісу үшін жіберіледі.
Сондай-ақ бүгінде азық-түлік корпорациясын қосымша қаржыландыру үшін "Азық-түлік корпорациясы" 200 мың тонна астықты тауарлық несиелеу бағдарламасын жүзеге асыруға кірісті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Тоқаев Қазақстан халқы Ассамблеясы төрағасының орынбасарларын тағайындады
Сурет: Akorda
Тоқаев Қазақстан халқы Ассамблеясы төрағасының орынбасарларын тағайындады, деп хабарлайды Ақорданың баспасөз қызмтінен.
Мемлекет басшысының өкімдерімен Лугмар Харкиевич Буларов және Юрий Германович Шин Қазақстан халқы Ассамблеясы Төрағасының орынбасарлары болып тағайындалды", деп көрсетілген Өкім мәтінінде.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Есірткі саудасының 50 пайыздан астамы Астана, Алматы және Алматы облыстарына тиесілі - ҚМА
ҚМА есірткі құралдары мен прекурсорлардың таралуы тұрғысынан Telegram мессенджерінің арналары, әлеуметтік желілер мен хабарландыру сервистері қамтылған жаһандық желіге мониторинг жүргізуде, деп хабарлайды агенттіктің баспасөз қызметінен.
Мессенджерлердегі 300-ге жуық арна, тыйым салынған заттар сатылатын 4 ірі Darknet маркетплейс көзге түсті.
Ел аумағында Telegram арналары арқылы есірткі және психотроптық заттарды тұрақты негізде жарнамалаумен және сатумен айналысқан 80 пайдаланушының жеке басы анықталды.
Интернет-кеңістіктің Қазақстандық сегментіне жүргізілген мониторинг нәтижесінде 35 мыңға жуық қатысушысы бар есірткі сататын 3 ірі алаң,
есірткі заттарынының әлеуетті тұтынушылары болып табылатын 10 мыңға жуық адамның жеке басы анықталды.
Талдау көрсеткендей, тұтынушылардың 50% - дан астамы Астана, Алматы қалалары мен Алматы облысына тиесілі.
Агенттік өткен жылы айналымы 25,6 млрд теңгені құрайтын 36 есірткі дүкенін анықтады.
Биыл Telegram мессенджерінде 60 есірткі арнасына тиесілі 59 карт-шот анықталды.
Қаржылық барлау бөлімшесінің алдын ала талдау қорытындысы бойынша аталған дүкендердегі ақша қаражатының жалпы айналымы 3 млрд теңгені құрады.
Айналымы 82 млн теңгені құрайтын есірткі дүкендерінің бірі бойынша материалдар ІІМ-ге жолданды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.