26.02.2008, 13:11 3073

ҚР премьер-министрі Қазақстанда қант импортына квота енгізу мәселесіне арналған үкімет қаулысына қол қойды (толықтырылған нұсқа)

ҚР премьер-министрі Қазақстанда қант импортына квота енгізу мәселесіне арналған үкімет қаулысына қол қойды (толықтырылған нұсқа)

Астана. 26 ақпан. "Қазақстан Бүгін" - ҚР премьер-министрі Кәрім Мәсімов Қазақстанда қант импортына квота енгізу мәселесіне арналған үкімет қаулысына қол қойды, бұл туралы премьер -министрдің баспасөз қызметі бүгін журналистерге хабарлады.

"Қазір үкіметтің отырысында қант квотасын енгізу мәселесі талқыланып, премьер-министр бұған қатысты тиісті қаулыға қол қойғанын айтты", - деп хабарлайды баспасөз қызметі.

Бұдан бұрын хабарланғанындай, ауыл шаруашылық министрі Ахметжан Есімов үкіметтің кеше өткен алқа жиынында қант бағасының өзгеруіне орай тиісті сақтандыру шараларын қолға алуды хабарлаған болатын.

"Жыл басынан бері бір келі қант бағасы 100 теңге деңгейінде тұрды. Бірақ қант бағасы өзгеруі мүмкін, өйткені Ресей ішкі нарықты сыртқы импорттан сақтандыру үшін күшейтілген шараларды қолға алды. Ал бұл біздегі жағдайды тұрақсыздандыруы мүмкін", - деді А. Есімов.

"Сондықтан біз тиісті қаулыны қабылдауымыз керек. Ол туралы сіздер білесіздер", - деді ол.

Оған дейін ҚР индустрия және сауда министрі импорттық ақ қантқа квота енгізу жөнінде қаулысының жобасына қол қойған. Жоба үкіметтің қарауында болған.

Жоба бойынша "шетелден келісім- шарт бойынша жеткізілетін ақ қантқа белгілі бір квота енгізу қарастырылған ".

Квота қысқа мерзімге ғана енгізіледі. Жоба бойынша шектеулер 1 қазан айына дейін қойылады.

Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті

МӘТІННЕН ҚАТЕ ТАПТЫҢЫЗ БА?

Оны тінтуірмен таңдап, Ctrl + Enter пернелерін басыңыз.

тақырып бойынша жаңалықтар

Ең көп оқылғаны