ҚР премьер-министрі Серік Ахметов "Самұрық-Қазына" АҚ алқасының кеңейтілген отырысына қатысты
Бүгін ҚР Премьер-Министрі Серік Ахметовтың қатысуымен өткен "Самұрық-Қазына" ҰИҚ АҚ алқасының кеңейтілген отырысында Қор қызметінің өткен жылға қортындысы мен осы жылға тапсырмалары анықталды.
Астана. 8-ақпан. Kazakhstan Today - ҚР премьер-министрі Серік Ахметов "Самұрық-Қазына" АҚ алқасының кеңейтілген отырысына қатысты, деп хабарлайды Kazakhstan Today агенттігінің тілшісі.
Бүгін ҚР Премьер-Министрі Серік Ахметовтың қатысуымен өткен "Самұрық-Қазына" ҰИҚ АҚ алқасының кеңейтілген отырысында Қор қызметінің өткен жылға қортындысы мен осы жылға тапсырмалары анықталды.
2012 жылы жасалған жұмыстардың нәтижелері жайында мәлімдей отырып, Қор басшысы Өмірзақ Шүкеев стратегияны жүзеге асыру мақсатында бірқатар жүйелі тапсырмалар шешілгенін атап өтті.
Есеп беру кезеңінде Ө.Шүкеев мәлімдегендей екінші деңгейдегі банктарды есепке алмағанда Қордың шоғырланған таза табысы 697 млрд. теңгені құрады, бұл жоспарлық деңгейді 14%-ға және өткен жылғы мәліметтен 11%-ға асып түсті. Сонымен қатар, оның айтуынша таза табыстың өсуіне "уранды экспортқа шығарудың бағасы мен көлемінің төмендегені, мұнай бағасының өткен жылдың дейңгейінде сақталуы, мұнай шығару көлемінің төмендеуі" әсер еткен жоқ.
"Халықтық IPO" бағдарламасы жүзеге асырылуда. Азаматтар үшін тәуекелді азайту мақсатында Қор Лондон қор биржасында қолданылатын халықаралық стандарттарды ұстанады. Бұл бағыттағы жұмыстың табыстылығы қор биржасында "ҚазТрансОйл" АҚ акцияларына сұраныстың көптігінен көрініп отыр. Бұл компанияның акцияларына сұраныс ұсыныстан екі есеге асып түсті.
Талқылауды қортындылай келіп, Үкімет Басшысы Президент Н.И.Назарбаев "Стратегия - 2050" атап айтқан "Қазақстан экономикасы өсуінің негізгі қозғаушы күші елдің индустриялық-инновациялық дамуын жүзеге асыру" тапсырмаларын орындауда "Самұрық-Қазына" ҰИҚ АҚ рөлінің ерекше екенін атап өтті.
С.Ахметов айтқандай "дағдарыс кезеңінің тапсырмалары орындалды, енді активтерді тиімді басқарып, Қор тобына кіретін компаниялардың ұзақ мерзімді құнын арттыру керек".
Үкімет басшысы, сонымен қатар "корпоративтік басқарудың жоғары көрсеткіштеріне жету, оперативтік табыстың, жоғары қосылған құны бар ғылымды қажет ететін маңызды өндірістерді құру және озық технологияларды қолдануды" маңызды деп санайды.
С.Ахметов Қор басшылығына бірқатар тапсырмалар берді. Бірінші орында мұнай-газ, көлік салаларындағы ірі инвестициялық жобаларды жүзеге асыруды бақылау, енгізілген өндірістерді жобалық қуаттылыққа шығару, еншілес компаниялардың ұзақ мерзімді құнын арттыру атап өтілді. "Халықтық IPO" бағдарламасының екінші толқынын жүзеге асыру керектігін атап өтіп, С.Ахметов "KEGOC" АҚ-ын ағымдағы жылдың бірінші жартыжылдығында қор нарығына шығаруды тапсырды.
Үкімет Басшысы ЭКСПО-2017 көремсі объектілерін энергиямен жабдықтау және Астанада "Жасыл орам" салуды, тауарларды, жұмыстар мен қызметтерді сатып алуда жергілікті мазмұн үлесін арттыруды тапсырды.
"Кластерлеуді қатыстыру, жергілікті мазмұнды дамыту, бейінді емес активтерді жеке секторға шығару, отандық кәсіпкерлікті дамытуды мемлекетті қолдауда Қордың айтарлықтай үлесі болып табылады",-деді Үкімет Басшысы және "Қор үлгілі жұмыс беруші, Қазақстандағы бизнестің әлеуметтік жауапкершілік үлгісі болу керек" екенін атап өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Бектенов Атырау облысында су басу қаупін азайту үшін қабылданып жатқан шаралардың барысын тексерді
Қазақстан Премьер-Министрі Олжас Бектенов Мемлекет басшысы Қасым-Жомарт Тоқаевтың тапсырмаларын орындау аясында Атырау облысында су басу қаупін азайту үшін қабылданып жатқан шаралардың барысын тексерді, деп хабарлайды Үкіметтің баспасөз қызметінен.
Олжас Бектенов облыс орталығындағы тұрғын үй алаптары бекіністерін тексеру барысында Атырау қаласының су тасқынының болжамды екінші толқынына дайындық жұмыстарымен танысты. Батыс өңірде Ресей Федерациясының Ириклин су қоймасынан судың келуіне байланысты, сондай-ақ Жайық өзеніне құйылар сағадағы ірі тасқын мен су деңгейінің көтерілуі салдарынан жағдай күрделі күйінде қалып отыр.
Бұрын хабарланғандай, Батыс Қазақстан облысындағы ірі су тасқынынан кейін ағын су өзен арнасымен Атырау облысына қарай жылжып, Каспий теңізіне құяды. Соңғы тәулікте БҚО тарапынан келетін судың әсерінен Атырау қаласында су деңгейінің 6 см-ге көтерілуі тіркелді (су тасқыны басталғаннан бері жалпы көтерілуі 227 см-ді құрады).
Тұрғын үй алаптарын нығайту, сондай-ақ Жайықтың өткізу қабілетін арттыру үшін өзен түбін тереңдету жұмыстарының қарқыны тексерілді. Тиісті күштердің көлемді судың келуіне дайындық деңгейін қарап көрді.
Үкімет басшысы Олжас Бектенов Атырау облысына су тасқыны жағдайы тұрақтанған өңірлерден әскери қызметшілер мен техниканы жедел жеткізіп, күштерді арттыруды тапсырды.
Бүгінгі таңда су тасқынының алдын алу шараларының 92%-ы орындалды. Жұмысты тиімді жүргізу үшін қала 111 секторға бөлінген. Ұзындығы 482 км қорғаныс бөгеттері салынды, аяқталған учаскелер техникалық қадағалау арқылы тексерілді. Жұмыстарға ТЖМ, ІІМ, Қорғаныс министрлігі, Ұлттық ұланның 6 мыңға жуық әскери қызметшісі, әкімдік қызметкерлері, 2 мыңға жуық техника жұмылдырылған. Еріктілер тарапынан белсенді көмек көрсетілуде. Өткен сенбіде жағалауды нығайту сенбілігі аясында қаланы қорғау жұмыстарына 9 мыңға жуық ерікті қатысты.
Сонымен қатар Жайық өзенінен Каспий теңізіне су өткізу қабілетін арттыру үшін өзен түбін тереңдету жұмыстары жүргізілуде. Су жолдарын тазарту, тереңдету және кеңейту мақсатында арнайы техникалық флоттық кемелер, гидравликалық экскаваторлар қолданылуда.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Көктемгі дала жұмыстарына қосымша 400 миллиард теңгеге дейін қаражат тартылады
Көктемгі дала жұмыстарын оңтайлы егіншілік уақытында жүргізу бүгінгі күннің маңызды міндеттерінің бірі болып табылады. Бұл мiндеттi орындау үшiн ауыл шаруашылығы тауарын өндiрушiлердiң ұзақ уақыт бойы шектелген қарыз қаражатына қол жеткiзуi тиiс.
Егіс жұмыстарын жеңілдетілген несиелендіруге 2024 жылы "Аграрлық несие корпорациясы" АҚ арқылы 140 миллиард теңге, "Азық-түлік корпорациясы" АҚ арқылы 40 миллиард теңге көлемінде бюджет қаражаты бөлінді, деп хабарлайды ҚР Ауылшаруашылық министрлігінің баспасөз қызметінен.
Осы қаражатты ескере отырып, Қазақстан Республикасы Ауыл шаруашылығы министрлігінің бағалауы бойынша көктемгі дала жұмыстарын қаржыландырудағы тапшылық шамамен 1,3 триллион теңгені құрайды.
Дегенмен, Қазақстан Республикасының Үкіметі егіс науқанын қаржыландыруға қолжетімділікті арттыру бойынша жұмыс жүргізуде.
Мемлекет басшысының тапсырмасы бойынша көктемгі егіс жұмыстарын жүргізуге берілетін несиенің пайыздық мөлшерлемесін субсидиялауға қаражат бөлу арқылы қосымша 400 миллиард теңгеге дейін қаражат тартылады.
Осы мақсаттарға Үкімет резервінен 60 млрд теңге бөлініп, ол қарыз несиелерінің құнын төмендетуге, сондай-ақ ауыл шаруашылығы тауарын өндірушілердің несиелеріне кепілдік беруге бағытталады.
Бұл тәсіл ауыл шаруашылығы кәсіпорындарына егіс жұмыстарын жүргізу үшін жылдық бірден 5% несие қаражатын беруге және жеткілікті кепілдік болмаған жағдайда несие сомасының 85% дейін кепілдік беруге мүмкіндік береді.
Ереже жобасы бүгін жергілікті атқарушы органдар мен Орталық мемлекеттік басқару органдарына келісу үшін жіберіледі.
Сондай-ақ бүгінде азық-түлік корпорациясын қосымша қаржыландыру үшін "Азық-түлік корпорациясы" 200 мың тонна астықты тауарлық несиелеу бағдарламасын жүзеге асыруға кірісті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Тоқаев Қазақстан халқы Ассамблеясы төрағасының орынбасарларын тағайындады
Сурет: Akorda
Тоқаев Қазақстан халқы Ассамблеясы төрағасының орынбасарларын тағайындады, деп хабарлайды Ақорданың баспасөз қызмтінен.
Мемлекет басшысының өкімдерімен Лугмар Харкиевич Буларов және Юрий Германович Шин Қазақстан халқы Ассамблеясы Төрағасының орынбасарлары болып тағайындалды", деп көрсетілген Өкім мәтінінде.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Есірткі саудасының 50 пайыздан астамы Астана, Алматы және Алматы облыстарына тиесілі - ҚМА
ҚМА есірткі құралдары мен прекурсорлардың таралуы тұрғысынан Telegram мессенджерінің арналары, әлеуметтік желілер мен хабарландыру сервистері қамтылған жаһандық желіге мониторинг жүргізуде, деп хабарлайды агенттіктің баспасөз қызметінен.
Мессенджерлердегі 300-ге жуық арна, тыйым салынған заттар сатылатын 4 ірі Darknet маркетплейс көзге түсті.
Ел аумағында Telegram арналары арқылы есірткі және психотроптық заттарды тұрақты негізде жарнамалаумен және сатумен айналысқан 80 пайдаланушының жеке басы анықталды.
Интернет-кеңістіктің Қазақстандық сегментіне жүргізілген мониторинг нәтижесінде 35 мыңға жуық қатысушысы бар есірткі сататын 3 ірі алаң,
есірткі заттарынының әлеуетті тұтынушылары болып табылатын 10 мыңға жуық адамның жеке басы анықталды.
Талдау көрсеткендей, тұтынушылардың 50% - дан астамы Астана, Алматы қалалары мен Алматы облысына тиесілі.
Агенттік өткен жылы айналымы 25,6 млрд теңгені құрайтын 36 есірткі дүкенін анықтады.
Биыл Telegram мессенджерінде 60 есірткі арнасына тиесілі 59 карт-шот анықталды.
Қаржылық барлау бөлімшесінің алдын ала талдау қорытындысы бойынша аталған дүкендердегі ақша қаражатының жалпы айналымы 3 млрд теңгені құрады.
Айналымы 82 млн теңгені құрайтын есірткі дүкендерінің бірі бойынша материалдар ІІМ-ге жолданды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.