ҚР Президенті Бурабайда өткен "Біржан - Сара" операсын тамашалады
Мемлекет басшысы Нұрсұлтан Назарбаев "Бурабай" курортыныӊ аумағында композитор М.Төлебаевтыӊ "Біржан-Сара" операсыныӊ ашық аспан астында өткен қойылымына барды.
Астана. 16 шілде. Kazakhstan Today - Абылай ханныӊ тарихи алаӊында "Біржан - Сара" операсы open air форматында қойылды. Алғаш рет Бурабай аспаныныӊ астында М.Төлебаевтыӊ "Біржан - Сара" спектаклі қойылды. 14 шілде күні қазақ операсыныӊ інжу-маржанын еліміздіӊ бас театры "Астана Операныӊ" айтулы әртістері орындады. Көкшеніӊ әсем тауларыныӊ баурайында орналасқан Абылай хан алаӊы басты екі кейіпкердіӊ махаббат тарихы өрбіген мекенге айналды.
Жоба ҚР Мәдениет және спорт министрлігініӊ қолдауымен Астананыӊ 20 жылдығы аясында жүзеге асырылды.
"Біржан - Сара" - "Астана Опера" жылнамасыныӊ айшықты беті. Дәл осы операмен 2013 жылы елордалық театрдыӊ алғашқы шымылдығы түрілген еді. 2018 жылдыӊ сәуір айында "Астана Опера" ультра заманауи декорациялар мен бірегей костюмдерді пайдалану арқылы жаӊа музыкалық-сахналық редакцияны көрермен назарына ұсынды. Бұдан кейін астаналық театрдыӊ қазақ операсын жүзеге асырудағы ізденістері табысты аяқталды деп нық сеніммен айтуға болады.
Осынау жаӊартылған спектакльді Бурабай тұрғындары мен қонақтары тамашалай алды. "Ашық аспан астындағы залда" отырған әрбір көрерменге қойылым авторлары Асхат Маемиров, Абзал Мұхитдинов, Софья Тасмағамбетова мен Павел Драгунов ұлттық сюжет негізіндегі жалпы адамзаттық мән-мағынаны жеткізе алды.
Жұлдызды аспан, қылқан жапырақтардыӊ хош иісі мен самал жел ерекше атмосфера жасады. Спектакльдіӊ өн бойы табиғатпен керемет үйлесті. Туған өлкесініӊ сұлу табиғатын әнге қосқан Біржанныӊ (Мейір Байнеш) сөздері туындыға асқақ реӊк пен ғаламат ауқым берді.
"Астана Опера" вокалистері ашық аспан астында өнер көрсету бойынша мол тәжірибеге ие. Осы сынды жобаларды театр бірнеше жыл көлемінде жүзеге асырып келеді. Дегенмен, труппа барлық спектакльдерді Астана төрінде орындаған, сондықтан мизансценаларды дайындап, жаӊа "жанды декорацияларға" бой үйрету үшін әртістер Бурабай өлкесіне ертерек жол тартты, ал сол маӊдағы туристер дайындық барысына қызығушылық танытты.
Басты партияларды театрдыӊ жетекші солистері тамаша орындап шықты. Көптеген халықаралық байқаулардыӊ лауреаты Мейір Байнеш (Біржан) керемет актерлік шеберлігі мен вокалдық дарынын паш етті. Сара - Қазақстанныӊ еӊбек сіӊірген әртісі, мемлекеттік сыйлықтыӊ лауреаты Майра Мұхамедқызы өз кейіпкерініӊ нәзік сезімін жеткізе отырып, бейнесін нық сеніммен көрсетті, тыӊдарман қауым әртісті ыстық ықыласпен қабыл алып, қошемет білдірді. Жанбота - Қазақстанныӊ еӊбек сіӊірген қайраткері Жанат Шыбықбаев пен Аналық - Қазақстанныӊ еӊбек сіӊірген қайраткері Дина Хамзина сахнада жанын сала өнер көрсетті, олардыӊ дарыны арқасында айрықша театр сиқыры сезілді. Қазақстанныӊ еӊбек сіӊірген қайраткері Салтанат Ахметова мен көптеген халықаралық байқаулардыӊ лауреаты Талғат Ғалеев Ақмола облысыныӊ тумасы, сондықтан да олар туған өлкесінде ерекше ықыласпен ән салды. Салтанат қызғаншақ Алтынайдыӊ рөлін керемет сомдады. Талғат Жиенқұлдыӊ партиясын тамаша алып шықты. Қожағұл - Шыӊғыс Расылхан, Серік - Рамзат Балакишиев, Естай - Бейімбет Таӊарықов өз кейіпкерлерініӊ сан қырын ашып, нақышпен жеткізе алды.
Қарағайлы орманныӊ арасынан "Астана Опера" Симфониялық оркестрін есту айрықша таӊсық жайт болды. Алайда, музыканттар әрдайым шеберліктерініӊ жоғары деӊгейін көрсетуде. Оркестрге қоюшы дирижер - Қазақстанныӊ еӊбек сіӊірген қайраткері Абзал Мұхитдиновтыӊ өзі басшылық етті. Бас хормейстер Қазақстанныӊ еӊбек сіӊірген қайраткері Е.Дәуітовтыӊ жетекшілігімен хор да өз шеберліктерін көрсетті.
Айрықша әсерге бөленген қауым елордалық әртістерді сахнадан жібермей, ыстық ықыластарын білдірді, ду қол шапалақтыӊ дауысы орманныӊ қалыпты тыныштығын бұзды, ал сыбдыр қаққан ағаш жапырақтары көрерменмен бірге қол соғып, қошемет білдіргендей әсерде болды. Керемет үндестік орын алды. Асқақ өнердіӊ мерекесі ойдағыдай өтті.
Еске салар болсақ, қоюшы режиссер - PhD докторы, Қазақстанныӊ еӊбек сіӊірген қайраткері А.Маемиров, кеӊесші режиссер - Беларусь Үлкен театрыныӊ бас режиссері, Г.Тукай атындағы Татарстан Республикасы Мемлекеттік сыйлығыныӊ лауреаты М.Панджавидзе, режиссер - Н.Кагадий, балетмейстерлер - М.Авахри, Қазақстанныӊ еӊбек сіӊірген қайраткері А.Тәти, қоюшы режиссердіӊ ассистенті - Е.Тойкенов. Қоюшы суретшілер мен сценографтар - С.Тасмағамбетова мен П.Драгунов.
Жоба "Қазақ әуендері" қоғамымен бірге жасалды.
Ақпаратты пайдаланИан жаИдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық қИқық.
тақырып бойынша жаңалықтар
Қонаев қаласының әкімі тағайындалды
Сурет: gov.kz
Алматы облысы әкімінің өкімімен Бердіханов Асхат Ермекұлы Қонаев қаласының әкімі болып тағайындалды, деп хабарлайды Алматы облысы әкімдігінің баспасөз қызметінен.
Асхат Бердіханов 1975 жылы туған, білімі-жоғары. 1995 жылы Павлодар каласының машина жасау колледжін "Өнеркәсіптік кәсіпорындардың электр жабдығы" мамандығы бойынша, 2005 жылы С.М. Торайғыров атындағы Павлодар мемлекеттік университетін "Заңгер" мамандығы бойынша, 2015 жылы Еуразиялық технологиялық университетін "Электроэнергетика" мамандығы бойынша, 2017 жылы С.М. Торайғыров атындағы Павлодар мемлекеттік университетін "Энергетика және электротехника" мамандығы бойынша, 2022 жылы А.Сагинов атындағы Қарағанды техникалық университетін "Құрылыс" мамандығы бойынша бітірген. Еңбек жолын 1995 жылы Павлодар трактор зауытында электромонтер болып бастаған.
Әр жылдары құқық қорғау органдарында әртүрлі лауазымдарда жұмыс істеді. Балқаш жылу электр станциясы Басқарма төрағасының орынбасары, "Самұрық-Энерго" акционерлік қоғамының бас менеджері, "Алатау Жарық компаниясы" АҚ бас инженері, "Samruk-Kazyna Construction" басқармасының бастығы, Түркістан облысының энергетика және тұрғын үй-коммуналдық шаруашылық басқармасы басшысының орынбасары, Ұ.Қантаев атындағы Мойнақ гидроэлектростанциясының Басқарма төрағасының бірінші орынбасары - бас инженері қызметтерін атқарды.
2023 жылдың наурыз айынан бастап қазіргі уақытқа дейін Алматы облысының энергетика және тұрғын үй-коммуналдық шаруашылық басқармасының басшысы болып жұмыс істеді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстанда вейпке тыйым салынады: Тоқаев заңға қол қойды
Сурет: Depositphotos
Мемлекет басшысы "Қазақстан Республикасының кейбір заңнамалық актілеріне денсаулық сақтау мәселелері бойынша өзгерістер мен толықтырулар енгізу туралы" Қазақстан Республикасының Заңына қол қойды, деп хабарлайды Ақорданың баспасөз қызметінен.
Заң медицина қызметкерлерін құқықтық және қаржылық тұрғыдан қорғау жүйесін енгізуге және олардың жауапкершілігін арттыруға, сондай-ақ жастар арасында құрамында никотині бар заттардың таралуының алдын алу және оған қарсы күресу үшін жүйелі шаралар қабылдауға бағытталған.
Заң арқылы медицина қызметкерлерінің кәсіби жауапкершілігін сақтандыру тетігі енгізілді (Заң ресми жарияланғаннан кейін 6 ай өткен соң қолданысқа енеді).
Сонымен қатар медицина қызметкерлерін қолдауға бағытталған түзетулер қабылданды. Атап айтқанда:
- тұрғылықты жері бойынша мектепке дейінгі ұйымдардан балалары үшін басым тәртіппен орын алу, кәсіби қызметіне заңсыз араласудан және кедергі келтіруден қорғау, мамандығына құрметпен қарау, медициналық мамандығы бойынша әскери қызметін өткеру немесе әскери қызметке шақыруды кейінге қалдыру құқықтары берілді;
- "Қазақстанның еңбек сіңірген дәрігері" құрметті атағы - мемлекеттік наградасы белгіленді;
- Басы артық есеп немесе ақпарат беруден босату үшін денсаулық сақтау саласындағы уәкілетті орган бұдан былай медицина қызметкерлері толтыруға міндетті құжаттама тізбесін бекітеді;
- Аса тапшы мамандықты меңгерген медицина қызметкерлері ауылдық жерге кемінде 5 жыл жұмыс істеуге келген жағдайда, оған ең төменгі жалақының 100 еселенген мөлшерінде бірреттік ақшалай төлем беріледі.
Бұдан бөлек, Заңда шегуге келмейтін темекі өнімдерін, вейптерді, хош иістендіргіштерді және оларға арналған сұйықтықтарды сатуға, таратуға, сондай-ақ оларды жарнамалауға тыйым салу қарастырылған (Бұл норма ресми жарияланғаннан кейін 60 күн өткен соң қолданысқа енгізіледі).
Заңның мәтіні баспасөзде жарияланады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстандағы су тасқынынан зардап шеккендерге үкімет қандай көмек көрсетеді
Сурет: akorda
Елімізде ауқымды су тасқынынан зардап шеккен азаматтарға келтірілген залалды өтеу процесі жалғасуда. Үкімет бұл жұмысты Мемлекет басшысы Қасым-Жомарт Тоқаевтың тапсырмасы бойынша жүргізуде, деп хабарлайды Үкіметтің баспасөз қызметінен.
Атырау, Батыс Қазақстан, Қостанай, Солтүстік Қазақстан және республиканың басқа да бірқатар облыстарының тұрғындары арнайы құрылған өңірлік комиссияларға тиісті өтініштер береді. Бүгінгі таңда 16 343 өтініш қабылданған.
Биылғы 19 сәуірдегі жағдай бойынша, зардап шеккен өңірлерде 2787 отбасы шамамен 2,4 млрд теңге сомасына 100 АЕК мөлшерінде біржолғы төлем алды. Келтірілген материалдық шығын үшін өтемақы көлемі 565,7 млн теңгеге жетті. Бұл қолдау шарасы 1377 отбасын қамтыды.
Бүгінгі таңда зардап шеккен өңірлерде 3053 тұрғын үй тексеріліп, 1807 нысан бойынша бағалау жүргізілді.
Қазірдің өзінде 206 отбасы 254 млн теңгеден астам сомаға жөндеу жұмыстарын жүргізуге төлем алып үлгерді.
Келтірілген шығынды өтеу жұмыстары жалғасуда және Үкіметтің қатаң бақылауында. Ел Президентінің тапсырмасы бойынша барлық зардап шеккен барлық азаматтарға жан-жақты көмек пен қолдау көрсетіледі.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қасым-Жомарт Тоқаев пен Садыр Жапаров екі ел өнерпаздарының гала-концертін тамашалады
Сурет: akorda
Қасым-Жомарт Тоқаев пен Садыр Жапаров екі ел өнерпаздарының гала-концертін тамашалады, деп хабарлайды Ақорданың баспасөз қызметінен.
Бейбітшілік және келісім сарайында өткен шарада Қазақстан мен Қырғызстанның танымал мәдениет қайраткерлері өнер көрсетті.
Бұдан бөлек, концертте "Астана опера" мемлекеттік опера және балет театрының әртістері, "Гүлдер", "Астана сазы", "Аркасыры" (Қырғызстан) ансамбльдері сияқты шығармашылық ұжымдар көрермендерге керемет көңіл күй сыйлады.
Бағдарлама аясында "Манас" эпосынан үзінді оқылып, қос халыққа кең тараған әндер мен күйлер орындалды. Сондай-ақ бірнеше хореографиялық композиция ұсынылды.
Сонымен қатар концертті Қырғызстанның ресми делегациясы мүшелері мен зиялы қауым өкілдері тамашалады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
"Семей орманы" резерваты мен Қазақстандағы үш облыс өрт болған жағдайда дайын емес
Сурет: ТЖМ
Семей орманы" резерваты мен Қазақстандағы үш облыс өрт болған жағдайда дайын емес, деп хабарайды Үкіметтің баспасөз қызметінен.
ҚР Премьер-Министрінің орынбасары Қанат Бозымбаев экология және табиғи ресурстар министрі Ерлан Нысанбаев пен төтенше жағдайлар министрі Шыңғыс Әріновтың қатысуымен өрт қаупі жоғары кезеңге дайындық мәселелері бойынша кеңес өткізді.
Бүгінгі таңда ТЖМ-де 441 өрт сөндіру бөлімшесі жұмыс жасайды. Өңірлерде 230 ерікті құрылым, сондай-ақ жергілікті атқарушы органдардың 709 бекеті бар. Вице-премьер мемлекеттік өртке қарсы қызмет жоқ жерлерде тағы 49 өрт сөндіру бекетін құруды жеделдетуді тапсырды.
Өрт қаупі жоғары кезеңге дайындық шеңберінде 272,5 млн га алаңда ғарыштық мониторинг жүргізілуде, алайда жер серіктерінен алынған деректер, тек ел аумағы толық барланған соң, бірнеше сағаттан кейін ТЖМ станциясына жіберіледі. Бүгінде ЦДИАӨМ виртуалды станция құру бойынша жұмыс істеуде. Бұл өрт ошағын анықтау және жер серіктен түсірілімді жүктеу арасындағы уақытты 20-40 минутқа дейін қысқартуға мүмкіндік береді.
Орман қорының қауіпсіздігін қамтамасыз ету және өрт қаупі жоғары кезеңге дайындық барысы Президент пен Үкіметтің ерекше бақылауында. Экология және табиғи ресурстар министрлігі 158 мемлекеттік орман иеленушіні тексерді. Тексеру қорытындысы бойынша ведомство басшысы Ерлан Нысанбаев "Семей орманы" резерваты, сондай-ақ Павлодар, Ақмола және Қостанай облыстары өрт қаупі жоғары кезеңге толық дайын емес деп мәлімдеді.
Сонымен қатар ЖЖМ резервінің жоқтығы, орман өрт сөндіру станциялары ғимараттарының апатты күйде не тіптен болмауы, өрт сөндіру мұнараларының жетіспеушілігі, арнайы техниканың тозуы сынды кемшіліктер анықталған. Рациялардың болмауы және арнайы киімдердің жетіспеушілігі мәселелері де өзекті.
Қанат Бозымбаев былтырғы "Семей Орманы" резерватының трагедиясы қайталанбауы тиіс екенін атап өтіп, анықталған кемшіліктерді жою бойынша шұғыл шаралар қабылдауды тапсырды.
Абай және Қостанай облыстарында болған ірі табиғи өрттердің салдары әлі де есімізде. Әрбір қызметкерді өртке қарсы арнайы киіммен, рациялармен және қажетті құрал-жабдықтармен міндетті түрде қамтамасыз ету қажеттігіне ерекше назар аударғым келеді", - деді Қанат Бозымбаев.
Кеңес қорытындысы бойынша вице-премьер өңірлердің әкімдіктеріне бір аптада табиғи өрттер қаупін төмендету бойынша өңірлік іс-шаралар жоспарын әзірлеуді және бекітуді тапсырды.
Облыс әкімдері өңірлік іс-шаралар жоспарларын іске асыруға тікелей жауапты", - деді Қанат Бозымбаев.
Сондай-ақ ТЖМ-ге бір апталық мерзімде аэровизуалды бақылау және өртті сөндіру үшін көрсетілетін тікұшақ қызметінің көлемін ұлғайту бойынша ұсыныстар енгізу тапсырылды.
Экология министрлігіне орман қоры аумағында өрттерді ерте анықтау жүйелерін орнату, орман және табиғатты қорғау мекемелерін материалдық-техникалық жарақтау жұмыстарын жандандыру тапсырылды.
Бұдан бөлек, ІІМ мен әкімдіктер өрт қаупі жоғары кезеңде жеке тұлғалардың орман қоры аумағында болуына жол бермеу, оның ішінде ықтимал қасақана өртеуден сақтау шараларын қабылдайды. Мұндай фактілер анықталған жағдайда азаматтар заңға сәйкес жауапкершілікке тартылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.