Система Orphus

ҚР президенті қазан айында ресми сапармен Түркияға барады

09.10.2012, 13:50 1120

Астана. 9-қазан. Kazakhstan Today - Қазақстан президенті Нұрсұлтан Назарбаев 11-12 қазан күндері ресми сапармен Түркияға барады, деп хабарлайды Kazakhstan Today агенттігінің тілшісі.

Бұл туралы Қазақстан сыртқы істер министрлігінің ресми өкілі Алтай Ибібұллаев мәлім етті.

"11-12 қазан күндері Қазақстан президенті Нұрсұлтан Назарбаевтың Түрік Республикасына ресми сапары болады. Сапар барысында Нұрсұлтан Назарбаев Түркия президенті Абдулла Гюлмен және премьер-министр Реджеп Эрдоганмен кездеседі", деді ол Астанада дүйсенбіде баспасөз мәслихатында.

Оның ақпаратына қарағанда, тараптар соңғы 20 жылдағы Қазақстан мен Түркия ынтымақтастығының дамуының негізгі бағыттарын , екіжақты ынтымақтастықтың жағдайы мен келешегін, өз ара тиімді экономикалық, ғылыми-мәдени, гуманитарлық байланыстарды нығайту мүмкіндіктерін талқылайды.

Сапар шеңберінде Қазақстан президенті мен Түркия премьер-министрінің қатысуымен стратегиялық ынтымақтастық кеңесінің жоғары деңгейдегі алғашқы отырысы өтпек.

Н.Назарбаевтың сапары шеңберінде Ыстамбұлда екі елдің іскерлік топтарының қатысуымен бизнес-форум және қазақстандық, түрік эстрада жұлдыздарының қатысуымен гала-концерт өтпек.

Қазақстан СІМ деректеріне қарағанда, 2011 жылдың нәтижелері бойынша екі ел арасындағы сауда айналымы 3,3 млрд долларды құраған, бұл 2010 жылдың көрсеткішінен 80% артық.

Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

При использовании информации, гиперссылка на информационное агентство Kazakhstan Today обязательна.

Комментарии

тақырып бойынша жаңалықтар

Ең көп оқылғаны