ҚР Үкіметі Еурооблигациялар шығару туралы қаулының жобасын қабылдады
"2013 жылға республикалық бюджеттің дефициті 785,2 млрд. теңге көлемінде немесе ЖІӨ-нің 2,1% шамасында бекітіліп отыр. Ішкі нарықта 537,1 млрд. теңге көлемінде құнды қағаздар шығарудың есебінен, сыртқы нарықта - 248,1 млрд. теңге, оның ішінде 150 млрд. теңге сомаға еурооблигация шығарудың есебінен дефицитті қаржыландыру жоспарлануда", - деді қаржы министрі Б.Жәмішев қаулы жобаны таныстыра отырып.
Астана. 29-қаңтар. Kazakhstan Today - Бүгін Премьер-Министр Серік Ахметовтің төрағалығымен өткен ҚР Үкіметінің отырысында "Сыртқы капитал нарықтарына мемлекеттік эмиссиялық құнды қағаздар шығару туралы" Қазақстан Республикасы Үкіметі қаулысының жобасы қабылданды, деп хабарлайды Kazakhstan Today агенттігінің тілшісі.
"2013 жылға республикалық бюджеттің дефициті 785,2 млрд. теңге көлемінде немесе ЖІӨ-нің 2,1% шамасында бекітіліп отыр. Ішкі нарықта 537,1 млрд. теңге көлемінде құнды қағаздар шығарудың есебінен, сыртқы нарықта - 248,1 млрд. теңге, оның ішінде 150 млрд. теңге сомаға еурооблигация шығарудың есебінен дефицитті қаржыландыру жоспарлануда", - деді қаржы министрі Б.Жәмішев қаулы жобаны таныстыра отырып.
Министрдің айтуынша, 2013 жылдың 1 қаңтарындағы жағдай бойынша Үкіметтің қарызы 3 626,3 млрд. теңгені құрап отыр, ондағы ішкі қарыздың үлесі - 80% немесе 2 896,9 млрд. теңге, сыртқы қарыздың үлесі - 20% немесе 729,3 млрд. теңге. 150 млрд. теңге сомаға еурооблигациялары шығарған кезде, үкіметтің сыртқы қарызы 879,3 млрд теңгенің немесе үкіметтік займдар портфелінің 24,2% құрайтын болады.
Б.Жәмішев сондай-ақ, 2012 жылдың ІІ жартысында бюджет дефицитінің 203,5 млрд. теңгеге ұлғаюының салдарынан ішкі нарықта мемлекеттік құнды қағаздар бойынша пайыздық ставканың күрт өскенін айтты.
"Егер еурооблигациялар шығару туралы шешім қабылданбаса, ішкі нарықта 150 млрд. теңге сомаға қосымша МҚҚ шығарудың салдарынан МҚҚ табыстылығына салмақ түседі және былтырғыдай мемлекеттік қарызға қызмет көрсетудің шығыстары артады",- деді Қаржы министрі өз сөзінде.
Министрдің айтуынша, төмен ставкалы купонды егемен еурооблигациялар облигациялар бойынша сыртқы міндеттемелерді қайта қаржыландыру кезінде корпоративтік сектор үшін займ алудың құнын арзандатуға негіз болады.
"Қазақстан Республикасының егемен еурооблигацияларын шығарудың маңызы зор, себебі 2013 жылы ұлттық компаниялар еурооблигациялар бойынша өз міндеттемелерін қайта қаржыландыру үшін сыртқы нарықтарға шыққалы отыр",- деп түйіндеді өз сөзін қаржы министрі.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Оралда су тасқынының келесі толқынына дайындық қызу жүргізілуде
Қазақстан Премьер-Министрі Олжас Бектенов су тасқынына қарсы іс-шараларды үйлестіру үшін Орал қаласында жүр. Үкімет басшысы өңірге келісімен Жайық өзенінің жағалауын нығайту және бөгет құрылыстарын салу жұмыстарының барысын тексерді, деп хабарлайды Үкіметтің баспасөз қызметінен.
Сонымен қатар Олжас Бектенов жағдайды бақылау үшін өңір аумағында орналасқан су қоймаларының өзен арнасын тікұшақпен аралайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
БҚО үлкен суға дайындық үстінде
Батыс Қазақстан облысында ауқымды су тасқынының алдын алу шаралары қабылдануда. Су тасқынына қарсы жұмыстарды жүргізу үшін өңірде шоғырланған күштер тобы 6,3 мың адамнан асты, деп хабарлайды ҚР ПРемьер-министрінің баспасөз қызметінен.
Үкіметтің тапсырмасы бойынша елді мекендерден үлкен суды бұрып әкету және су тасқынынан келетін шығынды азайту үшін барлық күштер мен құралдар жұмылдырылды.
Облыста ТЖМ-ның 1 мыңнан астам қызметкері, Ұлттық ұланның 700-ден астам, Қорғаныс министрлігінің 600 әскери қызметшісі жұмылдырылды. Жұмысқа волонтерлік ұйымдардың қатысушылары тартылды. 1,5 мың арнайы техника жұмылдырылды, оның 790-ы БҚО-ға еліміздің басқа өңірлерінен келген.
Негізгі міндет - елді мекендердің тұрғындары мен олардың үйлерін су тасқынынан қорғау. Жайық, Шаған, Деркөл өзендерінің бойындағы жағалауды нығайту жұмыстары жүргізілуде. Атап айтқанда, 700 мың құм толтырылған қапшық және 3 710 мың тонна инертті материал төселді. Қорғаныс үйінділері 4-5 метр биіктікке дейін көтерілді.
Қазіргі уақытта Оралда жедел-эвакуациялау пункттері ашылды, өңірде "Жедел желі" жұмыс істейді - оған 512 қоңырау келіп түсті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Әскери билеттер цифрлық форматқа ауыстырылды
Әскери билеттер цифрлық форматқа ауыстырылды, деп хабарлайды ҚР Қорғаныс министрлігінің баспасөз қызметінен.
Жұмысқа орналасу немесе оқу орнына қабылдау кезінде құжатты түпнұсқада ұсыну туралы талап алынып тасталды.
Енді жұмыс беруші азаматтың әскери қызметке қатынасы туралы мәліметтерді egov.kz электрондық үкімет ресурсын пайдалана отырып, автоматты түрде алады.
Заңнама бойынша заңды тұлғалар азаматтардың әскери қызметіне қатынасы туралы деректерді тіркеуге міндетті. Сондықтан кадр қызметтері бұрын әскери есепке алу құжаттарын (әскери билеттер, тіркеу туралы куәлік, әскери қызмет өткергенін растау туралы анықтама және т.б.) талап еткен.
Қорғаныс министрлігі Еңбек және халықты әлеуметтік қорғау, Цифрлық даму, инновациялар және аэроғарыш өнеркәсібі министрліктерімен, ҚР Мемлекеттік қызмет істері агенттігімен бірлесіп жұмыс берушінің сұрауына автоматты түрде жауап алуға мүмкіндік беретін интеграциялық жұмыстар жүргізді.
- Өткен жылдан бастап біз осы процестерді цифрландыру жөнінде жұмыс жүргіздік. Атап айтқанда, ақпараттық жүйені әзірлеп, оны іргелес мемлекеттік органдардың мәліметтер базасымен біріктірдік. Инновация кадрлық қызметтердің жұмысын жеңілдетіп, азаматтарды анықтама алу үшін уақыт жұмсаудан босатады. Егер бұрын бұл процестер бірнеше аптаға созылса, бүгінде бұл бір күнде жасалады, - деді Қорғаныс министрінің орынбасары Дархан Ахмедиев.
Жеке ұйымдар "Е-Еңбек" ақпараттық жүйесінде, мемлекеттік мекемелерде "Е-Қызмет" ресурсын пайдалана отырып, қызметкерлердің есебін жүргізетін болады.
Сонымен қоса әскери билет Қарулы күштер қатарында, басқа да әскерлер мен әскери құралымдарда әскери қызмет өткергендерге ғана берілетінін атап өткен жөн.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Алматыда арнайы сейсмологиялық зерттеу жүргізіледі
Алматыда Қазақстан президенті Қасым-Жомарт Тоқаевтың тапсырмасы бойынша арнайы сейсмологиялық зерттеу жүргізіледі, деп хабарлайды Ақорданың баспасөз қызметінен.
Тараздағы гидромелиоративтік-құрылыс институтын қайта қалпына келтіру жөнінде шешім қабылдадық. Оқу орнын материалдық-техникалық тұрғыдан толық жабдықтау керек. Сейсмология институтының жағдайы да мәз емес. Үкіметке осы институттың ғылыми әлеуетін арттыруға қатысты нақты ұсыныстар дайындауды тапсырдым. Сондай-ақ сейсмологияны және сейсмикалық режимді бақылау құралдарын дамыту бойынша пайдалы ұсыныстар әзірленуге тиіс.
Менің тапсырмаммен Алматы аумағына арнайы сейсмологиялық зерттеу жүргізіледі. Әкімдік үш жылдық зерттеу жұмыстарына қаржы бөледі. Энергетикалық апатты, эпидемияны, қуаңшылықты болжау және оның алдын алу мәселесі аса маңызды. Жауапты министрліктер тиісті саланы, ал әкімдіктер аймақтарды дамыту бағдарламаларын қайта қарауы керек. Әсіресе, төтенше жағдай туындау қаупі бар-жоғын мұқият зерттеу қажет. Бұл жұмысқа ғылыми қауымдастықты жұмылдырған жөн. Яғни гидрология, климатология, география, инженерия және өзге де сала мамандарын тарту қажет.
Тағы да қайталап айтқым келеді, мемлекеттік органдар барлық істе, ең алдымен, сапалы ғылыми қорытындыға сүйенуі керек. Бұл - өте маңызды міндет. Шешімдер әбден пысықталып, нақты негізделіп барып, қабылдануға тиіс. Талдау жүргізіп, ахуалды болжау үшін ғалымдардың қолында, зерттеу орталықтарында қажетті құрал-жабдықтар болуға тиіс"
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.