ҚР ҰҚК Шекара қызметі шекарашылары тәуелсіздік күнін атап өтті
Қазақстан Республикасы ҰҚК Шекара қызметінде кеше тәуелсіздіктіӊ 25 жылдығына арналған салтанатты жиналыс болып өтті,- деп хабарлайды ҚР ҰҚК ШҚ баспасөз қызметі.
Астана. 14 желтоқсан. Kazakhstan Today - Қазақстан Республикасы ҰҚК Шекара қызметінде кеше тәуелсіздіктіӊ 25 жылдығына арналған салтанатты жиналыс болып өтті,- деп хабарлайды ҚР ҰҚК ШҚ баспасөз қызметі.
ҚР ҰҚК Төрағасыныӊ орынбасары - Шекара қызметініӊ Директоры генерал-майор Дархан Ділманов бұл күні жеке құрамды мерекемен құттықтай отырып, қызмет барысында ерекше көзге түскен әскери қызметшілерге наградалар мен громоталар тапсырды, алғыс жариялады, ал кейбіріне кезектен тыс әскери атақ берді.
Шекараны күзету барысындағы әскери-жауынгерлік қызметті жоғары дәрежеде атқарғаны үшін, шекара күзету ісіне өзіндік ерекше үлес қосқандары үшін тәуелсіздіктіӊ 25 жылдығына орай Ұлттық қауіпсіздік комитетініӊ және Шекара қызметініӊ басшылығы атынан 1270 әскери қызметші түрлі наградалармен, грамоталармен марапатталды.
- Еліміздегі салиқалы саясаттыӊ арқасында тұрақты даму, толерантты өмір қалыптасып отыр, халқымыздыӊ әл-ауқаты артуда, - деп атап өтті ҚР ҰҚК Шекара қызметініӊ Директоры, - тәуелсіздік алған алғашқы күннен бастап еліміз үшін еӊ бір маӊызды бағыттыӊ бірі ұлттық қауіпсіздік болғаны белгілі. Осы міндеттіӊ бір тармағы - еліміздіӊ тәуелсіздігін, егемендігін қорғау, бейбіт күнді күзету міндеті Шекара қызметіне де жүктелді.
Бұл күні ҚР ҰҚК Төрағасы қолынан Шекара қызметі директорыныӊ орынбасары полковник Мұхтар Сәбидолданов ІІ дәрежелі "Айбын" орденін, Шекара қызметі "Оӊтүстік" өӊірлік басқармасы тәрбие бөлімініӊ аға офицері майор Мақсат Рысдаулетов пен 2036 әскери бөлімініӊ байланыс бөлімшесініӊ радиотелефоншысы ефрейтор Иділбек Рахметов "Ерлігі үшін" медальдарын салтанатты түрде алды. Ал "Жауынгерлік ерлігі үшін" медалін "Солтүстік" өӊірлік басқармасыныӊ бастығы полковник Жәнібек Төлегенов пен "Шығыс" өӊірлік басқармасыныӊ 2484 әскери бөлімініӊ мотоманеврлік десанттық-шабуылдаушы тобыныӊ бастығы Арман Кәрібжанов алды.
"Ерлігі үшін" медалі шекарашы сарбаздарға адам өмірін құтқарып қалған ерліктері үшін берілді - майор Мақсат Рысдәулетов биылғы жылдыӊ мамыр айында биік үйдіӊ бесінші қабатынан төртінші қабатындағы жалындаған пәтерге ешқандай қорғау құралдарынсыз түсіп, пәтердегі сәбилерді алып шықты, ал ефрейтор Иділбек Рахметов су қоймасында суға батып бара жатқан 5 сынып оқушысын құтқарып қалды.
"Қазақстан Республикасыныӊ Тәуелсіздігіне 25 жыл" мерейтойлық медалімен әскери қызметшілермен қатар шекарашы ардагерлер де наградталды.
"Қазақстан Республикасыныӊ Тәуелсіздік күні құтты болсын! Барлықтарыӊызға мықты денсаулық, баянды бақыт, отбасылық игілік және ұзақ ғұмыр тілеймін! Осыдан жиырма бес жыл бұрын Қазақстанныӊ даму тарихында жаӊа бет ашылды - тәуелсіздік жылнамасы басталды, егеменді ел болудыӊ сәті түсті. Алдағы уақытта да тәуелсіздікті тұғырландыра беру біздіӊ басты міндетіміз бола беруі керек!", - деп ерекше атап өтті Шекара қызметініӊ Директоры генерал-майор Дархан Ділманов, - Отан жолындағы адал қызметтеріӊіз үшін барлықтарыӊызға алғысым шексіз. Ируақытта осындай биік белестерден көріне беріӊіздер. Қызметтеріӊіз әрқашан мәнді де мағыналы бола берсін!".
Салтанатты шараныӊ соӊы ҚР ҰҚК Шекара қызметі ансамблініӊ көӊіл толқытар концертіне ұласты.
Ақпаратты пайдаланИан жаИдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық қИқық.
тақырып бойынша жаңалықтар
Бектенов Атырау облысында су басу қаупін азайту үшін қабылданып жатқан шаралардың барысын тексерді
Қазақстан Премьер-Министрі Олжас Бектенов Мемлекет басшысы Қасым-Жомарт Тоқаевтың тапсырмаларын орындау аясында Атырау облысында су басу қаупін азайту үшін қабылданып жатқан шаралардың барысын тексерді, деп хабарлайды Үкіметтің баспасөз қызметінен.
Олжас Бектенов облыс орталығындағы тұрғын үй алаптары бекіністерін тексеру барысында Атырау қаласының су тасқынының болжамды екінші толқынына дайындық жұмыстарымен танысты. Батыс өңірде Ресей Федерациясының Ириклин су қоймасынан судың келуіне байланысты, сондай-ақ Жайық өзеніне құйылар сағадағы ірі тасқын мен су деңгейінің көтерілуі салдарынан жағдай күрделі күйінде қалып отыр.
Бұрын хабарланғандай, Батыс Қазақстан облысындағы ірі су тасқынынан кейін ағын су өзен арнасымен Атырау облысына қарай жылжып, Каспий теңізіне құяды. Соңғы тәулікте БҚО тарапынан келетін судың әсерінен Атырау қаласында су деңгейінің 6 см-ге көтерілуі тіркелді (су тасқыны басталғаннан бері жалпы көтерілуі 227 см-ді құрады).
Тұрғын үй алаптарын нығайту, сондай-ақ Жайықтың өткізу қабілетін арттыру үшін өзен түбін тереңдету жұмыстарының қарқыны тексерілді. Тиісті күштердің көлемді судың келуіне дайындық деңгейін қарап көрді.
Үкімет басшысы Олжас Бектенов Атырау облысына су тасқыны жағдайы тұрақтанған өңірлерден әскери қызметшілер мен техниканы жедел жеткізіп, күштерді арттыруды тапсырды.
Бүгінгі таңда су тасқынының алдын алу шараларының 92%-ы орындалды. Жұмысты тиімді жүргізу үшін қала 111 секторға бөлінген. Ұзындығы 482 км қорғаныс бөгеттері салынды, аяқталған учаскелер техникалық қадағалау арқылы тексерілді. Жұмыстарға ТЖМ, ІІМ, Қорғаныс министрлігі, Ұлттық ұланның 6 мыңға жуық әскери қызметшісі, әкімдік қызметкерлері, 2 мыңға жуық техника жұмылдырылған. Еріктілер тарапынан белсенді көмек көрсетілуде. Өткен сенбіде жағалауды нығайту сенбілігі аясында қаланы қорғау жұмыстарына 9 мыңға жуық ерікті қатысты.
Сонымен қатар Жайық өзенінен Каспий теңізіне су өткізу қабілетін арттыру үшін өзен түбін тереңдету жұмыстары жүргізілуде. Су жолдарын тазарту, тереңдету және кеңейту мақсатында арнайы техникалық флоттық кемелер, гидравликалық экскаваторлар қолданылуда.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Көктемгі дала жұмыстарына қосымша 400 миллиард теңгеге дейін қаражат тартылады
Көктемгі дала жұмыстарын оңтайлы егіншілік уақытында жүргізу бүгінгі күннің маңызды міндеттерінің бірі болып табылады. Бұл мiндеттi орындау үшiн ауыл шаруашылығы тауарын өндiрушiлердiң ұзақ уақыт бойы шектелген қарыз қаражатына қол жеткiзуi тиiс.
Егіс жұмыстарын жеңілдетілген несиелендіруге 2024 жылы "Аграрлық несие корпорациясы" АҚ арқылы 140 миллиард теңге, "Азық-түлік корпорациясы" АҚ арқылы 40 миллиард теңге көлемінде бюджет қаражаты бөлінді, деп хабарлайды ҚР Ауылшаруашылық министрлігінің баспасөз қызметінен.
Осы қаражатты ескере отырып, Қазақстан Республикасы Ауыл шаруашылығы министрлігінің бағалауы бойынша көктемгі дала жұмыстарын қаржыландырудағы тапшылық шамамен 1,3 триллион теңгені құрайды.
Дегенмен, Қазақстан Республикасының Үкіметі егіс науқанын қаржыландыруға қолжетімділікті арттыру бойынша жұмыс жүргізуде.
Мемлекет басшысының тапсырмасы бойынша көктемгі егіс жұмыстарын жүргізуге берілетін несиенің пайыздық мөлшерлемесін субсидиялауға қаражат бөлу арқылы қосымша 400 миллиард теңгеге дейін қаражат тартылады.
Осы мақсаттарға Үкімет резервінен 60 млрд теңге бөлініп, ол қарыз несиелерінің құнын төмендетуге, сондай-ақ ауыл шаруашылығы тауарын өндірушілердің несиелеріне кепілдік беруге бағытталады.
Бұл тәсіл ауыл шаруашылығы кәсіпорындарына егіс жұмыстарын жүргізу үшін жылдық бірден 5% несие қаражатын беруге және жеткілікті кепілдік болмаған жағдайда несие сомасының 85% дейін кепілдік беруге мүмкіндік береді.
Ереже жобасы бүгін жергілікті атқарушы органдар мен Орталық мемлекеттік басқару органдарына келісу үшін жіберіледі.
Сондай-ақ бүгінде азық-түлік корпорациясын қосымша қаржыландыру үшін "Азық-түлік корпорациясы" 200 мың тонна астықты тауарлық несиелеу бағдарламасын жүзеге асыруға кірісті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Тоқаев Қазақстан халқы Ассамблеясы төрағасының орынбасарларын тағайындады
Сурет: Akorda
Тоқаев Қазақстан халқы Ассамблеясы төрағасының орынбасарларын тағайындады, деп хабарлайды Ақорданың баспасөз қызмтінен.
Мемлекет басшысының өкімдерімен Лугмар Харкиевич Буларов және Юрий Германович Шин Қазақстан халқы Ассамблеясы Төрағасының орынбасарлары болып тағайындалды", деп көрсетілген Өкім мәтінінде.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Есірткі саудасының 50 пайыздан астамы Астана, Алматы және Алматы облыстарына тиесілі - ҚМА
ҚМА есірткі құралдары мен прекурсорлардың таралуы тұрғысынан Telegram мессенджерінің арналары, әлеуметтік желілер мен хабарландыру сервистері қамтылған жаһандық желіге мониторинг жүргізуде, деп хабарлайды агенттіктің баспасөз қызметінен.
Мессенджерлердегі 300-ге жуық арна, тыйым салынған заттар сатылатын 4 ірі Darknet маркетплейс көзге түсті.
Ел аумағында Telegram арналары арқылы есірткі және психотроптық заттарды тұрақты негізде жарнамалаумен және сатумен айналысқан 80 пайдаланушының жеке басы анықталды.
Интернет-кеңістіктің Қазақстандық сегментіне жүргізілген мониторинг нәтижесінде 35 мыңға жуық қатысушысы бар есірткі сататын 3 ірі алаң,
есірткі заттарынының әлеуетті тұтынушылары болып табылатын 10 мыңға жуық адамның жеке басы анықталды.
Талдау көрсеткендей, тұтынушылардың 50% - дан астамы Астана, Алматы қалалары мен Алматы облысына тиесілі.
Агенттік өткен жылы айналымы 25,6 млрд теңгені құрайтын 36 есірткі дүкенін анықтады.
Биыл Telegram мессенджерінде 60 есірткі арнасына тиесілі 59 карт-шот анықталды.
Қаржылық барлау бөлімшесінің алдын ала талдау қорытындысы бойынша аталған дүкендердегі ақша қаражатының жалпы айналымы 3 млрд теңгені құрады.
Айналымы 82 млн теңгені құрайтын есірткі дүкендерінің бірі бойынша материалдар ІІМ-ге жолданды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.