ҚР-да 2020 жылға қарай жоғарғы деңгейдегі халықаралық талаптарға сай келетін құқық қорғау жүйесі құрылады - А.Шпекбаев
ҚР-да 2020 жылға қарай жоғарғы деңгейдегі халықаралық талаптарға сай келетін құқық қорғау жүйесі құрылады - А.Шпекбаев
Алматы. 24 қаңтар. Kazakhstan today. ҚР-да 2020 жылға қарай жоғарғы деңгейдегі халықаралық талаптарға сай келетін құқық қорғау жүйесі құрылады, деп мәлімдеді бүгін ҚР Президенті жанындағы Орталық коммуникациялар қызметі брифингінде ҚР Президенті Икімшілігінің құқық қорғау жүйесі бөлімінің меңгерушісі Алик Шпекбаев.
"Бүгінде біздің алдымызға 2020 жылға қарай жоғарғы деңгейдегі халықаралық талаптарға сай келетін құқық қорғау жүйесін құру тапсырмасы қойылып отыр. Бұл мақсат құқық қорғау саласындағы барлық өзгерістерді қамтитын бастама болады", - деді А.Шпекбаев.
Брифингте ол аталмыш бағыттағы жұмыстардың бірнешеуіне тоқтала кетті.
"Қылмыстық-құқықтық салада заңнаманы нығайту жолымен алдағы уақытта даму үшін тұтастай маңызды өзгерістер орын алатын болады. Мысалға, жаңа Қылмыстық-процессуалды кодекстің қабылдануы Қазақстанда азаматтардың жекелеген құқықтарын қорғаудың тиімді жолын қалыптастыруға мүмкіндік беретін қылмыстық сот өндірісінің замануи талаптарын енгізуге бастама болмақ. Сот алдындағы кезеңдердегі қылмыстық процесстерде азаматтардың еркіндігі мен конституциялық құқын шектейтін процессуалды мәжбүрлеу шаралары сот бақылауында болатын болады", - деді А.Шпекбаев.
Сонымен қатар, тергеудің жеделдетірілген формасы мен қысқартылған сот алды өндірісі жеңіл қылмыстық іс бойынша қылмысты іздестірудің қымбат процедурасынан тартқызады.
"Бұл өте маңызды, аталмыш кезеңде көбіне конституциялық құқық бұзылады және заңнамалық мүдде аяққа тапталады", - дейді А.Шпекбаев.
ҚР Президенті Икімшілігінің құқық қорғау жүйесі бөлімі меңгерушісінің айтуынша, Парламентте жаңа Қылмыстық, Қылмыстық-іс жүргізу және әкімшілік құқық бұзу кодекстері қарауда жатыр.
тақырып бойынша жаңалықтар
650 мыңнан астам қазақстандық тұрғын үйге кезекте тұр
Үкімет отырысында Премьер-Министр Олжас Бектенов тұрғын үй құрылысы және проблемалық объектілерді аяқтау мәселесі бойынша өнеркәсіп және құрылыс министрі Қанат Шарлапаевтың, сондай-ақ бірқатар өңірлер әкімдерінің баяндамасын тыңдады, деп хабарлайды ҚР Үкіметінің баспасөз қызметінен.
Олжас Бектенов Үкімет алдына биыл тұрғын үй құрылысына қатысты көптеген маңызды міндеттер қойылғанын атап өтті. Бұл - рекордтық 18 млн шаршы метр тұрғын үйді тапсыру, Мемлекет басшысының жаңа ипотекалық бағдарламаны іске қосу туралы тапсырмасын жүзеге асыру, сондай-ақ үлестік құрылыс пен заңсыз құрылыстың қордаланып қалған проблемаларын түпкілікті шешу.
Премьер-Министр қазіргі уақытта 650 мыңнан астам адам үй кезегінде тұрғанын атап өтті. 2023 жылы өңірлер әкімдіктері тұрғын үй бағдарламасына қатысуға өтініш берушілердің талаптарға сәйкестігін тексеру бойынша жұмыстарын бастады. Мәселен, Мысалы, Ақмола облысында баспана кезегінде тұрғандардың ішінде талаптарды бұзған 16 мыңға жуық азамат, Шымкент қаласында 36 мыңнан астам адам анықталды. Бірақ, олардың аз ғана бөлігі кезектен шығарылған.
Премьер-Министр әкімдіктерге тізімдерді бірінші жартыжылдықтың соңына дейін өзектендіруді және тұрғын үй бағдарламасының іске асырылуына мониторинг жүргізуді тапсырды.
Барлық әкімдіктер осы тізімдерді қайта қарап, жұмысты І жартыжылдықтың соңына дейін аяқтауы қажет. Бәрі белгіленген ережеге сай болуға тиіс. Кезекке қабылдауды ашық әрі бәріне түсінікті етіп жасау керек. Сондай-ақ тізімге енгізілген адамдарға нақты мониторинг жүргізілуге тиіс", - деп атап өтті Олжас Бектенов.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстанда интернет-казино ұйымдастырғаны үшін қылмыстық жауапкершілік енгізілуде
Мәжіліс ойын бизнесі, лотереялар және лотерея қызметі мәселелері бойынша заңнамалық өзгерістерді Әкімшілік құқық бұзушылық туралы кодекске енгізілетін ілеспе түзетулерімен бірінші оқылымда мақұлдады, деп хабарлайды Төменгі палатаның баспасөз қызметінен.
Заң жобалары Мемлекет басшысының құмар ойындарға тәуелділікке қарсы күресті күшейту туралы тапсырмасы аясында әзірленді. Оған депутаттар бастамашы болды.
Заң жобасы бойынша жеке тұлғалардың құмар ойындарға және бәс тігуге қатысу жасы 21-ден 25 жасқа көтеріледі. Сонымен қатар алимент және несие берешегі өтелмеген азаматтардың, яғни борышкерлердің бірыңғай реестрінде тұрған тұлғалардың құмар ойын ойнауына тыйым салынады.
Аталған санаттарға заңсыз ойын ойнауға мүмкіндік берген заңды тұлғалар әкімшілік жауапкершілікке тартылады. Бұл жағдайда орта кәсіпкерлік субъектілеріне - 300 АЕК, ірі кәсіпкерлік субъектілеріне - 1000 АЕК көлемінде айыппұл салынады.
Сондай-ақ ойын бизнесін ұйымдастырушылар құмар ойындар мен бәс тігудің тәуекелдері мен зияны туралы хабарлауға міндеттеледі. Мұндай ақпарат ойын мекемелерінде, ғимараттарда, билет кассаларында және букмекерлік кеңселер мен тотализаторлардың электронды кассаларында, казино кассалары мен ойын автоматтары залдарында, сондай-ақ өздерінің интернет-ресурстарында орналастырылуы тиіс. Талаптарды орындамағандар әкімшілік жауапкершілікке тартылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.