04.02.2019, 14:08 9594

Мәжіліс төрағасы Австрия елшісін қабылдады

Мәжіліс спикері Австрия Қазақстанның маңызды стратегиялық әріптесі екенін сөз ете келіп, Астана мен Вена арасындағы өзара іс-қимылды одан әрі тереңдетудің маңыздылығына тоқталды.

Астана. 4 ақпан. Kazakhstan Today - Нұрлан Нығматулин Австрияның Қазақстандағы Төтенше және Өкілетті елшісі Герхар Сайллерді қабылдады.

Тараптар екі ел арасындағы ынтымақтастықты, соның ішінде, Австриялық-қазақстандық қатынасты дамытудың өзекті сұрақтарын талқылады.

Мәжіліс спикері Австрия Қазақстанның маңызды стратегиялық әріптесі екенін сөз ете келіп, Астана мен Вена арасындағы өзара іс-қимылды одан әрі тереңдетудің маңыздылығына тоқталды.

Н. Нығматулин атап өткендей, дипломатиялық қатынас орнаған 27 жылдың ішінде, екі елге ортақ сенімді саяси дилог пен берік экономикалық байланыс орнады.

Оған Қазақстан Президенті Нұрсұлтан Назарбаев пен Австрия Фендералдық Президенті Хайнц Фишердің ресми сапарлары зор серпін берді.

Палата спикерінің пікірінше, Австрия бүгінде "жасыл" технология бойынша әлемдік жетекші елдердің бірі болып саналады. Қазіргі уақытта Қазақстанда Австриялық капиталдың қатысуымен 150-ге жуық компания жұмыс істейді. Осы жолда біздің еліміз энергетика, жаңа технология саласында ықпалдастықты дамытуға ынталы.

Осы орайда, елші мырза аймақта және қос мемлекет арасында экономикалық, мәдени гуманитарлық байланыстарды кеңейтуде Қазақстанның жетекші рөл атқаратынын, біздің елде ЕҚЫҰ үшін өте маңызы Астана деларация қабылданғанын атап өтті. Және Қазақстанның да "жасыл" технология бағытында әлеуеті зор екенін айтып, өзара ықпалдастықты одан әрі күшейтуге ниет білдірді.

Кездесу барысында тараптар, бейінді комитеттер мен парламентаралық топтар шеңберінде іс-сапарлар арқылы заңнамалық тәжірибе алмасуды одан әрі ынталандыру төңірегінде пікір алмасты.

Ақпаратты пайдаланѓан жаѓдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігініњ материалдарына авторлық қ±қық.

МӘТІННЕН ҚАТЕ ТАПТЫҢЫЗ БА?

Оны тінтуірмен таңдап, Ctrl + Enter пернелерін басыңыз.

тақырып бойынша жаңалықтар

Ең көп оқылғаны