20.03.2024, 12:12 120761

ҚМА қаржы пирамидаларын анықтау жөніндегі арнайы жобаны іске қосты

Басты мақсат - алаяқтық жобалардың өмірлік циклын және оларға тартылған салымшылар санын қысқарту
ҚМА қаржы пирамидаларын анықтау жөніндегі арнайы жобаны іске қосты
Сурет: Depositphotos
ҚМА "Қаржы пирамидаларына қарсы іс-қимыл" арнайы жобасын іске қосты, деп хабарлайды агенттіктің баспасөз қызметінен.

Басты мақсат - алаяқтық жобалардың өмірлік циклын және оларға тартылған салымшылар санын қысқарту.

IT құралдарын пайдалана отырып, қаржы пирамидаларының құрылған сәтінен бастап, ерте анықтау үшін әлеуметтік желілерге талдау жүргізілуде.

Ағымдағы жылы бұғаттауға 600 мың адам аудиторияны қамтыған, мыңға жуық қаржы пирамидаларының белгілері бар сайттар мен шоттардың сілтемесі жіберілді.

Тек соңғы алты айда интернет желісінде 36 қаржы пирамидасы анықталды.

Олар бойынша "WhatsApp", "Telegram" және "Instagram" әлеуметтік желілерінде 200 чат анықталған. Бүгінгі таңда 182 чат бұғатталды.

Осылайша, 126 мың азаматтың одан әрі қаржылық шығындарының алды алынды.

73 мың аудиториясы бар 7 ірі шетелдік жоба бойынша сотқа дейінгі тергеу басталды (Eolus, Ниса, GPIBS, Дари получай, Чароит, Carhomi, Beefre).

Бір пирамида бойынша сот үкімі бар (Eolus-үкім 23.02.2024 ж.шығарылды).

Сонымен қатар, оларды толығымен жою үшін Агенттік қаржы пирамидаларын ұйымдастырды деген күдіктілердің орналасқан жері жайлы ақпаратпен ТМД бойынша әріптестерін хабардар етті.

Әріптес елдермен өзара іс-қимыл ТМД елдерінің салықтық (қаржылық) тергеп-тексеру органдарының Үйлестіру кеңесі жанынан ҚМА бастамасы бойынша Арнайы жұмыс тобын құрудың арқасында мүмкін болды.

Айта кету керек, қаржы пирамидалары әлі де қаржылық инвестициялар саласындағы қылмыстық көріністің ең қауіпті модельдерінің бірі болып табылады. Олардың таралуы азаматтардың қаржылық жағдайына нұқсан келтіреді.

Азаматтардың қарызға кіріп, көтерме несие алады, қылмыс пен суицидке барады.

Мұның бәрі қоғамдағы әлеуметтік шиеленіске әкеледі, ал қылмыстық элементтер одан пайда табуды жалғастыруда.
 

Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.


МӘТІННЕН ҚАТЕ ТАПТЫҢЫЗ БА?

Оны тінтуірмен таңдап, Ctrl + Enter пернелерін басыңыз.

тақырып бойынша жаңалықтар

Ең көп оқылғаны