Маңғыстау облысы Мұнайлы ауданында аурухана құрылысы үшін 1,7 млрд. теңге бөлінеді
Республикалық бюджеттен 1,7 млрд тенгеге жуық қаражат бөлінеді. Оның ішінде 2015 жылы 700 млн.теңге және 2016 жылы 1 млрд.теңге бөлінбек.
Алматы. 19 ақпан. Kazakhstan today. Маңғыстау облысы Мұнайлы ауданында аурухана құрылысы үшін 1,7 млрд. теңге бөлінеді, деп хабарлайды Kazakhstan today ҚР ЭБЖМ баспасөз қызметіне сілтеме жасап.
Бұл жөнінде Экономика және бюджеттік жоспарлау министрі Ерболат Досаев "Нұр Отан" партиясының қоғамдық қабылдауына өтінім жасаған Маңғыстау облысының тұрғындарына мәлімдеді.
Қазіргі уақытта Мұнайлы ауданындағы жұмыс істеп жатқан аурухана 1967 жылы салынған. Сондықтан да тұрғындар стационарлық көмек алу үшін Ақтау қаласындағы облыстық ауруханаға жүгінуге мәжбүр. Сонғы екі жыл ішінде бұл жерде 8 мыңға жуық адам мұнайлы тұрғындары емделген, бұл дегеніміз ем алуға жүгінген аурулардың 20 % ғана. Осының барлығы аурухананың қаржылай ауқатсыздығына және қызметшілердің жұмысбастылығына әкеліп отыр - деп Мұнайлы ауданындағы "Нұр Отан" партия бөлімшесі Төрағасының бірінші орынбасары Есенбай Күли селекторлық байланыс арқылы мәлімдеді.
2015 жылдан бастап ҚР Денсаулық сақтау министрлігі Мұнайлы ауданында 150 төсек-орынды Орталық аудандық аурухана ғимаратының құрылысын бастамақшы - деп мәлімдеді Ерболат Досаев. Республикалық бюджеттен 1,7 млрд тенгеге жуық қаражат бөлінеді. Оның ішінде 2015 жылы 700 млн.теңге және 2016 жылы 1 млрд.теңге бөлінбек.
Сонымен қоса Жаңаөзен қаласында кітапхана, оқушылар сарайын салуға республикалық бюджеттен қаражат бөлу мәселесі бойынша облыстық әкімдікпен қайта қарастырылатын болды.
Қоғамдық қабылдауға келген экономика министріне Оңтүстік қазақстан облысы тұрғындары да Сарыағаш ауданы Шұңқырсай елді мекенінде мектептердің тапшылығын айтып өтініш жасады.
Сарыағаш ауданы Шұңқырсай елді мекенінде орта мектептің құрылысына ҚР Білім және ғылым министрлігінің бюджеттік өтінім болмағандықтан, 2014-2016 жылдардағы республикалық бюджеттен қаражат көзделмеген, - деп тұрғындарды хабардар етті Ерболат Досаев.
Сонымен қатар, Оңтүстік Қазақстан облысында мектеп құрылысына 2014-2016 жылдарға республикалық бюджетте 25,7 млрд.теңге қарастырылғанын министр айрықша атап өтті.
Шығындарды жоспарлау кезінде өткен жылы құрылысы басталып кеткен нысандарға, сонымен қоса 3 ауысым оқу мәселесі мен апатты жағдайдағы мектептерге басым көңіл бөлінді.
тақырып бойынша жаңалықтар
Оралда су тасқынының келесі толқынына дайындық қызу жүргізілуде
Қазақстан Премьер-Министрі Олжас Бектенов су тасқынына қарсы іс-шараларды үйлестіру үшін Орал қаласында жүр. Үкімет басшысы өңірге келісімен Жайық өзенінің жағалауын нығайту және бөгет құрылыстарын салу жұмыстарының барысын тексерді, деп хабарлайды Үкіметтің баспасөз қызметінен.
Сонымен қатар Олжас Бектенов жағдайды бақылау үшін өңір аумағында орналасқан су қоймаларының өзен арнасын тікұшақпен аралайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
БҚО үлкен суға дайындық үстінде
Батыс Қазақстан облысында ауқымды су тасқынының алдын алу шаралары қабылдануда. Су тасқынына қарсы жұмыстарды жүргізу үшін өңірде шоғырланған күштер тобы 6,3 мың адамнан асты, деп хабарлайды ҚР ПРемьер-министрінің баспасөз қызметінен.
Үкіметтің тапсырмасы бойынша елді мекендерден үлкен суды бұрып әкету және су тасқынынан келетін шығынды азайту үшін барлық күштер мен құралдар жұмылдырылды.
Облыста ТЖМ-ның 1 мыңнан астам қызметкері, Ұлттық ұланның 700-ден астам, Қорғаныс министрлігінің 600 әскери қызметшісі жұмылдырылды. Жұмысқа волонтерлік ұйымдардың қатысушылары тартылды. 1,5 мың арнайы техника жұмылдырылды, оның 790-ы БҚО-ға еліміздің басқа өңірлерінен келген.
Негізгі міндет - елді мекендердің тұрғындары мен олардың үйлерін су тасқынынан қорғау. Жайық, Шаған, Деркөл өзендерінің бойындағы жағалауды нығайту жұмыстары жүргізілуде. Атап айтқанда, 700 мың құм толтырылған қапшық және 3 710 мың тонна инертті материал төселді. Қорғаныс үйінділері 4-5 метр биіктікке дейін көтерілді.
Қазіргі уақытта Оралда жедел-эвакуациялау пункттері ашылды, өңірде "Жедел желі" жұмыс істейді - оған 512 қоңырау келіп түсті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Әскери билеттер цифрлық форматқа ауыстырылды
Әскери билеттер цифрлық форматқа ауыстырылды, деп хабарлайды ҚР Қорғаныс министрлігінің баспасөз қызметінен.
Жұмысқа орналасу немесе оқу орнына қабылдау кезінде құжатты түпнұсқада ұсыну туралы талап алынып тасталды.
Енді жұмыс беруші азаматтың әскери қызметке қатынасы туралы мәліметтерді egov.kz электрондық үкімет ресурсын пайдалана отырып, автоматты түрде алады.
Заңнама бойынша заңды тұлғалар азаматтардың әскери қызметіне қатынасы туралы деректерді тіркеуге міндетті. Сондықтан кадр қызметтері бұрын әскери есепке алу құжаттарын (әскери билеттер, тіркеу туралы куәлік, әскери қызмет өткергенін растау туралы анықтама және т.б.) талап еткен.
Қорғаныс министрлігі Еңбек және халықты әлеуметтік қорғау, Цифрлық даму, инновациялар және аэроғарыш өнеркәсібі министрліктерімен, ҚР Мемлекеттік қызмет істері агенттігімен бірлесіп жұмыс берушінің сұрауына автоматты түрде жауап алуға мүмкіндік беретін интеграциялық жұмыстар жүргізді.
- Өткен жылдан бастап біз осы процестерді цифрландыру жөнінде жұмыс жүргіздік. Атап айтқанда, ақпараттық жүйені әзірлеп, оны іргелес мемлекеттік органдардың мәліметтер базасымен біріктірдік. Инновация кадрлық қызметтердің жұмысын жеңілдетіп, азаматтарды анықтама алу үшін уақыт жұмсаудан босатады. Егер бұрын бұл процестер бірнеше аптаға созылса, бүгінде бұл бір күнде жасалады, - деді Қорғаныс министрінің орынбасары Дархан Ахмедиев.
Жеке ұйымдар "Е-Еңбек" ақпараттық жүйесінде, мемлекеттік мекемелерде "Е-Қызмет" ресурсын пайдалана отырып, қызметкерлердің есебін жүргізетін болады.
Сонымен қоса әскери билет Қарулы күштер қатарында, басқа да әскерлер мен әскери құралымдарда әскери қызмет өткергендерге ғана берілетінін атап өткен жөн.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Алматыда арнайы сейсмологиялық зерттеу жүргізіледі
Алматыда Қазақстан президенті Қасым-Жомарт Тоқаевтың тапсырмасы бойынша арнайы сейсмологиялық зерттеу жүргізіледі, деп хабарлайды Ақорданың баспасөз қызметінен.
Тараздағы гидромелиоративтік-құрылыс институтын қайта қалпына келтіру жөнінде шешім қабылдадық. Оқу орнын материалдық-техникалық тұрғыдан толық жабдықтау керек. Сейсмология институтының жағдайы да мәз емес. Үкіметке осы институттың ғылыми әлеуетін арттыруға қатысты нақты ұсыныстар дайындауды тапсырдым. Сондай-ақ сейсмологияны және сейсмикалық режимді бақылау құралдарын дамыту бойынша пайдалы ұсыныстар әзірленуге тиіс.
Менің тапсырмаммен Алматы аумағына арнайы сейсмологиялық зерттеу жүргізіледі. Әкімдік үш жылдық зерттеу жұмыстарына қаржы бөледі. Энергетикалық апатты, эпидемияны, қуаңшылықты болжау және оның алдын алу мәселесі аса маңызды. Жауапты министрліктер тиісті саланы, ал әкімдіктер аймақтарды дамыту бағдарламаларын қайта қарауы керек. Әсіресе, төтенше жағдай туындау қаупі бар-жоғын мұқият зерттеу қажет. Бұл жұмысқа ғылыми қауымдастықты жұмылдырған жөн. Яғни гидрология, климатология, география, инженерия және өзге де сала мамандарын тарту қажет.
Тағы да қайталап айтқым келеді, мемлекеттік органдар барлық істе, ең алдымен, сапалы ғылыми қорытындыға сүйенуі керек. Бұл - өте маңызды міндет. Шешімдер әбден пысықталып, нақты негізделіп барып, қабылдануға тиіс. Талдау жүргізіп, ахуалды болжау үшін ғалымдардың қолында, зерттеу орталықтарында қажетті құрал-жабдықтар болуға тиіс"
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.