Маӊғыстау облысыныӊ Құрық ауылында тәулігіне 50 мыӊ текше метрге дейін су тұщытатын зауыт салу жоспарлануда
Жобаныӊ арқасында 450 жаӊа жұмыс орындары пайда болады және аудандағы ауыз су мен техникалық су мәселесі толық шешімін табатын болады. Жоба құны - 50,0 млрд. теӊге
Ақтау. 14 ақпан. Kazakhstan Today - Маӊғыстау облысыныӊ әкімі Ералы Тоғжанов жұмыс сапарымен Қарақия ауданына барды. Сапар барысында "GFM Қазақстан" ЖШС базасындағы тренинг орталығыныӊ және аудандық жұмыспен қамту орталығыныӊ "Open Space" жаӊа форматтағы жұмысымен танысып, аудан әкімініӊ м.а. Қыдырберді Бековтыӊ 2017 жылы атқарған жұмыстары және алға қойған міндеттері туралы халық алдында берген есебін тыӊдады.
Өткен жылмен салыстырғанда аудан халқыныӊ саны 1,6 %-ға көбейіп, 37 200 адамға жетті.
Негізгі капиталға салынатын инвестиция көлемі 2017 жылы 174 млрд. теӊгеге жетіп, былтырғы жылмен салыстырғанда 155,6 пайыздық көрсеткішті құрады.
Өнеркәсіп өнімдерініӊ ауқымы 2017 жылы 852,8 млрд. теӊгені құрап, 2016 жылмен салыстырғанда нақты көлем индексі - 105,5 пайызға жетті.
Құрылыс жұмыстарыныӊ көлемі 2017 жылы 50 млрд. тенге. Бүгінгі күні Құрық паромдық кешені арқылы барлығы 1 475 830 тонна жүк тасымалданды. (импорт 593 348 тн, экспорт - 882 482 тн).Сонымен қатар, 28 жүк автокөлігімен 584,7 тонна жүк экспортталды.
2017 жылы 40,3 мыӊ ш.м. түрғын үй пайдалануға беріліп, өткен жылмен салыстырғанда 105,9 пайызды құрады.
Аудан бюджеті 2017 жылдыӊ қорытындысымен - 9 млрд.170 млн теӊге, кірістер бойынша орындалысы - 101,5 пайыз (9 млрд 305 млн).
2017 жылы 505,5 млн. теӊгеге 8 инвестициялық жоба іске асырылды.
Білім саласын цифрландыру жобаларын жүзеге асыру мақсатында аудандағы 2 мектепке электрондық журнал енгізілді (Құрық орта мектеп гимназиясы мен №4 орта мектеп).
"Ералы Лұқпанұлы, Сіз ауылшаруашылық өнімдерініӊ жалпы шығарылым көлемін 2017 жылға 2 млрд 064 млн. теӊге жеткізуде тапсырған болатынсыз, аталған тапсырма 2 млрд. 135 млн. теӊге көлемінде орындалып, 2016 жылмен салыстырғанда 108,1 пайызды құрады. Сондай-ақ, 2018 жылы 27 құдық қазу жоспарланып отыр. Аққұдық ауылы тұрғындарыныӊ сұранысына сәйкес, шаруа қожалықтарын қолдау мақсатында жаӊбыр суларын жинауға арналға 5 мыӊ кубтық тоған құрылысын салуға жобалық-сметалық құжаттамасы жасақталуда", - деді Қарақия ауданы әкімініӊ м.а. Қыдырберді Беков.
Облыс әкімініӊ Қарақия ауданыныӊ әкімдігіне жүктеген 135 хаттамалық тапсырмасыныӊ 56-ы толықтай орындалды. Қалған 79 тапсырманыӊ 23-і өтпелі кезеӊмен 2018 жылы іске асырылады. Қалған 56 тапсырма тұрақты бақылауға алынды.
"Қарақия ауданында мемлекеттік-жекеменшік әріптестік бағдарламасы шеӊберінде Құрық ауылы теӊіз жағалауынан тәулігіне 50 мыӊ текше метрге дейін су тұщытатын зауыт құрылысын салуды жоспарлап отырмыз. Жобаныӊ арқасында 450 жаӊа жұмыс орындары пайда болады және аудандағы ауыз су мен техникалық су мәселесі толық шешімін табатын болады. Жоба құны - 50,0 млрд. теӊге. Облыс әкімніӊ бірінші орынбасары Серік Аманғалиевке, облыстық энергетика және тұрғын-үй коммуналдық шаруашылығы басқармасына осы мәселені түбегейлі шешуді тапсырамын", - деді облыс әкімі Ералы Тоғжанов.
Маӊғыстау облысы әкімініӊ баспасөз қызметі
Ақпаратты пайдаланИан жаИдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық қИқық.
тақырып бойынша жаңалықтар
Бектенов Атырау облысында су басу қаупін азайту үшін қабылданып жатқан шаралардың барысын тексерді
Қазақстан Премьер-Министрі Олжас Бектенов Мемлекет басшысы Қасым-Жомарт Тоқаевтың тапсырмаларын орындау аясында Атырау облысында су басу қаупін азайту үшін қабылданып жатқан шаралардың барысын тексерді, деп хабарлайды Үкіметтің баспасөз қызметінен.
Олжас Бектенов облыс орталығындағы тұрғын үй алаптары бекіністерін тексеру барысында Атырау қаласының су тасқынының болжамды екінші толқынына дайындық жұмыстарымен танысты. Батыс өңірде Ресей Федерациясының Ириклин су қоймасынан судың келуіне байланысты, сондай-ақ Жайық өзеніне құйылар сағадағы ірі тасқын мен су деңгейінің көтерілуі салдарынан жағдай күрделі күйінде қалып отыр.
Бұрын хабарланғандай, Батыс Қазақстан облысындағы ірі су тасқынынан кейін ағын су өзен арнасымен Атырау облысына қарай жылжып, Каспий теңізіне құяды. Соңғы тәулікте БҚО тарапынан келетін судың әсерінен Атырау қаласында су деңгейінің 6 см-ге көтерілуі тіркелді (су тасқыны басталғаннан бері жалпы көтерілуі 227 см-ді құрады).
Тұрғын үй алаптарын нығайту, сондай-ақ Жайықтың өткізу қабілетін арттыру үшін өзен түбін тереңдету жұмыстарының қарқыны тексерілді. Тиісті күштердің көлемді судың келуіне дайындық деңгейін қарап көрді.
Үкімет басшысы Олжас Бектенов Атырау облысына су тасқыны жағдайы тұрақтанған өңірлерден әскери қызметшілер мен техниканы жедел жеткізіп, күштерді арттыруды тапсырды.
Бүгінгі таңда су тасқынының алдын алу шараларының 92%-ы орындалды. Жұмысты тиімді жүргізу үшін қала 111 секторға бөлінген. Ұзындығы 482 км қорғаныс бөгеттері салынды, аяқталған учаскелер техникалық қадағалау арқылы тексерілді. Жұмыстарға ТЖМ, ІІМ, Қорғаныс министрлігі, Ұлттық ұланның 6 мыңға жуық әскери қызметшісі, әкімдік қызметкерлері, 2 мыңға жуық техника жұмылдырылған. Еріктілер тарапынан белсенді көмек көрсетілуде. Өткен сенбіде жағалауды нығайту сенбілігі аясында қаланы қорғау жұмыстарына 9 мыңға жуық ерікті қатысты.
Сонымен қатар Жайық өзенінен Каспий теңізіне су өткізу қабілетін арттыру үшін өзен түбін тереңдету жұмыстары жүргізілуде. Су жолдарын тазарту, тереңдету және кеңейту мақсатында арнайы техникалық флоттық кемелер, гидравликалық экскаваторлар қолданылуда.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Көктемгі дала жұмыстарына қосымша 400 миллиард теңгеге дейін қаражат тартылады
Көктемгі дала жұмыстарын оңтайлы егіншілік уақытында жүргізу бүгінгі күннің маңызды міндеттерінің бірі болып табылады. Бұл мiндеттi орындау үшiн ауыл шаруашылығы тауарын өндiрушiлердiң ұзақ уақыт бойы шектелген қарыз қаражатына қол жеткiзуi тиiс.
Егіс жұмыстарын жеңілдетілген несиелендіруге 2024 жылы "Аграрлық несие корпорациясы" АҚ арқылы 140 миллиард теңге, "Азық-түлік корпорациясы" АҚ арқылы 40 миллиард теңге көлемінде бюджет қаражаты бөлінді, деп хабарлайды ҚР Ауылшаруашылық министрлігінің баспасөз қызметінен.
Осы қаражатты ескере отырып, Қазақстан Республикасы Ауыл шаруашылығы министрлігінің бағалауы бойынша көктемгі дала жұмыстарын қаржыландырудағы тапшылық шамамен 1,3 триллион теңгені құрайды.
Дегенмен, Қазақстан Республикасының Үкіметі егіс науқанын қаржыландыруға қолжетімділікті арттыру бойынша жұмыс жүргізуде.
Мемлекет басшысының тапсырмасы бойынша көктемгі егіс жұмыстарын жүргізуге берілетін несиенің пайыздық мөлшерлемесін субсидиялауға қаражат бөлу арқылы қосымша 400 миллиард теңгеге дейін қаражат тартылады.
Осы мақсаттарға Үкімет резервінен 60 млрд теңге бөлініп, ол қарыз несиелерінің құнын төмендетуге, сондай-ақ ауыл шаруашылығы тауарын өндірушілердің несиелеріне кепілдік беруге бағытталады.
Бұл тәсіл ауыл шаруашылығы кәсіпорындарына егіс жұмыстарын жүргізу үшін жылдық бірден 5% несие қаражатын беруге және жеткілікті кепілдік болмаған жағдайда несие сомасының 85% дейін кепілдік беруге мүмкіндік береді.
Ереже жобасы бүгін жергілікті атқарушы органдар мен Орталық мемлекеттік басқару органдарына келісу үшін жіберіледі.
Сондай-ақ бүгінде азық-түлік корпорациясын қосымша қаржыландыру үшін "Азық-түлік корпорациясы" 200 мың тонна астықты тауарлық несиелеу бағдарламасын жүзеге асыруға кірісті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Тоқаев Қазақстан халқы Ассамблеясы төрағасының орынбасарларын тағайындады
Сурет: Akorda
Тоқаев Қазақстан халқы Ассамблеясы төрағасының орынбасарларын тағайындады, деп хабарлайды Ақорданың баспасөз қызмтінен.
Мемлекет басшысының өкімдерімен Лугмар Харкиевич Буларов және Юрий Германович Шин Қазақстан халқы Ассамблеясы Төрағасының орынбасарлары болып тағайындалды", деп көрсетілген Өкім мәтінінде.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Есірткі саудасының 50 пайыздан астамы Астана, Алматы және Алматы облыстарына тиесілі - ҚМА
ҚМА есірткі құралдары мен прекурсорлардың таралуы тұрғысынан Telegram мессенджерінің арналары, әлеуметтік желілер мен хабарландыру сервистері қамтылған жаһандық желіге мониторинг жүргізуде, деп хабарлайды агенттіктің баспасөз қызметінен.
Мессенджерлердегі 300-ге жуық арна, тыйым салынған заттар сатылатын 4 ірі Darknet маркетплейс көзге түсті.
Ел аумағында Telegram арналары арқылы есірткі және психотроптық заттарды тұрақты негізде жарнамалаумен және сатумен айналысқан 80 пайдаланушының жеке басы анықталды.
Интернет-кеңістіктің Қазақстандық сегментіне жүргізілген мониторинг нәтижесінде 35 мыңға жуық қатысушысы бар есірткі сататын 3 ірі алаң,
есірткі заттарынының әлеуетті тұтынушылары болып табылатын 10 мыңға жуық адамның жеке басы анықталды.
Талдау көрсеткендей, тұтынушылардың 50% - дан астамы Астана, Алматы қалалары мен Алматы облысына тиесілі.
Агенттік өткен жылы айналымы 25,6 млрд теңгені құрайтын 36 есірткі дүкенін анықтады.
Биыл Telegram мессенджерінде 60 есірткі арнасына тиесілі 59 карт-шот анықталды.
Қаржылық барлау бөлімшесінің алдын ала талдау қорытындысы бойынша аталған дүкендердегі ақша қаражатының жалпы айналымы 3 млрд теңгені құрады.
Айналымы 82 млн теңгені құрайтын есірткі дүкендерінің бірі бойынша материалдар ІІМ-ге жолданды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.