Марат Нұрғожин ҚР қорғаныс және аэроғарыш өнеркәсібі вице-министрі болып тағайындалды
Қазақстан Республикасы Үкіметініӊ 2016 жылғы 27 желтоқсандағы № 859 Қаулысымен Нұрғожин Марат Рахмалиұлы ҚР қорғаныс және аэроғарыш өнеркәсібі вице-министрі болып тағайындалды.
Астана. 29 желтоқсан. Kazakhstan Today - Қазақстан Республикасы Үкіметініӊ 2016 жылғы 27 желтоқсандағы № 859 Қаулысымен Нұрғожин Марат Рахмалиұлы ҚР қорғаныс және аэроғарыш өнеркәсібі вице-министрі болып тағайындалды.
Ведомство хабарлағандай, бұл лауазымында М. Нұрғожин Қазақстан Республикасы ғарыш қызметініӊ даму мәселелеріне жетекшілік ететін болады.
Марат Нұрғожин 1957 жылы 30 маусым күні дүниеге келген.
1980 жылы Н.Э. Бауман атындағы Мәскеу жоғары техникалық училищесін үздік бітірген, техникалық ғылымдар докторы, профессор.
Еӊбек жолын Қарағанды политехникалық институтында бастап, онда кіші ғылыми қызметкерден бірінші проректорға дейін өскен.
2004 жылдыӊ наурыз айында Қазақстан Республикасы Ғылым және білім министрлігініӊ департамент директоры лауазымына тағайындалды.
Түрлі жылдары аппарат басшысы, ҚР БҒМ Аэроғарыш комитетініӊ төрағасы, "Самғау" Ұлттық ғылыми-технологиялық холдинг" АҚ басқарма төрағасыныӊ орынбасары, басқарма мүшесі секілді лауазымдарын атқарған.
2008 жылы "Қазақстан Ғарыш Сапары" ұлттық компаниясы" АҚ бірінші вице-президенті, 2013 жылдыӊ тамызында - "Қазақстан Ғарыш Сапары" ҰК" АҚ Президентініӊ міндетін атқарушы лауазымына тағайындалды.
М. Нұрғожин белсенді ғалым, 250-ден астам ғылыми және ғылыми-әдістемелік жұмыстыӊ, монографияныӊ, оқулықтыӊ және оқу әдістеменіӊ, патенттіӊ, авторлық куәліктіӊ және зияткерлік меншік туралы куәліктіӊ авторы.
ҚР Қорғаныс және аэроғарыш өнеркәсібі вице-министрі болып тағайындалуына дейін М. Нұрғожин "Қазақстан Ғарыш Сапары" ҰК" АҚ Президенті лауазымын атқарды.
Қазақстан Республикасыныӊ мемлекеттік наградаларымен: "Кұрмет" орденімен, Қазақстан Республикасы Президентініӊ Алғыс хатымен, мерейтойлық медальдармен, "Қазақстан Республикасы білім беру ісініӊ құрметті қызметкері" және "Қазақстан Республикасы ғылымын дамытудағы жетістіктері үшін" төсбелгілермен марапатталған.
Естеріӊізге сала кетейік, Қазақстан Республикасыныӊ Қорғаныс және аэроғарыш өнеркәсібі министрлігі Қазақстан Республикасы Президентініӊ 2016 жылғы 6 қазандағы № 350 Жарлығына сәйкес құрылды.
Осы күнге дейін ҚР Қорғаныс және аэроғарыш өнеркәсібі вице-министрлері лауазымдарына ақпараттандыру және байланыс саласындағы ақпараттық қауіпсіздік (киберқауіпсіздік) мәселелеріне жетекшілік ететін Голобурда Дмитрий Васильевич (Қазақстан Республикасы Үкіметініӊ 2016 жылғы 14 қарашадағы № 702 Қаулысы) және жұмылдыру даярлығы мен жұмылдыру, мемлекеттік материалдық резервті қалыптастыру мен дамыту, бірыӊғай әскери-техникалық саясатты жүргізу, қорғаныстық тапсырысты қалыптастыру, орналастыру мен орындау мәселелеріне жетекшілік ететін Рамазанов Арман Қайырбекұлы (Қазақстан Республикасы Үкіметініӊ 2016 жылғы 18 қарашадағы № 707 Қаулысы) тағайындалды.
Ақпаратты пайдаланИан жаИдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық қИқық.
тақырып бойынша жаңалықтар
Бектенов Атырау облысында су басу қаупін азайту үшін қабылданып жатқан шаралардың барысын тексерді
Қазақстан Премьер-Министрі Олжас Бектенов Мемлекет басшысы Қасым-Жомарт Тоқаевтың тапсырмаларын орындау аясында Атырау облысында су басу қаупін азайту үшін қабылданып жатқан шаралардың барысын тексерді, деп хабарлайды Үкіметтің баспасөз қызметінен.
Олжас Бектенов облыс орталығындағы тұрғын үй алаптары бекіністерін тексеру барысында Атырау қаласының су тасқынының болжамды екінші толқынына дайындық жұмыстарымен танысты. Батыс өңірде Ресей Федерациясының Ириклин су қоймасынан судың келуіне байланысты, сондай-ақ Жайық өзеніне құйылар сағадағы ірі тасқын мен су деңгейінің көтерілуі салдарынан жағдай күрделі күйінде қалып отыр.
Бұрын хабарланғандай, Батыс Қазақстан облысындағы ірі су тасқынынан кейін ағын су өзен арнасымен Атырау облысына қарай жылжып, Каспий теңізіне құяды. Соңғы тәулікте БҚО тарапынан келетін судың әсерінен Атырау қаласында су деңгейінің 6 см-ге көтерілуі тіркелді (су тасқыны басталғаннан бері жалпы көтерілуі 227 см-ді құрады).
Тұрғын үй алаптарын нығайту, сондай-ақ Жайықтың өткізу қабілетін арттыру үшін өзен түбін тереңдету жұмыстарының қарқыны тексерілді. Тиісті күштердің көлемді судың келуіне дайындық деңгейін қарап көрді.
Үкімет басшысы Олжас Бектенов Атырау облысына су тасқыны жағдайы тұрақтанған өңірлерден әскери қызметшілер мен техниканы жедел жеткізіп, күштерді арттыруды тапсырды.
Бүгінгі таңда су тасқынының алдын алу шараларының 92%-ы орындалды. Жұмысты тиімді жүргізу үшін қала 111 секторға бөлінген. Ұзындығы 482 км қорғаныс бөгеттері салынды, аяқталған учаскелер техникалық қадағалау арқылы тексерілді. Жұмыстарға ТЖМ, ІІМ, Қорғаныс министрлігі, Ұлттық ұланның 6 мыңға жуық әскери қызметшісі, әкімдік қызметкерлері, 2 мыңға жуық техника жұмылдырылған. Еріктілер тарапынан белсенді көмек көрсетілуде. Өткен сенбіде жағалауды нығайту сенбілігі аясында қаланы қорғау жұмыстарына 9 мыңға жуық ерікті қатысты.
Сонымен қатар Жайық өзенінен Каспий теңізіне су өткізу қабілетін арттыру үшін өзен түбін тереңдету жұмыстары жүргізілуде. Су жолдарын тазарту, тереңдету және кеңейту мақсатында арнайы техникалық флоттық кемелер, гидравликалық экскаваторлар қолданылуда.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Көктемгі дала жұмыстарына қосымша 400 миллиард теңгеге дейін қаражат тартылады
Көктемгі дала жұмыстарын оңтайлы егіншілік уақытында жүргізу бүгінгі күннің маңызды міндеттерінің бірі болып табылады. Бұл мiндеттi орындау үшiн ауыл шаруашылығы тауарын өндiрушiлердiң ұзақ уақыт бойы шектелген қарыз қаражатына қол жеткiзуi тиiс.
Егіс жұмыстарын жеңілдетілген несиелендіруге 2024 жылы "Аграрлық несие корпорациясы" АҚ арқылы 140 миллиард теңге, "Азық-түлік корпорациясы" АҚ арқылы 40 миллиард теңге көлемінде бюджет қаражаты бөлінді, деп хабарлайды ҚР Ауылшаруашылық министрлігінің баспасөз қызметінен.
Осы қаражатты ескере отырып, Қазақстан Республикасы Ауыл шаруашылығы министрлігінің бағалауы бойынша көктемгі дала жұмыстарын қаржыландырудағы тапшылық шамамен 1,3 триллион теңгені құрайды.
Дегенмен, Қазақстан Республикасының Үкіметі егіс науқанын қаржыландыруға қолжетімділікті арттыру бойынша жұмыс жүргізуде.
Мемлекет басшысының тапсырмасы бойынша көктемгі егіс жұмыстарын жүргізуге берілетін несиенің пайыздық мөлшерлемесін субсидиялауға қаражат бөлу арқылы қосымша 400 миллиард теңгеге дейін қаражат тартылады.
Осы мақсаттарға Үкімет резервінен 60 млрд теңге бөлініп, ол қарыз несиелерінің құнын төмендетуге, сондай-ақ ауыл шаруашылығы тауарын өндірушілердің несиелеріне кепілдік беруге бағытталады.
Бұл тәсіл ауыл шаруашылығы кәсіпорындарына егіс жұмыстарын жүргізу үшін жылдық бірден 5% несие қаражатын беруге және жеткілікті кепілдік болмаған жағдайда несие сомасының 85% дейін кепілдік беруге мүмкіндік береді.
Ереже жобасы бүгін жергілікті атқарушы органдар мен Орталық мемлекеттік басқару органдарына келісу үшін жіберіледі.
Сондай-ақ бүгінде азық-түлік корпорациясын қосымша қаржыландыру үшін "Азық-түлік корпорациясы" 200 мың тонна астықты тауарлық несиелеу бағдарламасын жүзеге асыруға кірісті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Тоқаев Қазақстан халқы Ассамблеясы төрағасының орынбасарларын тағайындады
Сурет: Akorda
Тоқаев Қазақстан халқы Ассамблеясы төрағасының орынбасарларын тағайындады, деп хабарлайды Ақорданың баспасөз қызмтінен.
Мемлекет басшысының өкімдерімен Лугмар Харкиевич Буларов және Юрий Германович Шин Қазақстан халқы Ассамблеясы Төрағасының орынбасарлары болып тағайындалды", деп көрсетілген Өкім мәтінінде.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Есірткі саудасының 50 пайыздан астамы Астана, Алматы және Алматы облыстарына тиесілі - ҚМА
ҚМА есірткі құралдары мен прекурсорлардың таралуы тұрғысынан Telegram мессенджерінің арналары, әлеуметтік желілер мен хабарландыру сервистері қамтылған жаһандық желіге мониторинг жүргізуде, деп хабарлайды агенттіктің баспасөз қызметінен.
Мессенджерлердегі 300-ге жуық арна, тыйым салынған заттар сатылатын 4 ірі Darknet маркетплейс көзге түсті.
Ел аумағында Telegram арналары арқылы есірткі және психотроптық заттарды тұрақты негізде жарнамалаумен және сатумен айналысқан 80 пайдаланушының жеке басы анықталды.
Интернет-кеңістіктің Қазақстандық сегментіне жүргізілген мониторинг нәтижесінде 35 мыңға жуық қатысушысы бар есірткі сататын 3 ірі алаң,
есірткі заттарынының әлеуетті тұтынушылары болып табылатын 10 мыңға жуық адамның жеке басы анықталды.
Талдау көрсеткендей, тұтынушылардың 50% - дан астамы Астана, Алматы қалалары мен Алматы облысына тиесілі.
Агенттік өткен жылы айналымы 25,6 млрд теңгені құрайтын 36 есірткі дүкенін анықтады.
Биыл Telegram мессенджерінде 60 есірткі арнасына тиесілі 59 карт-шот анықталды.
Қаржылық барлау бөлімшесінің алдын ала талдау қорытындысы бойынша аталған дүкендердегі ақша қаражатының жалпы айналымы 3 млрд теңгені құрады.
Айналымы 82 млн теңгені құрайтын есірткі дүкендерінің бірі бойынша материалдар ІІМ-ге жолданды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.