10.04.2014, 19:21 2663

Мәжіліс депутаттары ұлтаралық келісім мен ынтымақтастық мәселелерін талқылады

Бүгін Дін істері агенттігінде ҚР Парламенті Мәжілісінің депутаттарымен кездесу барысында ұлтаралық келісім мен конфессияаралық ынтымақтастық мәселелері талқыланды.

Алматы. 10 сәуір. Kazakhstan today. Бүгін Дін істері агенттігінде ҚР Парламенті Мәжілісінің депутаттарымен кездесу барысында ұлтаралық келісім мен конфессияаралық ынтымақтастық мәселелері талқыланды.

Мақсаттардың ұлттық іс-әрекеттер жоспары" сайлау алды тұғырнамасының аясында "Діни әсіре белсенделіктің алдын алу саясаты: діни төзімділік және рухани отарлауға қарсы иммунитет" тақырыбында өтті, деп агенттікте хабаралады.

Дін істері агенттігінің төрағасы М. Изілханов өз баяндамасында Қазақстанның дін саласындағы мемлекеттік саясаты Елбасы Н.И. Назарбаевтың "Қазақстан - 2050. Қалыптасқан мемлекеттің жаңа саяси бағыты" атты Стратегиясының негізінде жүзеге асырылып отырғанын айта келіп, барлық деңгейдегі мемлекеттік органдардың жүйелі әрекеттерінің арқасында еліміздегі діни ахуалдың мемлекет бақылауында тұрақты дамып отырғандығын атап өтті.

Төраға, Агенттік тарапынан конфессияаралық ынтымақтастықты күшейту, ел азаматтарының діни сауаттығын арттыру және тұрғындардың жалған діни ағымдардың ықпалынан қорғау, радикалды діни идеологияның таралуына қарсы тұру бойынша халықтың әртүрлі әлеуметтік топтарымен кешенді ақпараттық-түсіндіру жұмыстары жүргізіліп отырғанын айтты.

Сонымен қатар, қолданыстағы "Діни қызмет және діни бірлестіктер туралы" Заң талаптарының барлық діни қарым-қатынас субъектілері тарапынан орындалуын қамтамасыз ету, Діни экстремизм мен терроризмге қарсы іс-қимыл жөніндегі 2013-2017 жылдарға арналған мемлекеттік бағдарламаны жүзеге асыру Дін істері агенттігі қызметінің басым бағыттарының қатарынан орын алатын айтып өтті.

2011 жылы қазан айында қабылданған "Діни қызмет және діни бірлестіктер туралы" Заң осы мақсаттарға бағытталған және ол өткен жылдар арасында өз өміршеңдігі мен пәрменділігін көрсете алды.

Кездесу соңында ҚР Парламенті Мәжілісіндегі "Нұр Отан" партиясы Фракциясының депутаттары Дін істері агенттігіне конфессияаралық ынтымақтастықтың қазақстандық үлгісін дамыту, ҚР Президенті Н.И. Назарбаевтың Илемдік және дәстүрлі діндер көшбасшыларының съездерін өткізу идеясын жүзеге асыру, елдегі діни ахуалды сапалы талдау және тұрақты мониторингілеу жұмыстарын жетілдіру, "Діни қызмет және діни бірлестіктер туралы" ҚР Заңы талаптарын орындау, Қазақстан қоғамындағы діни экстремизм мен терроризмнің алдын алу бойынша пікірлері мен ұсыныстарын білдірді.

МӘТІННЕН ҚАТЕ ТАПТЫҢЫЗ БА?

Оны тінтуірмен таңдап, Ctrl + Enter пернелерін басыңыз.

тақырып бойынша жаңалықтар

Ең көп оқылғаны