20.06.2007, 11:27 1143

Мәжіліс Қазақстан-Ресей шекарасынан өту тәртіптері жөніндегі келісімді бекітуді мақұлдады

АСТАНА. 20-маусым. Kazakhstan Today. Бүгін өткен мәжілістің жалпы отырысында депутаттар "Қазақстан мен Ресейдің шекара маңындағы аумақтары тұрғындарының Қазақстан-Ресей шекарасынан өту тәртіптері жөніндегі ҚР мен РФ үкіметаралық келісімін бекіту туралы" заң жобасын мақұлдады, деп хабарлайды Kazakhstan Today тілшісі.

"Келісімнің басты мақсаты - екі елдің шекаралық аумақтары тұрғындарының Қазақстан-Ресей мемлекеттік шекарасынан өту тәртіптерін жеңілдетуге саяды",- деді заң жобасын депутаттарға таныстырған ҚР сыртқы істер вице-министрі Ержан Қазыханов.

Оның айтуынша, жаңа құжатқа сәйкес, "шекаралық аумақтардың тұрғындары Қазақстан мен Ресей арасындағы мемлекеттік шекарадан осы өңірде тұру дерегін растайтын құжат пен жеке басын куәландыратын құжатты көрсету арқылы өткізу бекеттерінен өтеді".

Келісімге 2006-жылдың сәуір айында Оралда қол қойылды.

Заң жобасы сенаттың талқысына ұсынылды.

Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті

МӘТІННЕН ҚАТЕ ТАПТЫҢЫЗ БА?

Оны тінтуірмен таңдап, Ctrl + Enter пернелерін басыңыз.

тақырып бойынша жаңалықтар

Ең көп оқылғаны