Мәжіліс "Таңбаларды халықаралық тіркеу туралы Мадрид келісіміне хаттаманы ратификациялау туралы" заң жобасын мақұлдады (толықтырылған)
Мәжіліс "Таңбаларды халықаралық тіркеу туралы Мадрид келісіміне хаттаманы ратификациялау туралы" заң жобасын мақұлдады (толықтырылған)
Астана. 22 сәуір. Kazakhstan Today - Мәжіліс депутаттары кеше өткен жалпы отырыста "Таңбаларды халықаралық тіркеу туралы Мадрид келісіміне хаттаманы ратификациялау туралы" заң жобасын мақұлдады, деп хабарлайды Kazakhstan Today.
"Таңбаларды халықаралық тіркеу туралы Мадрид келісіміне хаттаманы ратификациялау туралы" заң жобасы туралы Иділет министрінің орынбасары Марат Бекетаев баяндады. Мәжілістің Халықаралық істер, қорғаныс және қауіпсіздік комитетінің мүшесі Камал Бұрхановқа қосымша баяндама жасады.
Қазақстан Республикасы бұрынғы КСРО республикалары елдерінің ішінде алғашқылардың бірі болып 1993 жылғы ақпанның 5-індегі Өнеркәсіптік меншік құқықтарын қорғау саласындағы халықаралық шарттар туралы Қазақстан Республикасының декларациясында 1891 жылғы Таңбаларды халықаралық тіркеу туралы Мадрид келісімінің біздің еліміздің аумағында қолданылуын жалғастыру туралы мәлімдеді. Осымен Қазақстанның тәуелсіз мемлекет ретінде Мадрид келісіміне бұдан әрі қатысуы расталды.
Мадрид келісімі тауар таңбасына қорғауды алу кезінде оның иесіне бірқатар артықшылықтар береді. Тауар таңбасын шетелде тіркеуге өтінімді беру рәсімі айтарлықтай оңайлатылады.
Сонымен қатар, таңбаларды халықаралық тіркеу жүйесін одан әрі жетілдіру мақсатында 1989 жылғы 27 маусымда Таңбаларды халықаралық тіркеу туралы Мадрид келісіміне 26 баптан тұратын Хаттама қабылданды. Аталған Хаттама Мадрид келісімі елдеріне тауар таңбаларды халықаралық тіркеуді қамтамасыз ету мақсатында өздеріне тиімді шарттарды таңдауға мүмкіндік беретін ережелерді енгізу арқылы елдердің шектеусіз аясы жүйесіне қосылу үшін бар құқықтық кедергілерді жою міндетін шешеді.
Хаттаманы ратификациялау негізінде, біріншіден, халықаралық тіркеуге өтінім ұлттық тіркеу түрінде, сонымен бірге ұлттық өтінім негізінде де жасалады. Осыған байланысты конвенциялық басымдықты сақтау рәсімі жеңілдетіледі. Бұл шарт көптеген елдердің өтінім берушілерінің көңілінен шықты. Себебі ұлттық заңнамалар негізінде тіркеу кейбір елдерде ұзақ уақыт алады. Ал тауар таңбасын тіркеу айтарлықтай еңбекті қажет етеді.
Екіншіден, Хатамаға қатысушы мемлекет жеке бажды (қосымша және қосылған баж орнына) белгелей алады. Бұл мемлекеттің кірісін арттыруға ықпал етеді.
Осы қорғау жүйесі көптеген кәсіпорындар, әсіресе шағын және орта кәсіпорындар үшін өздерінің тауар таңбаларын көптеген елдерде қорғауларына мүмкіндік беретін болады. Өзге жағдайда олар ешқашан өздерінің тауар таңбаларын халықаралық қорғауды қамтамасыз ете алмас еді. Бұл әділ бәсекеге және ұлттық әрі өңірлік және әлемдік деңгейде де экономикалық дамуға өз септігін тигізеді.
Қазіргі уақытта Мадрид жүйесіне 84 мемлекет қатысушы болып табылады. Оның ішінде 28 ел Мадрид хаттамасына, 6 мемлекет Мадрид келісіміне және әлемнің 50 мемлекеті Мадрид келіміне де, Мадрид хаттамасына да қосылған.
Таңбаларды халықаралық тіркеу туралы Мадрид келісіміне хаттаманы ратификациялаудың басты мақсаты отандық тауар өндірушілер мен кәсіпкерлердің бәсекеге қабілеттілік деңгейін арттыруды қамтамасыз ете алатын, сондай-ақ шағын және орта кәсіпкерліктің дамуына өз септігін тигізе алатын тиімді шаруашылық жүйесін құру болып табылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Премьер-Министрдің тапсырмасы бойынша отандық тауар өндірушілерді қолдауға арналған цифрлық құралдар әзірленді
Олжас Бектенов отандық тауар өндірушілерді қолдау және су тасқыны жағдайын болжауға арналған цифрлық құралдармен танысты, деп хабарлайды ҚР Премьер-министрінің баспасөз қызметінен.
Премьер-Министрдің тапсырмасы бойынша отандық тауар өндірушілерді қолдауға арналған цифрлық құралдар әзірленді.
Атап айтқанда, әзірленген жүйелер әрбір өндірістік кәсіпорынның жұмысын қадағалауға, мемлекеттік органдар тарапынан олардың мүдделеріне нұқсан келтіру фактілерін онлайн режимінде анықтауға мүмкіндік береді.
Мақсат - ел нарығындағы импорт үлесін төмендету үшін отандық өнімнің дамуына қосымша серпін беру.
Қазақстанның бірқатар өңірлеріндегі су тасқыны жағдайын ескере отырып, су тасқынын моделдеу және су қоймаларының деңгейін болжау жүйесінің прототипі қаралды. Тәжірибелік үлгіні әзірлеу аясында дренажды моделдеу және есептеу алгоритмдері жасалды, бірнеше өзен учаскелерінде пилоттық сынақтар жүргізілді. Цифрлық құрал реттелетін және реттелмейтін дренажды есептеуге, сондай-ақ берілген су деңгейіндегі су тасқыны аймағын картада көрсетуге мүмкіндік береді.
Үкімет басшысы Олжас Бектенов ұсынылған цифрлық шешімдерді сараптамалық талқылау қорытындысына сәйкес жобаларды мақұлдап, пилоттық режимде енгізу шараларын бастауды тапсырды.
Премьер-Министр су тасқынынан келтірілген залалды өтеуге өтінімдер қабылдау қызметін қысқа мерзімде іске қосуды, сондай-ақ қолда бар бейнебақылау камералары арқылы онлайн режимде су тасқынына қарсы іс-шаралардың орындалуын есепке алу және бақылау жүргізуді тапсырды.
Мемлекет басшысы өз Жолдауында Қазақстанды IT-елге айналдыру үшін стратегиялық маңызды міндет қойды. Дұрыс басқарушылық шешімдерді қабылдау үшін сапалы жедел ақпаратқа қол жеткізіп, жаңа технологияларды қолдану керек. Ұсынылып отырған тәсілдерді экономиканың басқа салалары бойынша кеңейту қажет. Барлық құралдар мен мәліметтер қолжетімді. Деректер алмасуды және жүйелерді интеграциялауды дұрыс жолға қою керек", - деп атап өтті Олжас Бектенов.
Цифрлық даму, инновациялар және аэроғарыш өнеркәсібі министрі Бағдат Мусинге деректердің уақтылы жаңартылуын және цифрлық құралдарды өмірдің барлық салаларына жедел енгізуді қамтамасыз ету тапсырылды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Тоқаев су тасқынынан зардап шеккендерге көмек туралы: Forbes тізіміндегі кәсіпкерлер әр облысқа бекітілетін болады
Сурет: akorda
Президент Қостанай облысының кәсіпкерлерімен және еріктілерімен кездесті, деп хабарлайды Ақорданың баспасөз қызметінен.
Мемлекет басшысы Қостанай облысына жұмыс сапары барысында су тасқыны салдарын еңсеруге жәрдемдескен бизнес өкілдерімен және еріктілермен жүздесті.
Кездесуге өңірдегі машина жасау, тау-кен, тамақ және ауыл шаруашылығы өнеркәсібі салаларының жетекшілері, Қазақстан халқы Ассамблеясының жергілікті өкілдері, облыстық жастар ресурстық орталығының еріктілері және студенттер қатысты.
Қасым-Жомарт Тоқаев шағын және орта бизнеске қолдау көрсету басты міндет екенін атап өтті.
Осы кездесуге біраз меценат қатысып отыр. Мен сіздерге ризашылығымды білдіремін. Бұл - сіздердің жүрек қалауларыңыз, азаматтық жауапкершіліктеріңіздің көрінісі. Мұның бәрін марапат үшін емес, шынайы ниетпен жасалған игі іс деп білемін", - деді Президент.
Мемлекет басшысы су тасқынынан зардап шеккен халыққа нақты көмек көрсету ісінде бизнесмендердің рөлі зор екеніне айрықша назар аударды.
Біздің елімізде Forbes тізіміне кіретін ірі кәсіпкерлер бар. Олармен арнайы кездесеміз. Олар әр облысқа, ауданға, елді мекенге бекітіледі және нақты жауапкершілік жүктеледі. Бұл бір жағынан кәсіпкерлердің мүддесіне сай келеді. Өйткені олар өздерінің қосқан үлесінің нақты нәтижесін көретін болады. Халқына қайырымдылық жасаған азамат ретінде Сіздердің де есімдеріңіз мемлекет тарапынан елеусіз қалмайды деп ойлаймын", - деді Қасым-Жомарт Тоқаев.
Сонымен қатар Президент еріктілерге зор құрметпен қарайтынын және жан-жақты қолдау көрсететінін атап өтіп, оларға ризашылық білдірді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстанда сырттан әкелінген тырысқақ ауруының ошағы жойылды
Сурет: gov.kz
Қазақстан Республикасының санитариялық-эпидемиологиялық қызметі Дели-Алматы бағыты бойынша Air Astana авиакомпаниясы рейсінің бортында тіркелген әкелінген тырысқақ жағдайы ошағының сәтті жойылғандығы туралы хабарлайды, деп мәлім етті Денсаулық сақтау министрлігінің баспасөз қызметінен.
Санитариялық-эпидемиологиялық қызмет мамандарының жедел іс-қимылдары ел ішінде тырысқақтың таралуын болдырмай, инфекцияны уақтылы анықтауға және оқшаулауға мүмкіндік берді.
Байланыста болған адамдардың зертханалық зерттеулерінің нәтижелері - теріс, 154 адамнан медициналық бақылау алынып тасталды.
Сырқаттанған Қырғыз Республикасының азаматы емделуден сәтті өтіп, жақсы нәтижемен стационардан шығарылды. Қазіргі уақытта ол Бішкек қаласына кетті.
Халыққа, әсіресе Үндістан, Ауғанстан мен Пәкістан секілді елдерді қоса алғанда, тырысқақпен сырқаттанушылық жоғары Африка мен Азияның кейбір өңірлеріне сапар шегуді жоспарлап отырған адамдарға ұсыным беру маңызды.
Денсаулық сақтау министрлігі қатаң кеңес береді:
- қайнатылған немесе бөтелкедегі суды ішу;
- Сусындарды салқындату үшін мұзды пайдаланбау;
- Тұтынар алдында өнімдерді тиісті термиялық өңдеуді жүргізу;
- Жемістер мен көкөністерді тек қайнатылған немесе бөтелкедегі суда жуу.
- Қол гигиенасын сақтау, оларды әр тамақ алдында және дәретханаға барғаннан кейін сабынмен жуу;
- Судың аузға кетуіне жол бермей, тек рұқсат етілген су айдындарында шомылу.
- Аурудың алғашқы белгілері пайда болған кезде өзін-өзі емдеуден аулақ болып, дереу медициналық көмекке жүгіну.
ҚР Денсаулық сақтау министрлігі жағдайды бақылауды жалғастыруда және ел тұрғындарының денсаулығын сақтау үшін барлық қажетті шараларды қабылдауда.
Біз азаматтарды саяхат кезінде сақтық шараларын сақтауға шақырамыз. Денсаулықты сақтаңыздар, мұқият болыңыз және медициналық мамандардың ұсынымдарын орындаңыз.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.