АСТАНА. 13желтоқсан. Kazakhstan Today. Бүгін өткен мәжілістің жалпы отырысында депутаттар "Жер қойнауын пайдалану және мұнай операцияларын жүргізу жөніндегі мәселелер бойынша кейбір заң актілеріне өзгертулер мен толықтырулар енгізу туралы" заң жобасын мақұлдады, деп хабарлайды Kazakhstan Today агенттігінің тілшісі.
"Заң жобаның мақсаты, жер қойнауын пайдалану саласындағы операциялар кезінде пайдаланылатын тауар, жұмыс және қызмет түрлерін сатып алу барысындағы ашықтықты қамтамасыз етуге бағытталған ережелерді, сонымен қатар , жер қойнауын пайдалану құқығын анықтайтын және келісім шарт жасауға байқаулар ұйымдастыру мәселелерін реттейтін ережелер енгізу",-деді депутаттарға заң жобасын ұсынған энергетика және минералды ресурстар министрі Бақтықожа Ізмұхамбетов.
Оның айтуынша, заң жобасы жер қойнауын пайдалануға құқық беретін байқауға қатысуға тапсырыс берушінің өз тапсырысында көрсетуі тиіс мағлұматтардың кеңейтілген тізімін белгілейді.
Сонымен қатар, құжатта, егер жер қойнауын пайлануға құқық беретін жағдайда ел қауіпсіздігін қамтамасыз ету талаптары орындалмайтын болса, байқауға қатыстырмаудың негізі түсіндіріледі.
Министрдің пікірінше , аталған түзетулер "байқау процедуралардың ашықтығын қамтамасыз етіп, олардың одан әрі жетілдірілуіне және келісім-шарт жасасқан субъектілердің қарым-қатынастарын реттеуге , оларға жер қойнауын пайдалануға құқық берілген жағдайда ұлттық қауіпсіздікті қамтамасыз етуге ықпал етеді".
Заң жобасында, мердігерлерді қазақстандық және шетелдік жұмысшыларға теңдей еңбек жағдайын жасап, теңдей еңбек ақы төлеуге міндеттейтін ережелер қарастырылған.
Сонымен қатар, заң жобасында, егер техникалық схемада қарастырылған жағдайда жер асты техникалық суын қабатын қойнауқатқа қайта айдау мақсатында өндіруге құқық беру процедурасын жеңілдету көзделген.
Депутаттардың ұсыныстары бойынша, заң жобасына құзыретті органға жер қойнауын пайдаланушыларға қазақстандық жұмысшыларды тарту барысында теңдей жағдай жасауына мониторинг жүргізуге мүмкіндік беретін ереже енгізілді.
Аталған заң жоба сенаттың қарауына жіберілді.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Мәжіліс жер қойнауын пайдалану және мұнай операцияларын жүргізу мәселелері жөніндегі заң жобасын мақұлдады
тақырып бойынша жаңалықтар
650 мыңнан астам қазақстандық тұрғын үйге кезекте тұр
Үкімет отырысында Премьер-Министр Олжас Бектенов тұрғын үй құрылысы және проблемалық объектілерді аяқтау мәселесі бойынша өнеркәсіп және құрылыс министрі Қанат Шарлапаевтың, сондай-ақ бірқатар өңірлер әкімдерінің баяндамасын тыңдады, деп хабарлайды ҚР Үкіметінің баспасөз қызметінен.
Олжас Бектенов Үкімет алдына биыл тұрғын үй құрылысына қатысты көптеген маңызды міндеттер қойылғанын атап өтті. Бұл - рекордтық 18 млн шаршы метр тұрғын үйді тапсыру, Мемлекет басшысының жаңа ипотекалық бағдарламаны іске қосу туралы тапсырмасын жүзеге асыру, сондай-ақ үлестік құрылыс пен заңсыз құрылыстың қордаланып қалған проблемаларын түпкілікті шешу.
Премьер-Министр қазіргі уақытта 650 мыңнан астам адам үй кезегінде тұрғанын атап өтті. 2023 жылы өңірлер әкімдіктері тұрғын үй бағдарламасына қатысуға өтініш берушілердің талаптарға сәйкестігін тексеру бойынша жұмыстарын бастады. Мәселен, Мысалы, Ақмола облысында баспана кезегінде тұрғандардың ішінде талаптарды бұзған 16 мыңға жуық азамат, Шымкент қаласында 36 мыңнан астам адам анықталды. Бірақ, олардың аз ғана бөлігі кезектен шығарылған.
Премьер-Министр әкімдіктерге тізімдерді бірінші жартыжылдықтың соңына дейін өзектендіруді және тұрғын үй бағдарламасының іске асырылуына мониторинг жүргізуді тапсырды.
Барлық әкімдіктер осы тізімдерді қайта қарап, жұмысты І жартыжылдықтың соңына дейін аяқтауы қажет. Бәрі белгіленген ережеге сай болуға тиіс. Кезекке қабылдауды ашық әрі бәріне түсінікті етіп жасау керек. Сондай-ақ тізімге енгізілген адамдарға нақты мониторинг жүргізілуге тиіс", - деп атап өтті Олжас Бектенов.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстанда интернет-казино ұйымдастырғаны үшін қылмыстық жауапкершілік енгізілуде
Мәжіліс ойын бизнесі, лотереялар және лотерея қызметі мәселелері бойынша заңнамалық өзгерістерді Әкімшілік құқық бұзушылық туралы кодекске енгізілетін ілеспе түзетулерімен бірінші оқылымда мақұлдады, деп хабарлайды Төменгі палатаның баспасөз қызметінен.
Заң жобалары Мемлекет басшысының құмар ойындарға тәуелділікке қарсы күресті күшейту туралы тапсырмасы аясында әзірленді. Оған депутаттар бастамашы болды.
Заң жобасы бойынша жеке тұлғалардың құмар ойындарға және бәс тігуге қатысу жасы 21-ден 25 жасқа көтеріледі. Сонымен қатар алимент және несие берешегі өтелмеген азаматтардың, яғни борышкерлердің бірыңғай реестрінде тұрған тұлғалардың құмар ойын ойнауына тыйым салынады.
Аталған санаттарға заңсыз ойын ойнауға мүмкіндік берген заңды тұлғалар әкімшілік жауапкершілікке тартылады. Бұл жағдайда орта кәсіпкерлік субъектілеріне - 300 АЕК, ірі кәсіпкерлік субъектілеріне - 1000 АЕК көлемінде айыппұл салынады.
Сондай-ақ ойын бизнесін ұйымдастырушылар құмар ойындар мен бәс тігудің тәуекелдері мен зияны туралы хабарлауға міндеттеледі. Мұндай ақпарат ойын мекемелерінде, ғимараттарда, билет кассаларында және букмекерлік кеңселер мен тотализаторлардың электронды кассаларында, казино кассалары мен ойын автоматтары залдарында, сондай-ақ өздерінің интернет-ресурстарында орналастырылуы тиіс. Талаптарды орындамағандар әкімшілік жауапкершілікке тартылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Өнімсіз делдалдар электрмен жабдықтау тізбегінен шығарылады
Мемлекет басшысының экономиканы демонополизациялау және жасанды түрде құрылған делдалдық тізбектерді жою жөніндегі тапсырмасын іске асыру шеңберінде Үкімет энергиямен жабдықтау нарығында тәртіп орнатуға кірісті. Басты мақсат - тұтынушылар үшін электр энергиясының түпкілікті құнын негізсіз көтеретін делдалдарды алып тастау, деп хабарлайды Үкіметтің баспасөз қызметінен.
Премьер-Министр Олжас Бектеновтің тапсырмасы бойынша биылғы 1 сәуірден бастап нарықта 2004 жылдан бері жұмыс істеп келе жатқан және бизнес пен бірқатар бюджеттік ұйымдар үшін тарифтердің мөлшерін дербес белгілей алатын реттелмейтін энергиямен жабдықтаушы ұйымдардың (бұдан әрі - ЭЖҰ) жұмысы тоқтатылды. Бұл ретте талдау көрсеткендей, мұндай компаниялардың табыстылығы 1 кВтсағ үшін шамамен 30-50% немесе 5-20 теңгені құраған. Реттелмейтін ЭЖҰ-дан түскен пайда энергетикалық жүйені жаңғыртуға пайдаланылмады.
ҚР Парламенті Мәжілісінің бірінші оқылымында мақұлданған "Жылу энергетикасы туралы" жаңа заң аясында өнімсіз делдалдарды жою жұмыстары жалғасатын болады. Электрмен жабдықтау нарығындағы қазіргі проблемаларды шешу үшін ҚР Үкіметі бірінші кезеңде реттелмейтін ЭЖҰ қызметін шектеу туралы шешім қабылдады. Екінші кезеңде электрмен жабдықтау саласын өңірлік электр желілері компанияларына беру қарастырылады. Бұл электр энергиясының тарифіне жағымды әсер етеді, сонымен қатар келесідей оң әсерлерге әкеледі:
- заңды тұлғалар үшін тарифтерді төмендету, тиісінше, бизнеске жүктемені азайту, бұл халық үшін түпкілікті өнім бағасының тең шарттары мен төмендеуін қамтамасыз етеді;
- бюджет қаражатын үнемдеуге алып келетін және үнемделген қаражатты әлеуметтік маңызы бар жобаларға бағыттауға мүмкіндік беретін бюджеттік ұйымдар үшін тарифті төмендету;
- соңғы тұтынушылар үшін тарифке ең аз әсер ете отырып, энергетика секторына инвестицияларды ұлғайту.
Осындай жұмыстар өнімсіз делдалдар кесірінен бағаның негізсіз көтерілуі байқалатын өзге де салаларда жүргізілетін болады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.