13.12.2006, 16:00 2849

Мәжіліс зияткерлік меншік мәселелері бойынша кейбір заң актілеріне енгізілетін өзгертулерді бірінші оқылымда мақұлдады

АСТАНА. 13 желтоқсан. Kazakhstan Today. Бүгін өткен мәжілістің жалпы отырысында депутаттар "Зияткерлік меншік мәселелері бойынша кейбір заң актілеріне өзгертулер мен толықтырулар енгізу туралы" заң жобасын алғашқы оқылымда мақұлдады, деп хабарлайды Kazakhstan Today агенттігінің тілшісі.

Мәжілістің заң шығару және сот-құқықтық реформа жөніндегі комитетінің қорытынды құжатында: "бұл заң жобасы Қазақстанда тиімді әрі әлемдік стандарттарға сай өнеркәсіп меншік нысандарын қорғау жүйесін дамытуға мүмкіндік тудыру мақсатында жасалды",-деп көрсетілген.

Заң жобасы ашқан жаңалыққа патент алу процедурасына өзгерту енгізуді, қорғау құжаттарын беру мерзімін қысқартуды және тапсырыстарға сараптама жүргізу тәртібін жетілдіруді көздейді.

Енгізілген өзгерістерде алдын ала патент және оны беру процедурасы нновациялық патент деп аталатын жаңа қорғау құжатының түрімен ауыстырылған. Мұндай алмастыру елдегі инновациялық даму талаптарымен түсіндіріледі.

Құжатта тексеру сараптамалық элементтері бар қорғау құжаттарын алудың жеделдетілген процедурасы осы құжат иесін өзінің техникалық жаңалықтарын дер кезінде және толық қорғауға мүмкіндік береді, технологияны лицензиялауға жол ашады және өндіріске жаңашылдық енгізуді жеделдетеді делінген.

Заң жобасы екінші оқылымға дайындау үшін мәжілістің салалық комитетіне жіберілді.

Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті

МӘТІННЕН ҚАТЕ ТАПТЫҢЫЗ БА?

Оны тінтуірмен таңдап, Ctrl + Enter пернелерін басыңыз.

тақырып бойынша жаңалықтар

Ең көп оқылғаны