Мемлекет басшысы Нұрсұлтан Назарбаев Илемдік және дәстүрлі діндер көшбасшыларының IV съезіне қатысу үшін Астанаға келген Мәскеу және бүкіл Ресей Патриархы Кириллді қабылдады
Кездесу барысында Нұрсұлтан Назарбаев пен Патриарх Кирилл екі елдің рухани және мәдени ынтымақтастығының ауқымды спектрін талқылады, сондай-ақ форумның күн тәртібін қарастырды. Қазақстан Президенті Партиархтың Илемдік және дәстүрлі діндер көшбасшыларының съезіне қатысуы форумның беделін және оның бірегей диалог алаңы ретіндегі мәнін арттыратынын атап өтті.
Астана. 30-мамыр. Kazakhstan Today - Мемлекет басшысы Нұрсұлтан Назарбаев Илемдік және дәстүрлі діндер көшбасшыларының IV съезіне қатысу үшін Астанаға келген Мәскеу және бүкіл Ресей Патриархы Кириллді қабылдады, деп хабарлайды Kazakhstan Today агенттігінің тілшісі.
Кездесу барысында Нұрсұлтан Назарбаев пен Патриарх Кирилл екі елдің рухани және мәдени ынтымақтастығының ауқымды спектрін талқылады, сондай-ақ форумның күн тәртібін қарастырды. Қазақстан Президенті Партиархтың Илемдік және дәстүрлі діндер көшбасшыларының съезіне қатысуы форумның беделін және оның бірегей диалог алаңы ретіндегі мәнін арттыратынын атап өтті.
"Сіздің православ шіркеуінің беделді көшбасшысы ретінде съезге келуіңіз осы форумның деңгейі мен мәнін арттырады. Біз үшін адам мен қоғамның дәстүрлі моральдық-адамгершілік құндылықтарын нығайту жөніндегі православ жоғары миссиясы өте маңызды болып табылады", - деді Нұрсұлтан Назарбаев.
Сонымен қатар, Мемлекет басшысы қазіргі уақытта қоғамның дәстүрлі тіреуін сақтаудың маңызды екеніне тоқталды. Осы ретте, тек конфессиялар күшімен ғана көптеген жүзжылдықтар бойына адамдардың сенімі мен рухын нығайта аламыз.
Өз кезегінде Мәскеу және бүкіл Ресей Патриархы Кирилл Қазақстан Президентіне әлемдік діндер съезін өткізу туралы бастамасы үшін ризашылығын білдірді.
"Бұл бастама едәуір әкімшілік және дипломатиялық күшті, сондай-ақ ізгі ниетті талап етеді. Оның үстіне форумның тұрақты түрде Қазақстанда өтуі сіздердің елдеріңіз үшін ғана пайдалы емес. Бұл өзге мемлекеттер мен діни ұйымдар үшін пайдалы. Біз орыс православ шіркеуі ретінде съезд алаңын көптеген ықпалды дйни ұйымдармен діни диалогымызды жалғастыру үшін қанағаттанушылық сезіммен пайдаланамыз. Бізде екіжақты қарым-қатынастар жүйесі бар, ал көптарапты өзара қарым-қатынастардың тұрақты жүйесін бір ғана орыс шіркеуі құра алмайды, өйткені ол орасан ресурстарды қажет етеді", - деп атап өтті Патриарх.
Брифинг барысында орыс православ шіркеуінің басшысы бүгінде Қазақстан көп жағдайда посткеңестік кеңістіктегі өзге елдер үшін үлгі болып табылатынын атап көрсетті.
"Мен ислам мен православ шіркеуі тәрізді діни ұйымдар өкілдері арасындағы, мемлекеттік билік органдарымен диалогтың жоғары деңгейін ерекше атап өтпекпін. Мұндай қолдау орыс православ шіркеуіне өз бағдарламасын жүзеге асыруға мүмкіндік береді. Діни аспектіден басқа, Қазақстанның экономикалық өркендеуін, оның ықпалдасу үдерістеріне қатысуын ерекше атап өткім келеді. Нұрсұлтан Ибішұлы посткеңестік кеңістіктегі ықпалдастық үдерістердің әрдайым бастамашысы болды. Осының арқасында қазіргі кезде Кеден одағы мен Бірыңғай экономикалық кеңістік жұмыс істеуде. Қазақстан ықпалдастық үдерістерді табысты іске асырудың жарқын үлгісі болып табылады. Мен Қазақстанға материалдық және рухани игіліктер, өз халқының игілігі үшін және орасан Еуразиялық кеңістікке мүше елдердің игілігі үшін, онда жүріп жатқан барлық ықпалдастық үдерістеріне белсенді қатысқанын тілеймін", - деді Мәскеу және бүкіл Ресей Патриархы Кирилл.
Қазіргі уақытта Қазақстанда православтар саны халықтың 25 пайызын құрайды. 310 православ бірлестігі, 9 епархия, 266 діни ғимарат бар, Ресей православ шіркеуіне қарайтын 28 интернет-сайт жұмыс істеп тұр. Мемлекеттің қолдау көрсетуімен жаңа ғибадатханалар салынуда, тұрмыстық жағдайы төмен топтарға көмек көрсету жөнінде бірлескен әлеуметтік жобалар іске асырылуда.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Бектенов Атырау облысында су басу қаупін азайту үшін қабылданып жатқан шаралардың барысын тексерді
Қазақстан Премьер-Министрі Олжас Бектенов Мемлекет басшысы Қасым-Жомарт Тоқаевтың тапсырмаларын орындау аясында Атырау облысында су басу қаупін азайту үшін қабылданып жатқан шаралардың барысын тексерді, деп хабарлайды Үкіметтің баспасөз қызметінен.
Олжас Бектенов облыс орталығындағы тұрғын үй алаптары бекіністерін тексеру барысында Атырау қаласының су тасқынының болжамды екінші толқынына дайындық жұмыстарымен танысты. Батыс өңірде Ресей Федерациясының Ириклин су қоймасынан судың келуіне байланысты, сондай-ақ Жайық өзеніне құйылар сағадағы ірі тасқын мен су деңгейінің көтерілуі салдарынан жағдай күрделі күйінде қалып отыр.
Бұрын хабарланғандай, Батыс Қазақстан облысындағы ірі су тасқынынан кейін ағын су өзен арнасымен Атырау облысына қарай жылжып, Каспий теңізіне құяды. Соңғы тәулікте БҚО тарапынан келетін судың әсерінен Атырау қаласында су деңгейінің 6 см-ге көтерілуі тіркелді (су тасқыны басталғаннан бері жалпы көтерілуі 227 см-ді құрады).
Тұрғын үй алаптарын нығайту, сондай-ақ Жайықтың өткізу қабілетін арттыру үшін өзен түбін тереңдету жұмыстарының қарқыны тексерілді. Тиісті күштердің көлемді судың келуіне дайындық деңгейін қарап көрді.
Үкімет басшысы Олжас Бектенов Атырау облысына су тасқыны жағдайы тұрақтанған өңірлерден әскери қызметшілер мен техниканы жедел жеткізіп, күштерді арттыруды тапсырды.
Бүгінгі таңда су тасқынының алдын алу шараларының 92%-ы орындалды. Жұмысты тиімді жүргізу үшін қала 111 секторға бөлінген. Ұзындығы 482 км қорғаныс бөгеттері салынды, аяқталған учаскелер техникалық қадағалау арқылы тексерілді. Жұмыстарға ТЖМ, ІІМ, Қорғаныс министрлігі, Ұлттық ұланның 6 мыңға жуық әскери қызметшісі, әкімдік қызметкерлері, 2 мыңға жуық техника жұмылдырылған. Еріктілер тарапынан белсенді көмек көрсетілуде. Өткен сенбіде жағалауды нығайту сенбілігі аясында қаланы қорғау жұмыстарына 9 мыңға жуық ерікті қатысты.
Сонымен қатар Жайық өзенінен Каспий теңізіне су өткізу қабілетін арттыру үшін өзен түбін тереңдету жұмыстары жүргізілуде. Су жолдарын тазарту, тереңдету және кеңейту мақсатында арнайы техникалық флоттық кемелер, гидравликалық экскаваторлар қолданылуда.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Көктемгі дала жұмыстарына қосымша 400 миллиард теңгеге дейін қаражат тартылады
Көктемгі дала жұмыстарын оңтайлы егіншілік уақытында жүргізу бүгінгі күннің маңызды міндеттерінің бірі болып табылады. Бұл мiндеттi орындау үшiн ауыл шаруашылығы тауарын өндiрушiлердiң ұзақ уақыт бойы шектелген қарыз қаражатына қол жеткiзуi тиiс.
Егіс жұмыстарын жеңілдетілген несиелендіруге 2024 жылы "Аграрлық несие корпорациясы" АҚ арқылы 140 миллиард теңге, "Азық-түлік корпорациясы" АҚ арқылы 40 миллиард теңге көлемінде бюджет қаражаты бөлінді, деп хабарлайды ҚР Ауылшаруашылық министрлігінің баспасөз қызметінен.
Осы қаражатты ескере отырып, Қазақстан Республикасы Ауыл шаруашылығы министрлігінің бағалауы бойынша көктемгі дала жұмыстарын қаржыландырудағы тапшылық шамамен 1,3 триллион теңгені құрайды.
Дегенмен, Қазақстан Республикасының Үкіметі егіс науқанын қаржыландыруға қолжетімділікті арттыру бойынша жұмыс жүргізуде.
Мемлекет басшысының тапсырмасы бойынша көктемгі егіс жұмыстарын жүргізуге берілетін несиенің пайыздық мөлшерлемесін субсидиялауға қаражат бөлу арқылы қосымша 400 миллиард теңгеге дейін қаражат тартылады.
Осы мақсаттарға Үкімет резервінен 60 млрд теңге бөлініп, ол қарыз несиелерінің құнын төмендетуге, сондай-ақ ауыл шаруашылығы тауарын өндірушілердің несиелеріне кепілдік беруге бағытталады.
Бұл тәсіл ауыл шаруашылығы кәсіпорындарына егіс жұмыстарын жүргізу үшін жылдық бірден 5% несие қаражатын беруге және жеткілікті кепілдік болмаған жағдайда несие сомасының 85% дейін кепілдік беруге мүмкіндік береді.
Ереже жобасы бүгін жергілікті атқарушы органдар мен Орталық мемлекеттік басқару органдарына келісу үшін жіберіледі.
Сондай-ақ бүгінде азық-түлік корпорациясын қосымша қаржыландыру үшін "Азық-түлік корпорациясы" 200 мың тонна астықты тауарлық несиелеу бағдарламасын жүзеге асыруға кірісті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Тоқаев Қазақстан халқы Ассамблеясы төрағасының орынбасарларын тағайындады
Сурет: Akorda
Тоқаев Қазақстан халқы Ассамблеясы төрағасының орынбасарларын тағайындады, деп хабарлайды Ақорданың баспасөз қызмтінен.
Мемлекет басшысының өкімдерімен Лугмар Харкиевич Буларов және Юрий Германович Шин Қазақстан халқы Ассамблеясы Төрағасының орынбасарлары болып тағайындалды", деп көрсетілген Өкім мәтінінде.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Есірткі саудасының 50 пайыздан астамы Астана, Алматы және Алматы облыстарына тиесілі - ҚМА
ҚМА есірткі құралдары мен прекурсорлардың таралуы тұрғысынан Telegram мессенджерінің арналары, әлеуметтік желілер мен хабарландыру сервистері қамтылған жаһандық желіге мониторинг жүргізуде, деп хабарлайды агенттіктің баспасөз қызметінен.
Мессенджерлердегі 300-ге жуық арна, тыйым салынған заттар сатылатын 4 ірі Darknet маркетплейс көзге түсті.
Ел аумағында Telegram арналары арқылы есірткі және психотроптық заттарды тұрақты негізде жарнамалаумен және сатумен айналысқан 80 пайдаланушының жеке басы анықталды.
Интернет-кеңістіктің Қазақстандық сегментіне жүргізілген мониторинг нәтижесінде 35 мыңға жуық қатысушысы бар есірткі сататын 3 ірі алаң,
есірткі заттарынының әлеуетті тұтынушылары болып табылатын 10 мыңға жуық адамның жеке басы анықталды.
Талдау көрсеткендей, тұтынушылардың 50% - дан астамы Астана, Алматы қалалары мен Алматы облысына тиесілі.
Агенттік өткен жылы айналымы 25,6 млрд теңгені құрайтын 36 есірткі дүкенін анықтады.
Биыл Telegram мессенджерінде 60 есірткі арнасына тиесілі 59 карт-шот анықталды.
Қаржылық барлау бөлімшесінің алдын ала талдау қорытындысы бойынша аталған дүкендердегі ақша қаражатының жалпы айналымы 3 млрд теңгені құрады.
Айналымы 82 млн теңгені құрайтын есірткі дүкендерінің бірі бойынша материалдар ІІМ-ге жолданды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.