Мемлекет басшысы "Парыз" сыйлығы бойынша республикалық байқау жеӊімпаздарын марапаттады
Елбасыныӊ идеясымен кәсіпорындар мен ұйымдарға олардыӊ қоғамды әлеуметтік, экономикалық және экологиялық дамытуға қосқан ерікті үлестері үшін 2008 жылдан бері табысталып келе жатқан сыйлықты иеленуге республикадағы 501 кәсіпорын ниет білдірді.
Астана. 7 желтоқсан. Kazakhstan Today - Мемлекет басшысы бизнестіӊ әлеуметтік жауапкершілігі жөніндегі "Парыз" сыйлығы бойынша республикалық байқау жеӊімпаздарын марапаттады.
Байқауды "Атамекен" Ұлттық кәсіпкерлер палатасы ҚР Денсаулық сақтау және әлеуметтік даму министрлігімен және ҚР Кәсіподақтар федерациясымен бірлесе ұйымдастырып келеді.
Елбасыныӊ идеясымен кәсіпорындар мен ұйымдарға олардыӊ қоғамды әлеуметтік, экономикалық және экологиялық дамытуға қосқан ерікті үлестері үшін 2008 жылдан бері табысталып келе жатқан сыйлықты иеленуге республикадағы 501 кәсіпорын ниет білдірді.
Байқаудыӊ өӊірлік кезеӊі қорытындысында еӊ көбі Алматы қаласынан ұйымдар мен кәсіпорындар тарапынан 68 өтінім түссе, ал Павлодар және Шығыс Қазақстан облыстарыныӊ әрқайсысынан 53 үміткерден тіркелді.
Жалпы байқауда бақ сынаушылардыӊ арасынан еӊ көп өтінім, яғни 263 кәсіпорын "Үздік әлеуметтік жауапты кәсіпорын" аталымына берілген. Бұл аталымда өз ұжымын қолдауға, мүмкіндігі шектеулі жандарды әлеуметтік бейімдеуге және тұтастай қоғамныӊ жағдайын жақсартуға арналған әлеуметтік бағдарламаларды жүзеге асырушы үміткерлердіӊ қызметі бағаланды.
Еӊбеккерлердіӊ Қазақстан Республикасы заӊнамасында қарастырылған еӊбек және әлеуметтік құқықтарын нығайтуға қатысты жұмыс берушілердіӊ іс-қимылы таразыланған "Үздік ұжымдық шарт" аталымына 89 кәсіпорын өтінім жолдаған.
"Еӊбек қорғау саласындағы үздік кәсіпорын" аталымына 78 ұйым бақ сынаған. Бұл аталым қызмет барысында жұмыскерлердіӊ денсаулығын сақтауға мүмкіндік беретін еӊбек жағдайын қамтамасыз еткен үміткерлердіӊ беталысы сарапқа салынды.
Сонымен қатар қоршаған орта ахуалын жақсартуға бағытталған табиғатты қорғау бағдарламаларын жүзеге асыруда айтарлықтай дараланған үміткерлердіӊ іс-қимылы сарапталатын "Экологияға қосқан үлесі үшін" аталымына 71 өтінім жолданған.
Биыл Байқаудыӊ бас жүлдесін корпоративтік, әлеуметтік және экологиялық жауапкершілік ұстанымдарын жүзеге асыруда және күнделікті жұмысында жоғары нәтижелерге қол жеткізген кәсіпорын ретінде Батыс Қазақстан облысынан "Ақсайгазсервис" Акционерлік қоғамы еншіледі. Мұндай жоғары марапат түрін жеӊімпазға Мемлекет басшысыныӊ өзі табыстады.
"Үздік әлеуметтік жауапты кәсіпорын" аталымында ірі кәсіпкерліктен - Астана қаласыныӊ "BI Holding" ЖШС, ал шағын және орта кәсіпкерліктен Шығыс Қазақстан облысыныӊ "Новая Заря" шаруа қожалығы жеӊімпаз атанды.
"Үздік ұжымдық шарт" аталымында ірі кәсіпкерлік субъектілері арасында Ақтөбе облысында орналасқан "Сағыз Петролеум Компани" ЖШС және шағын және орта кәсіпкерлік субъектілері арасында Алматы қаласынан "Цин-Каз" ЖШС лайық деп танылды.
"Еӊбек қорғау саласындағы үздік кәсіпорын" аталымында ірі кәсіпкерліктен Атырау облысыныӊ "Өмірзақ-Сервис" ЖШС мен шағын және орта кәсіпкерліктен Жамбыл облысыныӊ "Тараз проммонтаж" ЖШС мерейлері үстем болды.
Ал "Экологияға қосқан үлесі үшін" аталымына ірі кәсіпкерліктен Оӊтүстік Қазақстан облысындағы "ПетроҚазақстан Ойл Продактс" және шағын және орта кәсіпкерліктен Батыс Қазақстан облысынан "Тасқала аққу" ЖШС иеленді.
Бизнестіӊ әлеуметтік жауапкершілігі жөніндегі "Парыз" байқауына 8 жылда, оған шағын, орта және ірі бизнес санатынан 3 мыӊнан астам кәсіпорын қатысты.
Ақпаратты пайдаланИан жаИдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық қИқық.
тақырып бойынша жаңалықтар
Бектенов Атырау облысында су басу қаупін азайту үшін қабылданып жатқан шаралардың барысын тексерді
Қазақстан Премьер-Министрі Олжас Бектенов Мемлекет басшысы Қасым-Жомарт Тоқаевтың тапсырмаларын орындау аясында Атырау облысында су басу қаупін азайту үшін қабылданып жатқан шаралардың барысын тексерді, деп хабарлайды Үкіметтің баспасөз қызметінен.
Олжас Бектенов облыс орталығындағы тұрғын үй алаптары бекіністерін тексеру барысында Атырау қаласының су тасқынының болжамды екінші толқынына дайындық жұмыстарымен танысты. Батыс өңірде Ресей Федерациясының Ириклин су қоймасынан судың келуіне байланысты, сондай-ақ Жайық өзеніне құйылар сағадағы ірі тасқын мен су деңгейінің көтерілуі салдарынан жағдай күрделі күйінде қалып отыр.
Бұрын хабарланғандай, Батыс Қазақстан облысындағы ірі су тасқынынан кейін ағын су өзен арнасымен Атырау облысына қарай жылжып, Каспий теңізіне құяды. Соңғы тәулікте БҚО тарапынан келетін судың әсерінен Атырау қаласында су деңгейінің 6 см-ге көтерілуі тіркелді (су тасқыны басталғаннан бері жалпы көтерілуі 227 см-ді құрады).
Тұрғын үй алаптарын нығайту, сондай-ақ Жайықтың өткізу қабілетін арттыру үшін өзен түбін тереңдету жұмыстарының қарқыны тексерілді. Тиісті күштердің көлемді судың келуіне дайындық деңгейін қарап көрді.
Үкімет басшысы Олжас Бектенов Атырау облысына су тасқыны жағдайы тұрақтанған өңірлерден әскери қызметшілер мен техниканы жедел жеткізіп, күштерді арттыруды тапсырды.
Бүгінгі таңда су тасқынының алдын алу шараларының 92%-ы орындалды. Жұмысты тиімді жүргізу үшін қала 111 секторға бөлінген. Ұзындығы 482 км қорғаныс бөгеттері салынды, аяқталған учаскелер техникалық қадағалау арқылы тексерілді. Жұмыстарға ТЖМ, ІІМ, Қорғаныс министрлігі, Ұлттық ұланның 6 мыңға жуық әскери қызметшісі, әкімдік қызметкерлері, 2 мыңға жуық техника жұмылдырылған. Еріктілер тарапынан белсенді көмек көрсетілуде. Өткен сенбіде жағалауды нығайту сенбілігі аясында қаланы қорғау жұмыстарына 9 мыңға жуық ерікті қатысты.
Сонымен қатар Жайық өзенінен Каспий теңізіне су өткізу қабілетін арттыру үшін өзен түбін тереңдету жұмыстары жүргізілуде. Су жолдарын тазарту, тереңдету және кеңейту мақсатында арнайы техникалық флоттық кемелер, гидравликалық экскаваторлар қолданылуда.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Көктемгі дала жұмыстарына қосымша 400 миллиард теңгеге дейін қаражат тартылады
Көктемгі дала жұмыстарын оңтайлы егіншілік уақытында жүргізу бүгінгі күннің маңызды міндеттерінің бірі болып табылады. Бұл мiндеттi орындау үшiн ауыл шаруашылығы тауарын өндiрушiлердiң ұзақ уақыт бойы шектелген қарыз қаражатына қол жеткiзуi тиiс.
Егіс жұмыстарын жеңілдетілген несиелендіруге 2024 жылы "Аграрлық несие корпорациясы" АҚ арқылы 140 миллиард теңге, "Азық-түлік корпорациясы" АҚ арқылы 40 миллиард теңге көлемінде бюджет қаражаты бөлінді, деп хабарлайды ҚР Ауылшаруашылық министрлігінің баспасөз қызметінен.
Осы қаражатты ескере отырып, Қазақстан Республикасы Ауыл шаруашылығы министрлігінің бағалауы бойынша көктемгі дала жұмыстарын қаржыландырудағы тапшылық шамамен 1,3 триллион теңгені құрайды.
Дегенмен, Қазақстан Республикасының Үкіметі егіс науқанын қаржыландыруға қолжетімділікті арттыру бойынша жұмыс жүргізуде.
Мемлекет басшысының тапсырмасы бойынша көктемгі егіс жұмыстарын жүргізуге берілетін несиенің пайыздық мөлшерлемесін субсидиялауға қаражат бөлу арқылы қосымша 400 миллиард теңгеге дейін қаражат тартылады.
Осы мақсаттарға Үкімет резервінен 60 млрд теңге бөлініп, ол қарыз несиелерінің құнын төмендетуге, сондай-ақ ауыл шаруашылығы тауарын өндірушілердің несиелеріне кепілдік беруге бағытталады.
Бұл тәсіл ауыл шаруашылығы кәсіпорындарына егіс жұмыстарын жүргізу үшін жылдық бірден 5% несие қаражатын беруге және жеткілікті кепілдік болмаған жағдайда несие сомасының 85% дейін кепілдік беруге мүмкіндік береді.
Ереже жобасы бүгін жергілікті атқарушы органдар мен Орталық мемлекеттік басқару органдарына келісу үшін жіберіледі.
Сондай-ақ бүгінде азық-түлік корпорациясын қосымша қаржыландыру үшін "Азық-түлік корпорациясы" 200 мың тонна астықты тауарлық несиелеу бағдарламасын жүзеге асыруға кірісті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Тоқаев Қазақстан халқы Ассамблеясы төрағасының орынбасарларын тағайындады
Сурет: Akorda
Тоқаев Қазақстан халқы Ассамблеясы төрағасының орынбасарларын тағайындады, деп хабарлайды Ақорданың баспасөз қызмтінен.
Мемлекет басшысының өкімдерімен Лугмар Харкиевич Буларов және Юрий Германович Шин Қазақстан халқы Ассамблеясы Төрағасының орынбасарлары болып тағайындалды", деп көрсетілген Өкім мәтінінде.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Есірткі саудасының 50 пайыздан астамы Астана, Алматы және Алматы облыстарына тиесілі - ҚМА
ҚМА есірткі құралдары мен прекурсорлардың таралуы тұрғысынан Telegram мессенджерінің арналары, әлеуметтік желілер мен хабарландыру сервистері қамтылған жаһандық желіге мониторинг жүргізуде, деп хабарлайды агенттіктің баспасөз қызметінен.
Мессенджерлердегі 300-ге жуық арна, тыйым салынған заттар сатылатын 4 ірі Darknet маркетплейс көзге түсті.
Ел аумағында Telegram арналары арқылы есірткі және психотроптық заттарды тұрақты негізде жарнамалаумен және сатумен айналысқан 80 пайдаланушының жеке басы анықталды.
Интернет-кеңістіктің Қазақстандық сегментіне жүргізілген мониторинг нәтижесінде 35 мыңға жуық қатысушысы бар есірткі сататын 3 ірі алаң,
есірткі заттарынының әлеуетті тұтынушылары болып табылатын 10 мыңға жуық адамның жеке басы анықталды.
Талдау көрсеткендей, тұтынушылардың 50% - дан астамы Астана, Алматы қалалары мен Алматы облысына тиесілі.
Агенттік өткен жылы айналымы 25,6 млрд теңгені құрайтын 36 есірткі дүкенін анықтады.
Биыл Telegram мессенджерінде 60 есірткі арнасына тиесілі 59 карт-шот анықталды.
Қаржылық барлау бөлімшесінің алдын ала талдау қорытындысы бойынша аталған дүкендердегі ақша қаражатының жалпы айналымы 3 млрд теңгені құрады.
Айналымы 82 млн теңгені құрайтын есірткі дүкендерінің бірі бойынша материалдар ІІМ-ге жолданды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.