Мемлекет басшысы Словакия Республикасының бұрынғы президенті Рудольф Шустерді қабылдады
Мемлекет басшысы Словакия Республикасының бұрынғы президенті Рудольф Шустерді қабылдады
Астана. 15 сәуір. "Қазақстан Бүгін" - Мемлекет басшысы Нұрсұлтан Назарбаев Словакия Республикасының бұрынғы президенті Рудольф Шустерді қабылдады, деп хабарлайды агенттік тілшісі президенттің баспасөз қызметіне сілтеме жасап.
Баспасөз қызметінің ақпаратына сәйкес, кездесу барысында Қазақстан мен Словакия арасындағы экономикалық ынтымақтастықты дамыту жайлы сөз қозғалды.
"Словакия президенті болып тұрған кезімде, 2001 жылы мен ресми сапармен Қазақстанға келдім. Сол сәттен бері Қазақстанның Елордасының қанатын кеңге жайғаны соншалық, мен оны тіпті танымай қалдым. Астана тамаша қала болыпты",- деді Р.Шустер брифингте.
Экс-президенттің айтуынша, онымен бірге Словакияның ірі компанияларының жетекшілері келді, олар Қазақстандық әріптестерімен темір жол транспорты, денсаулық сақтау, экономиканың түрлі салаларында бірлескен кәсіпорындар құру мәселелері бойынша келіссөздер жүргізді.
"Осынау барлық жобалар таяудағы 1-2 жылда жүзеге асады. Қазақстанның экономикалық даму қарқыны көпшілікті таңдандыруда. Бұл жерде бизнесті дамытуға барлық жағдайлар жасалған", -деп мәлімдеді Р.Шустер.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
650 мыңнан астам қазақстандық тұрғын үйге кезекте тұр
Үкімет отырысында Премьер-Министр Олжас Бектенов тұрғын үй құрылысы және проблемалық объектілерді аяқтау мәселесі бойынша өнеркәсіп және құрылыс министрі Қанат Шарлапаевтың, сондай-ақ бірқатар өңірлер әкімдерінің баяндамасын тыңдады, деп хабарлайды ҚР Үкіметінің баспасөз қызметінен.
Олжас Бектенов Үкімет алдына биыл тұрғын үй құрылысына қатысты көптеген маңызды міндеттер қойылғанын атап өтті. Бұл - рекордтық 18 млн шаршы метр тұрғын үйді тапсыру, Мемлекет басшысының жаңа ипотекалық бағдарламаны іске қосу туралы тапсырмасын жүзеге асыру, сондай-ақ үлестік құрылыс пен заңсыз құрылыстың қордаланып қалған проблемаларын түпкілікті шешу.
Премьер-Министр қазіргі уақытта 650 мыңнан астам адам үй кезегінде тұрғанын атап өтті. 2023 жылы өңірлер әкімдіктері тұрғын үй бағдарламасына қатысуға өтініш берушілердің талаптарға сәйкестігін тексеру бойынша жұмыстарын бастады. Мәселен, Мысалы, Ақмола облысында баспана кезегінде тұрғандардың ішінде талаптарды бұзған 16 мыңға жуық азамат, Шымкент қаласында 36 мыңнан астам адам анықталды. Бірақ, олардың аз ғана бөлігі кезектен шығарылған.
Премьер-Министр әкімдіктерге тізімдерді бірінші жартыжылдықтың соңына дейін өзектендіруді және тұрғын үй бағдарламасының іске асырылуына мониторинг жүргізуді тапсырды.
Барлық әкімдіктер осы тізімдерді қайта қарап, жұмысты І жартыжылдықтың соңына дейін аяқтауы қажет. Бәрі белгіленген ережеге сай болуға тиіс. Кезекке қабылдауды ашық әрі бәріне түсінікті етіп жасау керек. Сондай-ақ тізімге енгізілген адамдарға нақты мониторинг жүргізілуге тиіс", - деп атап өтті Олжас Бектенов.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.