Мемлекет басшысы үкімет басшысы мен Астана әкіміне Елордасының 10 жылдық мерейтойын өткізуді тікелей бақылауға алуды тапсырды
Мемлекет басшысы үкімет басшысы мен Астана әкіміне Елордасының 10 жылдық мерейтойын өткізуді тікелей бақылауға алуды тапсырды
Астана. 4 сәуір. "Қазақстан Бүгін" - Қазақстан президенті Нұрсұлтан Назарбаев бүгін Астана қаласы атқамінерлерінің отырысы барысында үкімет басшысы Кәрім Мәсімов пен Астана әкімі Иманғали Тасмағамбетовқа Елордасының 10 жылдық мерейтойын өткізуді тікелей бақылауға алуды тапсырды, деп хабарлайды агенттік тілшісі.
"Қазір басты назар Елордасының 10 жылдық мерейтойын тиісті деңгейде атап өтуге аударылуға тиіс, біз дүниежүзіне өз қаламызды және Қазақстанның мүмкіндігін паш етуге тиіспіз. Сол себепті мен үкімет басшысы Кәрім Мәсімов пен әкім Тасмағамбетовты 10 жылдық мерейтойды атап өту мен қаланың әріқарайғы дамуына жауапты етіп бекітемін", - деді мемлекет басшысы.
"Көп нәрсе тындырылып жатқанымен, елдің бас қаласы ретінде Астананың тиісті кескін-келбеті баяу қалыптасып келеді. Астана Қазақстанның басқа барлық қалалары үшін дамудың үлгісі болуға тиіс", - деді Н. Назарбаев.
"Мен өзіне сеніп тапсырылған учаскеде мен берген тапсырмаларды ешқашан аяқсыз қалдырып көрмеген Иманғали Тасмағамбетов менің тікелей қолдауыммен және көмегіммен осы мақсатты шешіп, Астана тұрғындарына қала салу, тәртіп пен реттіліктің ең таңдаулы үлгісін көрсетеді деп сенемін", -деп мәлімдеді президент.
Н. Назарбаев сонымен бірге, "Республика тәуелсіздігінің 20 жылдығы - 2011 жылға дейін қаладағы қажетті инфрақұрылымды негізінен салып бітіруді" тапсырды.
"Бұл жерде әңгіме қажетті коммуналдық инфрақұрылымды тарту, мәдениет, денсаулық сақтау және білім беру нысандарын салу жайлы болып отыр", -деді президент.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Тоқаев Қазақстан халқы Ассамблеясы төрағасының орынбасарларын тағайындады
Сурет: Akorda
Тоқаев Қазақстан халқы Ассамблеясы төрағасының орынбасарларын тағайындады, деп хабарлайды Ақорданың баспасөз қызмтінен.
Мемлекет басшысының өкімдерімен Лугмар Харкиевич Буларов және Юрий Германович Шин Қазақстан халқы Ассамблеясы Төрағасының орынбасарлары болып тағайындалды", деп көрсетілген Өкім мәтінінде.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Есірткі саудасының 50 пайыздан астамы Астана, Алматы және Алматы облыстарына тиесілі - ҚМА
ҚМА есірткі құралдары мен прекурсорлардың таралуы тұрғысынан Telegram мессенджерінің арналары, әлеуметтік желілер мен хабарландыру сервистері қамтылған жаһандық желіге мониторинг жүргізуде, деп хабарлайды агенттіктің баспасөз қызметінен.
Мессенджерлердегі 300-ге жуық арна, тыйым салынған заттар сатылатын 4 ірі Darknet маркетплейс көзге түсті.
Ел аумағында Telegram арналары арқылы есірткі және психотроптық заттарды тұрақты негізде жарнамалаумен және сатумен айналысқан 80 пайдаланушының жеке басы анықталды.
Интернет-кеңістіктің Қазақстандық сегментіне жүргізілген мониторинг нәтижесінде 35 мыңға жуық қатысушысы бар есірткі сататын 3 ірі алаң,
есірткі заттарынының әлеуетті тұтынушылары болып табылатын 10 мыңға жуық адамның жеке басы анықталды.
Талдау көрсеткендей, тұтынушылардың 50% - дан астамы Астана, Алматы қалалары мен Алматы облысына тиесілі.
Агенттік өткен жылы айналымы 25,6 млрд теңгені құрайтын 36 есірткі дүкенін анықтады.
Биыл Telegram мессенджерінде 60 есірткі арнасына тиесілі 59 карт-шот анықталды.
Қаржылық барлау бөлімшесінің алдын ала талдау қорытындысы бойынша аталған дүкендердегі ақша қаражатының жалпы айналымы 3 млрд теңгені құрады.
Айналымы 82 млн теңгені құрайтын есірткі дүкендерінің бірі бойынша материалдар ІІМ-ге жолданды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.