Мемлекеттік айыптаушы бұрынғы қоршаған ортаны қорғау министрін 7 жылға бас бостандығынан айыруды сұрауда (кеңейтілген нұсқасы)
Астана. 11 қыркүйек. Kazakhstan Today - Мемлекеттік айыптаушы бұрынғы қоршаған ортаны қорғау министрі Нұрлан Ысқақовқа жалпы тәртіптегі абақтыда 7 жылға бас бостандығынан айыру жазасын жүктеуді сұрауда. Бұл туралы бүгін айыптау қорытындысын оқыған прокурор Бахтияр Ерназаров мәлім етті, деп хабарлайды Kazakhstan Today.
"Ысқақовты ҚР Қылмыстық кодексінің 28-ші бабының 5-ші тармағы (қылмысқа қатысушылардың түрлері), 176-шы бабының 3-тармағының "б" және "г" тармақшаларында (сеніп тапсырылған бөтен мүлікті талан-таражға салу немесе иемденіп алу) көрсетілген қылмыстарды жаған айыпты деп танып, осы бап бойынша мүлкін тәркілеумен 7 жылға бас бостандығынан айыру жазасын жүктеуді сұраймын. Сондай-ақ, ҚР Қылмыстық кодексінің 307-ші бабының 4-ші тармағы (билігін немесе лауазымдық өкілетілігін асыра пайдалану) бойынша айыпты деп танып, осы бап бойынша алты жылға бас бостандығынан айырып, жеті жыл мерзіммен мемлекеттік органдарда лауазымға тағайындалу құқығынан айыруды сұраймын", - деді Б. Ерназаров.
"ҚР Қылмыстық кодексінің 58-ші бабының 3-тармағын пайдалану арқылы қатаңдау жазаның бәсеңдеу жазаны жұтуына сәйкес түпкілікті жазаны мүлкін тәркілеумен жалпы тәртіптегі абақтыда жеті жылға бас бостандығынан айыру және жеті жыл мерзіммен мемлекеттік органдарда лауазымға тағайындалу құқығынан айыруды сұраймын ", - деді ол.
"Сәрсенбаевты ҚР Қылмыстық кодексінің 28-ші бабының 5-ші тармағы, 176-шы бабының 3-тармағында көрсетілген қылмыстарды жасаған айыпты деп тануды, осы баптарға сәйкес мүлкін тәркілеумен алты жылға бас бостандығынан айыруды, және ҚР Қылмыстық кодексінің 307-ші бабының 4-ші тармағы бойынша айыпты деп танып, осы бапқа сәйкес 5 жылға бас бостандығынан айырып, 6 жыл мерзіммен мемлекеттік органдарда лауазымға тағайындалу құқығынан айыруды сұраймын ", - деді Б. Ерназаров.
"ҚР Қылмыстық кодексінің 58-ші бабының 3-тармағын пайдалану арқылы қатаңдау жазаның бәсеңдеу жазаны жұтуына сәйкес түпкілікті жазаны мүлкін тәркілеумен жалпы тәртіптегі абақтыда 6 жылға бас бостандығынан айыру және 6 жыл мерзіммен мемлекеттік органдарда лауазымға тағайындалу құқығынан айыруды сұраймын", - деді мемлекеттік айыптаушы.
"Бралиевті ҚР Қылмыстық кодексінің 28-ші бабының 5-ші тармағы, 176-шы бабының 3-тармағында көрсетілген қылмыстарды жасаған айыпты деп тануды, осы баптарға сәйкес мүлкін тәркілеумен 5 жылға бас бостандығынан айыруды, және ҚР Қылмыстық кодексінің 307-ші бабының 4-ші тармағы бойынша айыпты деп танып, осы бапқа сәйкес 3 жыл 6 айға бас бостандығынан айырып, 5 жыл мерзіммен мемлекеттік органдарда лауазымға тағайындалу құқығынан айыруды сұраймын",- деді Б.Ерназаров.
"ҚР Қылмыстық кодексінің 58-ші бабының 3-тармағын пайдалану арқылы қатаңдау жазаның бәсеңдеу жазаны жұтуына сәйкес түпкілікті жазаны мүлкін тәркілеумен жалпы тәртіптегі абақтыда 5 жылға бас бостандығынан айыру және 5 жыл мерзіммен мемлекеттік органдарда лауазымға тағайындалу құқығынан айыруды сұраймын. 63-ші баптың негізінде тағайындалған жазаны 3 жыл сынақ мерзімімен шартты деп санау қажет",- деді ол.
Сондай-ақ, мемлекеттік айыптаушы "Жайылғановты ҚР Қылмыстық кодексінің 28-ші бабының 5-ші тармағы, 176-шы бабының 3-тармағында көрсетілген қылмыстарды жасаған айыпты деп тануды, осы баптарға сәйкес мүлкін тәркілеумен 9 жылға бас бостандығынан айыруды, және жазаны жалпы тәртіптегі абақтыда өтеумен 7 жыл мерзіммен мемлекеттік органдарда лауазымға тағайындалу құқығынан айыруды сұрады".
Еске сала кетейік, ағымдағы жылдың 20 сәуірінде айыптау материалдары бойынша Нұрлан Ысқақов, И. Бралиев, З. Сәрсенбаев, Т. Савицкая, А. Жайылғанов, В. Лайсқа қызметтік өкілеттіліктерін пайдаланып бюджет қаржысын жымқыруға түрлі жолдармен қатысты және мемлекеттік сатып алулар кезінде қызметтік өкілеттілігін асыра пайдалану арқылы мемлекетке 1 млрд 172 млн 665 мың теңге көлемінде шығын келтірді деген айып тағылды.
Бұрынғы қоршаған ортаны қорғау министрі Нұрлан Ысқақов пен "Меркурий плюс" ЖШС өкілі А. Жайылғановқа 1 сәуірде қызметтік өкілеттілігін пайдаланып 1 млрд 172 млн теңге көлемінде бюджет қаржысын жымқырды және мемлекеттік сатып алулар кезінде қызметтік өкілеттілігін асыра пайдаланды деген айып тағылды. "Сол күні алдын-ала тергеу барысында табылған дәлелдердің негізінде Астана қаласының Сарыарқа аудандық соты Ысқақов пен Жайылғановты тұтқындауға санкция берді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Бектенов Атырау облысында су басу қаупін азайту үшін қабылданып жатқан шаралардың барысын тексерді
Қазақстан Премьер-Министрі Олжас Бектенов Мемлекет басшысы Қасым-Жомарт Тоқаевтың тапсырмаларын орындау аясында Атырау облысында су басу қаупін азайту үшін қабылданып жатқан шаралардың барысын тексерді, деп хабарлайды Үкіметтің баспасөз қызметінен.
Олжас Бектенов облыс орталығындағы тұрғын үй алаптары бекіністерін тексеру барысында Атырау қаласының су тасқынының болжамды екінші толқынына дайындық жұмыстарымен танысты. Батыс өңірде Ресей Федерациясының Ириклин су қоймасынан судың келуіне байланысты, сондай-ақ Жайық өзеніне құйылар сағадағы ірі тасқын мен су деңгейінің көтерілуі салдарынан жағдай күрделі күйінде қалып отыр.
Бұрын хабарланғандай, Батыс Қазақстан облысындағы ірі су тасқынынан кейін ағын су өзен арнасымен Атырау облысына қарай жылжып, Каспий теңізіне құяды. Соңғы тәулікте БҚО тарапынан келетін судың әсерінен Атырау қаласында су деңгейінің 6 см-ге көтерілуі тіркелді (су тасқыны басталғаннан бері жалпы көтерілуі 227 см-ді құрады).
Тұрғын үй алаптарын нығайту, сондай-ақ Жайықтың өткізу қабілетін арттыру үшін өзен түбін тереңдету жұмыстарының қарқыны тексерілді. Тиісті күштердің көлемді судың келуіне дайындық деңгейін қарап көрді.
Үкімет басшысы Олжас Бектенов Атырау облысына су тасқыны жағдайы тұрақтанған өңірлерден әскери қызметшілер мен техниканы жедел жеткізіп, күштерді арттыруды тапсырды.
Бүгінгі таңда су тасқынының алдын алу шараларының 92%-ы орындалды. Жұмысты тиімді жүргізу үшін қала 111 секторға бөлінген. Ұзындығы 482 км қорғаныс бөгеттері салынды, аяқталған учаскелер техникалық қадағалау арқылы тексерілді. Жұмыстарға ТЖМ, ІІМ, Қорғаныс министрлігі, Ұлттық ұланның 6 мыңға жуық әскери қызметшісі, әкімдік қызметкерлері, 2 мыңға жуық техника жұмылдырылған. Еріктілер тарапынан белсенді көмек көрсетілуде. Өткен сенбіде жағалауды нығайту сенбілігі аясында қаланы қорғау жұмыстарына 9 мыңға жуық ерікті қатысты.
Сонымен қатар Жайық өзенінен Каспий теңізіне су өткізу қабілетін арттыру үшін өзен түбін тереңдету жұмыстары жүргізілуде. Су жолдарын тазарту, тереңдету және кеңейту мақсатында арнайы техникалық флоттық кемелер, гидравликалық экскаваторлар қолданылуда.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Көктемгі дала жұмыстарына қосымша 400 миллиард теңгеге дейін қаражат тартылады
Көктемгі дала жұмыстарын оңтайлы егіншілік уақытында жүргізу бүгінгі күннің маңызды міндеттерінің бірі болып табылады. Бұл мiндеттi орындау үшiн ауыл шаруашылығы тауарын өндiрушiлердiң ұзақ уақыт бойы шектелген қарыз қаражатына қол жеткiзуi тиiс.
Егіс жұмыстарын жеңілдетілген несиелендіруге 2024 жылы "Аграрлық несие корпорациясы" АҚ арқылы 140 миллиард теңге, "Азық-түлік корпорациясы" АҚ арқылы 40 миллиард теңге көлемінде бюджет қаражаты бөлінді, деп хабарлайды ҚР Ауылшаруашылық министрлігінің баспасөз қызметінен.
Осы қаражатты ескере отырып, Қазақстан Республикасы Ауыл шаруашылығы министрлігінің бағалауы бойынша көктемгі дала жұмыстарын қаржыландырудағы тапшылық шамамен 1,3 триллион теңгені құрайды.
Дегенмен, Қазақстан Республикасының Үкіметі егіс науқанын қаржыландыруға қолжетімділікті арттыру бойынша жұмыс жүргізуде.
Мемлекет басшысының тапсырмасы бойынша көктемгі егіс жұмыстарын жүргізуге берілетін несиенің пайыздық мөлшерлемесін субсидиялауға қаражат бөлу арқылы қосымша 400 миллиард теңгеге дейін қаражат тартылады.
Осы мақсаттарға Үкімет резервінен 60 млрд теңге бөлініп, ол қарыз несиелерінің құнын төмендетуге, сондай-ақ ауыл шаруашылығы тауарын өндірушілердің несиелеріне кепілдік беруге бағытталады.
Бұл тәсіл ауыл шаруашылығы кәсіпорындарына егіс жұмыстарын жүргізу үшін жылдық бірден 5% несие қаражатын беруге және жеткілікті кепілдік болмаған жағдайда несие сомасының 85% дейін кепілдік беруге мүмкіндік береді.
Ереже жобасы бүгін жергілікті атқарушы органдар мен Орталық мемлекеттік басқару органдарына келісу үшін жіберіледі.
Сондай-ақ бүгінде азық-түлік корпорациясын қосымша қаржыландыру үшін "Азық-түлік корпорациясы" 200 мың тонна астықты тауарлық несиелеу бағдарламасын жүзеге асыруға кірісті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Тоқаев Қазақстан халқы Ассамблеясы төрағасының орынбасарларын тағайындады
Сурет: Akorda
Тоқаев Қазақстан халқы Ассамблеясы төрағасының орынбасарларын тағайындады, деп хабарлайды Ақорданың баспасөз қызмтінен.
Мемлекет басшысының өкімдерімен Лугмар Харкиевич Буларов және Юрий Германович Шин Қазақстан халқы Ассамблеясы Төрағасының орынбасарлары болып тағайындалды", деп көрсетілген Өкім мәтінінде.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Есірткі саудасының 50 пайыздан астамы Астана, Алматы және Алматы облыстарына тиесілі - ҚМА
ҚМА есірткі құралдары мен прекурсорлардың таралуы тұрғысынан Telegram мессенджерінің арналары, әлеуметтік желілер мен хабарландыру сервистері қамтылған жаһандық желіге мониторинг жүргізуде, деп хабарлайды агенттіктің баспасөз қызметінен.
Мессенджерлердегі 300-ге жуық арна, тыйым салынған заттар сатылатын 4 ірі Darknet маркетплейс көзге түсті.
Ел аумағында Telegram арналары арқылы есірткі және психотроптық заттарды тұрақты негізде жарнамалаумен және сатумен айналысқан 80 пайдаланушының жеке басы анықталды.
Интернет-кеңістіктің Қазақстандық сегментіне жүргізілген мониторинг нәтижесінде 35 мыңға жуық қатысушысы бар есірткі сататын 3 ірі алаң,
есірткі заттарынының әлеуетті тұтынушылары болып табылатын 10 мыңға жуық адамның жеке басы анықталды.
Талдау көрсеткендей, тұтынушылардың 50% - дан астамы Астана, Алматы қалалары мен Алматы облысына тиесілі.
Агенттік өткен жылы айналымы 25,6 млрд теңгені құрайтын 36 есірткі дүкенін анықтады.
Биыл Telegram мессенджерінде 60 есірткі арнасына тиесілі 59 карт-шот анықталды.
Қаржылық барлау бөлімшесінің алдын ала талдау қорытындысы бойынша аталған дүкендердегі ақша қаражатының жалпы айналымы 3 млрд теңгені құрады.
Айналымы 82 млн теңгені құрайтын есірткі дүкендерінің бірі бойынша материалдар ІІМ-ге жолданды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.