18.12.2019, 23:12 53491

Нұрлан Ноғаев Қазақстан Республикасының Энергетика министріне тағайындалды

Ноғаев Нұрлан Асқарұлы 1967 жылы туған. 2016 жылдың 26 наурызынан Атырау облысының әкімі болды.

Алматы. 18 желтоқсан. Kazakhstan Today - Мемлекет басшысы Қасым-Жомарт Тоқаев Нұрлан Асқарұлы Ноғаевты Қазақстан Республикасының Энергетика министріне тағайындау, осыған байланысты оны Атырау облысының әкімі қызметінен босату туралы жарлыққа қол қойды.

Ноғаев Нұрлан Асқарұлы 1967 жылы туған. Білімі жоғары, И.Губкин атындағы Мәскеу мемлекеттік мұнай және газ академиясын, Қазақ мемлекеттік басқару академиясын, Ресей Сыртқы істер министрлігі жанындағы "Халықаралық қатынастар университеті" Мәскеу мемлекеттік институтын тау-кен инженері, экономист, халықаралық қатынастар маманы, әкімшілік іскерлік жөніндегі шебер мамандықтары бойынша бітіріп шыққан.

Еңбек жолын Ақтөбе облысы, Қандыағаш станциясында электр шебері болып бастаған.

1993-1995 ж.ж. - Мәскеу қаласындағы "Гили-Паскер" ЖШС-де мұнай өнімдері жөніндегі аға сарапшы, бөлім бастығы, бас директор.

1995-1996 ж.ж. - Алматы қаласындағы "Отрар Лтд" шағын кәсіпорны бас директорының орынбасары.

1996-2006 ж.ж. - "Қазақтүрікмұнай" ЖШС-де инженер, бас директор.

2006 жылдың ақпан айынан тамыз айына дейін - "ҚазМұнайГаз Ұлттық компаниясы" АҚ-ның атқарушы директоры.

2006 жылдың тамыз айынан ҚР Энергетика және минералды ресурстар министрлігі мұнай өнеркәсібі департаментінің директоры болып істеген.

2007 жылдың қыркүйегінен 2010 жылдың сәуір айына дейін - Батыс Қазақстан облысы әкімінің орынбасары.

2010 жылдың сәуір айынан 2012 жылдың қаңтарына дейін облыс әкімінің бірінші орынбасары.

2012 жылдың 20 қаңтарында Мемлекет Басшысының Жарлығымен Батыс Қазақстан облысының әкімі болып тағайындалды.

2010 жылы "Құрмет" орденімен марапатталған.

2016 жылдың 26 наурызынан Атырау облысының әкімі болды.

Ақпаратты пайдаланѓан жаѓдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігініњ материалдарына авторлық қ±қық.

МӘТІННЕН ҚАТЕ ТАПТЫҢЫЗ БА?

Оны тінтуірмен таңдап, Ctrl + Enter пернелерін басыңыз.

тақырып бойынша жаңалықтар

Ең көп оқылғаны