Наурызбай ауданын дамытуға бөлінетін қаржы ұлғаятын болады
Астана. 6 ақпан. Kazakhstan Today - Үстіміздегі жылы Алматы бюджетінде Наурызбай ауданын қаржыландыру көлемін ұлғайту жоспарланған. Бұл туралы бүгін Алматы әкімі Ахметжан Есімов өткен жылы мегаполистіӊ әкімшілік бірлігініӊ сегізінші ауданы аталған Наурызбай ауданында өткен жаӊа ауданныӊ әлеуметтік-экномикалық дамуыныӊ қорытындыларын талқылаған есепті кездесуде айтты, деп хабарлайды Kazakhstan Today агенттігініӊ тілшісі.
Алматы әкімі аудан құрылған кезден бастап мұнда үлкен жұмыстардыӊ жүзеге асқандығын, түрлі салаларда бірініші кезектегі мәселелердіӊ оӊ шешімін тапқандығын жеткізді, деп хабарлайды almaty.gov.kz тілшісі.
"Аудан құрылған соӊ біз қала бюджетінен 5 млрд 100 млн. теӊге бөлдік, оныӊ 900 миллионын білімді дамытуға жұмсадық. Барлық мектептерде жөндеу жұмыстары жүргізілді. Үш кезекпен оқытуды тоқтаттық. Денсаулық саласына бөлінген қаржы - 420 млн теӊге, мұнда да жөндеу жұмыстары жүргізілді, санитарлық көлік алынды, жедел жәрдем жұмысы жақсарды, оӊ пікірлер қалыптасты. Бұл жұмыстар одан әрі жалғасады", - деді Ахметжан Есімов.
Қала басшысы айтып өткендей, биыл ауданды дамытуға бөлінетін қаржы көлемі ұлғайып, 9 млрд. теӊгені құрайтын болады. Білім саласын дамытуға 1,8 млрд теӊге бөлінеді, 2400 орынды 2 мектептіӊ, 880 орынды 4 бала бақшаныӊ, 2 мектептіӊ сейсмикалық қуатын күшейтудіӊ, мектеп жанынан салынатын қосалқы құрылыстыӊ жобалық-сметалық құжаттары жасалады. Денсаулық саласында 1000 адам қатынайтын 2 емхананыӊ, жедел медициналық көмек станция құрылысыныӊ жобалық-сметалық құжаттары дайындалады. Тұрғын үй-коммуналды шаруашылыққа 563 млн теӊге бөлінеді, бұл өткен жылмен салыстарғанда үш есеге көп. Қаржы ауданды абаттандыруға, көгалдандыруға, санитарлық тазалыққа жұмсалатын болады. Жол-инженерлік инфрақұрылмға бөлінетіні - 6,4 млрд, жолдарды жөндеуге - 300 млн, электрмен жабдықтау желісіне - 308 млн теӊге, су желісіне - 573 млн. теӊге және жылыту желісіне 181 млн теӊге жұмсалады.
"Жаӊа әрі жас ауданға жан-жақты қолдау мен көмек көрсетіледі. Аудан әкімі өзініӊ командасымен бірге осы қаржыныӊ барынша тиімді пайдалануын, жоспарлардыӊ жүзеге асуын, қаржыныӊ мақсатты жұмсаулын жіті бақылауы тиіс. Аудан тұрғындары оӊ өзгерістердіӊ қалыптасқандығын көре отырып, еліміздіӊ еӊ ірі қаласында тұратындықтарын сезінулері тиіс", - деп қорытындылады өзініӊ сөзін Ахметжан Есімов.
тақырып бойынша жаңалықтар
Тоқаев Қазақстан халқы Ассамблеясы төрағасының орынбасарларын тағайындады
Сурет: Akorda
Тоқаев Қазақстан халқы Ассамблеясы төрағасының орынбасарларын тағайындады, деп хабарлайды Ақорданың баспасөз қызмтінен.
Мемлекет басшысының өкімдерімен Лугмар Харкиевич Буларов және Юрий Германович Шин Қазақстан халқы Ассамблеясы Төрағасының орынбасарлары болып тағайындалды", деп көрсетілген Өкім мәтінінде.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Есірткі саудасының 50 пайыздан астамы Астана, Алматы және Алматы облыстарына тиесілі - ҚМА
ҚМА есірткі құралдары мен прекурсорлардың таралуы тұрғысынан Telegram мессенджерінің арналары, әлеуметтік желілер мен хабарландыру сервистері қамтылған жаһандық желіге мониторинг жүргізуде, деп хабарлайды агенттіктің баспасөз қызметінен.
Мессенджерлердегі 300-ге жуық арна, тыйым салынған заттар сатылатын 4 ірі Darknet маркетплейс көзге түсті.
Ел аумағында Telegram арналары арқылы есірткі және психотроптық заттарды тұрақты негізде жарнамалаумен және сатумен айналысқан 80 пайдаланушының жеке басы анықталды.
Интернет-кеңістіктің Қазақстандық сегментіне жүргізілген мониторинг нәтижесінде 35 мыңға жуық қатысушысы бар есірткі сататын 3 ірі алаң,
есірткі заттарынының әлеуетті тұтынушылары болып табылатын 10 мыңға жуық адамның жеке басы анықталды.
Талдау көрсеткендей, тұтынушылардың 50% - дан астамы Астана, Алматы қалалары мен Алматы облысына тиесілі.
Агенттік өткен жылы айналымы 25,6 млрд теңгені құрайтын 36 есірткі дүкенін анықтады.
Биыл Telegram мессенджерінде 60 есірткі арнасына тиесілі 59 карт-шот анықталды.
Қаржылық барлау бөлімшесінің алдын ала талдау қорытындысы бойынша аталған дүкендердегі ақша қаражатының жалпы айналымы 3 млрд теңгені құрады.
Айналымы 82 млн теңгені құрайтын есірткі дүкендерінің бірі бойынша материалдар ІІМ-ге жолданды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.