Оңтүстік Қазақстан облысында қаржы полициясы бірнеше қылмыстық іс қозғады
Оңтүстік Қазақстан облысында қаржы полициясы бірнеше қылмыстық іс қозғады
Астана. 27 мамыр. "Қазақстан Бүгін" - ҚР Экономикалық және сыбайлас жемқорлық қылмыстармен күрес агенттігінің Оңтүстік Қазақстан облыстық департаменті бірнеше қылмыстық іс қозғады, деп хабарлайды агенттік тілшісі қаржы полициясының баспасөз қызметіне сілтеме жасап.
Атап айтсақ, қаржы полициясының баспасөз қызметінің хабарлауынша, салық декларациясына кірісі туралы қасақана бұрмаланған мәліметтер енгізу арқылы 1 млрд 200 млн теңге көлемінде салық төлеуден жалтарған бір ЖШС директорының үстінен ҚР қылмыстық кодексінің 222-бабының 2-тармағы бойынша (ұйымдардың салық төлеуден жалтаруы) қылмыстық іс қозғалды.
Бұған қоса, облыстың бір ауданының пошта байланысы бөлімінің бастығы мен зейнетақы мен жәрдемақыларды төлеу жөніндегі мемлекектік орталықтың бас маманының үстінен ҚР Қылмыстық кодексінің 176-бабының 3-тармағының "г" тармақшасы бойынша (сеніп тапсырылған басқаның мүлкін иемденіп алу немесе талан-таражға салу) қылмыстық іс қозғалды, олар өздерінің қызмет бабын пайдаланып 521 мың теңге көлемінде бюджет қаржысын жымқырған.
Сондай-ақ, салық декларациясына кірісі туралы қасақана бұрмаланған мәліметтер енгізу арқылы 618 млн 100 мың теңге көлемінде салық төлеуден жалтарған, кәсіпкерлік қызметпен айналысу ниетінсіз "Юг-Сан" ЖШС және "Субан Ко" ЖШС атты жалған кәсіпорындар құрған "Юг-Сан" және "Субан Ко" ЖШС-нің директорының үстінен ҚР қылмыстық кодексінің 222-бабының 1-тармағы бойынша (жалған кәсіпкерлік) қылмыстық іс қозғалды.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Премьер-Министрдің тапсырмасы бойынша отандық тауар өндірушілерді қолдауға арналған цифрлық құралдар әзірленді
Олжас Бектенов отандық тауар өндірушілерді қолдау және су тасқыны жағдайын болжауға арналған цифрлық құралдармен танысты, деп хабарлайды ҚР Премьер-министрінің баспасөз қызметінен.
Премьер-Министрдің тапсырмасы бойынша отандық тауар өндірушілерді қолдауға арналған цифрлық құралдар әзірленді.
Атап айтқанда, әзірленген жүйелер әрбір өндірістік кәсіпорынның жұмысын қадағалауға, мемлекеттік органдар тарапынан олардың мүдделеріне нұқсан келтіру фактілерін онлайн режимінде анықтауға мүмкіндік береді.
Мақсат - ел нарығындағы импорт үлесін төмендету үшін отандық өнімнің дамуына қосымша серпін беру.
Қазақстанның бірқатар өңірлеріндегі су тасқыны жағдайын ескере отырып, су тасқынын моделдеу және су қоймаларының деңгейін болжау жүйесінің прототипі қаралды. Тәжірибелік үлгіні әзірлеу аясында дренажды моделдеу және есептеу алгоритмдері жасалды, бірнеше өзен учаскелерінде пилоттық сынақтар жүргізілді. Цифрлық құрал реттелетін және реттелмейтін дренажды есептеуге, сондай-ақ берілген су деңгейіндегі су тасқыны аймағын картада көрсетуге мүмкіндік береді.
Үкімет басшысы Олжас Бектенов ұсынылған цифрлық шешімдерді сараптамалық талқылау қорытындысына сәйкес жобаларды мақұлдап, пилоттық режимде енгізу шараларын бастауды тапсырды.
Премьер-Министр су тасқынынан келтірілген залалды өтеуге өтінімдер қабылдау қызметін қысқа мерзімде іске қосуды, сондай-ақ қолда бар бейнебақылау камералары арқылы онлайн режимде су тасқынына қарсы іс-шаралардың орындалуын есепке алу және бақылау жүргізуді тапсырды.
Мемлекет басшысы өз Жолдауында Қазақстанды IT-елге айналдыру үшін стратегиялық маңызды міндет қойды. Дұрыс басқарушылық шешімдерді қабылдау үшін сапалы жедел ақпаратқа қол жеткізіп, жаңа технологияларды қолдану керек. Ұсынылып отырған тәсілдерді экономиканың басқа салалары бойынша кеңейту қажет. Барлық құралдар мен мәліметтер қолжетімді. Деректер алмасуды және жүйелерді интеграциялауды дұрыс жолға қою керек", - деп атап өтті Олжас Бектенов.
Цифрлық даму, инновациялар және аэроғарыш өнеркәсібі министрі Бағдат Мусинге деректердің уақтылы жаңартылуын және цифрлық құралдарды өмірдің барлық салаларына жедел енгізуді қамтамасыз ету тапсырылды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Тоқаев су тасқынынан зардап шеккендерге көмек туралы: Forbes тізіміндегі кәсіпкерлер әр облысқа бекітілетін болады
Сурет: akorda
Президент Қостанай облысының кәсіпкерлерімен және еріктілерімен кездесті, деп хабарлайды Ақорданың баспасөз қызметінен.
Мемлекет басшысы Қостанай облысына жұмыс сапары барысында су тасқыны салдарын еңсеруге жәрдемдескен бизнес өкілдерімен және еріктілермен жүздесті.
Кездесуге өңірдегі машина жасау, тау-кен, тамақ және ауыл шаруашылығы өнеркәсібі салаларының жетекшілері, Қазақстан халқы Ассамблеясының жергілікті өкілдері, облыстық жастар ресурстық орталығының еріктілері және студенттер қатысты.
Қасым-Жомарт Тоқаев шағын және орта бизнеске қолдау көрсету басты міндет екенін атап өтті.
Осы кездесуге біраз меценат қатысып отыр. Мен сіздерге ризашылығымды білдіремін. Бұл - сіздердің жүрек қалауларыңыз, азаматтық жауапкершіліктеріңіздің көрінісі. Мұның бәрін марапат үшін емес, шынайы ниетпен жасалған игі іс деп білемін", - деді Президент.
Мемлекет басшысы су тасқынынан зардап шеккен халыққа нақты көмек көрсету ісінде бизнесмендердің рөлі зор екеніне айрықша назар аударды.
Біздің елімізде Forbes тізіміне кіретін ірі кәсіпкерлер бар. Олармен арнайы кездесеміз. Олар әр облысқа, ауданға, елді мекенге бекітіледі және нақты жауапкершілік жүктеледі. Бұл бір жағынан кәсіпкерлердің мүддесіне сай келеді. Өйткені олар өздерінің қосқан үлесінің нақты нәтижесін көретін болады. Халқына қайырымдылық жасаған азамат ретінде Сіздердің де есімдеріңіз мемлекет тарапынан елеусіз қалмайды деп ойлаймын", - деді Қасым-Жомарт Тоқаев.
Сонымен қатар Президент еріктілерге зор құрметпен қарайтынын және жан-жақты қолдау көрсететінін атап өтіп, оларға ризашылық білдірді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстанда сырттан әкелінген тырысқақ ауруының ошағы жойылды
Сурет: gov.kz
Қазақстан Республикасының санитариялық-эпидемиологиялық қызметі Дели-Алматы бағыты бойынша Air Astana авиакомпаниясы рейсінің бортында тіркелген әкелінген тырысқақ жағдайы ошағының сәтті жойылғандығы туралы хабарлайды, деп мәлім етті Денсаулық сақтау министрлігінің баспасөз қызметінен.
Санитариялық-эпидемиологиялық қызмет мамандарының жедел іс-қимылдары ел ішінде тырысқақтың таралуын болдырмай, инфекцияны уақтылы анықтауға және оқшаулауға мүмкіндік берді.
Байланыста болған адамдардың зертханалық зерттеулерінің нәтижелері - теріс, 154 адамнан медициналық бақылау алынып тасталды.
Сырқаттанған Қырғыз Республикасының азаматы емделуден сәтті өтіп, жақсы нәтижемен стационардан шығарылды. Қазіргі уақытта ол Бішкек қаласына кетті.
Халыққа, әсіресе Үндістан, Ауғанстан мен Пәкістан секілді елдерді қоса алғанда, тырысқақпен сырқаттанушылық жоғары Африка мен Азияның кейбір өңірлеріне сапар шегуді жоспарлап отырған адамдарға ұсыным беру маңызды.
Денсаулық сақтау министрлігі қатаң кеңес береді:
- қайнатылған немесе бөтелкедегі суды ішу;
- Сусындарды салқындату үшін мұзды пайдаланбау;
- Тұтынар алдында өнімдерді тиісті термиялық өңдеуді жүргізу;
- Жемістер мен көкөністерді тек қайнатылған немесе бөтелкедегі суда жуу.
- Қол гигиенасын сақтау, оларды әр тамақ алдында және дәретханаға барғаннан кейін сабынмен жуу;
- Судың аузға кетуіне жол бермей, тек рұқсат етілген су айдындарында шомылу.
- Аурудың алғашқы белгілері пайда болған кезде өзін-өзі емдеуден аулақ болып, дереу медициналық көмекке жүгіну.
ҚР Денсаулық сақтау министрлігі жағдайды бақылауды жалғастыруда және ел тұрғындарының денсаулығын сақтау үшін барлық қажетті шараларды қабылдауда.
Біз азаматтарды саяхат кезінде сақтық шараларын сақтауға шақырамыз. Денсаулықты сақтаңыздар, мұқият болыңыз және медициналық мамандардың ұсынымдарын орындаңыз.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.