Оңтүстік Қазақстан облысында полиция мал ұрлау мақсатында қарақшылық шабуыл жасаған қылмыстық топты құрықтады
Оңтүстік Қазақстан облысында полиция мал ұрлау мақсатында қарақшылық шабуыл жасаған қылмыстық топты құрықтады
Шымкент. 20 қаңтар. Kazakhstan Today - Оңтүстік Қазақстан облысы Ішкі істер департаментінің қызметкерлері жедел іздестіру іс-шараларының нәтижесінде мал ұрлау мақсатында қарақшылық шабуыл жасаған қылмыстық топты құрықтады, деп хабарлайды Kazakhstan Today ОҚО ІІД-нің баспасөз қызметіне сілтеме жасап.
Баспасөз қызметінің ақпаратына сәйкес, 2010 жылдың 14 қаңтар күні таңғы сағат 11-30 дар шамасында Шымкент қаласындағы №2 жедел-жәрдем ауруханасына Сайрам ауданының 30-жастағы тұрғыны атыс қаруымен жарақаттанғаны туралы ақпарат келіп түседі. Осы хабарлама бойынша ОҚО ІІД және Сайрам АІІБ-нің кезекші тобы шығып, жәбірленуші 1980 жылы туған азаматтың арызын алады.
Ол өз арызында 13-нен 14 қаңтарға қараған түні сағат 00-30 шамасында оның үйіне беттеріне бетперде киген белгісіз үш азамат келіп, оны ұрып-соғып, сол жақ сүйегіне "ОСА" атыс қаруымен атып, содан кейін әйелін қорқытып, мал қорасындағы қойлары мен жылқыларын белгісіз көлікпен алып кеткенін көрсеткен. Жалпы құны 1,5 млн теңгеге материалдық залал келтірген. Қылмыстың ауырлығын сезіне отырып, Оңтүстік Қазақстан облысы Ішкі істер департаментінде арнайы жедел топ құрылды. Бұл оқиға бойынша ОҚО ІІД басшылығы жеке бақылауына алды.
Тексеру барысында анықталғандай, қылмыстық топтың бұл әрекеті бірінші рет емес болып шықты. Яғни, алғаш рет 2009 жылдың 28 желтоқсан күні қылмыстық топтың 2 мүшесі малды тонау мақсатында мал қораны алдын-ала барлап қайтады. Ол кезде мал санының көптігі, сондай-ақ, көршілерден қорыққан соң, келесі жолға қалдырады. Екінші рет 2010 жылдың 13-нен 14-не қараған түні атыс қаруын алып және де 6 адам болып барады. Онда үй иесі оларды көріп қалады, қылмыскерлердің үшеуі оны ұрып, қашып бара жатқан соң, екі рет атады. Бірінші рет тимей, екінші оқ үй иесінің сол жақ бетіне тиеді. Илгі үшеуі оны үйіне кіргізіп, ешкімге хабарламас үшін ұялы телефонын сындырып, әйелін соққыға жығады. Үйінде 3 айлық бесіктегі баласы да болған. Бірақ, оған тиіспеген. Сол уақытта қылмыскерлердің басқа үш сыбайластары екі "ГАЗель" автокөлігіне қорадағы қойлар мен жылқыны артып, оқиға орнынан бой тасалайды. Тексеру барысында анықталғандай, мал қорасынан 71 қой, 4 бас жылқы ұрланған. Тәртіп сақшыларының жедел іздестіру іс-шараларының нәтижесінде бұл қылмыс екі тәулік ішінде ашылып, қылмысқа қатысты 6 азамат анықталып, ұсталды.
Олардың үстінен ҚР ҚК-нің 179-бабы "Қарақшылық" бойынша қылмыстық іс қозғалды. Тергеу амалдары жүргізілуде. Ұсталған күдіктілердің барлығы да бұрын сотты болмаған. Оңтүстік Қазақстан облысының 1990, 1989, екеуі 1988 және 1984, 1979 жылы туған тұрғындары. 20-30 шамасындағы азаматтардың 5-еуі Шымкент қаласының, 1-еуі Сайрам ауданының тұрғындары.
Айғақзаттар ретінде 4 бетперде, 1 "ОСА" пистолеті алынды. Ұрланған 71 бас қой мен 4 бас жылқы заңды иесіне қайтарылды. Қазіргі уақытта күдіктілердің басқа да екі қылмысқа қатыстылығы анықталды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Оралда су тасқынының келесі толқынына дайындық қызу жүргізілуде
Қазақстан Премьер-Министрі Олжас Бектенов су тасқынына қарсы іс-шараларды үйлестіру үшін Орал қаласында жүр. Үкімет басшысы өңірге келісімен Жайық өзенінің жағалауын нығайту және бөгет құрылыстарын салу жұмыстарының барысын тексерді, деп хабарлайды Үкіметтің баспасөз қызметінен.
Сонымен қатар Олжас Бектенов жағдайды бақылау үшін өңір аумағында орналасқан су қоймаларының өзен арнасын тікұшақпен аралайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
БҚО үлкен суға дайындық үстінде
Батыс Қазақстан облысында ауқымды су тасқынының алдын алу шаралары қабылдануда. Су тасқынына қарсы жұмыстарды жүргізу үшін өңірде шоғырланған күштер тобы 6,3 мың адамнан асты, деп хабарлайды ҚР ПРемьер-министрінің баспасөз қызметінен.
Үкіметтің тапсырмасы бойынша елді мекендерден үлкен суды бұрып әкету және су тасқынынан келетін шығынды азайту үшін барлық күштер мен құралдар жұмылдырылды.
Облыста ТЖМ-ның 1 мыңнан астам қызметкері, Ұлттық ұланның 700-ден астам, Қорғаныс министрлігінің 600 әскери қызметшісі жұмылдырылды. Жұмысқа волонтерлік ұйымдардың қатысушылары тартылды. 1,5 мың арнайы техника жұмылдырылды, оның 790-ы БҚО-ға еліміздің басқа өңірлерінен келген.
Негізгі міндет - елді мекендердің тұрғындары мен олардың үйлерін су тасқынынан қорғау. Жайық, Шаған, Деркөл өзендерінің бойындағы жағалауды нығайту жұмыстары жүргізілуде. Атап айтқанда, 700 мың құм толтырылған қапшық және 3 710 мың тонна инертті материал төселді. Қорғаныс үйінділері 4-5 метр биіктікке дейін көтерілді.
Қазіргі уақытта Оралда жедел-эвакуациялау пункттері ашылды, өңірде "Жедел желі" жұмыс істейді - оған 512 қоңырау келіп түсті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Әскери билеттер цифрлық форматқа ауыстырылды
Әскери билеттер цифрлық форматқа ауыстырылды, деп хабарлайды ҚР Қорғаныс министрлігінің баспасөз қызметінен.
Жұмысқа орналасу немесе оқу орнына қабылдау кезінде құжатты түпнұсқада ұсыну туралы талап алынып тасталды.
Енді жұмыс беруші азаматтың әскери қызметке қатынасы туралы мәліметтерді egov.kz электрондық үкімет ресурсын пайдалана отырып, автоматты түрде алады.
Заңнама бойынша заңды тұлғалар азаматтардың әскери қызметіне қатынасы туралы деректерді тіркеуге міндетті. Сондықтан кадр қызметтері бұрын әскери есепке алу құжаттарын (әскери билеттер, тіркеу туралы куәлік, әскери қызмет өткергенін растау туралы анықтама және т.б.) талап еткен.
Қорғаныс министрлігі Еңбек және халықты әлеуметтік қорғау, Цифрлық даму, инновациялар және аэроғарыш өнеркәсібі министрліктерімен, ҚР Мемлекеттік қызмет істері агенттігімен бірлесіп жұмыс берушінің сұрауына автоматты түрде жауап алуға мүмкіндік беретін интеграциялық жұмыстар жүргізді.
- Өткен жылдан бастап біз осы процестерді цифрландыру жөнінде жұмыс жүргіздік. Атап айтқанда, ақпараттық жүйені әзірлеп, оны іргелес мемлекеттік органдардың мәліметтер базасымен біріктірдік. Инновация кадрлық қызметтердің жұмысын жеңілдетіп, азаматтарды анықтама алу үшін уақыт жұмсаудан босатады. Егер бұрын бұл процестер бірнеше аптаға созылса, бүгінде бұл бір күнде жасалады, - деді Қорғаныс министрінің орынбасары Дархан Ахмедиев.
Жеке ұйымдар "Е-Еңбек" ақпараттық жүйесінде, мемлекеттік мекемелерде "Е-Қызмет" ресурсын пайдалана отырып, қызметкерлердің есебін жүргізетін болады.
Сонымен қоса әскери билет Қарулы күштер қатарында, басқа да әскерлер мен әскери құралымдарда әскери қызмет өткергендерге ғана берілетінін атап өткен жөн.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Алматыда арнайы сейсмологиялық зерттеу жүргізіледі
Алматыда Қазақстан президенті Қасым-Жомарт Тоқаевтың тапсырмасы бойынша арнайы сейсмологиялық зерттеу жүргізіледі, деп хабарлайды Ақорданың баспасөз қызметінен.
Тараздағы гидромелиоративтік-құрылыс институтын қайта қалпына келтіру жөнінде шешім қабылдадық. Оқу орнын материалдық-техникалық тұрғыдан толық жабдықтау керек. Сейсмология институтының жағдайы да мәз емес. Үкіметке осы институттың ғылыми әлеуетін арттыруға қатысты нақты ұсыныстар дайындауды тапсырдым. Сондай-ақ сейсмологияны және сейсмикалық режимді бақылау құралдарын дамыту бойынша пайдалы ұсыныстар әзірленуге тиіс.
Менің тапсырмаммен Алматы аумағына арнайы сейсмологиялық зерттеу жүргізіледі. Әкімдік үш жылдық зерттеу жұмыстарына қаржы бөледі. Энергетикалық апатты, эпидемияны, қуаңшылықты болжау және оның алдын алу мәселесі аса маңызды. Жауапты министрліктер тиісті саланы, ал әкімдіктер аймақтарды дамыту бағдарламаларын қайта қарауы керек. Әсіресе, төтенше жағдай туындау қаупі бар-жоғын мұқият зерттеу қажет. Бұл жұмысқа ғылыми қауымдастықты жұмылдырған жөн. Яғни гидрология, климатология, география, инженерия және өзге де сала мамандарын тарту қажет.
Тағы да қайталап айтқым келеді, мемлекеттік органдар барлық істе, ең алдымен, сапалы ғылыми қорытындыға сүйенуі керек. Бұл - өте маңызды міндет. Шешімдер әбден пысықталып, нақты негізделіп барып, қабылдануға тиіс. Талдау жүргізіп, ахуалды болжау үшін ғалымдардың қолында, зерттеу орталықтарында қажетті құрал-жабдықтар болуға тиіс"
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.