26.06.2007, 12:17 2918

Парламент мақта саласын дамыту мәселелері бойынша заңдарды қабылдады

АСТАНА. 26-маусым. Kazakhstan Today. Бүгін өткен сенаттың жалпы отырысында депутаттар "Мақта саласын дамыту туралы" және "Азаматтық кодекске (Жалпы және Айрықша бөлім) мақта саласын дамыту мәселелері бойынша өзгерістер мен толықтырулар енегізу туралы" заңдарды қабылдады, деп хабарлайды Kazakhstan Today тілшісі.

""Мақта саласын дамыту туралы" заң жобасын енгізудегі мақсат - Қазақстан Республикасында мақта өндіру, өңдеу, сақтау және сату процессінде туындайтын қарым-қатынастарды реттеу және іс-қызметтің құқықтық, экономикалық және ұйымдастырушылық негіздерін айқындау болып табылады",- делінген мәжілістің аграрлық мәселелер жөніндегі комитетінің қорытындысында.

Заңды қабылдау "ауылшаруашылығының тауар өндірушілеріне мақта өсіру нарығына қатысушылардың арасында мақта қолхатын айналдыру жүйесін құру жолымен мейлінше арзан қаржылық ресурстарға қол жеткізу аясын кеңейтуге мүмкіндік береді". Қорытындыда атап көрсетілгеніндей, "мақта қолхаты институты ауылшаруашылығының тауар өндірушілерінің құқығын қорғауға нақты кепілдік беріп, түрлі қаржылық пирамидалар құруға жол ашатын алғышарттарды жояды".

Ілеспе заң жобасы "мақта өңдеуші ұйымдардың іс-қызметін кредиторлардың талаптарын қанағаттандыру кезегіне қатысты мәселелер бойынша реттейтін норманы қолдану" және басқа да мәселелерді заңдық тұрғыда бекітуге бағытталған.

Заңдар президенттің қол қоюына ұсынылды.

Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті

МӘТІННЕН ҚАТЕ ТАПТЫҢЫЗ БА?

Оны тінтуірмен таңдап, Ctrl + Enter пернелерін басыңыз.

тақырып бойынша жаңалықтар

Ең көп оқылғаны