Петропавлда кәмелеттік жасқа толмаған қызға зорлық жасаған екі полиция қызметкері үш жылға бас бостандығынан айырылды
Петропавл қалалық сотының 2011 жылдың 31 наурызында зорлық жасау арқылы қызмет бабын асыра пайдаланғаны үшін полицияның 2 қызметкеріне қатысты шығарған 3 жылға бас бостандығынан айыру туралы үкімін аппеляциялық сот инстанциясы өзгеріссіз қалдырған.
Петропавл. 5-қазан. Kazakhstan Today - Петропавлда кәмелеттік жасқа толмаған қызға зорлық жасаған екі полиция қызметкері үш жылға бас бостандығынан айырылды, деп хабарлайды Kazakhstan Today агенттігінің тілшісі.
ҚазТаг ақпараттық агенттігінің хабарлауынша, Петропавл қалалық сотының 2011 жылдың 31 наурызында зорлық жасау арқылы қызмет бабын асыра пайдаланғаны үшін полицияның 2 қызметкеріне қатысты шығарған 3 жылға бас бостандығынан айыру туралы үкімін аппеляциялық сот инстанциясы өзгеріссіз қалдырған. Бұл туралы Солтүстік Қазақстан облысының (СҚО) баспасөз қызметінен хабарлаған.
"2009 жылы сәуірдің 2-сінен 3-іне қараған түні Петропавл полициясының қызметкерлері азамат М. мен кәмелетке толмаған К.-ны ұстап, Петропавл ІІБ №6 Зональды полиция пунктіне қарақшылық шабуыл жасауға қатысы бар-жоқтығын тексеру үшін алып келген. (...) Қызметкерлер М.-нен қылмыс жасағанын мойындауды талап еткен. Ұсталған азамат өзінің қатысы жоқ екенін айтқан. Алайда сотталушылар қызмет бабын атқара отырып, М.-ды балағаттап, ұрып-соға бастаған", - деп хабарлайды соттың баспасөз қызметі.
Прокуратураның мәліметінше, кәмелетке толмаған бойжеткенге қатысты да тәртіп сақшылары қызмет бабын асыра пайдаланған: зорлаған, жыныстық бағыттағы қасақана әрекеттер жасап, бас бостандығынан заңсыз айырған.
"Қылмыстық тергеу органдары бұл фактілер бойынша процессуалдық шешім қабылдады, прокурорлар онымен келісті. Осыған байланысты бұл қылмыстық істі сотталушылар мен олардың қорғаушыларының аппеляциялық шағымдарының шеңберінде ғана қараған алқаның сотталушылардың жағдайын нашарлатуға құқығы жоқ, жай бұл фактіні баяндайды. Бұл бұзушылықтар басқа бұзушылықтармен бірге аппеляциялық инстанция сотының прокурорға қатысты жеке қаулысында көрініс тапты", - деп хабарлайды баспасөз қызметі.
Сондай-ақ, соттың хабарлауынша, аппеляциялық инстанцияның сотында қазір Ақтөбе қ. №2 сотының үкімімен бас бостандығынан айыру орындарында отырған азамат полиция қызметкерлері туралы жалған куәлік бергенін айтып, бастапқы айтақнадыран бас тартқан.
"Аппеляциялық инстанция соты жәбірленушінің куәлік етуіне сыни қарап, оның түзету мекемесінде жазасын өтеп жүргендіктен, құқық қорғау органдарына тәуелді екенін назарға алған. Сонымен бірге, сотталғандардың (полиция қызметкерлері - ҚазТАГ) құқық қорғау органдарының жүйесінде белгілі бір байланыстары бар", - деп хабарлайды баспасөз қызметі.
"Оның бірінші инстанция сотында өзіне және кәмелетке толмаған К.-ға полиция қызметкерлері зорлық жасалғаны туралы берген жауаптары шындық болып табылады, өйткені ол бұл туралы қысым көрсетуге жол бермейтін жағдайда, яғни, ашық сот отырысында, қорғаушылар мен басқа адамдардың алдында, жалған жауап бергені үшін қылмыстық жазаланатыны туралы біле тұрып берген. Сол уақытта жәбірленуші қылмыстық жазаға тартылмаған, еркін адам болған", - деп назарға алады сот алқасы.
"Аппеляциялық инстанция соты сот-тергеу тәжірибелерін де өткізді, осының нәтижесінде сотталғандардың бірі аталған кезеңде Астанада университетте емтихан тапсырғандықтан, қылмыс жасауы мүмкін емес деген сөзінің жалған екені анықталды", - деп хабарлайды баспасөз қызметі.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Тоқаев су тасқыны кезінде имидждік және басқа да ірі іс шараларды өткізуден бас тартуды тапсырды
Сурет: akorda
Мемлекет басшысы еліміздің бірқатар өңіріндегі су тасқынына байланысты қалыптасқан күрделі жағдайды ескере отырып, сондай-ақ бюджет қаржысын үнемдеу мақсатында Үкіметке, орталық мемлекеттік және жергілікті атқарушы органдарға имидждік және басқа да ірі іс-шараларды өткізбеу жөнінде тапсырма берді, деп хабарлайды Ақорданың баспасөз қызметінен.
Мен бюджет қаржысын үнемдеу мақсатында ірі халықаралық форумды өткізуден бас тарттым. Сонымен қатар Дүниежүзілік көшпенділер ойындарына жұмсалатын шығынды қысқартамыз. Әрине, қазір бұл шарадан түпкілікті бас тарту мүмкін емес. Бірақ оған жұмсалатын қаржы көлемі айтарлықтай азаяды. Бұдан бөлек, еліміздің Токиода өтетін Дүниежүзілік көрмеге қатысуына бөлінген бюджет те қысқарады", – деді Президент.
Қасым-Жомарт Тоқаев барлық мемлекеттік органға су тасқыны салдарынан сабақ алуы керек екенін айтты.
Бізде мұндай апаттарды алдын ала ескерту жүйесі жетіспейді. Қажетті мамандар да тапшы. Қазір гидротехник кадрларды даярлау туралы шұғыл шешім қабылданды", – деді Мемлекет басшысы.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Оралда су тасқынының келесі толқынына дайындық қызу жүргізілуде
Қазақстан Премьер-Министрі Олжас Бектенов су тасқынына қарсы іс-шараларды үйлестіру үшін Орал қаласында жүр. Үкімет басшысы өңірге келісімен Жайық өзенінің жағалауын нығайту және бөгет құрылыстарын салу жұмыстарының барысын тексерді, деп хабарлайды Үкіметтің баспасөз қызметінен.
Сонымен қатар Олжас Бектенов жағдайды бақылау үшін өңір аумағында орналасқан су қоймаларының өзен арнасын тікұшақпен аралайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
БҚО үлкен суға дайындық үстінде
Батыс Қазақстан облысында ауқымды су тасқынының алдын алу шаралары қабылдануда. Су тасқынына қарсы жұмыстарды жүргізу үшін өңірде шоғырланған күштер тобы 6,3 мың адамнан асты, деп хабарлайды ҚР ПРемьер-министрінің баспасөз қызметінен.
Үкіметтің тапсырмасы бойынша елді мекендерден үлкен суды бұрып әкету және су тасқынынан келетін шығынды азайту үшін барлық күштер мен құралдар жұмылдырылды.
Облыста ТЖМ-ның 1 мыңнан астам қызметкері, Ұлттық ұланның 700-ден астам, Қорғаныс министрлігінің 600 әскери қызметшісі жұмылдырылды. Жұмысқа волонтерлік ұйымдардың қатысушылары тартылды. 1,5 мың арнайы техника жұмылдырылды, оның 790-ы БҚО-ға еліміздің басқа өңірлерінен келген.
Негізгі міндет - елді мекендердің тұрғындары мен олардың үйлерін су тасқынынан қорғау. Жайық, Шаған, Деркөл өзендерінің бойындағы жағалауды нығайту жұмыстары жүргізілуде. Атап айтқанда, 700 мың құм толтырылған қапшық және 3 710 мың тонна инертті материал төселді. Қорғаныс үйінділері 4-5 метр биіктікке дейін көтерілді.
Қазіргі уақытта Оралда жедел-эвакуациялау пункттері ашылды, өңірде "Жедел желі" жұмыс істейді - оған 512 қоңырау келіп түсті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Әскери билеттер цифрлық форматқа ауыстырылды
Әскери билеттер цифрлық форматқа ауыстырылды, деп хабарлайды ҚР Қорғаныс министрлігінің баспасөз қызметінен.
Жұмысқа орналасу немесе оқу орнына қабылдау кезінде құжатты түпнұсқада ұсыну туралы талап алынып тасталды.
Енді жұмыс беруші азаматтың әскери қызметке қатынасы туралы мәліметтерді egov.kz электрондық үкімет ресурсын пайдалана отырып, автоматты түрде алады.
Заңнама бойынша заңды тұлғалар азаматтардың әскери қызметіне қатынасы туралы деректерді тіркеуге міндетті. Сондықтан кадр қызметтері бұрын әскери есепке алу құжаттарын (әскери билеттер, тіркеу туралы куәлік, әскери қызмет өткергенін растау туралы анықтама және т.б.) талап еткен.
Қорғаныс министрлігі Еңбек және халықты әлеуметтік қорғау, Цифрлық даму, инновациялар және аэроғарыш өнеркәсібі министрліктерімен, ҚР Мемлекеттік қызмет істері агенттігімен бірлесіп жұмыс берушінің сұрауына автоматты түрде жауап алуға мүмкіндік беретін интеграциялық жұмыстар жүргізді.
- Өткен жылдан бастап біз осы процестерді цифрландыру жөнінде жұмыс жүргіздік. Атап айтқанда, ақпараттық жүйені әзірлеп, оны іргелес мемлекеттік органдардың мәліметтер базасымен біріктірдік. Инновация кадрлық қызметтердің жұмысын жеңілдетіп, азаматтарды анықтама алу үшін уақыт жұмсаудан босатады. Егер бұрын бұл процестер бірнеше аптаға созылса, бүгінде бұл бір күнде жасалады, - деді Қорғаныс министрінің орынбасары Дархан Ахмедиев.
Жеке ұйымдар "Е-Еңбек" ақпараттық жүйесінде, мемлекеттік мекемелерде "Е-Қызмет" ресурсын пайдалана отырып, қызметкерлердің есебін жүргізетін болады.
Сонымен қоса әскери билет Қарулы күштер қатарында, басқа да әскерлер мен әскери құралымдарда әскери қызмет өткергендерге ғана берілетінін атап өткен жөн.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Алматыда арнайы сейсмологиялық зерттеу жүргізіледі
Алматыда Қазақстан президенті Қасым-Жомарт Тоқаевтың тапсырмасы бойынша арнайы сейсмологиялық зерттеу жүргізіледі, деп хабарлайды Ақорданың баспасөз қызметінен.
Тараздағы гидромелиоративтік-құрылыс институтын қайта қалпына келтіру жөнінде шешім қабылдадық. Оқу орнын материалдық-техникалық тұрғыдан толық жабдықтау керек. Сейсмология институтының жағдайы да мәз емес. Үкіметке осы институттың ғылыми әлеуетін арттыруға қатысты нақты ұсыныстар дайындауды тапсырдым. Сондай-ақ сейсмологияны және сейсмикалық режимді бақылау құралдарын дамыту бойынша пайдалы ұсыныстар әзірленуге тиіс.
Менің тапсырмаммен Алматы аумағына арнайы сейсмологиялық зерттеу жүргізіледі. Әкімдік үш жылдық зерттеу жұмыстарына қаржы бөледі. Энергетикалық апатты, эпидемияны, қуаңшылықты болжау және оның алдын алу мәселесі аса маңызды. Жауапты министрліктер тиісті саланы, ал әкімдіктер аймақтарды дамыту бағдарламаларын қайта қарауы керек. Әсіресе, төтенше жағдай туындау қаупі бар-жоғын мұқият зерттеу қажет. Бұл жұмысқа ғылыми қауымдастықты жұмылдырған жөн. Яғни гидрология, климатология, география, инженерия және өзге де сала мамандарын тарту қажет.
Тағы да қайталап айтқым келеді, мемлекеттік органдар барлық істе, ең алдымен, сапалы ғылыми қорытындыға сүйенуі керек. Бұл - өте маңызды міндет. Шешімдер әбден пысықталып, нақты негізделіп барып, қабылдануға тиіс. Талдау жүргізіп, ахуалды болжау үшін ғалымдардың қолында, зерттеу орталықтарында қажетті құрал-жабдықтар болуға тиіс"
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.