Премьер-министр Бәсекелестікті қорғау комитетіне нан өндіретін кәсіпорындардың іс-қызметін тексеруді тапсырды
Премьер-министр Бәсекелестікті қорғау комитетіне нан өндіретін кәсіпорындардың іс-қызметін тексеруді тапсырды
Астана. 1 қазан. "Қазақстан Бүгін" - Қазақстанның премьер-министрі Кәрім Мәсімов бүгін үкіметтегі селекторлық кеңес барысында Қазақстан Республикасының Индустрия және сауда министрлігінің жанындағы Бәсекелестікті қорғау комитетіне нан өндіретін кәсіпорындардың іс-қызметін тексеруді тапсырды, деп хабарлайды "Қазақстан Бүгін" агенттігінің тілшісі.
"Бәсекелестікті қорғау комитетіне облыс және қала әкімдерімен бірлесе отырып, нанның бағасы өте өсіп кеткен, ымыраласу мен өзінің өкілеттілігін асыра пайдалану бой көрсеткен аймақтарға аса назар аудара отырып, тексеру жүргізуді тапсырамын",- деді К. Мәсімов.
Сонымен қатар, үкімет басшысы қаржы министрлігіне Табиғи монополияны реттеу жөніндегі агенттікпен бірлесе отырып, барлық ірі диірмендер мен наубайханалардың салық жеңілдіктері мен преференцияларды пайдалану мәселелері бойынша кешенді тексеру жүргізуді тапсырды.
Сонымен қатар, К. Мәсімов Ауылшаруашылық министрлігіне "бүгін, кешке дейін аймақтардағы астықтың тұрақтандыру қорын пайдалану ережесін әзірлеуді" тапсырды. "Егер бұл үшін үкімет қаулысы қажет болса, онда біз оны ертең бекітеміз, ал оны сіздердің бұйырықпен бекіту қажет болса, онда өз бетінше бекітіңіздер",- деп атап көрсетті үкімет басшысы.
Ақпаратты пайдаланған жағдайда «Казахстан Сегодня» ақпараттық агенттігіне сілтеме жасау міндетті
тақырып бойынша жаңалықтар
650 мыңнан астам қазақстандық тұрғын үйге кезекте тұр
Үкімет отырысында Премьер-Министр Олжас Бектенов тұрғын үй құрылысы және проблемалық объектілерді аяқтау мәселесі бойынша өнеркәсіп және құрылыс министрі Қанат Шарлапаевтың, сондай-ақ бірқатар өңірлер әкімдерінің баяндамасын тыңдады, деп хабарлайды ҚР Үкіметінің баспасөз қызметінен.
Олжас Бектенов Үкімет алдына биыл тұрғын үй құрылысына қатысты көптеген маңызды міндеттер қойылғанын атап өтті. Бұл - рекордтық 18 млн шаршы метр тұрғын үйді тапсыру, Мемлекет басшысының жаңа ипотекалық бағдарламаны іске қосу туралы тапсырмасын жүзеге асыру, сондай-ақ үлестік құрылыс пен заңсыз құрылыстың қордаланып қалған проблемаларын түпкілікті шешу.
Премьер-Министр қазіргі уақытта 650 мыңнан астам адам үй кезегінде тұрғанын атап өтті. 2023 жылы өңірлер әкімдіктері тұрғын үй бағдарламасына қатысуға өтініш берушілердің талаптарға сәйкестігін тексеру бойынша жұмыстарын бастады. Мәселен, Мысалы, Ақмола облысында баспана кезегінде тұрғандардың ішінде талаптарды бұзған 16 мыңға жуық азамат, Шымкент қаласында 36 мыңнан астам адам анықталды. Бірақ, олардың аз ғана бөлігі кезектен шығарылған.
Премьер-Министр әкімдіктерге тізімдерді бірінші жартыжылдықтың соңына дейін өзектендіруді және тұрғын үй бағдарламасының іске асырылуына мониторинг жүргізуді тапсырды.
Барлық әкімдіктер осы тізімдерді қайта қарап, жұмысты І жартыжылдықтың соңына дейін аяқтауы қажет. Бәрі белгіленген ережеге сай болуға тиіс. Кезекке қабылдауды ашық әрі бәріне түсінікті етіп жасау керек. Сондай-ақ тізімге енгізілген адамдарға нақты мониторинг жүргізілуге тиіс", - деп атап өтті Олжас Бектенов.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.