РФ президенті Қазақстан мен Ресей үкіметтері арасындағы Орынбор мұнай өңдеу зауытының негізінде бірлескен кәсіпорын құру туралы келісімді бекіту жөніндегі заңға қол қойды
Алматы. 24 шілде. "Қазақстан Бүгін" - РФ президенті Дмитрий Медведев "Қазақстан мен Ресей үкіметтері арасындағы Орынбор мұнай өңдеу зауытының негізінде бірлескен кәсіпорын құру туралы келісімді бекіту жөніндегі" федералдық заңға қол қойды, деп хабарлайды агенттік тілшісі РФ президентінің баспасөз қызметіне сілтеме жасап.
Федералдық заңмен бекітілген келісім Ресей Федерациясы үкіметі мен Қазақстан Республикасы үкіметі арасындағы газ саласындағы ынтымақтастық жөніндегі 2001 жылдың 28 қарашасындағы келісімді дамыту аясына қамтылған.
Федералдық заңды Мемлекеттік дума 2008 жылдың 4 шілдесінде қабылдап, Федералдық кеңес 2008 жылдың 11 шілдесінде мақұлдаған.
Елбасы Нұрсұлтан Назарбаев 2008 жылдың 5 ақпанында "Қазақстан мен Ресей үкіметтері арасындағы Орынбор мұнай өңдеу зауытының негізінде шаруашылық қоғамын құру туралы келісімді бекіту жөніндегі" заңға қол қойды, деп хабарлайды агенттік тілшісі.
Бұдан бұрын да хабарлағанымыздай, келісімнің мақсаты газ өндіру саласында ұзақ мерзімді ынтымақтастықты дамыту мен Қазақстан Республикасының Қарашығанақ кеніші мен РФ Орынбор облысындағы газ кеніштеріндегі көмірсутегі шикізатын өңдеу саласында өзара тиімділік жағдайларын жасауға саяды.
Келісімнің 1-бабына сәйкес, Қазақстан мен Ресей үкіметтері "ҚазМұнайГаз"ҰК"АҚ мен "Газпром" ААҚ-ына тең қаржымен Ресей Федерациясының біртұтас газбен қамтамасыз ету жүйесінің құрамды бөлігі болып табылатын Орынбор мұнай өңдеу зауытының негізінде шаруашылық қоғамын құруға септігін тигізеді.
Келісімнің 2-ші бабына сәйкес, бірлескен кәсіпорын Қарашығанақ кенішінде өндірілген шикі газды жыл сайын 15 млрд текше метрден кем емес көлемде аталған келісімнің шарттарына сәйкес сатып алу және өңдеуді, өңделген газды Қазақстан аумағында сату мен оны "Газпром" ААҚ-ның біртұтас экспорттық арнасы арқылы шетелдерге шығаруды қарастыратын коммерциялық ұзақ мерзімді (15 жылдан кем емес) келісім-шарттың негізінде құрылады.
6-шы бапқа сәйкес, "уәкілетті ұйымдар Бірлескен кәсіпорында өңделген Қарашығанақ кенішінен алынған газды Қазақстан нарығына паритетті негізде, соның ішінде тараптардың заңнамасына сәйкес өзара тиімді шарттармен қарама-қарсы сату шарттары мен тәртіптерін айқындайды".
Мұндай қарама-қарсы бағыттағы сауда-саттықтар тең көлемде және бірдей бағаға сатылады. Бұл ретте қарама-қарсы бағыттағы саудадағы, соның ішінде сату және сатып алу жөніндегі келісім-шартқа сәйкес газ бағалары салық салу және кедендік құнын айқындау мақсатымен түзетуге жатпайды.
Келісімге 2006 жылдың 3 қазанында Оралда қол қойылған.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Тоқаев Қазақстан халқы Ассамблеясы төрағасының орынбасарларын тағайындады
Сурет: Akorda
Тоқаев Қазақстан халқы Ассамблеясы төрағасының орынбасарларын тағайындады, деп хабарлайды Ақорданың баспасөз қызмтінен.
Мемлекет басшысының өкімдерімен Лугмар Харкиевич Буларов және Юрий Германович Шин Қазақстан халқы Ассамблеясы Төрағасының орынбасарлары болып тағайындалды", деп көрсетілген Өкім мәтінінде.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Есірткі саудасының 50 пайыздан астамы Астана, Алматы және Алматы облыстарына тиесілі - ҚМА
ҚМА есірткі құралдары мен прекурсорлардың таралуы тұрғысынан Telegram мессенджерінің арналары, әлеуметтік желілер мен хабарландыру сервистері қамтылған жаһандық желіге мониторинг жүргізуде, деп хабарлайды агенттіктің баспасөз қызметінен.
Мессенджерлердегі 300-ге жуық арна, тыйым салынған заттар сатылатын 4 ірі Darknet маркетплейс көзге түсті.
Ел аумағында Telegram арналары арқылы есірткі және психотроптық заттарды тұрақты негізде жарнамалаумен және сатумен айналысқан 80 пайдаланушының жеке басы анықталды.
Интернет-кеңістіктің Қазақстандық сегментіне жүргізілген мониторинг нәтижесінде 35 мыңға жуық қатысушысы бар есірткі сататын 3 ірі алаң,
есірткі заттарынының әлеуетті тұтынушылары болып табылатын 10 мыңға жуық адамның жеке басы анықталды.
Талдау көрсеткендей, тұтынушылардың 50% - дан астамы Астана, Алматы қалалары мен Алматы облысына тиесілі.
Агенттік өткен жылы айналымы 25,6 млрд теңгені құрайтын 36 есірткі дүкенін анықтады.
Биыл Telegram мессенджерінде 60 есірткі арнасына тиесілі 59 карт-шот анықталды.
Қаржылық барлау бөлімшесінің алдын ала талдау қорытындысы бойынша аталған дүкендердегі ақша қаражатының жалпы айналымы 3 млрд теңгені құрады.
Айналымы 82 млн теңгені құрайтын есірткі дүкендерінің бірі бойынша материалдар ІІМ-ге жолданды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.