СЕМЕЙ. 26 -маусым. Kazakhstan Today. Семейде психотроптық препараттар сатып жүрген облыстық аурухананың медбикесі ұсталды. Бұл туралы журналистерге Семей қалалық ІІБ-ның есірткі саудасымен күрес бөлімінің оперативтік уәкілі Ермек Таниев мәлім етті, деп хабарлайды Kazakhstan Today тілшісі.
Оперативтік қызметкердің хабарлауынша, олар медбикені бір ай бойы бақылауға алған. "Кеше біз одан 1,5 мың теңге төлеп, 4 ампуланы сатып алдық, басқаша айтқанда, бір ампула шамамен 300 теңге тұрады", - деді тәртіп сақшылары.
Е. Таниевтің айтуынша, медбике 35 жаста, ол медицина саласында 5 жылдан астам еңбек еткен. "Қазір оның ампулаларды қайдан алғаны анықталу үстінде. Өйткені, психотроптық заттар жай сатылмайды, ал ауруханада препараттар қатаң бақылауда", - деді Е. Таниев.
Ұсталғанның үстінен ҚР Қылмыстық кодексінің 259-бабы (есірткілік немесе прихтроптық заттарды заңсыз дайындау, сақтау, тасымалдау, жіберу немесе сату жөніндегі) бойынша қылмыстық іс қозғалды.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Семейде психотроптық препараттар сатып жүрген облыстық аурухананың медбикесі ұсталды
тақырып бойынша жаңалықтар
Тоқаев Қазақстан халқы Ассамблеясы төрағасының орынбасарларын тағайындады
Сурет: Akorda
Тоқаев Қазақстан халқы Ассамблеясы төрағасының орынбасарларын тағайындады, деп хабарлайды Ақорданың баспасөз қызмтінен.
Мемлекет басшысының өкімдерімен Лугмар Харкиевич Буларов және Юрий Германович Шин Қазақстан халқы Ассамблеясы Төрағасының орынбасарлары болып тағайындалды", деп көрсетілген Өкім мәтінінде.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Есірткі саудасының 50 пайыздан астамы Астана, Алматы және Алматы облыстарына тиесілі - ҚМА
ҚМА есірткі құралдары мен прекурсорлардың таралуы тұрғысынан Telegram мессенджерінің арналары, әлеуметтік желілер мен хабарландыру сервистері қамтылған жаһандық желіге мониторинг жүргізуде, деп хабарлайды агенттіктің баспасөз қызметінен.
Мессенджерлердегі 300-ге жуық арна, тыйым салынған заттар сатылатын 4 ірі Darknet маркетплейс көзге түсті.
Ел аумағында Telegram арналары арқылы есірткі және психотроптық заттарды тұрақты негізде жарнамалаумен және сатумен айналысқан 80 пайдаланушының жеке басы анықталды.
Интернет-кеңістіктің Қазақстандық сегментіне жүргізілген мониторинг нәтижесінде 35 мыңға жуық қатысушысы бар есірткі сататын 3 ірі алаң,
есірткі заттарынының әлеуетті тұтынушылары болып табылатын 10 мыңға жуық адамның жеке басы анықталды.
Талдау көрсеткендей, тұтынушылардың 50% - дан астамы Астана, Алматы қалалары мен Алматы облысына тиесілі.
Агенттік өткен жылы айналымы 25,6 млрд теңгені құрайтын 36 есірткі дүкенін анықтады.
Биыл Telegram мессенджерінде 60 есірткі арнасына тиесілі 59 карт-шот анықталды.
Қаржылық барлау бөлімшесінің алдын ала талдау қорытындысы бойынша аталған дүкендердегі ақша қаражатының жалпы айналымы 3 млрд теңгені құрады.
Айналымы 82 млн теңгені құрайтын есірткі дүкендерінің бірі бойынша материалдар ІІМ-ге жолданды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.