Семейде "Жасөспірім" операциясын өткізу кезінде панасыз жеті бала ұсталды
Семейде "Жасөспірім" операциясын өткізу кезінде панасыз жеті бала ұсталды
Семей. 11 сәуір. "Қазақстан Бүгін" - Семейде 4-11 сәуір аралығында "Жасөспірім" шұғыл алдын алу шараларын өткізу кезінде панасыз жеті бала ұсталды. Бұл туралы журналистерге Семейдің ІІБ кәмелет жасқа толмағандарды бейімдеу және уақытша оқшаулау орталығының инспекторы Лаура Маратова мәлім етті, деп хабарлады агенттік тілшісі.
Л. Маратованың сөздері бойынша Семейдің полиция қызметкерлері үш жасөспірімнің ата -анасын іздестіріп жатыр. Семей станциясында желілік полиция қызметкерлері 11 жасар қыз баланы тауып алған. "Оның аты Анел Елебаева, ол Қапшағайдан поезбен келген ", - деп түсіндірді инспектор.
Қыз бала айтқанындай, ол Алматының балалар үйінен қашып шыққан. "Мен апама барғым келеді. Өзім балалар үйінен қашып шықтым, өйткені онда балалар мені ренжітетін ", - деді қыз бала. Ол өзінің аты жөнін және қайда тұратынын ұмытып қалғанын айтты.
"Біз Қапшағайға, Өскеменге және Павлодарға сұрау жібердік". Орталықтың қызметкерлері тағы да екі баланың тағдырына алаңдаулы. Олар үш жастағы Мира Федорова мен 11-жасар Олег Васильев. Мира біздерге Бесқарағайдан келіп түсті, шешесі туралы ақпарат жоқ. Олег Семейден. Оның шешесі баланы тәтесінің үйінде қалдырып, өзі белгісіз бір бағытпен кетіп қалған. Жасөспірім бала мектепте бір жыл ғана оқыған", -деп хабарлады Л. Маратова.
"Балалар бізде 30 күн болуы тиіс. Егер осы уақыт ішінде оларды ешкім алып кетпесе, онда ереже бойынша біз оларды балалар үйіне жіберетін боламыз", -деп ойын толықтырды инспектор.
Жыл басынан бері орталықта 142 бала болып, қазіргі уақытта 13 жасөспірім тіркелді.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
650 мыңнан астам қазақстандық тұрғын үйге кезекте тұр
Үкімет отырысында Премьер-Министр Олжас Бектенов тұрғын үй құрылысы және проблемалық объектілерді аяқтау мәселесі бойынша өнеркәсіп және құрылыс министрі Қанат Шарлапаевтың, сондай-ақ бірқатар өңірлер әкімдерінің баяндамасын тыңдады, деп хабарлайды ҚР Үкіметінің баспасөз қызметінен.
Олжас Бектенов Үкімет алдына биыл тұрғын үй құрылысына қатысты көптеген маңызды міндеттер қойылғанын атап өтті. Бұл - рекордтық 18 млн шаршы метр тұрғын үйді тапсыру, Мемлекет басшысының жаңа ипотекалық бағдарламаны іске қосу туралы тапсырмасын жүзеге асыру, сондай-ақ үлестік құрылыс пен заңсыз құрылыстың қордаланып қалған проблемаларын түпкілікті шешу.
Премьер-Министр қазіргі уақытта 650 мыңнан астам адам үй кезегінде тұрғанын атап өтті. 2023 жылы өңірлер әкімдіктері тұрғын үй бағдарламасына қатысуға өтініш берушілердің талаптарға сәйкестігін тексеру бойынша жұмыстарын бастады. Мәселен, Мысалы, Ақмола облысында баспана кезегінде тұрғандардың ішінде талаптарды бұзған 16 мыңға жуық азамат, Шымкент қаласында 36 мыңнан астам адам анықталды. Бірақ, олардың аз ғана бөлігі кезектен шығарылған.
Премьер-Министр әкімдіктерге тізімдерді бірінші жартыжылдықтың соңына дейін өзектендіруді және тұрғын үй бағдарламасының іске асырылуына мониторинг жүргізуді тапсырды.
Барлық әкімдіктер осы тізімдерді қайта қарап, жұмысты І жартыжылдықтың соңына дейін аяқтауы қажет. Бәрі белгіленген ережеге сай болуға тиіс. Кезекке қабылдауды ашық әрі бәріне түсінікті етіп жасау керек. Сондай-ақ тізімге енгізілген адамдарға нақты мониторинг жүргізілуге тиіс", - деп атап өтті Олжас Бектенов.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.