Система Orphus

Сенат мәжіліске көші-қон мәселелері жөніндегі заңнамаға енгізілетін өздерінің түзетулерін жолдады

11.06.2007, 17:11 2617

АСТАНА. 11-маусым. Kazakhstan Today. Бүгін өткен сенаттың жалпы отырысында депутаттар "Көші-қон мәселелері бойынша кейбір заңнамалық актілерге өзгерістер мен толықтырулар енгізу туралы" заң жобасын екінші оқылымда қарастырып, өздерінің түзетулерімен мәжіліске жолдады, деп хабарлайды Kazakhstan Today тілшісі.

Сенаттың әлеуметтік-мәдени дамуы жөніндегі комитетінің қорытындысында атап өтілгендей, сенат депутаттары заң жобасын жеңілдіктерді, өтемақыні, бір жолғы жәрдем ақыні тек оралманның өзіне ғана емес, оның отбасы мүшелеріне де төлеуді қарастыратын нормалармен толықтыру қажеттігін ұсынады.

Сонымен қатар, қорытындыда "концептуальдық сипаттағы түзетулер мен қосымша бюджеттік қаржы бөлуді талап ететін түзетулерге Қазақстан Республикасы үкіметінің қорытындысы (оң) алынған" деп атап көрсетілген.

Бұдан бұрын да хабарлағанымыздай, заң жобасында оралмандарды бейімдеу және интеграциялау орталықтарын құру, оралмандарды эмиграциялық квотаға үкімет айқындайтын критерийлер мен тәртіпке сәйкес енгізу жайы қарастырылған.

2007-2009-жылдарда бейімдеу орталықтарын құруға бюджеттен 633,1 млн теңге бөлу қарастырылған. 2007-жылғы бюджетте тиісті қаржы көзделінген.

Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті

При использовании информации, гиперссылка на информационное агентство Kazakhstan Today обязательна.

Комментарии

тақырып бойынша жаңалықтар

Ең көп оқылғаны