Шымкентте жанармай құю станцияларын тонаған қылмыстық топ тұтқындалды
Шымкентте жанармай құю станцияларын тонаған қылмыстық топ тұтқындалды
Шымкент. 31-қаңтар. "Қазақстан Бүгін" - Шымкентте жанармай құю станцияларына қарулы шабуыл жасап келген үш жас жігіт пен бір әйел тұтқындалды. Бұл туралы бүгін өткен брифингте ОҚО ІІД баспасөз хатшысы, подполковник Салтанат Қаракөзова мәлім етті, деп хабарлайды "Қазақстан Бүгін" агенттігінің тілшісі.
"Ил-Фараби аудандық ішкі істер органының қызметкерлері жанармай құю станцияларына қарулы шабуыл жасауға күдікті деп танылған 18 бен 23 жастағы екі жас жігітті, сондай-ақ, 27жастағы әйел мен 17 жасар бозбаланы тұтқындаған. Олар желтоқсан айынан қаңтар айына дейін шабуыл жасап келген", - деп хабарлады С. Қаракөзова.
Баспасөз қызметінің мәліметтеріне сүйенсек, қылмыстық топтың қарулы шабуылдары біртектес болған. Жанармай құю станциясына бірінші әйел кірген, содан кейін оның серіктестері басып кіріп отырған. Шабуылдаушылар қарумен қорқыта отырып, жанармай құю қызметкерлерін ұрып-соғып, скотчымен байлап, ақшаларын әкетіп отырған.
Қамауға алынғандардың бірінен 16-шы калибрдегі қос ұңғылы аңшы мылтығы тәркіленді.
Қазіргі уақытта тұтқындалғандар тергеу изоляторында қамауда жатыр. Оларға қатысты ҚР Қылмыстық кодексінің 179 бабы (тонау) бойынша қылмыстық іс қозғалды.
Изірге күдіктілер үш дерек бойынша айыптарын мойындап, түсініктеме берді. Есептелген материалдық шығын - 300 мың теңге. Алайда, полиция қызметкерлері олардың өзге де осыған ұқсас қылмыстарға қатыстары бар деп есептеп отыр.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Тоқаев су тасқыны кезінде имидждік және басқа да ірі іс шараларды өткізуден бас тартуды тапсырды
Сурет: akorda
Мемлекет басшысы еліміздің бірқатар өңіріндегі су тасқынына байланысты қалыптасқан күрделі жағдайды ескере отырып, сондай-ақ бюджет қаржысын үнемдеу мақсатында Үкіметке, орталық мемлекеттік және жергілікті атқарушы органдарға имидждік және басқа да ірі іс-шараларды өткізбеу жөнінде тапсырма берді, деп хабарлайды Ақорданың баспасөз қызметінен.
Мен бюджет қаржысын үнемдеу мақсатында ірі халықаралық форумды өткізуден бас тарттым. Сонымен қатар Дүниежүзілік көшпенділер ойындарына жұмсалатын шығынды қысқартамыз. Әрине, қазір бұл шарадан түпкілікті бас тарту мүмкін емес. Бірақ оған жұмсалатын қаржы көлемі айтарлықтай азаяды. Бұдан бөлек, еліміздің Токиода өтетін Дүниежүзілік көрмеге қатысуына бөлінген бюджет те қысқарады", – деді Президент.
Қасым-Жомарт Тоқаев барлық мемлекеттік органға су тасқыны салдарынан сабақ алуы керек екенін айтты.
Бізде мұндай апаттарды алдын ала ескерту жүйесі жетіспейді. Қажетті мамандар да тапшы. Қазір гидротехник кадрларды даярлау туралы шұғыл шешім қабылданды", – деді Мемлекет басшысы.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Оралда су тасқынының келесі толқынына дайындық қызу жүргізілуде
Қазақстан Премьер-Министрі Олжас Бектенов су тасқынына қарсы іс-шараларды үйлестіру үшін Орал қаласында жүр. Үкімет басшысы өңірге келісімен Жайық өзенінің жағалауын нығайту және бөгет құрылыстарын салу жұмыстарының барысын тексерді, деп хабарлайды Үкіметтің баспасөз қызметінен.
Сонымен қатар Олжас Бектенов жағдайды бақылау үшін өңір аумағында орналасқан су қоймаларының өзен арнасын тікұшақпен аралайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
БҚО үлкен суға дайындық үстінде
Батыс Қазақстан облысында ауқымды су тасқынының алдын алу шаралары қабылдануда. Су тасқынына қарсы жұмыстарды жүргізу үшін өңірде шоғырланған күштер тобы 6,3 мың адамнан асты, деп хабарлайды ҚР ПРемьер-министрінің баспасөз қызметінен.
Үкіметтің тапсырмасы бойынша елді мекендерден үлкен суды бұрып әкету және су тасқынынан келетін шығынды азайту үшін барлық күштер мен құралдар жұмылдырылды.
Облыста ТЖМ-ның 1 мыңнан астам қызметкері, Ұлттық ұланның 700-ден астам, Қорғаныс министрлігінің 600 әскери қызметшісі жұмылдырылды. Жұмысқа волонтерлік ұйымдардың қатысушылары тартылды. 1,5 мың арнайы техника жұмылдырылды, оның 790-ы БҚО-ға еліміздің басқа өңірлерінен келген.
Негізгі міндет - елді мекендердің тұрғындары мен олардың үйлерін су тасқынынан қорғау. Жайық, Шаған, Деркөл өзендерінің бойындағы жағалауды нығайту жұмыстары жүргізілуде. Атап айтқанда, 700 мың құм толтырылған қапшық және 3 710 мың тонна инертті материал төселді. Қорғаныс үйінділері 4-5 метр биіктікке дейін көтерілді.
Қазіргі уақытта Оралда жедел-эвакуациялау пункттері ашылды, өңірде "Жедел желі" жұмыс істейді - оған 512 қоңырау келіп түсті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Әскери билеттер цифрлық форматқа ауыстырылды
Әскери билеттер цифрлық форматқа ауыстырылды, деп хабарлайды ҚР Қорғаныс министрлігінің баспасөз қызметінен.
Жұмысқа орналасу немесе оқу орнына қабылдау кезінде құжатты түпнұсқада ұсыну туралы талап алынып тасталды.
Енді жұмыс беруші азаматтың әскери қызметке қатынасы туралы мәліметтерді egov.kz электрондық үкімет ресурсын пайдалана отырып, автоматты түрде алады.
Заңнама бойынша заңды тұлғалар азаматтардың әскери қызметіне қатынасы туралы деректерді тіркеуге міндетті. Сондықтан кадр қызметтері бұрын әскери есепке алу құжаттарын (әскери билеттер, тіркеу туралы куәлік, әскери қызмет өткергенін растау туралы анықтама және т.б.) талап еткен.
Қорғаныс министрлігі Еңбек және халықты әлеуметтік қорғау, Цифрлық даму, инновациялар және аэроғарыш өнеркәсібі министрліктерімен, ҚР Мемлекеттік қызмет істері агенттігімен бірлесіп жұмыс берушінің сұрауына автоматты түрде жауап алуға мүмкіндік беретін интеграциялық жұмыстар жүргізді.
- Өткен жылдан бастап біз осы процестерді цифрландыру жөнінде жұмыс жүргіздік. Атап айтқанда, ақпараттық жүйені әзірлеп, оны іргелес мемлекеттік органдардың мәліметтер базасымен біріктірдік. Инновация кадрлық қызметтердің жұмысын жеңілдетіп, азаматтарды анықтама алу үшін уақыт жұмсаудан босатады. Егер бұрын бұл процестер бірнеше аптаға созылса, бүгінде бұл бір күнде жасалады, - деді Қорғаныс министрінің орынбасары Дархан Ахмедиев.
Жеке ұйымдар "Е-Еңбек" ақпараттық жүйесінде, мемлекеттік мекемелерде "Е-Қызмет" ресурсын пайдалана отырып, қызметкерлердің есебін жүргізетін болады.
Сонымен қоса әскери билет Қарулы күштер қатарында, басқа да әскерлер мен әскери құралымдарда әскери қызмет өткергендерге ғана берілетінін атап өткен жөн.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Алматыда арнайы сейсмологиялық зерттеу жүргізіледі
Алматыда Қазақстан президенті Қасым-Жомарт Тоқаевтың тапсырмасы бойынша арнайы сейсмологиялық зерттеу жүргізіледі, деп хабарлайды Ақорданың баспасөз қызметінен.
Тараздағы гидромелиоративтік-құрылыс институтын қайта қалпына келтіру жөнінде шешім қабылдадық. Оқу орнын материалдық-техникалық тұрғыдан толық жабдықтау керек. Сейсмология институтының жағдайы да мәз емес. Үкіметке осы институттың ғылыми әлеуетін арттыруға қатысты нақты ұсыныстар дайындауды тапсырдым. Сондай-ақ сейсмологияны және сейсмикалық режимді бақылау құралдарын дамыту бойынша пайдалы ұсыныстар әзірленуге тиіс.
Менің тапсырмаммен Алматы аумағына арнайы сейсмологиялық зерттеу жүргізіледі. Әкімдік үш жылдық зерттеу жұмыстарына қаржы бөледі. Энергетикалық апатты, эпидемияны, қуаңшылықты болжау және оның алдын алу мәселесі аса маңызды. Жауапты министрліктер тиісті саланы, ал әкімдіктер аймақтарды дамыту бағдарламаларын қайта қарауы керек. Әсіресе, төтенше жағдай туындау қаупі бар-жоғын мұқият зерттеу қажет. Бұл жұмысқа ғылыми қауымдастықты жұмылдырған жөн. Яғни гидрология, климатология, география, инженерия және өзге де сала мамандарын тарту қажет.
Тағы да қайталап айтқым келеді, мемлекеттік органдар барлық істе, ең алдымен, сапалы ғылыми қорытындыға сүйенуі керек. Бұл - өте маңызды міндет. Шешімдер әбден пысықталып, нақты негізделіп барып, қабылдануға тиіс. Талдау жүргізіп, ахуалды болжау үшін ғалымдардың қолында, зерттеу орталықтарында қажетті құрал-жабдықтар болуға тиіс"
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.