СҚО әкiмi Мамлют ауданыныӊ аграршыларын мемлекеттiк бағдарламаларға белсене қатысуға шақырды
Солтүстiк Қазақстан облысыныӊ әкiмi Құмар Ақсақалов жұмыс сапарымен Мамлют ауданында болды. Өӊiр басшысы еӊ бiрiншi құрылыс материалдарын, терезе блоктарын, жиһаздар швғаратын, сол сияқты көлiк тасымалымен айналысатын кәсiпорынға ат басын тiредi.
Петропавловск. 12 сәуір. Kazakhstan Today - Солтүстiк Қазақстан облысыныӊ әкiмi Құмар Ақсақалов жұмыс сапарымен Мамлют ауданында болды. Өӊiр басшысы еӊ бiрiншi құрылыс материалдарын, терезе блоктарын, жиһаздар швғаратын, сол сияқты көлiк тасымалымен айналысатын кәсiпорынға ат басын тiредi.
"Егер құрал-жабдық заманауи, соӊғы болса, оны жұмысбасты қылу керек. Жақсы дизайнерлердi, жаӊа технологияларды қатыстыру арқылы оны қалай iстеуге болатынын бiрге ойластырайық. Қазақстанда тұтастай алғанда жиһаздар фабрикасы көп емес екенiн бiз бiлемiз. Олар - жаӊа заманауи жиһаздар шығаратын алматылық, оралдық кәсiпорындар. Сондықтан осы секторға кету керек. Логистикалық орталыққа келетiн болсақ, биыл Қорғанға баратын жол жөнделе бастайды. Екi жылдыӊ iшiнде оны толығымен жөндеймiз",- дедi Құмар Ақсақалов.Одан кейiн өӊiр басшысы ұн өнiмiн өндiретiн және өткiзумен айналысатын "Мамлют ұн үгу комбинаты" ЖШС-да болды. Серiктестiктiӊ бас директоры Анатолий Шрамко ұйым туралы толығырақ айтып бердi.
"Құрал-жабдықтарымыз элеваторға түскен кез-келген астықты тазалауға мүмкiндiк бередi. Сапалы өнiм шығару үшiн, бiрiншiден құрал-жабдық, екiншiден шикiзат пен жоғары бiлiктi кадрлар керек. Солардыӊ бәрi бiзде бар. Сондықтан еӊ жоғары сапалы өнiм шығаруға дайынбыз", - дедi Анатолий Шрамко.
Иӊгiме барысында облыс әкiмi Құмар Ақсақалов бiздiӊ өӊiр үшiн экспорт өте маӊызды екендiгiн сөз еттi. Осы жағдайда облыс өнiмдi аз көлемде өӊдейтiндiгiн және аз экспорттайтындығын Құмар Iргебайұлы атап айтты.
Мамлют ауданыныӊ әлеуметтiк-экономикалық дамуы жайында әкiм Ерболат Бекшенов баяндады.
"Өткен жылы "Бизнестiӊ жол картасы-2020" бағдарламасы бойынша 8 жоба болды. Оған 267 млн. теӊгенiӊ қолдауы көрсетiлдi. Бiрiншi тоқсанда 3 өтiнiм берiлдi. Бұл жұмыс әрi қарай жалғасуда. 2015 жылы еӊбекақы 68000 теӊге болса, 2016 жылы 80500 теӊгенi құрады. Өсiм 104,8 пайыз. Ауыл шаруашылығы бойынша тұтастай алғанда 79700 теӊгеден 83500 теӊгеге өстi. Көктемгi-дала жұмыстары бойынша жалпы алқап 196 мыӊ гектар, пар - 21 мыӊ гектар, егiстiк алқап - 175 мыӊ гектар. Дәндi дақылдарды 117 мыӊнан, 105 мыӊ гектарға азайттық, майлы дақылдарды 14 мыӊнан 21 мыӊ гектарға көбейттiк", - дедi Ерболат Бекшенов.
Осы жерде Құмар Ақсақалов агроқұрылым басшыларымен кездесiп, ауыл шаруашылығы тауарларын өндiрушiлердiӊ өзектi мәселесi болып табылатын техникалармен қамтамасыз етiлу, органикалық астық өсiру және технологияларды сақтау жағдайларын талқылады.
"Ауыл шаруашылығы өнiмдерiн өндiру көлемi бойынша Мамлют ауданы бүгiнгi күнi көш соӊында келедi. Тартылған инвестиция да ауданда аз. Индустриялық-инновациялық даму бағдарламасы аясында бiр жоба да iске асқан жоқ. Неге? Оған барлық аудандар қатысуға тиiс. Тауарлы сүт фермаларын, ауыл шаруашылығы кооперативтерiн құру туралы айтудамыз. Бұл - жұмыссыз жүрген адамдардыӊ жұмыс табуына, салық төлеуiне жағдай жасайтын тетiктер Оны сiздермен бiрге ғана шешуге болады. Оған мемлекет жалғыз қатыса алмайды. Сондықтан сiздерден әлеуметке бағдарланған бизнес жүргiзудi сұраймыз",- дедi өӊiр басшысы.
Мал шаруашылығы саласын дамыту жайын сөз ете келiп, оған толық көлемде барлық мүмкiндiк бар екенiн атап айтты. Оныӊ iшiнде мемлекеттiк қолдаудыӊ тиiмдi тетiктерi де бар. Өз кезегiнде, жаӊа шаруашылықтардыӊ ашылуы өӊiрдегi өзiн-өзi қамтамасыз ететiндер мен жұмыссыз тұрғындар санын едәуiр мөлшерде азайтуға жағдай жасайды. Басқаша айтқанда - солтүстiкқазақстандықтардыӊ хал-ахуалын жақсартады.
Облыс әкiмi биыл бiрiншi рет элиталық тұқым алу демеуқаржыландырылатындығын да атап өттi.
"Бiздiӊ жоғары сапалы астық алуымыз үшiн барлық жағдайлар жасалуда", - дедi Құмар Ақсақалов.
Кездесу соӊында өӊiр басшысы ауыл шаруашылығы тауарларын өндiрушiлердi қапталда қалып қоймай, су тасқыны кезiнде тұрғындарға көмек көрсетуге шақырды.
Ақпаратты пайдаланИан жаИдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық қИқық.
тақырып бойынша жаңалықтар
Қасым-Жомарт Тоқаев пен Садыр Жапаров екі ел өнерпаздарының гала-концертін тамашалады
Сурет: akorda
Қасым-Жомарт Тоқаев пен Садыр Жапаров екі ел өнерпаздарының гала-концертін тамашалады, деп хабарлайды Ақорданың баспасөз қызметінен.
Бейбітшілік және келісім сарайында өткен шарада Қазақстан мен Қырғызстанның танымал мәдениет қайраткерлері өнер көрсетті.
Бұдан бөлек, концертте "Астана опера" мемлекеттік опера және балет театрының әртістері, "Гүлдер", "Астана сазы", "Аркасыры" (Қырғызстан) ансамбльдері сияқты шығармашылық ұжымдар көрермендерге керемет көңіл күй сыйлады.
Бағдарлама аясында "Манас" эпосынан үзінді оқылып, қос халыққа кең тараған әндер мен күйлер орындалды. Сондай-ақ бірнеше хореографиялық композиция ұсынылды.
Сонымен қатар концертті Қырғызстанның ресми делегациясы мүшелері мен зиялы қауым өкілдері тамашалады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
"Семей орманы" резерваты мен Қазақстандағы үш облыс өрт болған жағдайда дайын емес
Сурет: ТЖМ
Семей орманы" резерваты мен Қазақстандағы үш облыс өрт болған жағдайда дайын емес, деп хабарайды Үкіметтің баспасөз қызметінен.
ҚР Премьер-Министрінің орынбасары Қанат Бозымбаев экология және табиғи ресурстар министрі Ерлан Нысанбаев пен төтенше жағдайлар министрі Шыңғыс Әріновтың қатысуымен өрт қаупі жоғары кезеңге дайындық мәселелері бойынша кеңес өткізді.
Бүгінгі таңда ТЖМ-де 441 өрт сөндіру бөлімшесі жұмыс жасайды. Өңірлерде 230 ерікті құрылым, сондай-ақ жергілікті атқарушы органдардың 709 бекеті бар. Вице-премьер мемлекеттік өртке қарсы қызмет жоқ жерлерде тағы 49 өрт сөндіру бекетін құруды жеделдетуді тапсырды.
Өрт қаупі жоғары кезеңге дайындық шеңберінде 272,5 млн га алаңда ғарыштық мониторинг жүргізілуде, алайда жер серіктерінен алынған деректер, тек ел аумағы толық барланған соң, бірнеше сағаттан кейін ТЖМ станциясына жіберіледі. Бүгінде ЦДИАӨМ виртуалды станция құру бойынша жұмыс істеуде. Бұл өрт ошағын анықтау және жер серіктен түсірілімді жүктеу арасындағы уақытты 20-40 минутқа дейін қысқартуға мүмкіндік береді.
Орман қорының қауіпсіздігін қамтамасыз ету және өрт қаупі жоғары кезеңге дайындық барысы Президент пен Үкіметтің ерекше бақылауында. Экология және табиғи ресурстар министрлігі 158 мемлекеттік орман иеленушіні тексерді. Тексеру қорытындысы бойынша ведомство басшысы Ерлан Нысанбаев "Семей орманы" резерваты, сондай-ақ Павлодар, Ақмола және Қостанай облыстары өрт қаупі жоғары кезеңге толық дайын емес деп мәлімдеді.
Сонымен қатар ЖЖМ резервінің жоқтығы, орман өрт сөндіру станциялары ғимараттарының апатты күйде не тіптен болмауы, өрт сөндіру мұнараларының жетіспеушілігі, арнайы техниканың тозуы сынды кемшіліктер анықталған. Рациялардың болмауы және арнайы киімдердің жетіспеушілігі мәселелері де өзекті.
Қанат Бозымбаев былтырғы "Семей Орманы" резерватының трагедиясы қайталанбауы тиіс екенін атап өтіп, анықталған кемшіліктерді жою бойынша шұғыл шаралар қабылдауды тапсырды.
Абай және Қостанай облыстарында болған ірі табиғи өрттердің салдары әлі де есімізде. Әрбір қызметкерді өртке қарсы арнайы киіммен, рациялармен және қажетті құрал-жабдықтармен міндетті түрде қамтамасыз ету қажеттігіне ерекше назар аударғым келеді", - деді Қанат Бозымбаев.
Кеңес қорытындысы бойынша вице-премьер өңірлердің әкімдіктеріне бір аптада табиғи өрттер қаупін төмендету бойынша өңірлік іс-шаралар жоспарын әзірлеуді және бекітуді тапсырды.
Облыс әкімдері өңірлік іс-шаралар жоспарларын іске асыруға тікелей жауапты", - деді Қанат Бозымбаев.
Сондай-ақ ТЖМ-ге бір апталық мерзімде аэровизуалды бақылау және өртті сөндіру үшін көрсетілетін тікұшақ қызметінің көлемін ұлғайту бойынша ұсыныстар енгізу тапсырылды.
Экология министрлігіне орман қоры аумағында өрттерді ерте анықтау жүйелерін орнату, орман және табиғатты қорғау мекемелерін материалдық-техникалық жарақтау жұмыстарын жандандыру тапсырылды.
Бұдан бөлек, ІІМ мен әкімдіктер өрт қаупі жоғары кезеңде жеке тұлғалардың орман қоры аумағында болуына жол бермеу, оның ішінде ықтимал қасақана өртеуден сақтау шараларын қабылдайды. Мұндай фактілер анықталған жағдайда азаматтар заңға сәйкес жауапкершілікке тартылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Су тасқынына қарсы іс-шаралардың арқасында 18 651 адам өз үйлеріне оралды
Сурет: ТЖМ
Жүргізілген су тасқынына қарсы іс-шаралардың арқасында 18 651 адам өз үйлеріне оралды, деп хабарлайды ҚР ТЖМ баспасөз қызметінен.
Жедел шаралардың арқасында ТЖ аймақтарынан тұрғындар мен жануарларды эвакуациялау алдын ала жүргізілді. Су тасқыны басталғалы бері барлығы 117 694 адам, оның ішінде 43 931 бала құтқарылып, эвакуацияланды. 113 852 ауыл шаруашылық жануары қауіпсіз жерге айдалды.
6 887 адам, оның ішінде 3 166 бала эвакуациялау пункттерінде. 4 216 тұрғын үй мен 2 698 аула аумағынан судың бағыты бұрылды. 10,1 млн астам текше метр еріген қар суы сорып шығарылды, 3,2 млн қапшық және 1,4 млн астам тонна инертті материал төселді.
Ақтөбе, Қостанай, Ақмола, Атырау, Солтүстік Қазақстан облыстарында 5 718 жеке тұрғын үй, 1 130 аула аумағы су астында қалуда.
ТЖМ Апаттар медицинасы орталығының психологтары су тасқыны қаупі бар өңірлердің тұрғындарына шұғыл психологиялық және ақпараттық көмек көрсету мақсатында тәулік бойы кезекшілікті атқаруда. Жедел желі телефонына 1 932 қоңырау түсті.
Зардап шеккен өңірлерге теміржол, автомобиль көліктерімен және әуе кемелерімен 4211 тонна гуманитарлық көмек жеткізілді.
Су жүрген 61 автожол, су шайған 66 автожол, оның ішінде 10 көпір және 56 жол төсемі бақылауда қалуда. 60 елді мекен көлік қатынасынсыз қалды, оларға қажетті азық-түлік және дәрі-дәрмек қорлары құрылды.
Солтүстік Қазақстан облысында қардың қарқынды еруіне байланысты Тимирязев ауданының Тимирязев ауылдарында, Қызылжар ауданының Соколовка, Барневка, Долматов ауылдарында, Петропавл қаласының Подгора, Кожевенный шағын аудандарында, Заречный кентінде 386 жеке тұрғын үй су астында қалды. Тұрғындар алдын ала эвакуацияланды. Тартылған күштермен және құралдармен су сору жұмыстары жүргізілуде. Қызылжар ауданының Вагулино, Кустовое, Красноярка ауылдарына қауіпті аймақтан 180 ауыл шаруашылығы жануары қауіпсіз жерге айдалды. "Петропавл-Жезқазған" республикалық маңызы бар автожолдар арқылы судың жүруіне байланысты 2000 адам тасымалданды. Медициналық қызметке үш науқасты тасымалдауға көмек көрсетілді. 62 тонна гуманитарлық көмек жеткізілді. Есіл өзенінің деңгейіне мониторинг жалғасуда.
Ақтөбе облысының Ырғыз ауданында Кұйлыс және Нұра ауылдарынан Ырғыз ауылына әуе кемелерімен алдын ала 201 адам уақытша орналастыру пункттеріне эвакуацияланды, сондай-ақ Белшер ауылына 1 тонна гуманитарлық көмек және 0,2 тонна жанар-жағармай жеткізілді. Құйлыс ауылында Торғай өзенінде жағалауды нығайту жұмыстары жалғасуда.
Батыс Қазақстан облысында Орал қаласының саяжай алаптарынан алдын ала 22 адам эвакуацияланды, олар туыстарының үйлеріне орналастырылды. Қаратөбе және Казталов аудандарының Қаратөбе және Жалпақтал елді мекендерінен Қалдығайты, Қараөзен өзендері арқылы жүзу құралдарымен 236 адам жөнелтілді. Орал өзенінде қорғаныс бөгеттерін салу, нығайту және су деңгейін бақылау жұмыстары жалғасуда.
Ақмола облысында Жарқайың ауданының Львовское ауылында Есіл өзені су деңгейінің көтерілуіне байланысты 4 жеке тұрғын үй су астында қалды. 10 адам эвакуацияланды, олар туыстарының үйлеріне орналастырылды.
Қостанай облысында Жангелді ауданының Байтұрсынов ауылынан Торғай ауылына 2 тонна гуманитарлық көмек жеткізіліп, 6 тұрғын жөнелтілді.
Авариялық-құтқару және су тасқынына қарсы жұмыстарға азаматтық қорғау қызметтерінен 44 156 адам, 4 611 техника, 860 су сору құралы, 332 жүзу құралы, 18 әуе кемесі жұмылдырылды, сондай-ақ волонтерлер де белсенді қатысуда.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Премьер-Министрдің тапсырмасы бойынша отандық тауар өндірушілерді қолдауға арналған цифрлық құралдар әзірленді
Олжас Бектенов отандық тауар өндірушілерді қолдау және су тасқыны жағдайын болжауға арналған цифрлық құралдармен танысты, деп хабарлайды ҚР Премьер-министрінің баспасөз қызметінен.
Премьер-Министрдің тапсырмасы бойынша отандық тауар өндірушілерді қолдауға арналған цифрлық құралдар әзірленді.
Атап айтқанда, әзірленген жүйелер әрбір өндірістік кәсіпорынның жұмысын қадағалауға, мемлекеттік органдар тарапынан олардың мүдделеріне нұқсан келтіру фактілерін онлайн режимінде анықтауға мүмкіндік береді.
Мақсат - ел нарығындағы импорт үлесін төмендету үшін отандық өнімнің дамуына қосымша серпін беру.
Қазақстанның бірқатар өңірлеріндегі су тасқыны жағдайын ескере отырып, су тасқынын моделдеу және су қоймаларының деңгейін болжау жүйесінің прототипі қаралды. Тәжірибелік үлгіні әзірлеу аясында дренажды моделдеу және есептеу алгоритмдері жасалды, бірнеше өзен учаскелерінде пилоттық сынақтар жүргізілді. Цифрлық құрал реттелетін және реттелмейтін дренажды есептеуге, сондай-ақ берілген су деңгейіндегі су тасқыны аймағын картада көрсетуге мүмкіндік береді.
Үкімет басшысы Олжас Бектенов ұсынылған цифрлық шешімдерді сараптамалық талқылау қорытындысына сәйкес жобаларды мақұлдап, пилоттық режимде енгізу шараларын бастауды тапсырды.
Премьер-Министр су тасқынынан келтірілген залалды өтеуге өтінімдер қабылдау қызметін қысқа мерзімде іске қосуды, сондай-ақ қолда бар бейнебақылау камералары арқылы онлайн режимде су тасқынына қарсы іс-шаралардың орындалуын есепке алу және бақылау жүргізуді тапсырды.
Мемлекет басшысы өз Жолдауында Қазақстанды IT-елге айналдыру үшін стратегиялық маңызды міндет қойды. Дұрыс басқарушылық шешімдерді қабылдау үшін сапалы жедел ақпаратқа қол жеткізіп, жаңа технологияларды қолдану керек. Ұсынылып отырған тәсілдерді экономиканың басқа салалары бойынша кеңейту қажет. Барлық құралдар мен мәліметтер қолжетімді. Деректер алмасуды және жүйелерді интеграциялауды дұрыс жолға қою керек", - деп атап өтті Олжас Бектенов.
Цифрлық даму, инновациялар және аэроғарыш өнеркәсібі министрі Бағдат Мусинге деректердің уақтылы жаңартылуын және цифрлық құралдарды өмірдің барлық салаларына жедел енгізуді қамтамасыз ету тапсырылды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.