06.10.2022, 14:58 15521

Смайылов ХВҚ миссиясымен Қазақстандағы жаңа экономикалық реформаларды іске асыру мәселесін талқылады

Тараптар сондай-ақ ҚР Үкіметінің инфляцияға қарсы күрес, салықтық әкімшілендіру мен бюджеттік жоспарлаудың тиімділігін арттыру шараларын талқылады.
Смайылов ХВҚ миссиясымен Қазақстандағы жаңа экономикалық реформаларды іске асыру мәселесін талқылады
Сурет: primeminister.kz
АСТАНА. 6 ҚАЗАН - ҚР Премьер-Министрі Әлихан Смайылов Халықаралық валюта қорының Қазақстан бойынша миссиясының басшысы Николя Бланшемен кездесті, деп хабарлайды KAZAKHSTAN TODAY ҚР Премьер-Министрінің баспасөз қызметіне сілтеме жасап.
 
Тараптар еліміздегі миссия жұмысының қорытындыларын, сондай-ақ ҚР Үкіметінің инфляцияға қарсы күрес, салықтық әкімшілендіру мен бюджеттік жоспарлаудың тиімділігін арттыру шараларын, жұмыспен қамтуды қамтамасыз ету, цифрландыру және мемлекеттің экономикадағы үлесін төмендету мәселелерін талқылады.
 
Сонымен қатар Қазақстанның 2060 жылға дейінгі көміртегі бейтараптығына қол жеткізу жөніндегі бастамалары, инвестициялар тарту жөніндегі қадамдары, ағымдағы сыртқы экономикалық сын-қатерлер және өңірлік күн тәртібіндегі басқа да өзекті мәселелер қаралды.
 
Николя Бланше Қазақстанда жүргізіліп жатқан реформаларға және ХВҚ елдік миссиясының жұмысына жоғары баға берді.
 

Біздің арамызда берік және сындарлы ынтымақтастық қалыптасты. Біз Үкіметтің жаңа реформаларды іске асыру жөніндегі қадамдарын құптаймыз және барлық мүдделі бағыттар бойынша консультацияларымыз бен техникалық көмегімізді ұсынуға дайынбыз", - деді Николя Бланше.

 
Кездесу соңында Премьер-Министр екіжақты өзара іс-қимылды жалғастыруға дайын екендігін атап өтті.
 

Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.


тақырып бойынша жаңалықтар

Ең көп оқылғаны