Суармалы жерлерді қалпына келтіру бағдарламалары жеткіліксіз қаржыландырылуда - Ауыл шаруашылығы вице-министрі
Суармалы жерлерді қалпына келтіру бағдарламалары жеткіліксіз қаржыландырылуда - Ауыл шаруашылығы вице-министрі
Астана. 28 мамыр. Kazakhstan Today - Суармалы жерлерді қалпына келтіру бағдарламалары жеткіліксіз қаржыландырылуда. Бұл туралы бүгін сенат төрағасының орынбасары Мұхамбет Көпеевтің қатысуымен өткен дөңгелек үстел барысында Ауыл шаруашылығы вице-министрі Марат Оразаев мәлім етті, деп хабарлайды Kazakhstan Today.
Сенаттың баспасөз қызметінің хабарлауынша, дөңгелек үстелде еліміздегі суармалы егін шаруашылығы мен суармалы жерлерді тиімді пайдалануды жетілдіру мәселелері талқыланды. Шараға Аграрлық мәселелер және қоршаған ортаны қорғау комитетінің басшысы Болат Жылқышиев төрағалық етті.
Ауыл шаруашылығы вице-министрі М.Оразаев талқылауға қатысушыларды суармалы егін шаруашылығындағы мемлекеттік басқару жүйесін жетілдіруге бағытталған іс-шаралар барысы туралы хабардар етті. М.Оразаев суармалы жерлер көлемінің азаюына себептердің қатарында суармалы жерлерді қалпына келтіру бағдарламаларының жеткіліксіз қаржыландыруын (соңғы 6 жылда осы мақсаттағы іс-шараларға қажет қаржы ресурстары тек 18 пайызға ғана қанағаттандырылып келді), тауар өндірушілер мен су пайдаланушылардың, шаруашылықтардың қаржылық және материальдық-техникалық мардымсыз қамтылуын атады.
Шара барысында вице-спикер, талқыланып отырған тақырып агроөнеркәсіп саласын дамытудың басым бағыттарын айқындаған мемлекет басшысының жолдауы тұрғысында өте маңызды болып отырғанын айтты. Еліміздің 2020 жылға дейінгі Стратегиялық даму жоспары мен үдемелі индустриялық-инновациялық дамыту жөніндегі 2010-2014 жылдарға арналған мемлекеттік бағдарламаны жүзеге асыру жолдарына тоқталып өткен М.Көпеев, саладағы қатынастарды реттеуші заңнамалық базаны одан әрі жетілдіру қажеттігін атап өтті.
Төраға орынбасарының пікірінше, суармалы жерлердің пайдалану тиімділігін арттыру мақсатында ғылыми-зерттеу жұмысын белсенді жүргізіп, ғылыми негізделген технологиялық әзірленімдерді және ауыл шаруашылығы тауарларын өндірушілерге ақпараттық-консультациялық қызметтер көрсету жүйесін енгізуіміз қажет.
Дөңгелек үстел барысында баяндама жасаған салалық комитет хатшысы Қуаныш Айтаханов қатысушылар назарын суармалы жерлерді тиімді пайдалану жолындағы шараларды заңнамалық тұрғыдан қамтамасыз ету аспектілеріне аударды. Жер, Су кодекстері, сонымен қатар, еліміздің агроөнеркәсіп саласын одан әрі дамыту мен азық-түлік қауіпсіздігін қамтамасыз етуге бағытталған көптеген маңызды нормативтік-құқықтық құжаттар қабылданды.
Қ.Айтахановтың айтуынша, "Агроөнеркәсiптiк кешендi және ауылдық аумақтарды дамытуды мемлекеттiк реттеу туралы" және "Қазақстан Республикасының кейбір заңнамалық актілеріне азық-түлік қауіпсіздігі мәселелері бойынша өзгерістер мен толықтырулар енгізу туралы" заңдарға енгізілген нормалар да ауыл шаруашылығы саласындағы мемлекеттік реттеуді жетілдіруге орайластырылған.
Шара барысында Жер ресурстарын басқару агенттігінің төрағасы Ө.Өзбеков, Су ресурстары жөніндегі комитет төрағасы А.Орман, "ҰБХ "АҚ КазАгро" басқарма төрағасы А.Мамытбеков, Қызылорда облысының әкімі Б.Қуандықов, Оңтүстік Қазақстан облысы әкімінің бірінші орынбасары Б.Оспанов, Жамбыл облысы Байзақ ауданының әкімі Б.Күлекеев, "Атырау Агроөнімдері" шаруа қожалығының басшысы В.Розметов, "Парамоновский" шаруа қожалығының басшысы Қ.Бейсетаев, "Экоагропродукт" ЖШС директоры С.Тамилов және басқалар сөз сөйледі.
Талқылаулардың қорытындылары бойынша тиісті ұсынымдар әзірленді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Көктемгі дала жұмыстарына қосымша 400 миллиард теңгеге дейін қаражат тартылады
Көктемгі дала жұмыстарын оңтайлы егіншілік уақытында жүргізу бүгінгі күннің маңызды міндеттерінің бірі болып табылады. Бұл мiндеттi орындау үшiн ауыл шаруашылығы тауарын өндiрушiлердiң ұзақ уақыт бойы шектелген қарыз қаражатына қол жеткiзуi тиiс.
Егіс жұмыстарын жеңілдетілген несиелендіруге 2024 жылы "Аграрлық несие корпорациясы" АҚ арқылы 140 миллиард теңге, "Азық-түлік корпорациясы" АҚ арқылы 40 миллиард теңге көлемінде бюджет қаражаты бөлінді, деп хабарлайды ҚР Ауылшаруашылық министрлігінің баспасөз қызметінен.
Осы қаражатты ескере отырып, Қазақстан Республикасы Ауыл шаруашылығы министрлігінің бағалауы бойынша көктемгі дала жұмыстарын қаржыландырудағы тапшылық шамамен 1,3 триллион теңгені құрайды.
Дегенмен, Қазақстан Республикасының Үкіметі егіс науқанын қаржыландыруға қолжетімділікті арттыру бойынша жұмыс жүргізуде.
Мемлекет басшысының тапсырмасы бойынша көктемгі егіс жұмыстарын жүргізуге берілетін несиенің пайыздық мөлшерлемесін субсидиялауға қаражат бөлу арқылы қосымша 400 миллиард теңгеге дейін қаражат тартылады.
Осы мақсаттарға Үкімет резервінен 60 млрд теңге бөлініп, ол қарыз несиелерінің құнын төмендетуге, сондай-ақ ауыл шаруашылығы тауарын өндірушілердің несиелеріне кепілдік беруге бағытталады.
Бұл тәсіл ауыл шаруашылығы кәсіпорындарына егіс жұмыстарын жүргізу үшін жылдық бірден 5% несие қаражатын беруге және жеткілікті кепілдік болмаған жағдайда несие сомасының 85% дейін кепілдік беруге мүмкіндік береді.
Ереже жобасы бүгін жергілікті атқарушы органдар мен Орталық мемлекеттік басқару органдарына келісу үшін жіберіледі.
Сондай-ақ бүгінде азық-түлік корпорациясын қосымша қаржыландыру үшін "Азық-түлік корпорациясы" 200 мың тонна астықты тауарлық несиелеу бағдарламасын жүзеге асыруға кірісті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Тоқаев Қазақстан халқы Ассамблеясы төрағасының орынбасарларын тағайындады
Сурет: Akorda
Тоқаев Қазақстан халқы Ассамблеясы төрағасының орынбасарларын тағайындады, деп хабарлайды Ақорданың баспасөз қызмтінен.
Мемлекет басшысының өкімдерімен Лугмар Харкиевич Буларов және Юрий Германович Шин Қазақстан халқы Ассамблеясы Төрағасының орынбасарлары болып тағайындалды", деп көрсетілген Өкім мәтінінде.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Есірткі саудасының 50 пайыздан астамы Астана, Алматы және Алматы облыстарына тиесілі - ҚМА
ҚМА есірткі құралдары мен прекурсорлардың таралуы тұрғысынан Telegram мессенджерінің арналары, әлеуметтік желілер мен хабарландыру сервистері қамтылған жаһандық желіге мониторинг жүргізуде, деп хабарлайды агенттіктің баспасөз қызметінен.
Мессенджерлердегі 300-ге жуық арна, тыйым салынған заттар сатылатын 4 ірі Darknet маркетплейс көзге түсті.
Ел аумағында Telegram арналары арқылы есірткі және психотроптық заттарды тұрақты негізде жарнамалаумен және сатумен айналысқан 80 пайдаланушының жеке басы анықталды.
Интернет-кеңістіктің Қазақстандық сегментіне жүргізілген мониторинг нәтижесінде 35 мыңға жуық қатысушысы бар есірткі сататын 3 ірі алаң,
есірткі заттарынының әлеуетті тұтынушылары болып табылатын 10 мыңға жуық адамның жеке басы анықталды.
Талдау көрсеткендей, тұтынушылардың 50% - дан астамы Астана, Алматы қалалары мен Алматы облысына тиесілі.
Агенттік өткен жылы айналымы 25,6 млрд теңгені құрайтын 36 есірткі дүкенін анықтады.
Биыл Telegram мессенджерінде 60 есірткі арнасына тиесілі 59 карт-шот анықталды.
Қаржылық барлау бөлімшесінің алдын ала талдау қорытындысы бойынша аталған дүкендердегі ақша қаражатының жалпы айналымы 3 млрд теңгені құрады.
Айналымы 82 млн теңгені құрайтын есірткі дүкендерінің бірі бойынша материалдар ІІМ-ге жолданды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.