Талапкерлердің 44%-ға жуығы жоғарғы оқу орнына түсуге бағытталған кешенді тестілеуде жақсы көрсеткішке ие болды - вице-министр
19-22 шiлде аралығында Қазақстанның 42 жоғарғы оқу орнында кешендi тестiлеу жүргiзiлдi.
Алматы. 24 шілде. Kazakhstan today. Кешенді тестілеудің қорытындысы бойынша, 44%-ға жуық талапкер жоғарғы оқу орнына түсу үшін қажет емтиханда жақсы көрсеткіш көрсете білді, - деп хабаралады ҚР білім және ғылым вице-министрі Тахир Балықбаев.
"Кешенді тестілеу мектепті бір жыл бұрын бітіріп кеткен немесе техникалық және кәсіби білім беру мекемелерінің түлектері арасында жүргізіледі. Тестілеуден өтуге 87060 өтініш берілсе, 84496 талапкер кешенді тестілеуден өткен", - деді вице-министр.
Оның айтуынша, максималды 100 баллды 9 талапкер, орташа баллды талапкерлердің 44,9% жинаған. Ал, шекті 50 баллды олардың 56019 жинақтай алмаған.
"Егер, шығарамшылық емтихан тапсырған талапкерлерді ескеретін болсақ онда шекті ұпайды 47759 немесе талапкерлердің 56,52% көрсете алмаған", - деп ол толықтырды.
Жалпы, талапкерлердің 44%-ға жуығы жоғарғы оқу орнына түсу үшін кешенді тестілеуде жақсы көрсеткіш көрсетті.
Айта кетерлік жайт, тестілеу барысында рұқсат етілмеген 46 мың зат тәркіленген.
"Өткен жылдардағыдай талапкерден ұялы телефондар, калькулятор, шпаргалкалар және т.б. заттар тәркіленді", - деп ол түсіндіріп өтті.
Естеріңізге сала кетейік, 19-22 шiлде аралығында Қазақстанның 42 жоғарғы оқу орнында кешендi тестiлеу жүргiзiлдi.
тақырып бойынша жаңалықтар
650 мыңнан астам қазақстандық тұрғын үйге кезекте тұр
Үкімет отырысында Премьер-Министр Олжас Бектенов тұрғын үй құрылысы және проблемалық объектілерді аяқтау мәселесі бойынша өнеркәсіп және құрылыс министрі Қанат Шарлапаевтың, сондай-ақ бірқатар өңірлер әкімдерінің баяндамасын тыңдады, деп хабарлайды ҚР Үкіметінің баспасөз қызметінен.
Олжас Бектенов Үкімет алдына биыл тұрғын үй құрылысына қатысты көптеген маңызды міндеттер қойылғанын атап өтті. Бұл - рекордтық 18 млн шаршы метр тұрғын үйді тапсыру, Мемлекет басшысының жаңа ипотекалық бағдарламаны іске қосу туралы тапсырмасын жүзеге асыру, сондай-ақ үлестік құрылыс пен заңсыз құрылыстың қордаланып қалған проблемаларын түпкілікті шешу.
Премьер-Министр қазіргі уақытта 650 мыңнан астам адам үй кезегінде тұрғанын атап өтті. 2023 жылы өңірлер әкімдіктері тұрғын үй бағдарламасына қатысуға өтініш берушілердің талаптарға сәйкестігін тексеру бойынша жұмыстарын бастады. Мәселен, Мысалы, Ақмола облысында баспана кезегінде тұрғандардың ішінде талаптарды бұзған 16 мыңға жуық азамат, Шымкент қаласында 36 мыңнан астам адам анықталды. Бірақ, олардың аз ғана бөлігі кезектен шығарылған.
Премьер-Министр әкімдіктерге тізімдерді бірінші жартыжылдықтың соңына дейін өзектендіруді және тұрғын үй бағдарламасының іске асырылуына мониторинг жүргізуді тапсырды.
Барлық әкімдіктер осы тізімдерді қайта қарап, жұмысты І жартыжылдықтың соңына дейін аяқтауы қажет. Бәрі белгіленген ережеге сай болуға тиіс. Кезекке қабылдауды ашық әрі бәріне түсінікті етіп жасау керек. Сондай-ақ тізімге енгізілген адамдарға нақты мониторинг жүргізілуге тиіс", - деп атап өтті Олжас Бектенов.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.