Тергеушілердің әлеуметтік жағынан қорғалуына 2009 жылы мемлекеттік бюджеттен 1,2 млрд теңге бөлу қажет-Ішкі істер министрлігі
Тергеушілердің әлеуметтік жағынан қорғалуына 2009 жылы мемлекеттік бюджеттен 1,2 млрд теңге бөлу қажет-Ішкі істер министрлігі
Астана. 24 сәуір. "Қазақстан Бүгін" - ҚР Ішкі істер министрлігінің есеп-қисабы бойынша, алдын ала тергеу органдары жөніндегі заң жобасы аясында тергеушілердің әлеуметтік жағынан қорғалуына 2009 жылы мемлекеттік бюджеттен 1,2 млрд теңге бөлу қажет. Бұл туралы бүгін құқық қорғау қызметі мен алдын ала тергеу органдарын жетілдіру мәселесіне арналған "дөңгелек үстел" кезінде ҚР ІІМ тергеу комитеті төрағасының орынбасары Марат Болысбеков мәлім етті, деп хабарлайды агенттік тілшісі.
"Алдын ала есептер бойынша, ішкі істер органдарына, ұлттық қауіпсіздік комитетіне және қаржы полициясына 2009 жылы республикалық бюджеттен 1 млрд 231 млн 805 мың теңге бөлу қажет", -деді М. Болысбеков. Бүгінгі күні жасалған есеп-қисаптар экономика және бюджеттік жоспарлау министрлігінде қарастырылып жатыр".
Алдын ала тергеу органдары жөніндегі заң жобасы "бүгінде дайындалуда". "Оның басты мақсаты- халықаралық стандарттарға сай, тиімді тергеу аппаратын құру. Құжатта тергеушілердің мәртебесін көтеруге бағытталған бірқатар нормалар қарастырылған", - деп хабарлады ІІМ өкілі.
"Мысалы тергеу қызметкерлерін қорғау мақсатында және тергеушілерге қатысты қылмыстық істің тергеуі облыс прокурорлары мен оған теңестірілген прокурорлардың рұқсатымен жасалады. Сондай-ақ, құқық қорғау органдары мен арнайы органдарының орталық аппараты тергеушілеріне қатысты тергеулер бас прокурор немесе оның орынбасарының рұқсатымен жүргізіледі. Сонымен бірге тергеушінің көмекші қызметін енгізу ұсынылуда. Бұл тергеушінің негізгі қылмыстарды тергеу жұмыстарын толық көлемде жүргізуіне кедергі келтіретін және көп уақытын алатын қосымша ауқымды техникалық жұмыстардан босатып, тергеу жұмыстарын жүргізуге мүмкіндік береді", - деп баяндады М. Болысбеков.
Оның сөздері бойынша " тергеу қызметкерлерінің білікті кадрлер құрамын құру мақсатында алдын ала тергеу органдары жетекшілерінің жас шегі қойылады.
" Ішкі істер органдары жүйесінде соңғы жылдары қылмыстық істердің қордалануынан және жүктелетін психологиялық ауырпалықтарға орай кәсіби кадрлердің кетуі жиілеп кетті. Алдын ала тергеуді жасайтын мемлекеттік тергеушілердің еңбек ақысын теңестіру қажет", -деп хабарлады М. Болысбеков.
"Осыған орай тергеушілер мен олардың от басының әлеуметтік және құқықтық қорғалуы қарастырылған кешенді нормалар дайындалды. Мысалы, денсаулығын жақсарту үшін бөлінетін төлемақы көлемін жылдық 3 жалақы мөлшерінде көбейту ұсынылған болса, қызметтегі ерекше жағдайларға орай еңбек ақы мөлшерің 10 % -дан 30% құрайтын төлемақыны беру ұсынылды. Сондай-ақ, санитарлық-курорттық емделуге ақшалай өтемақы, медициналық қызметке, дәрі- дәрмектерге, қызмет бабымен жол сапарға шығу кезінде өтемақы беру ұсынылды ", - деді ол.
"Ұсынылып отырған шаралар алдын ала тергеуді жасайтын қызметкерлерінің әлеуметтік қорғалуы жөнінде кепілдігінің жоқтығы мен төмен еңбек ақымен байланысты аса өзекті әлеуметтік мәселелерді шешуге мүмкіндік береді", - деп түсіндірді ҚР ІІМ тергеу комитеті төрағасының орынбасары.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Бектенов Атырау облысында су басу қаупін азайту үшін қабылданып жатқан шаралардың барысын тексерді
Қазақстан Премьер-Министрі Олжас Бектенов Мемлекет басшысы Қасым-Жомарт Тоқаевтың тапсырмаларын орындау аясында Атырау облысында су басу қаупін азайту үшін қабылданып жатқан шаралардың барысын тексерді, деп хабарлайды Үкіметтің баспасөз қызметінен.
Олжас Бектенов облыс орталығындағы тұрғын үй алаптары бекіністерін тексеру барысында Атырау қаласының су тасқынының болжамды екінші толқынына дайындық жұмыстарымен танысты. Батыс өңірде Ресей Федерациясының Ириклин су қоймасынан судың келуіне байланысты, сондай-ақ Жайық өзеніне құйылар сағадағы ірі тасқын мен су деңгейінің көтерілуі салдарынан жағдай күрделі күйінде қалып отыр.
Бұрын хабарланғандай, Батыс Қазақстан облысындағы ірі су тасқынынан кейін ағын су өзен арнасымен Атырау облысына қарай жылжып, Каспий теңізіне құяды. Соңғы тәулікте БҚО тарапынан келетін судың әсерінен Атырау қаласында су деңгейінің 6 см-ге көтерілуі тіркелді (су тасқыны басталғаннан бері жалпы көтерілуі 227 см-ді құрады).
Тұрғын үй алаптарын нығайту, сондай-ақ Жайықтың өткізу қабілетін арттыру үшін өзен түбін тереңдету жұмыстарының қарқыны тексерілді. Тиісті күштердің көлемді судың келуіне дайындық деңгейін қарап көрді.
Үкімет басшысы Олжас Бектенов Атырау облысына су тасқыны жағдайы тұрақтанған өңірлерден әскери қызметшілер мен техниканы жедел жеткізіп, күштерді арттыруды тапсырды.
Бүгінгі таңда су тасқынының алдын алу шараларының 92%-ы орындалды. Жұмысты тиімді жүргізу үшін қала 111 секторға бөлінген. Ұзындығы 482 км қорғаныс бөгеттері салынды, аяқталған учаскелер техникалық қадағалау арқылы тексерілді. Жұмыстарға ТЖМ, ІІМ, Қорғаныс министрлігі, Ұлттық ұланның 6 мыңға жуық әскери қызметшісі, әкімдік қызметкерлері, 2 мыңға жуық техника жұмылдырылған. Еріктілер тарапынан белсенді көмек көрсетілуде. Өткен сенбіде жағалауды нығайту сенбілігі аясында қаланы қорғау жұмыстарына 9 мыңға жуық ерікті қатысты.
Сонымен қатар Жайық өзенінен Каспий теңізіне су өткізу қабілетін арттыру үшін өзен түбін тереңдету жұмыстары жүргізілуде. Су жолдарын тазарту, тереңдету және кеңейту мақсатында арнайы техникалық флоттық кемелер, гидравликалық экскаваторлар қолданылуда.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Көктемгі дала жұмыстарына қосымша 400 миллиард теңгеге дейін қаражат тартылады
Көктемгі дала жұмыстарын оңтайлы егіншілік уақытында жүргізу бүгінгі күннің маңызды міндеттерінің бірі болып табылады. Бұл мiндеттi орындау үшiн ауыл шаруашылығы тауарын өндiрушiлердiң ұзақ уақыт бойы шектелген қарыз қаражатына қол жеткiзуi тиiс.
Егіс жұмыстарын жеңілдетілген несиелендіруге 2024 жылы "Аграрлық несие корпорациясы" АҚ арқылы 140 миллиард теңге, "Азық-түлік корпорациясы" АҚ арқылы 40 миллиард теңге көлемінде бюджет қаражаты бөлінді, деп хабарлайды ҚР Ауылшаруашылық министрлігінің баспасөз қызметінен.
Осы қаражатты ескере отырып, Қазақстан Республикасы Ауыл шаруашылығы министрлігінің бағалауы бойынша көктемгі дала жұмыстарын қаржыландырудағы тапшылық шамамен 1,3 триллион теңгені құрайды.
Дегенмен, Қазақстан Республикасының Үкіметі егіс науқанын қаржыландыруға қолжетімділікті арттыру бойынша жұмыс жүргізуде.
Мемлекет басшысының тапсырмасы бойынша көктемгі егіс жұмыстарын жүргізуге берілетін несиенің пайыздық мөлшерлемесін субсидиялауға қаражат бөлу арқылы қосымша 400 миллиард теңгеге дейін қаражат тартылады.
Осы мақсаттарға Үкімет резервінен 60 млрд теңге бөлініп, ол қарыз несиелерінің құнын төмендетуге, сондай-ақ ауыл шаруашылығы тауарын өндірушілердің несиелеріне кепілдік беруге бағытталады.
Бұл тәсіл ауыл шаруашылығы кәсіпорындарына егіс жұмыстарын жүргізу үшін жылдық бірден 5% несие қаражатын беруге және жеткілікті кепілдік болмаған жағдайда несие сомасының 85% дейін кепілдік беруге мүмкіндік береді.
Ереже жобасы бүгін жергілікті атқарушы органдар мен Орталық мемлекеттік басқару органдарына келісу үшін жіберіледі.
Сондай-ақ бүгінде азық-түлік корпорациясын қосымша қаржыландыру үшін "Азық-түлік корпорациясы" 200 мың тонна астықты тауарлық несиелеу бағдарламасын жүзеге асыруға кірісті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Тоқаев Қазақстан халқы Ассамблеясы төрағасының орынбасарларын тағайындады
Сурет: Akorda
Тоқаев Қазақстан халқы Ассамблеясы төрағасының орынбасарларын тағайындады, деп хабарлайды Ақорданың баспасөз қызмтінен.
Мемлекет басшысының өкімдерімен Лугмар Харкиевич Буларов және Юрий Германович Шин Қазақстан халқы Ассамблеясы Төрағасының орынбасарлары болып тағайындалды", деп көрсетілген Өкім мәтінінде.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Есірткі саудасының 50 пайыздан астамы Астана, Алматы және Алматы облыстарына тиесілі - ҚМА
ҚМА есірткі құралдары мен прекурсорлардың таралуы тұрғысынан Telegram мессенджерінің арналары, әлеуметтік желілер мен хабарландыру сервистері қамтылған жаһандық желіге мониторинг жүргізуде, деп хабарлайды агенттіктің баспасөз қызметінен.
Мессенджерлердегі 300-ге жуық арна, тыйым салынған заттар сатылатын 4 ірі Darknet маркетплейс көзге түсті.
Ел аумағында Telegram арналары арқылы есірткі және психотроптық заттарды тұрақты негізде жарнамалаумен және сатумен айналысқан 80 пайдаланушының жеке басы анықталды.
Интернет-кеңістіктің Қазақстандық сегментіне жүргізілген мониторинг нәтижесінде 35 мыңға жуық қатысушысы бар есірткі сататын 3 ірі алаң,
есірткі заттарынының әлеуетті тұтынушылары болып табылатын 10 мыңға жуық адамның жеке басы анықталды.
Талдау көрсеткендей, тұтынушылардың 50% - дан астамы Астана, Алматы қалалары мен Алматы облысына тиесілі.
Агенттік өткен жылы айналымы 25,6 млрд теңгені құрайтын 36 есірткі дүкенін анықтады.
Биыл Telegram мессенджерінде 60 есірткі арнасына тиесілі 59 карт-шот анықталды.
Қаржылық барлау бөлімшесінің алдын ала талдау қорытындысы бойынша аталған дүкендердегі ақша қаражатының жалпы айналымы 3 млрд теңгені құрады.
Айналымы 82 млн теңгені құрайтын есірткі дүкендерінің бірі бойынша материалдар ІІМ-ге жолданды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.