Өткен тәліктер ішінде Қорғаста шекарашылар 5 миллионға жуық теңгенің заттарын кеденшілерге өткізді
"Жайсаң авто" шекаралық бақылау бөлімшесінде 41 жастағы ресейлік ұсталды. Ол "ГАЗ 2834" автокөлігінде Ресейге қарай жалпы салмағы 1000 кг автомобильдердің қосалқы бөлшектерін заңсыз алып өтпек болған екен. Актіленіп, Ақтөбе облысы бойынша Мемлекеттік кіріс департаментіне тапсырылған заттардың жалпы құны - 1 600000 теңгені құрады.
Нұр-Сұлтан. 26 наурыз. Kazakhstan Today - Өткен тәліктер ішінде Қорғаста шекарашылар 5 миллионға жуық теңгенің заттарын кеденшілерге өткізді.
Халықаралық шекара бойы ынтымақтастығы орталығынан қайтып келе жатқан 1988 жылғы Қазақстан азаматынан 60 дана "Рэйч Н777" маркалы радиостанциялар табылып, "Алтынкөл" кеден бекетіне тапсырылды. Жалпы бағасы есептелінуде.
Кеденшілерге бұдан кейін өткізілген, жалпы салмағы 1300 кг тартқан халық тұтынатын тауарлардың құны - 3 780 000 теңге деп есептелінді.
Сондай-ақ, 44 жастағы ҚР азаматшасынан 64 дана электронды темекі мен соған арналған 30 дана қосалқы батареялар және 27 орам сүзгілер табылып, актімен "Алтынкөл" кеден бекетіне тапсырылды. Бұл тауардың жалпы құны - 650 000 теңгені құрады.
Жайсаңда (Ақтөбе шекара отряды) біржарым миллионнан астам теңгенің заттарын елден заңсыз шығармақ болғандар ұсталды.
"Жайсаң авто" шекаралық бақылау бөлімшесінде 41 жастағы ресейлік ұсталды. Ол "ГАЗ 2834" автокөлігінде Ресейге қарай жалпы салмағы 1000 кг автомобильдердің қосалқы бөлшектерін заңсыз алып өтпек болған екен. Актіленіп, Ақтөбе облысы бойынша Мемлекеттік кіріс департаментіне тапсырылған заттардың жалпы құны - 1 600000 теңгені құрады. Дәл осы бекетте Ресейге бет алған 30 жастағы қазақстандықтан велосипедтерге арналған 300 дөңгелек пен 100 дана жылдамдық ауыстыру механизмдері, онымен құрдас қазақстандық азаматшадан 1200 кг дақылдар, 1965 жылғы ресейліктен 70 кг өзен шаяндары табылып, МКД қызметкерлеріне тапсырылды.
Осы отрядтың "Әлімбет авто" бөлімшесінде 29 жастағы қазақстандық Ресейге заңсыз әкетіп бара жатқан 8000 дана шаруашылық сыпыртқыларымен ұсталды.
Сондай-ақ, осы күндері 140 литрге жуық алкоголь өнімдері Қазақстанға кіргізілмеді.
Қордайлық шекарашылар 180 шөлмек (126 литр) арақты елге рұқсат құжаттарынсыз кіргізбек болған 1960 жылғы қазақстандықты және 13,3 литр әр түрлі алкоголь өнімдерін өзімен бірге Қазақстанға алып кірмек болған 1976 жылғы қырғыз азаматын ұстады.
Бүгін түнде Қордайлық шекарашылар Қырғыз Республикасынан біздің елге қарай жаяулатып, Мемлекеттік шекараны бұзып өтпек болған қырғыз азаматын ұстады.
Сағат 02.30-дар шамасында "Қордай" шекара заставасының аумағында шекара наряды түнде көретін дүрбінің көмегімен көрші елден шекараға қарай келе жатқан бір адамды байқаған. Заставадан шыққан дабыл тобы түн қараңғылығын пайдаланып, Мемлекеттік шекараның қоршауынан өтіп, біздің аумаққа қарай ене берген "шақырылмаған қонақты" қарсы алдынан күтіп алды. Ешқандай құжаты жоқ адам өзін 28 жастағы Қырғыз Республикасының азаматымын деп таныстырды. Құқық қорғау орындары хабарланды, тексеру шаралары жүргізілуде.
Қостанайда Ресейге кетіп бара жатқан автокөлік жүргізушісінен есірткі табылды.
Қостанай шекара отрядына қарасты "Қайрақ авто"өткізу бөлімшесінде Ресейге қарай "Равон" автокөлігімен кетіп бара жатқан 1986 жылғы Қазақстан азаматы ұсталды. Шекара нарядының қызметтік иті автокөлік жүргізушісінің орындығының астына целлофан пакетке салынып, жапсырылып жасырылған түйіншек тауып алды. Табылған заттың "гашиш" есірткісі екендігі анықталды. Ұсталған азамат айғақ затымен Қарабалық аудандық полиция бөліміне тапсырылды, деп хабарлайды ҚР ҰҚК ШҚ баспасөз қызметі.
Ақпаратты пайдаланѓан жаѓдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігініњ материалдарына авторлық қ±қық.
тақырып бойынша жаңалықтар
Тоқаев Қазақстан халқы Ассамблеясы төрағасының орынбасарларын тағайындады
Сурет: Akorda
Тоқаев Қазақстан халқы Ассамблеясы төрағасының орынбасарларын тағайындады, деп хабарлайды Ақорданың баспасөз қызмтінен.
Мемлекет басшысының өкімдерімен Лугмар Харкиевич Буларов және Юрий Германович Шин Қазақстан халқы Ассамблеясы Төрағасының орынбасарлары болып тағайындалды", деп көрсетілген Өкім мәтінінде.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Есірткі саудасының 50 пайыздан астамы Астана, Алматы және Алматы облыстарына тиесілі - ҚМА
ҚМА есірткі құралдары мен прекурсорлардың таралуы тұрғысынан Telegram мессенджерінің арналары, әлеуметтік желілер мен хабарландыру сервистері қамтылған жаһандық желіге мониторинг жүргізуде, деп хабарлайды агенттіктің баспасөз қызметінен.
Мессенджерлердегі 300-ге жуық арна, тыйым салынған заттар сатылатын 4 ірі Darknet маркетплейс көзге түсті.
Ел аумағында Telegram арналары арқылы есірткі және психотроптық заттарды тұрақты негізде жарнамалаумен және сатумен айналысқан 80 пайдаланушының жеке басы анықталды.
Интернет-кеңістіктің Қазақстандық сегментіне жүргізілген мониторинг нәтижесінде 35 мыңға жуық қатысушысы бар есірткі сататын 3 ірі алаң,
есірткі заттарынының әлеуетті тұтынушылары болып табылатын 10 мыңға жуық адамның жеке басы анықталды.
Талдау көрсеткендей, тұтынушылардың 50% - дан астамы Астана, Алматы қалалары мен Алматы облысына тиесілі.
Агенттік өткен жылы айналымы 25,6 млрд теңгені құрайтын 36 есірткі дүкенін анықтады.
Биыл Telegram мессенджерінде 60 есірткі арнасына тиесілі 59 карт-шот анықталды.
Қаржылық барлау бөлімшесінің алдын ала талдау қорытындысы бойынша аталған дүкендердегі ақша қаражатының жалпы айналымы 3 млрд теңгені құрады.
Айналымы 82 млн теңгені құрайтын есірткі дүкендерінің бірі бойынша материалдар ІІМ-ге жолданды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.