Тұрғын үй құрылысы шаруашылығы мен құрылыс саласы сыбайлас жемқорлыққа барынша шалдыққан
"Елбасы ағымдағы жылғы Жолдауында елді жаңғыртудың ең маңызды мәселесі ретінде сыбайлас жемқорлықпен күрес мәселесін ерекше атап өткен болатын. Ендеше, комиссияның алдындағы басты мақсат қай салада болмасын жемқорлықтың кез келген көрінісімен батыл күрес жүргізу болып табылады. Бұл күрестің қаншалықты тиімді болуы, біздің қоғамның әлеуметтік игілігіне, мемлекет беделіне және оның инвестициялық тартымдылығына да әсер етеді", - деді М. Құл-Мұхаммед.
Астана. 11-мамыр. Kazakhstan Today - Тұрғын үй құрылысы шаруашылығы мен құрылыс саласы сыбайлас жемқорлыққа барынша шалдыққан, деп хабарлайды Kazakhstan Today агенттігінің тілшісі.
Бұл туралы бүгін Ақордада ҚР Мемлекеттік хатшысы Мұхтар Құл-Мұхаммедтің төрағалығымен өткен аталмыш комиссия отырысы барысында мәлім болды.
"Елбасы ағымдағы жылғы Жолдауында елді жаңғыртудың ең маңызды мәселесі ретінде сыбайлас жемқорлықпен күрес мәселесін ерекше атап өткен болатын. Ендеше, комиссияның алдындағы басты мақсат қай салада болмасын жемқорлықтың кез келген көрінісімен батыл күрес жүргізу болып табылады. Бұл күрестің қаншалықты тиімді болуы, біздің қоғамның әлеуметтік игілігіне, мемлекет беделіне және оның инвестициялық тартымдылығына да әсер етеді", - деді М. Құл-Мұхаммед.
Бұл ретте комиссия мүдделі мемлекеттік органдармен бірлесе отырып, 2012 жылғы жағдайға арналған сыбайлас жемқорлықпен күрес бойынша терең сараптама жасап шыққан. Соның арқасында бірқатар салаларда сыбайлас жемқорлықтың проблемалы мәселелері анықталып отыр. Атап айтқанда, бұлар - жер қатынастары, баспана қолжетімдігі, тұрғын үй құрылысы және тұрғын үй-құрылыс шаруашылығы. Бұдан бөлек, агроөнеркәсіп кешенін дамыту, табиғатты қорғау және еңбек заңнамасын сақтау салаларында да біраз мәселелер баршылық.
"Мемлекеттік органдардағы кадр саясаты мен "командалық ауысу" мәселесі де өзекті. Бизнесті қорғау мен мемлекеттік қызмет көрсету саласында да олқылықтар бар. Сондықтан да, комиссияның отырысына екі маңызды мәселені шығарып отырмыз. Бұл - құрылыс пен тұрғын үй-коммуналдық шаруашылығы саласындағы мемлекеттік бағдарламаларды орындау бойынша бөлінген бюджеттік қаражаттарды игерудегі сыбайлас жемқорлық көрінісі. Екіншіден, жер қатынастарындағы мәселе. Баршаға белгілі тұрғын үй құрылысы шаруашылығы мен құрылыс саласы сыбайлас жемқорлыққа барынша шалдыққан сала. Ал жекелеген шенеуніктер мен коммерциялық құрылым басшылары үшін осы сала заңсыз баюдың айтарлықтай көзі болып табылады. Сондықтан да, көптеген дамыған елдер аталған салаларда сыбайлас жемқорлықтың жолын кесетін немесе оны барынша төмендететін тиісті тетіктерді құруға ұмтылады. Біз де солай жасауға тиіспіз", - деді М. Құл-Мұхаммед.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Оралда су тасқынының келесі толқынына дайындық қызу жүргізілуде
Қазақстан Премьер-Министрі Олжас Бектенов су тасқынына қарсы іс-шараларды үйлестіру үшін Орал қаласында жүр. Үкімет басшысы өңірге келісімен Жайық өзенінің жағалауын нығайту және бөгет құрылыстарын салу жұмыстарының барысын тексерді, деп хабарлайды Үкіметтің баспасөз қызметінен.
Сонымен қатар Олжас Бектенов жағдайды бақылау үшін өңір аумағында орналасқан су қоймаларының өзен арнасын тікұшақпен аралайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
БҚО үлкен суға дайындық үстінде
Батыс Қазақстан облысында ауқымды су тасқынының алдын алу шаралары қабылдануда. Су тасқынына қарсы жұмыстарды жүргізу үшін өңірде шоғырланған күштер тобы 6,3 мың адамнан асты, деп хабарлайды ҚР ПРемьер-министрінің баспасөз қызметінен.
Үкіметтің тапсырмасы бойынша елді мекендерден үлкен суды бұрып әкету және су тасқынынан келетін шығынды азайту үшін барлық күштер мен құралдар жұмылдырылды.
Облыста ТЖМ-ның 1 мыңнан астам қызметкері, Ұлттық ұланның 700-ден астам, Қорғаныс министрлігінің 600 әскери қызметшісі жұмылдырылды. Жұмысқа волонтерлік ұйымдардың қатысушылары тартылды. 1,5 мың арнайы техника жұмылдырылды, оның 790-ы БҚО-ға еліміздің басқа өңірлерінен келген.
Негізгі міндет - елді мекендердің тұрғындары мен олардың үйлерін су тасқынынан қорғау. Жайық, Шаған, Деркөл өзендерінің бойындағы жағалауды нығайту жұмыстары жүргізілуде. Атап айтқанда, 700 мың құм толтырылған қапшық және 3 710 мың тонна инертті материал төселді. Қорғаныс үйінділері 4-5 метр биіктікке дейін көтерілді.
Қазіргі уақытта Оралда жедел-эвакуациялау пункттері ашылды, өңірде "Жедел желі" жұмыс істейді - оған 512 қоңырау келіп түсті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Әскери билеттер цифрлық форматқа ауыстырылды
Әскери билеттер цифрлық форматқа ауыстырылды, деп хабарлайды ҚР Қорғаныс министрлігінің баспасөз қызметінен.
Жұмысқа орналасу немесе оқу орнына қабылдау кезінде құжатты түпнұсқада ұсыну туралы талап алынып тасталды.
Енді жұмыс беруші азаматтың әскери қызметке қатынасы туралы мәліметтерді egov.kz электрондық үкімет ресурсын пайдалана отырып, автоматты түрде алады.
Заңнама бойынша заңды тұлғалар азаматтардың әскери қызметіне қатынасы туралы деректерді тіркеуге міндетті. Сондықтан кадр қызметтері бұрын әскери есепке алу құжаттарын (әскери билеттер, тіркеу туралы куәлік, әскери қызмет өткергенін растау туралы анықтама және т.б.) талап еткен.
Қорғаныс министрлігі Еңбек және халықты әлеуметтік қорғау, Цифрлық даму, инновациялар және аэроғарыш өнеркәсібі министрліктерімен, ҚР Мемлекеттік қызмет істері агенттігімен бірлесіп жұмыс берушінің сұрауына автоматты түрде жауап алуға мүмкіндік беретін интеграциялық жұмыстар жүргізді.
- Өткен жылдан бастап біз осы процестерді цифрландыру жөнінде жұмыс жүргіздік. Атап айтқанда, ақпараттық жүйені әзірлеп, оны іргелес мемлекеттік органдардың мәліметтер базасымен біріктірдік. Инновация кадрлық қызметтердің жұмысын жеңілдетіп, азаматтарды анықтама алу үшін уақыт жұмсаудан босатады. Егер бұрын бұл процестер бірнеше аптаға созылса, бүгінде бұл бір күнде жасалады, - деді Қорғаныс министрінің орынбасары Дархан Ахмедиев.
Жеке ұйымдар "Е-Еңбек" ақпараттық жүйесінде, мемлекеттік мекемелерде "Е-Қызмет" ресурсын пайдалана отырып, қызметкерлердің есебін жүргізетін болады.
Сонымен қоса әскери билет Қарулы күштер қатарында, басқа да әскерлер мен әскери құралымдарда әскери қызмет өткергендерге ғана берілетінін атап өткен жөн.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Алматыда арнайы сейсмологиялық зерттеу жүргізіледі
Алматыда Қазақстан президенті Қасым-Жомарт Тоқаевтың тапсырмасы бойынша арнайы сейсмологиялық зерттеу жүргізіледі, деп хабарлайды Ақорданың баспасөз қызметінен.
Тараздағы гидромелиоративтік-құрылыс институтын қайта қалпына келтіру жөнінде шешім қабылдадық. Оқу орнын материалдық-техникалық тұрғыдан толық жабдықтау керек. Сейсмология институтының жағдайы да мәз емес. Үкіметке осы институттың ғылыми әлеуетін арттыруға қатысты нақты ұсыныстар дайындауды тапсырдым. Сондай-ақ сейсмологияны және сейсмикалық режимді бақылау құралдарын дамыту бойынша пайдалы ұсыныстар әзірленуге тиіс.
Менің тапсырмаммен Алматы аумағына арнайы сейсмологиялық зерттеу жүргізіледі. Әкімдік үш жылдық зерттеу жұмыстарына қаржы бөледі. Энергетикалық апатты, эпидемияны, қуаңшылықты болжау және оның алдын алу мәселесі аса маңызды. Жауапты министрліктер тиісті саланы, ал әкімдіктер аймақтарды дамыту бағдарламаларын қайта қарауы керек. Әсіресе, төтенше жағдай туындау қаупі бар-жоғын мұқият зерттеу қажет. Бұл жұмысқа ғылыми қауымдастықты жұмылдырған жөн. Яғни гидрология, климатология, география, инженерия және өзге де сала мамандарын тарту қажет.
Тағы да қайталап айтқым келеді, мемлекеттік органдар барлық істе, ең алдымен, сапалы ғылыми қорытындыға сүйенуі керек. Бұл - өте маңызды міндет. Шешімдер әбден пысықталып, нақты негізделіп барып, қабылдануға тиіс. Талдау жүргізіп, ахуалды болжау үшін ғалымдардың қолында, зерттеу орталықтарында қажетті құрал-жабдықтар болуға тиіс"
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.