Үкімет Инновациялық дамытудың 2020 жылға дейінгі тұжырымдамасын бекітті
Мемлекет басшысының тапсырмасына сәйкес Қазақстан Республикасын инновациялық дамытудың 2020 жылға дейінгі тұжырымдамасының жобасы әзірленді, деп хабарлады индустрия және жаңа технологиялар министрі Исет Исекешев Үкімет отырысында.
Астана. 24-шілде. Kazakhstan Today - Үкімет Инновациялық дамытудың 2020 жылға дейінгі тұжырымдамасын бекітті, деп хабарлайды Kazakhstan Today агенттігінің тілшісі.
Мемлекет басшысының тапсырмасына сәйкес Қазақстан Республикасын инновациялық дамытудың 2020 жылға дейінгі тұжырымдамасының жобасы әзірленді, деп хабарлады индустрия және жаңа технологиялар министрі Исет Исекешев Үкімет отырысында.
"Бұл жоба инновацияларды дамыту саласындағы бағдарламалық құжаттарды оңтайландыруға және елімізде инновацияларды дамытудың ұзақмерзімдік бағыттарын анықтауға бағытталып отыр", - деді И.Исекешев өз сөзінде.
Қазіргі таңда республикада инновациялық экономика құруға қажетті база жасалған.
Индустрия және жаңа технологиялар министрлігінің ақпараты бойынша, 2011 жылдың қорытындысы бойынша инновациялық белсенді кәсіпорындардың үлесі жалпы кәсіпорын санының 5,7 пайызына дейін ұлғайса, инновациялық өнімдердің көлемі 65 пайызға, зерттеулер мен жобаларға бөлінген ішкі шығындар 29 пайызға өсіп отыр.
"Біз қолдағы базаны нығайтуымыз және кейбір жұмыстарды күшейтуіміз керек. Бұл күшейту шаралары, бірінші кезекте инновациямен байланысы бар қоғамның барлық қызмет саласын біріктіру есебінен іске асырылу керек: ол ғылым, жаңа технологиялар, бизнес-қоғамдастық және мемлекет", - деп атап көрсетті министр өз сөзінде.
И.Исекешевтің айтуынша, Тұжырымдаманың негізгі міндеті технологиялық болжаудың және инновациялық қызметті қолдау жүйесін құрудың нәтижелері бойынша анықталған Қазақстан үшін негізгі технологияларды дамыту болып табылады.
Тұжырымданың аясында бардығы 50 нысанды көрсеткішке қол жеткізу қарастырылған, бұл индикаторлар инновациялық қызметтің аясын кең қамтуға мүмкіндік береді.
Алғаш рет құжат инновациялық дамытудың 8 стратегиялық саясатының іске асырылуын қамтамасыз етіп отыр: мемлекеттік секторға инновациялар енгізу, инновациялық орта қалыптастыру, ғылымның тиімділігін арттыру, технологияларды коммерцияландырудың тиімді жүйесін дамыту, бизнестің инновациялық белсенділігін ынталандыру, өңірлік инновациялық жүйелер құру, инновациялық инфрақұрылымдарды дамыту, инновацияларды дамыту үшін халықаралық ынтымақтастық орнату сияқты шаралар қарастырылып отыр, деді министр өз сөзінде.
Тұжырымда инновацияларды дамыту және ғылымды дамыту жөніндегі екі бесжылдық бағдарлама арқылы іске асырылатын болады.
"Ғылымды дамыту бағдарламасы әлемдік деңгейдегі ғылыми инфрақұрылым құру, жаңа ғылым кадрларын даярлау, қазақстандық абсолюттік инновациялардың пайда болуына жағдай жасау шараларына бағытталса, инновацияларды дамыту бағдарламасы өз кезегінде экономиканың бәсекеге қабілеттілігін арттыруға, инновацияларды тездетіп енгізуге келешек салалардың дамуына, жаңа сипаттағы элементтердің қалыптасуына жауап беретін болады", - деп түйіндегі өз сөзін И.Исекешев.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Тоқаев Қазақстан халқы Ассамблеясы төрағасының орынбасарларын тағайындады
Сурет: Akorda
Тоқаев Қазақстан халқы Ассамблеясы төрағасының орынбасарларын тағайындады, деп хабарлайды Ақорданың баспасөз қызмтінен.
Мемлекет басшысының өкімдерімен Лугмар Харкиевич Буларов және Юрий Германович Шин Қазақстан халқы Ассамблеясы Төрағасының орынбасарлары болып тағайындалды", деп көрсетілген Өкім мәтінінде.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Есірткі саудасының 50 пайыздан астамы Астана, Алматы және Алматы облыстарына тиесілі - ҚМА
ҚМА есірткі құралдары мен прекурсорлардың таралуы тұрғысынан Telegram мессенджерінің арналары, әлеуметтік желілер мен хабарландыру сервистері қамтылған жаһандық желіге мониторинг жүргізуде, деп хабарлайды агенттіктің баспасөз қызметінен.
Мессенджерлердегі 300-ге жуық арна, тыйым салынған заттар сатылатын 4 ірі Darknet маркетплейс көзге түсті.
Ел аумағында Telegram арналары арқылы есірткі және психотроптық заттарды тұрақты негізде жарнамалаумен және сатумен айналысқан 80 пайдаланушының жеке басы анықталды.
Интернет-кеңістіктің Қазақстандық сегментіне жүргізілген мониторинг нәтижесінде 35 мыңға жуық қатысушысы бар есірткі сататын 3 ірі алаң,
есірткі заттарынының әлеуетті тұтынушылары болып табылатын 10 мыңға жуық адамның жеке басы анықталды.
Талдау көрсеткендей, тұтынушылардың 50% - дан астамы Астана, Алматы қалалары мен Алматы облысына тиесілі.
Агенттік өткен жылы айналымы 25,6 млрд теңгені құрайтын 36 есірткі дүкенін анықтады.
Биыл Telegram мессенджерінде 60 есірткі арнасына тиесілі 59 карт-шот анықталды.
Қаржылық барлау бөлімшесінің алдын ала талдау қорытындысы бойынша аталған дүкендердегі ақша қаражатының жалпы айналымы 3 млрд теңгені құрады.
Айналымы 82 млн теңгені құрайтын есірткі дүкендерінің бірі бойынша материалдар ІІМ-ге жолданды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.