Жамбыл облысында кешенді минералдық тыңайтқыштар өндіретін зауыт салу жоспарлануда
Жамбыл облысында кешенді минералдық тыңайтқыштар өндіретін зауыт салу жоспарлануда
Астана. 10 қазан. "Қазақстан Бүгін" - Жамбыл облысының Қаратау қаласында кешенді минералдық тыңайтқыштар өндіретін зауыт салу жоспарлануда. Бұл туралы кеше өзінің Жамбыл облысына жұмыс сапары барысында Елбасы Нұрсұлтан Назарбаев мәлім етті, деп хабарлайды агенттік тілшісі облыс әкімінің баспасөз қызметіне сілтеме жасап.
"Жамбыл облысында жобалық қуаты жылына 1,5-2 млн тонна азоты және азотты-фосфорлы тыңайтқыштар өндіретін кешенді минералдық тыңайтқыштар өндіретін зауыт салу жоспарлануда. Ол үшін жаңа өндіріс салынады", -деп хабарлайды әкімдік.
Сөйтіп кеше Елбасы алдымен технологиялық кешен ретінде құрылған "Қазфосфат" ірі өндіріс кешеніне келді. Қазіргі таңда "Қазфосфат" ЖШС фосфор кенін өндіруден бастап, оны өңдеу мен дайын өнім шығару, химия кәсіпорындары үшін осы өнімдерді тұтынушыларға сату жұмыстарымен шұғылданады. Аталмыш өндіріс кешені бүгінде "Қаратау" мен "Шолақтау" тау-кен өңдеу кешендерін, "Минералдық тыңайтқыштар" филиалы мен "Жаңа Жамбыл фосфор зауыты" секілді нысандарды біріктіріп отыр.
Еліміз еңсесін тіктегенше "Қазфосфат" талай ауыр кезеңдерді бастан өткерген. Дегенмен, серіктестіктің соңғы бірнеше жыл көлеміндегі өндіріс қарқыны жаман емес. Өткен жылы "Қазфосфат" 19 миллиард 360,2 миллион теңгенің өнімін шығарса, тек үстіміздегі жылдың 9 айында 33 миллиард 402,1 миллион теңгенің өнімін өндіріп үлгерген. Өткен жылдың осы кезеңімен салыстырғанда өндірістің өсуі "Қаратау" мен "Шолақтау" тау-кен өңдеу кешендерінде 160 пайыздан асса, Жаңа Жамбыл фосфор зауытында 142,1, минералдық тыңайтқыштар зауытында 115,2 пайызды құрапты.
Тараз өңіріндегі алып өндіріс кешені тек соңғы 9 айдың ішінде республикалық бюджетке 3 миллиард 141,2 миллион теңге құйған. Еңбекақы және зейнетақы қорларына да кәсіпорындардың ешқандай қарызы жоқ. Қазір "Қазфосфатта" 6719 адам еңбек етіп, отбасын асырап отыр. Талай тығырықты артқа тастап, жаңа тынысы ашылған "Қазфосфатта" өткен кеңейтілген кеңесте Елбасы:
"Химия өндірісі саласында осы өндірісті дамытуға әлі күшіміз жетіп, қолымыз тиіп, жөндеп жұмыс жасаған жоқпыз. Жердің қойнауындағы химиялық шикізат қоры жағынан дүние жүзіндегі ең ауқымды ел болып саналамыз. Бұл басқа өндірісті алған кезде - мұнай, газ, темір, бетон, көмір байлықтарымызбен пара-пар халқымызға жақсылығын тигізетін жұмыс болып табылады. Исіресе, Қаратау өңіріндегі фосфор рудасының ауқымы қазіргі нақты белгіленгені 5-6 миллиардқа дейін болса, жалпы жобасы 15 миллиард, әлемдегі 4-ші орындамыз. Кеңес Одағы кезінде фосфордың үштен бірін шығаратынбыз. Соның бәрі тоқтап қалған. Қазіргі кезде инвесторлардың айтқан әңгімесінің өзі 5 миллиард долларға тартып отыр. Сондықтан барлығымыз жабылып, үкімет болып қаржы тартып, халық болып, бүкіл оңтүстік өңірінің жағдайын түзеу, елімізге көп пайда келтіру жағын ойластыру керек", - деді.
Қалай болғанда да бүгінде "Қазфосфат" шығаратын сары фосфорды әлемде отыздан астам ел тұтынады. Шикізатты ендігі жерде алыстағы Африка мен Бразилия елдері де ала бастаған. Мамандардың айтуынша, әрине, фосфор дайын өнім емес. Оны сатып алған өзге мемлекеттер фосфордан арнаулы қышқыл шығарып, тұрмыстық химия заттарын жасауға қолданады.
Қазақстан фосфориттің әлемдік қоры жағынан төртінші орында тұрғанда, экспорттың әлеуеті жоғары екендігіне қарамастан, Қазақстан өнеркәсібінде химия саласының үлесі бар болғаны 1 пайызды ғана құрап отыр. Жалпы экспорттың 4 пайызы осы саланың еншісінде. Қазір дүниенің төрт бұрышының көкейін тесіп жатқан бір ғана мәселе - әлемдік экономикадағы қаржылық қиындықтар мен азық-түлік тапшылығын болдырмау. Ал азық-түлік қауіпсіздігі басты мәселе болып тұрғанда біздің осы химия кәсіпорындары өндіріп жатқан минералдық тыңайтқыштарды еселеп шығарудың қажеттілігін заман ахуалы талап етуде. Сондықтан да Елбасы кеңесте минералдық тыңайтқыштарды өндіруді арттыру қажеттігін айтты.
Мәселен, Елбасы Қытай, Үндістан елдері жылына 60 миллион тоннадай минералдық тыңайтқыш пайдаланатындығын да айтып отыр. Өз елімізде де ауыл шаруашылығына қажетті минералдық тыңайтқыштарға сұраныс 2,6 миллион тоннаны құрайды.
Сондықтан да Нұрсұлтан Назарбаев кеңейтілген кеңесте химия өнеркәсібін дамытуға қатысты тиісті мекемелерге бірқатар міндеттер жүктеді. Және минералдық тыңайтқыш өндірудің жылдық көлемін 2014 жылы 3 миллион тоннаға жеткізіп, аймақта химия кластерін құруды тапсырды.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Қазақстан Президенті су тасқынынан кейін өңірлерді қалпына келтіру мерзімдерін белгіледі
Сурет: ТЖМ
Қазақстан президенті Қасым-Жомарт Тоқаев Қазақстан халқы Ассамблеясының "Бірлік. Жасампаздық. Өрлеу" атты ХХХІІІ сессиясының отырысында сөйлеген сөзінде су тасқынынан кейін өңірлерді қалпына келтіру мерзімдерін белгіледі, деп хабарлайды Мемлекет басшысының баспасөз қызметі.
Қазақта "Алпыс күн тасыған дария, алты күнде қайтады" деген сөз бар. Көп ұзамай қарғын су кетіп, жұрт күнделікті өмірге оралады. "Әр қиындықтың қайыры бар" дейді халқымыз.
Біріншіден, тасқын кезінде ел бірлігі нығая түсті. Арқадағы ағайынға, Жайықтағы жұртқа бүкіл Қазақстан халқы көмектесуге ұмтылды. Апат аймағында тұратын адамдар барша отандасымыздың шынайы жанашырлығын сезінді.
Екіншіден, елдің жағдайын жақсарту үшін ешкім қиындықтың келуін күтіп отырмайтыны анық. Дегенмен, мұндай апаттар біраз шаруаны шұғыл қолға алуға себепкер болады.
Тасқын аяқталған соң кейбір ауылдар тың жерге қоныстанып, жаңадан бой көтереді. Жол салынады, су тартылады. Ауылдарымыз мүлде жаңа келбетке ие болады. Жалпы, әлемдегі үлкен дағдарыстардың қарқынды дамуға жол ашатыны белгілі", деді президент.
Қазіргі алапат тасқын да, түптеп келгенде, елімізге оң әсерін тигізеді деп ойлаймын. Сын сағатта жұдырықтай жұмылған жұртымыз осы қалпында өрлеу, жаңғыру кезеңіне қадам басады. Бәрі де жақсы болады.
Бәріміз - бір елдің азаматымыз. Тарих тоғыстырған тағдырымыз - бір, сеніммен қадам басатын келешегіміз - бір. Біз біртұтас ұлт ретінде әрдайым бабалар аманатына адал боламыз. Қасиетті қара шаңырағымыз - Қазақстанның жарқын болашағын бірге жасаймыз. Біздің мақсатымыз - айқын, бұл - Әділетті Қазақстанды құру.
Мен Қазақстан Республикасының Тәуелсіздігін қорғауды Президент ретіндегі ең басты міндетім деп санаймын. Осы қастерлі міндет Әділетті Қазақстанды құру және белсенді әрі сындарлы сыртқы саясат жүргізу арқылы ғана орындалады. Биік мақсатқа жету үшін түрлі кедергіден өтеміз, барлық қиындықты жеңеміз. Ауқымды міндеттерді орындаймыз. Біз еліміздің басты құндылықтары мен бағыт-бағдарынан айнымаймыз. Мемлекеттілігімізді нығайтып, тәуелсіздік туын әрдайым биік ұстаймыз. Мен бұған нық сенемін және сол үшін бәрін жасаймын. Бұл - менің президенттік әрі перзенттік парызым.
Еліміз аман, жұртымыз тыныш болсын!", деп түйіндеді өз сөзін Қасым-Жомарт Тоқаев.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Бектенов Атырау облысында су басу қаупін азайту үшін қабылданып жатқан шаралардың барысын тексерді
Қазақстан Премьер-Министрі Олжас Бектенов Мемлекет басшысы Қасым-Жомарт Тоқаевтың тапсырмаларын орындау аясында Атырау облысында су басу қаупін азайту үшін қабылданып жатқан шаралардың барысын тексерді, деп хабарлайды Үкіметтің баспасөз қызметінен.
Олжас Бектенов облыс орталығындағы тұрғын үй алаптары бекіністерін тексеру барысында Атырау қаласының су тасқынының болжамды екінші толқынына дайындық жұмыстарымен танысты. Батыс өңірде Ресей Федерациясының Ириклин су қоймасынан судың келуіне байланысты, сондай-ақ Жайық өзеніне құйылар сағадағы ірі тасқын мен су деңгейінің көтерілуі салдарынан жағдай күрделі күйінде қалып отыр.
Бұрын хабарланғандай, Батыс Қазақстан облысындағы ірі су тасқынынан кейін ағын су өзен арнасымен Атырау облысына қарай жылжып, Каспий теңізіне құяды. Соңғы тәулікте БҚО тарапынан келетін судың әсерінен Атырау қаласында су деңгейінің 6 см-ге көтерілуі тіркелді (су тасқыны басталғаннан бері жалпы көтерілуі 227 см-ді құрады).
Тұрғын үй алаптарын нығайту, сондай-ақ Жайықтың өткізу қабілетін арттыру үшін өзен түбін тереңдету жұмыстарының қарқыны тексерілді. Тиісті күштердің көлемді судың келуіне дайындық деңгейін қарап көрді.
Үкімет басшысы Олжас Бектенов Атырау облысына су тасқыны жағдайы тұрақтанған өңірлерден әскери қызметшілер мен техниканы жедел жеткізіп, күштерді арттыруды тапсырды.
Бүгінгі таңда су тасқынының алдын алу шараларының 92%-ы орындалды. Жұмысты тиімді жүргізу үшін қала 111 секторға бөлінген. Ұзындығы 482 км қорғаныс бөгеттері салынды, аяқталған учаскелер техникалық қадағалау арқылы тексерілді. Жұмыстарға ТЖМ, ІІМ, Қорғаныс министрлігі, Ұлттық ұланның 6 мыңға жуық әскери қызметшісі, әкімдік қызметкерлері, 2 мыңға жуық техника жұмылдырылған. Еріктілер тарапынан белсенді көмек көрсетілуде. Өткен сенбіде жағалауды нығайту сенбілігі аясында қаланы қорғау жұмыстарына 9 мыңға жуық ерікті қатысты.
Сонымен қатар Жайық өзенінен Каспий теңізіне су өткізу қабілетін арттыру үшін өзен түбін тереңдету жұмыстары жүргізілуде. Су жолдарын тазарту, тереңдету және кеңейту мақсатында арнайы техникалық флоттық кемелер, гидравликалық экскаваторлар қолданылуда.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Көктемгі дала жұмыстарына қосымша 400 миллиард теңгеге дейін қаражат тартылады
Көктемгі дала жұмыстарын оңтайлы егіншілік уақытында жүргізу бүгінгі күннің маңызды міндеттерінің бірі болып табылады. Бұл мiндеттi орындау үшiн ауыл шаруашылығы тауарын өндiрушiлердiң ұзақ уақыт бойы шектелген қарыз қаражатына қол жеткiзуi тиiс.
Егіс жұмыстарын жеңілдетілген несиелендіруге 2024 жылы "Аграрлық несие корпорациясы" АҚ арқылы 140 миллиард теңге, "Азық-түлік корпорациясы" АҚ арқылы 40 миллиард теңге көлемінде бюджет қаражаты бөлінді, деп хабарлайды ҚР Ауылшаруашылық министрлігінің баспасөз қызметінен.
Осы қаражатты ескере отырып, Қазақстан Республикасы Ауыл шаруашылығы министрлігінің бағалауы бойынша көктемгі дала жұмыстарын қаржыландырудағы тапшылық шамамен 1,3 триллион теңгені құрайды.
Дегенмен, Қазақстан Республикасының Үкіметі егіс науқанын қаржыландыруға қолжетімділікті арттыру бойынша жұмыс жүргізуде.
Мемлекет басшысының тапсырмасы бойынша көктемгі егіс жұмыстарын жүргізуге берілетін несиенің пайыздық мөлшерлемесін субсидиялауға қаражат бөлу арқылы қосымша 400 миллиард теңгеге дейін қаражат тартылады.
Осы мақсаттарға Үкімет резервінен 60 млрд теңге бөлініп, ол қарыз несиелерінің құнын төмендетуге, сондай-ақ ауыл шаруашылығы тауарын өндірушілердің несиелеріне кепілдік беруге бағытталады.
Бұл тәсіл ауыл шаруашылығы кәсіпорындарына егіс жұмыстарын жүргізу үшін жылдық бірден 5% несие қаражатын беруге және жеткілікті кепілдік болмаған жағдайда несие сомасының 85% дейін кепілдік беруге мүмкіндік береді.
Ереже жобасы бүгін жергілікті атқарушы органдар мен Орталық мемлекеттік басқару органдарына келісу үшін жіберіледі.
Сондай-ақ бүгінде азық-түлік корпорациясын қосымша қаржыландыру үшін "Азық-түлік корпорациясы" 200 мың тонна астықты тауарлық несиелеу бағдарламасын жүзеге асыруға кірісті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Тоқаев Қазақстан халқы Ассамблеясы төрағасының орынбасарларын тағайындады
Сурет: Akorda
Тоқаев Қазақстан халқы Ассамблеясы төрағасының орынбасарларын тағайындады, деп хабарлайды Ақорданың баспасөз қызмтінен.
Мемлекет басшысының өкімдерімен Лугмар Харкиевич Буларов және Юрий Германович Шин Қазақстан халқы Ассамблеясы Төрағасының орынбасарлары болып тағайындалды", деп көрсетілген Өкім мәтінінде.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Есірткі саудасының 50 пайыздан астамы Астана, Алматы және Алматы облыстарына тиесілі - ҚМА
ҚМА есірткі құралдары мен прекурсорлардың таралуы тұрғысынан Telegram мессенджерінің арналары, әлеуметтік желілер мен хабарландыру сервистері қамтылған жаһандық желіге мониторинг жүргізуде, деп хабарлайды агенттіктің баспасөз қызметінен.
Мессенджерлердегі 300-ге жуық арна, тыйым салынған заттар сатылатын 4 ірі Darknet маркетплейс көзге түсті.
Ел аумағында Telegram арналары арқылы есірткі және психотроптық заттарды тұрақты негізде жарнамалаумен және сатумен айналысқан 80 пайдаланушының жеке басы анықталды.
Интернет-кеңістіктің Қазақстандық сегментіне жүргізілген мониторинг нәтижесінде 35 мыңға жуық қатысушысы бар есірткі сататын 3 ірі алаң,
есірткі заттарынының әлеуетті тұтынушылары болып табылатын 10 мыңға жуық адамның жеке басы анықталды.
Талдау көрсеткендей, тұтынушылардың 50% - дан астамы Астана, Алматы қалалары мен Алматы облысына тиесілі.
Агенттік өткен жылы айналымы 25,6 млрд теңгені құрайтын 36 есірткі дүкенін анықтады.
Биыл Telegram мессенджерінде 60 есірткі арнасына тиесілі 59 карт-шот анықталды.
Қаржылық барлау бөлімшесінің алдын ала талдау қорытындысы бойынша аталған дүкендердегі ақша қаражатының жалпы айналымы 3 млрд теңгені құрады.
Айналымы 82 млн теңгені құрайтын есірткі дүкендерінің бірі бойынша материалдар ІІМ-ге жолданды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.