"Жас Отан" салауатты өмір салтын белсенді таратушы болуы дұрыс - Назарбаев
"Жас Отан" салауатты өмір салтын белсенді таратушы болуы дұрыс - Назарбаев
Астана. 14 мамыр. "Қазақстан Бүгін" - "Жас Отан" салауатты ұлт қалыптастыру идеясының белсенді жол көрсетушісі болғаны дұрыс. Бұл туралы "Нұр Отан" Халықтық-демократиялық партиясының "Жас Отан" жастар қанатының бірінші съезінде сөйлеген сөзінде Қазақстан президенті Нұрсұлтан Назарбаев мәлімдеді, деп хабарлайды "Қазақстан Бүгін" агенттігінің тілшісі.
"Мемлекет денсаулық сақтау жүйесін дамытуға орасан зор қаражат бөліп жатыр. Алайда, білектік жағынан алсақ та, рухани жағынан алсақ та халықтың денсаулығын нығайту үшін тек қана мемлекеттің күш-жігері жеткіліксіз. Салауатты өмір салтын дағдыға айналдыру қажет. Күнделікті спортпен айналысу, ауқаттану, зиянды әдеттерден бойды аулақ ұстау", - деп атап көрсетті президент.
"Адам денсаулығы тек 10 пайызға ғана медицинаға тәуелді. Біздің денсаулығымыздың 50 пайызы біздің өмір салтымызға байланысты. Денсаулықтарыңды жастайларыңнан күтіп ұстаңдар", - деп сергектікке шақырды ел президенті.
"Мен бізге дені сау ұлт қажет дегенге аса байыппен қараймын. Жастар арасында есірткімен, шылым шегумен, маскүнемдікпен, қоғамға жат қылықтармен күрес идеясын белсенді түрде алға жылжыту керек", - деп атап көрсетті мемлекет басшысы.
Оның пайымдауынша, бүкіл халықтың денсаулығының негізі болып табылатын балалар спортын дамытумен айналысу қажет. Осы істерде "Нұр Отан" жастар ұйымдарына көмек көрсетуі керек", - деп есептейді Елбасы.
Н. Назарбаев сондай-ақ, жастарды кәсіпке ие болып, жұмыс істеуге шақырды. "Жас кезде түк бітірмей жүргенше немесе қажетсіз істермен шұғылданғанша көше сыпырудан неге жиіркену керек?" - деді президент. "Мемлекет жағдай жасап отыр. Біз Қазақстанның еңбексүйгіш, жұмыскер азаматтарын тәрбиелеп шығаруымыз керек", - деп сөзін қорытты ол.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
650 мыңнан астам қазақстандық тұрғын үйге кезекте тұр
Үкімет отырысында Премьер-Министр Олжас Бектенов тұрғын үй құрылысы және проблемалық объектілерді аяқтау мәселесі бойынша өнеркәсіп және құрылыс министрі Қанат Шарлапаевтың, сондай-ақ бірқатар өңірлер әкімдерінің баяндамасын тыңдады, деп хабарлайды ҚР Үкіметінің баспасөз қызметінен.
Олжас Бектенов Үкімет алдына биыл тұрғын үй құрылысына қатысты көптеген маңызды міндеттер қойылғанын атап өтті. Бұл - рекордтық 18 млн шаршы метр тұрғын үйді тапсыру, Мемлекет басшысының жаңа ипотекалық бағдарламаны іске қосу туралы тапсырмасын жүзеге асыру, сондай-ақ үлестік құрылыс пен заңсыз құрылыстың қордаланып қалған проблемаларын түпкілікті шешу.
Премьер-Министр қазіргі уақытта 650 мыңнан астам адам үй кезегінде тұрғанын атап өтті. 2023 жылы өңірлер әкімдіктері тұрғын үй бағдарламасына қатысуға өтініш берушілердің талаптарға сәйкестігін тексеру бойынша жұмыстарын бастады. Мәселен, Мысалы, Ақмола облысында баспана кезегінде тұрғандардың ішінде талаптарды бұзған 16 мыңға жуық азамат, Шымкент қаласында 36 мыңнан астам адам анықталды. Бірақ, олардың аз ғана бөлігі кезектен шығарылған.
Премьер-Министр әкімдіктерге тізімдерді бірінші жартыжылдықтың соңына дейін өзектендіруді және тұрғын үй бағдарламасының іске асырылуына мониторинг жүргізуді тапсырды.
Барлық әкімдіктер осы тізімдерді қайта қарап, жұмысты І жартыжылдықтың соңына дейін аяқтауы қажет. Бәрі белгіленген ережеге сай болуға тиіс. Кезекке қабылдауды ашық әрі бәріне түсінікті етіп жасау керек. Сондай-ақ тізімге енгізілген адамдарға нақты мониторинг жүргізілуге тиіс", - деп атап өтті Олжас Бектенов.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.