Астанада Жастар күніне арналған Jastar Day фестивалі өтті
Астана қаласында Халықаралық жастар күніне арналған Jastar Day фестивалі өтті. Іс-шараға Қазақстанның барлық өңірінен 3 мыңға жуық жастар қатысты.
Фестивальдің басты оқиғаларының бірі - "Тәуелсіздік ұрпақтары" гранттарын табыстау рәсімі болды. 30 жобаның авторы өз идеяларын жүзеге асыру үшін 3 млн теңге көлемінде гранттар алды.
Сондай-ақ, фестивальде президент Қасым-Жомарт Тоқаевтың үндеуі оқылып, медиа, технология, өнер және әлеуметтік жобалар салаларының сарапшылары сөз сөйледі.
Jastar Day қазақстандық өнер жұлдыздарының концертімен аяқталды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Құрылтай отырысы, Үкіметтің жаңа құрамы және Көшпенділер ойындарындағы жеңістер: Қазақстандағы аптаның басты оқиғалары
Құрылтай отырысы, Үкіметтің жаңартылған құрамы, ШЫҰ саммиті, Қазақстанның Көшпенділер ойындарындағы алғашқы жеңістері және Қазақы тазы күні - 27 тамыз бен 3 қыркүйек аралығындағы апта несімен есте қалды? Kazakhstan Today дайджестінде аптаның басты оқиғаларына шолу жасаймыз.
Елдегі басты саяси оқиғалардан бастайық. Астанада жаңа шақырылымдағы Құрылтайдың алғашқы сессиясы өтті. Құрылтай төрағасы болып Айбек Дәдебай сайланды. Оның орынбасарлары болып Нұрлан Бекназаров, Дания Еспаева және Динара Зәкиева тағайындалды. Сондай-ақ, сегіз тұрақты комитет құрылды.
Тағы бір маңызды кадрлық өзгеріс - Қазақстанның вице-президентінің тағайындалуы. Бұл лауазымға Ерлан Қарин тағайындалды. Оның кандидатурасын Құрылтай қолдады.
Үкімет құрамы да жаңарды. Олжас Бектенов премьер-министр қызметін сақтап қалса, төрт министрлікке қатысты кадрлық өзгерістер орын алды. Сыртқы істер министрлігін Мұхтар Тілеуберді, Экология министрлігін Әлібек Қуантыров, Мәдениет және ақпарат министрлігін Арман Қырықбаев және де Төтенше жағдайлар министрлігін Мұрат Мұханов басқарды.
Халықаралық аренадағы аптаның басты оқиғаларының бірі Бішкекте өткен ШЫҰ саммиті болды.
Қазақстан президенті Қасым-Жомарт Тоқаев өз сөзінде ұйымның негізгі қағидаттарын БҰҰ Бас Ассамблеясының арнайы қарарында бекітуді ұсынды. Мемлекет басшысы сондай-ақ БҰҰ-ның рөлін нығайтып, оның жұмысының тиімділігін арттыруға шақырды.
Енді спорт жаңалықтарына тоқталсақ. Қазақстан құрамасы Қырғызстанда өтіп жатқан VI Дүниежүзілік көшпенділер ойындарында табысты күш сынасып жатыр.
Жарыстың үш күнінің қорытындысы бойынша қазақстандық спортшылар 34 медаль, соның ішінде 16 алтын, сегіз күміс және он қола жүлде жеңіп алды. Бүгінде жалпыкомандалық есеп бойынша Қазақстан екінші орынды місе тұтуда.
Қазақстан құрамасының сапында спорттың 43 түрінен 152 спортшы бақ сынап жатыр. Ойындар 6 қыркүйекке дейін жалғасады деп күтілуде.
Дайджестімізді ұлттық мұраға арналған оқиғамен аяқтасақ.
3 қыркүйекте Қазақстанда алғаш рет Қазақы тазы мен төбеті күні атап өтілді. Бұл ит тұқымдары ғасырлар бойы Ұлы даладағы тіршіліктің ажырамас бөлігі болғаны баршаға мәлім.
Өткен апта осындай оқиғалармен есте қалды. Басты жаңалықтармен Kazakhstan Today-де хабардар болыңыз.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Ақтауда өткен SHUBAT FEST-2026 шұбат байқауы 15 мыңнан астам қонақтың басын қосты
Сурет: Gov.kz
Ақтауда 15 мыңнан астам қала тұрғындары мен қонақтарын жинаған SHUBAT FEST-2026 республикалық фестивалі өтті. Үздік шұбат байқауының бас жүлдесін Жаңаөзен қаласындағы "Бірлік" шаруа қожалығы қанжығасына байлады, деп хабарлайды Маңғыстау облысы әкімінің баспасөз қызметінен.
Фестивальге Маңғыстау, Атырау, Қызылорда және Түркістан облыстарының шұбат өндірушілері қатысты.
"Байқауға барлығы 83 өтінім түсіп, оның 41-і алдын ала іріктеуден өтті. Кейін қатысушылардың өнімдері зертханалық сараптамадан өткізіліп, нәтижесінде 20 қатысушы финалдық кезеңге жолдама алды", деп айтылған хабарламада.
Фестивальдің Гран-при жүлдесін ұтып алған жеңімпазға фестиваль демеушісі Astana Motors компаниясының атынан GWM Poer автокөлігі табыс кетілді.
Бірінші орын Ақтаудағы "Толқын" шаруа қожалығына, екінші орынды Атырау облысы Жылыой ауданындағы "Орынбасар" шаруа қожалығына, үшінші орынды Маңғыстау облысы Бейнеу ауданындағы "Нұр-Абыл" шаруа қожалығына бұйырған.
Фестивальде түйе сүтінен жасалған үздік өнімдер де таңдалды. Өндірушілер құрт, балқаймақ, десерттер, кофе, балмұздақ және коктейльдер ұсынды. Үздік өнімдердің бір бөлігін келушілер халықтық дауыс беру арқылы анықтады.
Ұйымдастырушылардың мәлімдеуінше, фестиваль шұбатты кеңінен насихаттауға, оны дайындау дәстүрлерін сақтауға, отандық өндірушілерді қолдауға және түйе шаруашылығын дамытуға бағытталған.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Құрылтай сайлауы, кадрлық тағайындаулар және спорттағы жетістіктер: Қазақстандағы аптаның басты оқиғалары
Сурет: ИИ
Алғашқы Құрылтай алғашқы сайлауы, кадрлық өзгерістер, КҚК арқылы мұнай жеткізу қауіпсіздігі және қазақстандық дзюдошылардың жетістіктері - 2026 жылдың 21-27 тамызы аралығындағы апта несімен есте қалды? Kazakhstan Today дайджестінде бірге тамашалаймыз.
Басты саяси оқиғалардан бастасақ.
23 тамызда Қазақстанда бір палаталы Құрылтай депутаттарының алғашқы сайлауы өтті. 145 мандат үшін жеті саяси партиядан 545 кандидат бақ сынады. Сайлаушылар тізіміне 12,6 млн астам адам енгізілді.
Дауыс беру қорытындысы бойынша "Әділет" партиясы 71,17% дауыс жинап, 110 мандатқа ие болды. "Ауыл" партиясына 10 орын, Respublica партиясына тоғыз, "Ақ жол" мен Жалпыұлттық социал-демократиялық партияға (ЖСДП) сегіз орыннан бұйырды.
Орталық сайлау комиссиясы сайланған депутаттардың барлығын тіркеді. Осы сәттен бастап олардың өкілеттіктері ресми түрде басталды. Құрылтайдың алғашқы сессиясы 28 тамызда Астанада өтеді.
Сайлаудан кейін бірқатар кадрлық шешімдер қабылданды. Тимур Сүлейменов Ұлттық банк төрағасы қызметіне қайта тағайындалды. ҰҚК төрағасы Ермек Сағымбаев, Жоғары Сот Кеңесінің төрағасы Дмитрий Малахов және Адам құқықтары жөніндегі уәкіл Артур Ластаев та өз қызметтерінде қалды.
Сонымен қатар, осы аптада қазақстандық мұнай экспортына да ерекше назар аударылды. Сыртқы істер министрі Ермек Көшербаев Италияның сыртқы істер министрі Антонио Таянимен Каспий құбыр консорциумының (КҚК) тұрақты әрі қауіпсіз жұмысын талқылады. Тараптар оның Еуропаны тұрақты энергиямен қамтамасыз етудегі стратегиялық маңызын атап өтті.
Жаңалықтар легі сондай-ақ спорт жаңалықтарымен де толықты. Нақтырақ тоқталсақ, қазақстандық дзюдошылар Эквадорда өткен кадеттер арасындағы әлем чемпионатында күш сынысап, жеңісті көрсеткіштерге қол жеткізді. Фатима Сұпығалиева 52 келіге дейінгі салмақ дәрежесінде әлем чемпионы атанды. 60 келіге дейінгі салмақ дәрежесінде Ғабит Расұлхан да алтын медальді иеленді. Сондай-ақ, басқа да спортшыларымыз ел қоржынына күміс және қола жүлделер салды.
Осы апта осындай маңызды оқиғалармен есте қалды. Басты жаңалықтармен Kazakhstan Today-де таныс болыңыздар.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қызметтік ит Атырауда жоғалған зейнеткерді табуға көмектесті
Сурет: ҚР СІМ
Атырауда қызметтік ит полицейлерге жоғалып кеткен 86 жастағы зейнеткерді табуға көмектекен.
Жоғалған ер адамның қызы полицияға жүгінді. Оның айтуынша, әкесі бір күн бұрын кешке жоғалып кетіп, байланысқа шықпай қойған.
Іздеу жұмыстарына қызметтік итпен бірге кинологтар да қосылған. Зейнеткердің киімінен иіс алған ит ізге түсіп, полицейлерді бірнеше шақырым бойы каналға қарай бастап барған.
Жоғалған ер адам қамыс арасынан аман-есен табылды.
Қызметтік ит полицияда 2024 жылдан бері қызмет атқарып келеді және өзін кинологтардың сенімді көмекшісі ретінде көрсетті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
ОСК Құрылтай сайлауының алдын ала нәтижелерін жариялады
Орталық сайлау комиссиясының төрағасы Нұрлан Әбдіров 23 тамызда өткен Құрылтай депутаттарының сайлауының алдын ала нәтижелерін жариялады.
Дауыстарды санау аяқталды.
Дауыс беруге 9 миллионнан астам сайлаушы қатысқан. Сайлаушылардың келу көрсеткіші 74 пайызды құрады.
Сайлау барысында 145 орын үшін жеті саяси партиядан 545 кандидат бақ сынады.
Алдын ала мәлімет бойынша, ең көп дауыс "Әділет" партиясына беріліп, 71 пайызды құрады.
"Ауыл" партиясы шамамен 6 пайыз, Respublica 5,5 пайыз, "Ақ жол" 5 пайыздан сәл астам дауыс жинады. ЖСДП да 5 пайыздық межеден өтті.
Қазақстан Халық партиясы 3 пайыз дауыс жинаса, "Байтақ" партиясы шамамен 1 пайыз дауыс жинаған. Сайлаушылардың шамамен 2,5 пайызы "Бәріне қарсымын" нұсқасын таңдады.
Осылайша, алдын ала қорытынды бойынша Құрылтайға бес партия өтеді. Атап айтсақ, "Әділет", "Ауыл", Respublica, "Ақ жол" және ЖСДП.
Депутаттар бес жыл мерзімге сайланады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Спорт саласындағы дипломатия, Қазақстан туралы фильм және КҚК: Қазақстандағы аптаның басты оқиғалары
Сурет: ИИ
Қазақстанның жаңартылған сыртқы саяси тұжырымдамасы, КҚК арқылы мұнай жеткізу қауіпсіздігі, Оңтүстік Кореяда жұмыс істеуге арналған жаңа мүмкіндіктер, спорт саласындағы дипломатия және Қазақстан туралы миллиондаған аудиторияға арналған фильм - 14-20 тамыз аралығындағы есте қалған басты оқиғаларды Kazakhstan Today дайджестінен тамашалаңыздар.
Еліміздің халықаралық саясатындағы өзгерістерден бастасақ. Қазақстан президенті Қасым-Жомарт Тоқаев 2020-2030 жылдарға арналған Сыртқы саясат тұжырымдамасын жаңартты. Құжатта ұлттық мүдделерді және шетелдегі қазақстандықтардың құқықтарын қорғауға басымдық күшейтілген.
КҚК төңірегіндегі жағдай әлі де басты назарда. сыртқы істер министрі Ермек Көшербаев Австрияның сыртқы істер министрі Беате Майнль-Райзингермен халықаралық кеме қатынасының қауіпсіздігі мен отандық мұнай өнімін Еуропаға тұрақты жеткізу мәселелерін талқылады. Бұл ретте Қазақстан Австрияның шикі мұнай импортының жартысынан астамын, яғни шамамен 56%-ын қамтамасыз етеді.
Қазақстандықтар үшін шетелде жаңа мүмкіндіктер ашылуда. Ел Оңтүстік Кореяның жұмысқа орналасуға рұқсат беретін EPS жүйесіне қосылды. Қажетті рәсімдер аяқталғаннан кейін қазақстандықтар Оңтүстік Кореяда ресми түрде жұмыс істей алады. Жұмысқа орналасу 2028 жылдан басталады деп күтілуде.
Спорт та Қазақстанның халықаралық ынтымақтастығының бір бөлігіне айналып келеді. Астанаға алғаш рет әлемдік деңгейдегі муайтай жұлдыздары келді. Іс-шараның басты қонағы аты аңызға айналған тай спортшысы Буакав Банчамек болды. Таиландтың Қазақстандағы елшісі Пияпин Нийомреркс атап өткендей, мұндай шаралар елдер арасындағы спорттық және мәдени байланыстарды дамытуға ықпал етеді.
Қазақстан шетелдік саяхатшылар үшін барған сайын тартымды бағытқа айналуда. Аудиториясы 20 миллионнан асатын тревел-блогер Джо Хаттаб ел туралы көлемді фильм шығарды. Онда ол Алматы мен Қайыңды көлін, Маңғыстаудың көркем жерлерін, заманауи Астана мен Байқоңырды бейнелейді.
Осылайша, бұл апта осындай маңызды оқиғалармен есте қалды. Kazakhstan Today-мен бірге аптаның басты жаңалықтарынан хабардар болыңыз.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстанның ТЖМ "Гучи" әніне түсірілген трендті қолдаған бейнероликтері әлеуметтік желіде кеңінен таралды
Сурет: Скриншот из видео
Қазақстанның ТЖМ "Ирина Кайратовна" тобының "Гучи" әніне бейнероликтер түсіріп, күтпеген жерден танымал интернет-трендтің бір бөлігіне айналды.
Бастамаға еліміздің түрлі қалаларындағы ведомство қызметкерлері қосылып, бейнероликтер әлеуметтік желілерде кеңінен таралды.
Жарияланымдар қысқа уақыт ішінде көп қаралым жинап, белең алды. Қолданушылар бейнероликтерді белсенді бөлісіп, құтқарушылардың креативі мен заманауи тәсілін атап өтуде.
Пікірлерде қазақстандықтар жүздеген оң реакция қалдырып, ТЖМ қызметкерлеріне қолдау білдіруде. Сондай-ақ, халық олардың әзіл-қалжыңы мен аудиторияға жақын бола білуін жоғары бағалады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан BORN FROM CULTURE әлемдік трендіне қосылды
Сурет: Скриншот из видео
Қазақстан Born From Culture халықаралық мәдени трендіне қосылды. Трендке қатысушылар би, ұлттық киімдер мен табиғи көріністер арқылы аудиторияны түрлі халықтардың салт-дәстүрлерімен және де ұлттық ерекшеліктерімен таныстырады.
Трендті австралиялық хореограф әрі режиссер Джеймс Фенвик бастаған болатын. Жобадағы барлық бейнероликті бір саундтрек, яғни америкалық рэпер Future-дің Mask Off композициясы біріктіреді. Танымал хип-хоп тректің сүйемелдеуімен авторлар дәстүрлі бейнелерді заманауи визуалды форматпен үйлестіре отырып, өз халықтарының мәдени элементтерін көрсетеді.
Жобаға Қырғызстан, Өзбекстан, Моңғолия елдерінің өкілдері, сондай-ақ сахалар, қырым татарлары, армяндар және басқа да халықтар қосылып үлгерді.
Трендтің қазақстандық нұсқасын блогер Разия Кузиева түсірді. Бейнероликте ұлттық киімдер мен әшекейлер, батырлардың бейнелері, жылқылар, алтыбақан, бесбармақ және дәстүрлі би өнері көрсетілген.
Түсірілім Алматының табиғи көріністері аясында өткен. Осылайша, Born From Culture трендінің қазақстандық нұсқасы ұлттық мәдениеттің дәстүрлі элементтерін заманауи музыкамен және халықаралық аудиторияға арналған қысқа бейнеролик форматымен үйлестірді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.