ІІМ есірткі бизнесіне қатысы бар 6 мың сайтты бұғаттады
Сурет: Depositphotos
ІІМ бірінші жартыжылдықтағы есірткі қылмысына қарсы жұмысты қорытындылады, - деп хабарлайды Polisia.kz.
"Мамыр айында шетелдік әріптестермен бірлесіп, Украина аумағында ірі есірткі call-орталығының қызметі жойылып, 11 күдікті ұсталды. Олар Қазақстан азаматтарын есірткі схемаларына тартумен және оларды заңсыз қызметке жұмылдырумен айналысқан", деп мәлім етті ІІМ ресми өкілі.
Оның мәлімдеуінше, биылғы жылдың бірінші жартыжылдығында 7 тоннадан астам есірткі, оның ішінде жарты мың килограмнан астам синтетикалық есірткі тәркіленді. Соның нәтижесінде ондаған мың доза есірткі тұтынушыларға жетпей, мыңдаған адамның өмірі сақталып қалды. 15 есірткі зертханасының қызметі жойылып, алты ұйымдасқан қылмыстық топтың әрекетіне тосқауыл қойылды. Оның ішінде біреуі трансұлттық сипатта.
Есірткі қылмысының киберкеңістік пен криптовалюта саласына ауысқанын ескере отырып, интернет желісінде жүйелі жұмыс ұйымдастырылған. Атап айтқанда "Кибернадзор" жүйесі арқылы заңсыз контенті бар 6 мың сайт бұғатталып, "Антифрод-орталық" арқылы қаржыландыру жүргізілген 9 мың банк картасы бұғатталған.
Сондай-ақ, жалпы сомасы 135 миллион теңге көлеміндегі қаражатқа шектеу қойылды. "Таргетинг-орталығы" құрылды.
Есірткі құралдары мен психотроптық заттардың заңды айналымы саласында жүйелі жұмыс жүргізілуде. Прекурсорлар мен күшті әсер ететін заттардың, сондай-ақ "дропперлік" қызметтің заңсыз айналымы үшін қатаң жауапкершілік енгізілді. Көршілес мемлекеттердегі әріптестермен, сондай-ақ халықаралық ұйымдармен ынтымақтастықты кеңейтіп келеміз. Орталық Азия өңірлік ақпараттық-үйлестіру орталығының әлеуетін тиімді пайдаланудамыз. Жыл басынан бері шетелдік серіктестермен 20-дан астам кездесу өткізілді. Тиісті өзара іс-қимылды жүзеге асыру үшін барлық қажетті құқықтық база қалыптастырылған. Қазақстан есірткі қылмысына қарсы іс-қимыл саласындағы жаһандық үйлестірудің маңызды алаңына айналуда. Ақпан айында 15 мемлекеттің өкілдерінің қатысуымен прекурсорлар мәселелері жөніндегі өңірлік жұмыс тобының отырысы өткізілді. Жұмыс жалғасуда, ал біздің басты басымдығымыз - әрбір азаматтың қауіпсіздігін қамтамасыз ету", - деді ІІМ есірткі қылмысына қарсы іс-қимыл комитеті төрағасының орынбасары Қуандық Әлжанов.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Астанада жылжымайтын мүлікті сатуға қатысты алаяқтық ісі бойынша айыпталушылар сотталды
Сурет: ЖИ
Астананың қылмыстық істер жөніндегі ауданаралық соты жылжымайтын мүлікті сату кезіндегі алаяқтық пен ысырап ету ісі бойынша төрт адамды 8 және 9 жылға бас бостандығынан айырды, деп хабарлайды соттың баспасөз қызметінен.
Сот мәліметінше, сотталушылар пәтерлерді, тұрғын емес үй-жайлар мен автотұрақ орындарын сатамыз деген желеумен азаматтардан қолма-қол ақша алған және қаражатты жеке шоттарына аудартқан. Барлығы 51 жәбірленушіге 3 млрд теңгеден астам залал келтірілген.
Сонымен қатар, сот сотталушылардың жалған сатып алу-сату шарттары арқылы ЖШС қаражатын жымқырғанын анықтады. Клиенттерден алынған 3 млрд теңгеден астам қаражат компанияның есепшотына түспеген. Соның салдарынан ЖШС-ге де аса ірі көлемде залал келтірілген.
Сотталушыларға аса ірі көлемдегі алаяқтықты ұйымдастыру және оған көмектесу, сеніп тапсырылған мүлікті ысырап ету, сондай-ақ ақпаратты жасырын алуға арналған арнайы техникалық құралдарды заңсыз сатып алу және пайдалану сияқты айыптар тағылды.
Сот мәліметіне сүйенсек, олардың кінәсі жәбірленушілер мен куәгерлердің айғақтарымен, мамандардың қорытындыларымен, жасырын тергеу әрекеттерінің материалдарымен, заттай дәлелдемелермен және істің басқа да материалдарымен дәлелденді.
Прокурор заңға сәйкес жаза тағайындауды сұрады. Залалы өтелмеген жәбірленушілер қатаң жаза тағайындауды талап етті. Сотталушылар кінәсін мойындамай, қорғаушыларымен бірге өздерін ақтауды сұрады.
Сот істің фигуранттарын 8 және 9 жылға бас бостандығынан айырып, оларға 10 жыл бойы жылжымайтын мүлікті сатуға байланысты қызметпен айналысуға тыйым салды. Үкім заңды күшіне енген жоқ.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Павлодарда жаңа туған шақалақты сату ісі бойынша үкім шығарылды
Сурет: Depositphotos
Павлодарда кәмелетке толмағандарды саудалағаны үшін кінәлі деп танылған әйелге қатысты үкім шығарылды. Прокуратураның мәлімдеуінше, күдікті жаңа туған қызын сатпақ болған.
Сот барысында анықталғандай, Түркістан қаласының 23 жастағы тұрғыны қаржылық қиындықтарға байланысты жүкті кезінде болашақ сәбиін сатуға шешім қабылдаған. Ол әлеуметтік желіде хабарландыру жариялап, қыз баланы 800 мың теңгеге сатуға келіскен.
2026 жылғы 28 наурызда күдікті Павлодар облыстық №1 перинаталдық орталығында дені сау қыз баланы дүниеге әкелген.
Прокуратураның үйлестіруімен құқық қорғау органдары жедел іс-шаралар жүргізген. Сатып алушы осы іс-шаралар аясында әрекет етіп, мәміле жасау үшін сериялық нөмірлері алдын ала тіркелген ақша пайдаланылды.
31 наурызда Павлодардағы пәтерлердің бірінде әйел жаңа туған нәрестені медициналық құжаттарымен бірге беріп, 100 мың теңге алған.
Павлодар қаласының кәмелетке толмағандардың істері жөніндегі мамандандырылған ауданаралық соты әйелді ҚР Қылмыстық кодексінің 135-бабы 1-бөлігі ("Кәмелетке толмағандар саудасы") бойынша кінәлі деп танып, бес жылға бас бостандығынан айыру жазасы тағайындады. Ол жазасын орташа қауіпсіздік мекемесінде өтейтін болады.
Бірақ, сот ҚР Қылмыстық кодексінің 74-бабы негізінде жазаны орындауды бес жылға кейінге қалдырды.
Прокуратура балаларға қатысты заңсыз мәмілелер қылмыстық жауапкершілікке әкеп соқтыратынын еске салды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Алаяқтар қазақстандықтарға Қаржы нарығын реттеу агенттігінің атынан жалған құжаттар таратуда
Қазақстан Республикасының Қаржы нарығын реттеу және дамыту агенттігі азаматтарды агенттіктің атынан деген желеумен жалған құжаттарды тарату фактілері туралы ескертеді.
Атап айтқанда, Агенттіктің азаматтарға ақшалай қаражатты қайтару рәсімі, криптовалюта биржаларында, криптоәмияндарда және банк карталары бойынша транзакцияларды тексеру, сондай-ақ ақшалай қаражатты қайтару бойынша заңды және (немесе) өзге де қызметтер көрсететін тұлғаның сенімділігін растау туралы дәйексіз ақпаратты қамтитын құжаттың таратылуы анықталды. Таратылатын құжат Агенттіктің ресми құжаты болып табылмайды, онда қамтылған ақпарат шындыққа сәйкес келмейді.
"Агенттік алаяқтық немесе өзге де операциялар нәтижесінде жоғалған ақшалай қаражатты азаматтарға қайтару жөніндегі рәсімдерді жүзеге асырмайды, сондай-ақ ақшалай қаражатты қайтару жөніндегі қызметтерді ұсынатын үшінші тұлғалардың сенімділігін растамайды",- деп атап көрсетілген хабарламада.
Осыған байланысты Агенттік азаматтарды Агенттіктің немесе басқа мемлекеттік органдардың атынан құжаттар, хаттар мен хабарламалар алған кезде қырағы болуға шақырады. Бейтаныс тұлғалардың талаптары бойынша ақшалай қаражатты аударуға, сондай-ақ дербес деректерді, банк карталарының деректемелерін, SMS-кодтарды, құпиясөздерді және өзге де құпия ақпаратты үшінші тұлғаларға беруге болмайды.
"Осындай құжаттарды, сондай-ақ ақшалай қаражатты қайтару сылтауымен комиссияларды, сақтандыру жарналарын немесе өзге де төлемдерді төлеу туралы талаптарды алған кезде төлемдерді жүзеге асырмауға және құқық қорғау органдарына жүгінуге кеңес береміз",- деп мәлім етті агенттіктен.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Шетелдік азамат Қордай арқылы киімінің астына жасырған 70 мың долларды алып өтпек болды
Сурет: ҚР ҰҚК
10 күн ішінде Қазақстаннан 645 млн теңгеден астам қаражатты заңсыз алып шығуға әрекет жасалған, деп хабарлайды ҚР Ұлттық қауіпсіздік комитетінің баспасөз қызметі.
Комитет мәліметінше, 1-10 тамыз аралығында өткізу пункттерінде осындай 70 әрекет анықталып, жалпы сомасы 645 млн теңгеден астам декларацияланбаған валюта анықталды.
Жекелеген жағдайлардың бірінде Жамбыл облысындағы "Қордай" автомобиль өткізу пунктінде шекаралық бақылау барысында шетел азаматында киімінің астына жасырылған 70 000 АҚШ доллары (32 550 000 теңге баламасында) анықталды.
Анықталған фактілер бойынша материалдар процестік шешімдер қабылдау үшін құзыретті органдарға жолданды.
ҰҚК Қазақстаннан баламасы 10 мың доллардан асатын қолма-қол шетел валютасы мен шетел валютасындағы ақша құралдарын алып шығуға тыйым салынғанын еске салды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Талдықорған маңында құм-қиыршықтас қоспасын заңсыз өндіру фактісі тоқтатылды
Сурет: Polisia.kz
Жетісу облысының күш құрылымдары Балықты өзенінің жағалауында өткізген рейд барысында полицейлер құм-қиыршықтас қоспасын заңсыз өндіру және тиеу фактісін анықтады. Оқиға орнында табиғи материалды заңсыз тиеуге қолданылған трактор мен екі жүк көлігі анықталған, - деп хабарлайды Polisia.kz.
Аталған факт бойынша қажетті материалдар жинақталып, қолданыстағы заңнамаға сәйкес қарау және тиісті шаралар қабылдау үшін Жетісу облысы бойынша экология департаментіне жолданған.
Трактор арнайы тұраққа қойылды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.