Шымкентте қыз баланы өлтірген қаскөй өмір бойына бас бостандығынан айырылды
Сурет: Depositphotos
Шымкент қаласының қылмыстық істер жөніндегі мамандандырылған ауданаралық соты қоғамда резонанс тудырған қыз баланы өлтіру ісі бойынша айыпталушыны өмір бойына бас бостандығынан айыру үкімін шығарды, деп хабарлайды агенттік тілшісі.
28 жастағы ер адам Қылмыстық кодекстің аса қатыгездікпен адам өлтіру, сталкинг және некеге тұруға мәжбүрлеу сияқты үш бабы бойынша кінәлі деп танылды. Үкім әзірге заңды күшіне енген жоқ. Ол жазасын төтенше қауіпсіздік мекемесінде өтейді, деп хабарлайды "Хабар 24".
Естеріңізге сала кетсек, Шымкентте 21 жастағы қыз көптеген пышақ жарақатынан қаза тапқан болатын. Қылмыс көшеде бейнебақылау камераларының алдында жасалған. Туыстарының айтуынша, ер адам оны ұзақ уақыт бойы аңдыған, тіпті полицияға жүгінуге тура келген. Алайда қайғылы оқиғаның алдын алу мүмкін болмады. Кейін күдікті қамауға алынды. Қылмыстан кейін президент Қасым-Жомарт Тоқаев ішкі істер министріне Шымкент қаласы Полиция департаментінің әрекеттеріне құқықтық баға беруді тапсырған болатын.
Шымкент қаласы Полиция департаментінің бастығы Нұрлан Алмасбеков пен оның бірінші орынбасары қоғамдық тәртіпті тиісінше қамтамасыз етпегені үшін қызметінен босатылып, полиция қызметкерлеріне қатысты қылмыстық іс қозғалған.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
ҰҚК Көлік министрлігінің екі шенеунігі 40 млн теңге пара алды деген күдікке ілінді
Сурет: Depositphotos
Көлік министрлігінің Автомобиль көлігі және көліктік бақылау комитеті төрағасының орынбасары мен Ақмола облысы бойынша көліктік бақылау инспекциясы басшысының орынбасары кәсіпкерлерден 40 млн теңгеден астам пара алды деген күдікке ілінді, деп хабарлады ҰҚК баспасөз қызметінен.
Тергеу мәліметтеріне сүйенсек, күдіктілер белгілі бір көлемдегі сыйақы үшін салмағы рұқсат етілген нормадан асатын жүк тиелген көліктердің кедергісіз өтуін қамтамасыз етіп келген.
Кәсіпкерлерден алынған сыйақының жалпы сомасы 40 млн теңгеден асқан. Соттың санкциясымен екі күдікті де қамауға алынды.
Бүгінде сотқа дейінгі тергеп-тексеру жүргізіліп жатыр.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Жылжымайтын мүлікке қатысты алаяқтық жасаған төрт күдікті сотталды
Сурет: ЖИ
Астанада "International Invest Company IIC" ЖШС-нің төрт қызметкерін кінәлі деп танып, оларды 8 жылдан 9 жылға дейін бас бостандығынан айыру жазасына кесілді.
35 жәбірленушінің 2,2 млрд теңгеден астам сомаға берген талап-арыздары қанағаттандырылды, деп хабарлайды Қаржылық мониторинг агенттігі.
ҚМА мәліметінше, сотталғандар сатып алу-сату шарттарын жасасудың орнына мемлекеттік тіркеуге жатпайтын әрі сатып алушыларға меншік құқығын бермейтін брондау шарттарын, кепілақы туралы келісімдер мен алдын ала шарттарды рәсімдеген.
Сату кеңсесінде ЖШС атынан әлеуетті сатып алушыларға нысандардың макеттері, техникалық паспорттар, сенімхаттар мен компанияның жылжымайтын мүлік нысандарына меншік құқығы бар дегенді растайтындай анықтамалар көрсетілген.
Азаматтарға пәтерлерді, тұрғын емес үй-жайларды және автотұрақ орындарын нарық бағасынан төмен бағаға сатып алу ұсынылып, мәмілелердің толықтай заңды екеніне сендірген.
Жәбірленушілер төлемді қолма-қол да, алаяқтық сызбаға қатысушылардың жеке шоттарына аудару арқылы да жүргізген.
Бұл операциялар "International Invest Company IIC" ЖШС-нің бухгалтерлік және банктік құжаттарында көрсетілмеген.
Бұдан бөлек, сотталғандар құрылыс салушы компанияның өз қаражатын жымқыруға бағытталған екінші алаяқтық сызбаны да іске асырған.
Олар "International Invest Company IIC" ЖШС атынан клиенттермен жалған сатып алу-сату шарттарын жасап, жылжымайтын мүлік нысандарына меншік құқығын тіркеген. Алайда сатудан түскен ақша компанияның кассасына түспеген.
Сот 35 жәбірленушінің жалпы сомасы 2,2 млрд теңгеден асатын талап арыздарын қанағаттандырды. Сондай-ақ "International Invest Company" ЖШС пайдасына 3,9 млрд теңге өндіріп алу туралы шешім шығарды.
Жәбірленушілерге жалпы құны 1,3 млрд теңге болатын 78 жылжымайтын мүлік нысаны берілді. Тағы 73 нысан адал ниетті сатып алушыларға берілді.
Үкім заңды күшіне енген жоқ.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
"Қарасора" операциясы аясында үш ай ішінде 21 тоннадан астам есірткі тәркіленді
Сурет: Depositphotos
"Қарасора - 2026" республикалық операциясы жүргізілген үш ай ішінде 21 тоннадан астам есірткі тәркіленіп, екі мыңнан астам есірткіге қатысты құқық бұзушылықтың жолы кесілген, деп хабарлайды Polisia.kz.
Операция барысында төрт ұйымдасқан қылмыстық топтың қызметі тоқтатылды. Сондай-ақ, Есірткі құрамдас өсімдіктерді өсірудің 256 фактісі тіркеліп, ондаған есірткі плантациясы жойылды.
Тұрғын үй аумақтарында есірткі құрамдас өсімдіктерді жасанды жолмен өсіруге арналған 25 фитозертхана жойылған.
"Қарасора - 2026" операциясы жалғасып жатыр.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Алматыда онлайн-казино ұйымдастырушылар құрықталды
Сурет: Бейнежазбадан скриншот
Алматыда заңсыз интернет-казинолардың жұмысын ұйымдастырған тортық заңсыз әрекеттері тоқтатылды. Ойыншылардан 16 дропперлік шотқа 110 млн теңгеден астам қаражат түскен, деп хабарлайды ҚР Қаржылық мониторинг агенттігінің баспасөз қызметінен.
Тергеу мәліметінше, күдіктілер "Olymp Casino", "Rukh Poker" және "7Kcasino" интернет-казиноларының төлем жүйесін ұйымдастырған. Оның ішінде "Rocket.do" онлайн-платформасы арқылы ойыншылардан ақша қабылдау және оны өңдеу жолға қойылған.
Схемаға қатысушылардың бірі, шетел азаматы, 200 долларға дейінгі сыйақы үшін өзінің банктік шоттарына қолжетімділік беруге дайын адамдарды іздеген. Тапқан дропперлерін Қазақстанға әкеліп, ЖСН рәсімдету үшін ХҚКО-ға ертіп барған. Одан кейін банк бөлімшелеріне апарып, шот аштырған.
Соның нәтижесінде күдікті 15 шетел азаматының банк шоттарына қол жеткізген, сондай-ақ өз шотын да пайдалануға берген. Ойыншылардан 16 дроппердің шотына түскен қаражаттың жалпы көлемі 110 млн теңгеден асып жығылады.
Күдіктілердің бірі қамауға алынды, тағы үшеуіне ешқайда кетпеу және тиісті мінез-құлық туралы қолхат түріндегі бұлтартпау шарасы қолданылды. Қылмыстық іс сотқа жолданды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қостанайда үлескерлерді алдап соққан алаяққа қатысты үкім шықты Жосықсыз құрылыс салушының әрекетінен зардап шеккен үлескерлерге келтірілген залал толық өтелді
Азаматтардың қаражатын үлестік құрылысқа тарту арқылы жасалған ірі алаяқтық ісі бойынша сот талқылауы аяқталды, деп хабарлайды Қостанай облысының прокуратурасынан.
"Сот құрылыс компаниясының басшысын алаяқтық үшін кінәлі деп танып, оған пробациялық бақылау орнатып, шартты түрде бас бостандығынан айыру жазасын тағайындады. Сонымен қатар, оған 5 жыл мерзімге құрылыс ұйымдарында басшылық қызметтерді атқаруға тыйым салынады", - деп жазылған хабарламада.
Баспасөз қызметінің мәлімдеуінше, құрылыс компаниясының басшысы тиісті рұқсат құжаттары болмаса да, екі жарым жыл бойы азаматтармен тұрғын үй сатып алу туралы шарттар жасасқан. Атап айтқанда, 2022 жылдың сәуірінен 2024 жылдың қарашасына дейін 123 миллион теңгеден астам қаражат тартылды, оны компания басшысы өз қалауы бойынша қолданып келген.
"Нәтижесінде ондаған отбасы уәде етілген баспанасыз және инвестициясыз қалды ондаған отбасы уәде етілген баспанасыз және салған қаражатынан айырылды (...) Барлық жәбірленушіге келтірілген залал толық көлемде өтелді", - деп мәлімдеді прокуратурадан.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
ҰҚК 24 қылмыстық топ мүшелерінің әрекетінің жолын кесті
Сурет: ҰҚК
Жыл басынан бері Қазақстанда 24 қылмыстық топ мүшелерінің заңсыз әрекетінің жолын кесті, деп хабарлайды Ұлттық қауіпсіздік комитетінің баспасөз қызметінен.
Операциялар еліміздің бірнеше өңірінде прокуратураның үйлестіруімен ҰҚК мен полицияның бірлесуі арқылы жүргізілді.
Бопсалау, адам ұрлау, қаруды заңсыз сақтау және басқа да ауыр қылмыстарды жасады деген күдікпен 169-дан астам адам ұсталды. Олардың арасында қылмыстық топтардың жетекшілері де бар.
Сондай-ақ, құқық қорғау органдары шекара маңында, өнеркәсіп және қоршаған ортаны қорғау салаларында қылмыстық схемаларды ұйымдастырумен байланысты заңсыз кіріс көздері анықтап, оларды жойды.
Анықталған фактілер бойынша сотқа дейінгі тергеп-тексеру жүргізіліп жатыр.
Қылмыстық-процестік кодекстің 201-бабына сәйкес ҰҚК өзге мәліметтерді жариялаған жоқ.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Жамбыл облысында қоқыстан табылған нәрестенің анасы табылды
Сурет: Depositphotos
Жамбыл облысында полицейлер Қордай ауданындағы қоқыс контейнеріне жаңа туған қыз баланы тастап кеткен 37 жастағы әйелді анықтады, деп хабарлайды КТК телеарнасы.
Нәресте Гвардейский кентіндегі қоқыс контейнерінен табылған болатын. Қыз бала ауруханаға жеткізілді. Дәрігерлердің мәліметінше, оның жағдайы тұрақты, өміріне қауіп төніп тұрған жоқ.
Жамбыл облысы полиция департаментінің ресми өкілі Гүлсара Мұхтарқұлованың айтуынша, әйел бірнеше сағат ішінде табылған.
"Әйел полиция бөліміне жеткізіліп, кінәсін мойындап жауап берді", - деп хабарлады ол.
Полиция қылмыстық іс қозғады. Қолда бар ақпаратқа сәйкес, әйелге шамамен 430 мың теңге айыппұл салынуы немесе ол 45 тәулікке дейін қамауға алынуы мүмкін.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.